بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

قاھارمان حالىق، حالىق قاھارمانى

  − جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىنان ەستەلىك

 شينحۋا اگەنتتىگىنىڭ تىلشىلەرى چىن فاڭ، جاڭ شياۋسۇڭ، حۋ جى

2020.09.10 16:47     كەلۋ قاينارى : شينجياڭ گازەتى

  حالىق سارايى قاھارمان حالىقتىڭ ۋاكىلدەرىن قارسى الدى!

  2020 - جىلى 9 - ايدىڭ 8 - كۇنى حالىق سارايىنىڭ 2 - قاباتىنداعى قوناعاسى زالىندا شىراقتار سامالاداي جارقىراپ، دۋماندى بەينەگە ەندى.

  ساعات 9دان 20 مينۋت وتكەندە، قىزۋ شاپالاق ءۇنى قوناعاسى زالىن كەرنەدى، شي جينپيڭ قاتارلى پارتيا مەن مەملەكەت باسشىلارى وسى اراعا كەلىپ، مەملەكەت وردەنىنىڭ جانە مەملەكەت داڭق اتاعىنىڭ يەگەرلەرىن، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكەلەر مەن وزات كوللەكتيۆتەردىڭ ۋاكىلدەرى سياقتىلارمەن ىستىق ىقىلاسپەن كەزدەستى.

  باس شۋجي شي جينپيڭ كوپشىلىككە قاراپ قول بۇلعاپ قۇرمەت ءبىلدىردى، 2000نان استام ماداقتالىپ - سيلانعاندار باس شۋجيگە قىزۋ شاپالاق سوقتى.

  وتكەن 8 ايدان استام ۋاقىتتا جۇڭگو ىندەتكە قارسى اتتانۋدىڭ قيان - كەسكى ۇلكەن شايقاسىن باستان كەشىرىپ، جاپالى دا ەرەسەن تاريحي ۇلكەن سىناققا توتەپ بەردى.

  وسى شايقاستا جۇڭگو حالقى اسا توزىمدىلىك تانىتتى! شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر ميلليارد 400 ميلليون جۇڭگو حالقىن باستاپ، ءومىردى بارىنەن جوعارى قويۋ ارقىلى جۇرت تىلەگىن ۇيىستىرىپ، بۇكىل ەلدىڭ كۇشى ارقىلى ەلەۋلى ىندەتپەن شايقاسىپ، ادامزاتتىڭ تاعدىرلاس ورتاق تۇلعاسى ارقىلى ۋاقىتتىق قيىندىقتى بىرگە جەڭىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ شايقاسىندا كەلەلى ستراتەگيالىق جەتىستىككە قول جەتكىزىپ، ادامزاتتىڭ اۋرۋمەن كۇرەسۋ تاريحىنداعى تاعى ءبىر ەرلىك ءىستى جاراتتى، جىر ەتەرلىك ءبىر توپ وزات تيپتەر مەن اسەرلى ىزگى ىستەر جارىققا شىقتى.

  وسى ساتتە، جۇرت وسى اراعا باس قوسىپ، ۇشان تەڭىز اڭگىمە ايتىپ، شاتىرلاتا شاپالاق سوقتى. فوتواپپاراتتار شەكسىز قىمباتتى تاريحي ساتتەردى ەستەلىككە الدى.

  كوپشىلىكپەن بىرگە سۋرەتكە ءتۇسىپ ەستەلىك قالدىرعاننان كەيىن، باس شۋجي شي جينپيڭ ورنىنان تۇرىپ، قاسىنداعى جۇڭ نانشان اكادەميكتەن: ”دەنساۋلىعىڭىز جاقسى ما؟“، - دەپ سۇرادى.

  ”جاقسى! مەن سىزدەن تاعى شايقاسقا قاتىناسۋدى وتىنەمىن، تىنىس جۇيەسى اۋرۋلارىنان جانە توسىن تۋىلاتىن الەۋمەتتىك دەنساۋلىق ساقتاۋ ۋاقيعالارىنان ساقتانۋ - تىزگىندەۋ جاعىندا ۇزدىكسىز وتان ءۇشىن كۇش - قۋاتىمدى ارناپ، مەملەكەت جۇكتەگەن اۋىر تاپسىرمانى ورىندايمىن“، - دەدى جۇڭ نانشان جاۋاپ قايتارىپ.

  ساعات 10دا جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسى حالىق سارايىنىڭ ۇلكەن زالىندا وتكىزىلە باستادى.

  جۇڭحۋا حالىق رەسپۋبليكاسىنىڭ مەملەكەت ءانى شىرقالدى، جاڭا تيپتى ايدارشا ۆيرۋس وكپە قابىنۋ ىندەتىندە قازا بولعان قۇرباندارعا جانە قايتىس بولعان باۋىرلاستارعا ءۇنسىز ازا ءبىلدىرىلدى، شي جينپيڭ قول قويعان جۇڭحۋا حالىق رەسپۋبليكاسىنىڭ ءتوراعا بۇيرىعى وقىلدى... ءبىر - بىرلەگەن ايبىندى دا سالتاناتتى كۇن ءتارتىپ جينالىس الاڭىنىڭ بەينەسىن بىرتىندەپ جوعارى ورلەۋگە كوتەردى.

  6 سىرنايشى سالت سىرنايىن شالدى، 4 قۇرمەت قاراۋىلى رەسپۋبليكا وردەنىن، مەملەكەت داڭق اتاعى مەدالىن قولدارىنا الىپ، نىق قاداممەن ءتوراعالار مىنبەسىنە شىقتى، ەكپىندى قادام حالىق سارايىنىڭ ۇلكەن زالىندا ۇزاق ۋاقىت جاڭعىردى. جۇڭحۋا حالىق رەسپۋبليكاسىنىڭ مەملەكەت وردەنىن جانە مەملەكەت داڭق اتاعىن بەرۋ سالتى باستالدى.

  اسكەري وركەستر «وتان قاھارماندارىنا قۇرمەتتى» ورىندادى. مەملەكەت وردەنىن جانە مەملەكەت داڭق اتاعىن بەرۋ سالتى ءۇشىن ارناۋلى شىعارىلعان وسى مۋزيكا بەينە سيمفونيالىق داستانداي ايبىندى دا اسقاق بولىپ، رەسپۋبليكا ىستەرىنە كورنەكتى ۇلەس قوسىپ ەڭبەڭ سىڭىرگەن ۇلگىلى تۇلعالاردى تەرەڭ سۇيىسپەنشىلىكپەن جىرلادى. مۋزيكا ءۇنى ىشىندە ”رەسپۋبليكا وردەنىنىڭ“ يەگەرى جۇڭ نانشان، ”حالىق قاھارمانى“ مەملەكەت داڭق اتاعىنىڭ يەگەرلەرى جاڭ بولي، جاڭ ديڭيۇي، چىن ۋي ىلگەرىندى - كەيىندى ءتوراعالار مىنبەسىنە شىقتى. باس شۋجي شي جينپيڭ ولارعا وردەندى، مەدالدى ءبىر - بىردەن تابىس ەتتى ءارى ولارمەن ىقىلاسپەن قول الىسىپ، قۇتتىقتادى.

  ىندەت ويران سالعان قاراڭعى تۇندە ولار جارقىراعان شۇعىلا بولدى −

  ”شىنىن قۋعاندا، مەن ءبىر اۋرۋ كورەتىن شيپاگەرمىن“.

  جۇڭ نانشان ەلىمىزدىڭ تىنىس جولى اۋرۋلارىن زەرتتەۋ سالاسىنداعى جەتەكشى تۇلعا، باتىلدىقپەن ەمدەپ، باتىلدىقپەن سويلەپ، باتىلدىقپەن جاۋاپكەرشىلىك ارقالاپ، العا قويعان ساقتانۋ - تىزگىندەۋ تاكتيكالارى مەن ساقتانۋ - ەمدەۋ شارالارى سانسىز جاندى قۇتقارىپ قالدى، سارستان جانە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بارىسىندا زور ۇلەس قوستى.

  ”مەملەكەت قاتەرگە تاپ بولعاندا، شيپاگەر − جاۋىنگەر دەمەك. ءوزىن قايىرىپ قويىپ، حالىقتىڭ ءۇمىتىن اقتادى“.

  جاڭ بولي جۇڭگوشا شيپاگەرلىكتىڭ، دارىگەرلىكتىڭ جاڭا تيپتى ايدارشا ۆيرۋس وكپە قابىنۋىنان قۇتقارۋ - ەمدەۋگە تۇتاس بارىس بويىنشا كىرىسۋىنە جەتەكشىلىك ەتىپ، باسقارىپ، زەرتتەپ جاساعان جۇڭگوشا، باتىسشا شيپاگەرلىك بىرلەستىرىلگەن ەمدەۋ ءادىسى ”جۇڭگو جوباسىنىڭ“ جارقىن تۇيىنىنە اينالىپ، جۇڭگوشا شيپاگەرلىك، دارىگەرلىك ىستەرىن جالعاستىرۋدى، جاڭالىق اشۋدى، دامىتۋدى ىلگەرىلەتۋگە ماڭىزدى ۇلەس قوستى.

  ”مەن، ءسوز جوق، شاپشاڭ قيمىلداۋىم كەرەك، سوندا عانا ۆيرۋستىڭ قولىنان ءتىپتى دە كوپ اۋرۋلاردى قۇتقارىپ قالا الامىن“.

  جاڭ ديڭيۇي ەمدەۋدىڭ ءبىرىنشى شەبىنە تامىر تارتقان كورنەكتى ۋاكىل، بۇلشىق ەت سەمۋ اۋرۋىنا شالدىققان ناۋقاس بولسادا ىندەت كەزىندە ەشتەڭەدەن تايىنباي، اتويلاپ الدا ءجۇرىپ، اجالعا اراشاشى، جارالىعا مەدەت بولىپ، حۋبەيدى قورعاۋ شايقاسىنىڭ، ۋحاندى قورعاۋ شايقاسىنىڭ جەڭىسىنە قول جەتكىزۋدە كەلەلى ۇلەس قوستى.

  بۇلشىق ەت سەمۋ اۋرۋىنا شالدىققان جاڭ ديڭيۇيدىڭ قادامى ءالى دە شيراقى. باس شۋجي شي جينپيڭ ىقىلاسپەن: ”دەنساۋلىعىڭىزعا ءمان بەرىڭىز! دەنساۋلىعىڭىزدى جاقسى كۇتىڭىز“، - دەدى.

  ”وسى اسكەري كيىمدى كيگەن ەكەم، بارلىعىن مەن ىستەۋگە ءتيىستىمىن“.

  چىن ۋي بيولوگيالىق قاتەردەن ساقتانۋ - تىزگىندەۋ زەرتتەۋىمەن ۇزاق ۋاقىت شۇعىلدانعان، جاڭا تيپتى ايدارشا ۆيرۋس وكپە قابىنۋ ىندەتى توسىن تۋىلعاننان كەيىن، بۇيرىقتى ەستي سالا دەرەۋ ارەكەتتەنىپ، نەگىزدىك زەرتتەۋ، ۆاكسينا، قورعانۋ ءدارى - دارمەكتەرىن زەرتتەۋ - اشۋ جاقتارىندا كەلەلى جەتىستىككە قول جەتكىزىپ، ىندەتتەن ساقتانۋ - تىزگىندەۋگە كەلەلى ۇلەس قوستى.

  چىن ۋي اسكەري كيىم كيىپ، الدىعا شىعىپ بايسالدى تۇردە اسكەري قۇرمەت كورسەتتى. باس شۋجي شي جينپيڭ كوڭىلدەنە بىلاي دەدى: ”ءسىز ارميا ءۇشىن ەڭبەك ءسىڭىردىڭىز!“.

  پارتيا مەن حالىق ەڭ جوعارى سي - قۇرمەتتى ەڭ سۇيىكتى ادامدارعا سيلايدى −

  تۇتاس الاڭدى قىزۋ شاپالاق ءۇنى كەرنەپ، ادامداردىڭ وسكەلەڭ قۇرمەت ءبىلدىرىپ كوز تىگۋىندە مەملەكەت وردەنىنىڭ جانە مەملەكەت داڭق اتاعىنىڭ 4 يەگەرى ۇسىنىس بويىنشا ءتوراعالار مىنبەسىنە جايعاستى.

  ىلە - شالا جينالىس جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكەلەر مەن وزات كوللەكتيۆتەردى، مەملەكەتتىك تاڭداۋلى كوممۋنيستىك پارتيا مۇشەلەرى مەن مەملەكەتتىك وزات نەگىزگى ساتى پارتيا ۇيىمدارىن ماداقتاپ - سيلادى. ماداقتالىپ - سيلانعان جەكەلەردىڭ جانە كوللەكتيۆتەردىڭ ۋاكىلدەرى كەۋدەلەرىنە ۇلكەن قىزىل گۇل تاعىپ، ءتوراعالار مىنبەسىنە شىعىپ، شي جينپيڭ قاتارلى پارتيا مەن مەملەكەت باسشىلارىنىڭ قولىنان مەدال، كۋالىك، سيلىق الدى.

  تۇتاس الاڭداعىلار شاتىرلاتا شاپالاق سوعىپ، ولارعا شىنايى تىلەگىن، وسكەلەڭ قۇرمەتىن ءبىلدىردى.

  بۇل ماڭگى شۇعىلا شاشاتىن رۋحاني بايلىق −

  ”پارتيا مەن مەملەكەتتىڭ وسى اتاق - داڭقتى ءبىز سياقتى 4 ەمدەۋ قىزمەتكەرىنە بەرگەنىنە شىن جۇرەكتەن العىس ايتامىن، بۇل پارتيا مەن مەملەكەتتىڭ بارلىق ەمدەۋ - دەنساۋلىق ساقتاۋ قىزمەتكەرلەرىن تولىق تۇراقتاندىرۋى“. جۇڭ نانشان مەملەكەت وردەنىنىڭ جانە مەملەكەت داڭق اتاعىنىڭ يەگەرلەرى اتىنان لەبىز ءبىلدىردى، ”گۇلدەنگەن زاماندا جاساعانىما قۋانامىن، گۇلدەنگەن زاماننىڭ ءۇمىتىن اقتايمىن. قۇرمەت پەن اتاق - داڭق الدىندا ءبىز قاي - قاشان دا پارتيا مەن حالىقتىڭ ماڭىزدى تاپسىرماسىن ەستە بەرىك ساقتايمىز!“.

  بۇل قايتپاس قايسارلىقتىڭ اسقاق دەڭگەيى −

  بەيجيڭ شيەحى شيپاحاناسىنان كەلگەن جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكە، مەملەكەتتىك تاڭداۋلى كوممۋنيستىك پارتيا مۇشەسى ليۋ جىڭيىن ءوزىنىڭ ۋحانعا كومەككە اتتانعان ۇمىتىلماس كەشىرمەلەرىن باياندادى: ”كۇنى - ءتۇنى كۇزەتىپ وتىرعان ناۋقاستاردىڭ بىرتە - بىرتە جاقسارعانىن، ءبىر - بىرلەپ ساۋىعىپ شيپاحانادان شىعا باستاعانىن كورگەندە، كوپشىلىك قانشا جاپا تارتسادا، شارشاسادا، قانشا قينالىپ، قالجىراسادا، بارلىعى تاتيدى!“

  بۇل ەش وكىنىشسىز حالىقتىق سۇيىسپەنشىلىك −

  جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات كوللەكتيۆتەردىڭ، مەملەكەتتىك وزات نەگىزگى ساتى پارتيا ۇيىمدارىنىڭ ۋاكىلى، حۋبەي ولكەسى ۋحان قالاسى چيڭحىجۇي الەۋمەتتىك اۋماق پارتيا باس ياچەيكاسىنىڭ شۋجيى گۇي شياۋمەي باس شۋجي شي جينپيڭنىڭ ولاردىڭ الەۋمەتتىك اۋماعىنا كەلىپ قىزمەت تەكسەرگەن كەزدەگى تاپسىرماسىن ەسىندە بەرىك ساقتاپتى. ول بىلاي دەدى: ”ىندەت كەزىندە الەۋمەتتىك اۋماقتا تاماق جەي الماعان، ءدارى ىشە الماعان بىردە - ءبىر وتباسى، ادام بولمادى. ۋحان ’اشىلعان‘ كەزدە تۇرعىندار بالكوندا تۇرىپ «مەن جانە مەنىڭ وتانىم» ءانىن توپتىق اسقاقتاتا شىرقادى“.

  وزات جەكەلەر مەن وزات كوللەكتيۆتەردىڭ ۋاكىلدەرىنىڭ لەبىزى زالداعى ءاربىر ادامدى اسەرلەندىردى. اق حالاتتى جاۋىنگەرلەردىڭ بەتىن ماسكى بۋناپ ويىلىپ كەتكەنىن، قوس قولدارى لاس سۋعا مالىنىپ اق جەم بولعانىن، ون نەشە ساعات تاماق جەمەي، سۋ ىشپەي، تەك ءتىپتى دە كوپ ءۇمىتتى ناۋقاستارعا ارناعانىن ەستىگەن كەزدە، كوپتەگەن ادام كوزىنە جاس الدى.

  ولاردىڭ ەسىمى مەن ەڭبەگىن مەملەكەت ۇمىتپايدى، حالىق ۇمىتپايدى، تاريح ۇمىتپايدى، رەسپۋبليكانىڭ ەسكەرتكىشىنە ماڭگىلىككە ويىپ جازىلادى!

  تۇتاس زالداعى قىزۋ شاپالاق ءۇنى ىشىندە باس شۋجي شي جينپيڭ ماڭىزدى ءسوز سويلەدى.

  بۇل ىندەتكە قارسى اتتانۋ ۇلكەن شايقاسىن جان - جاقتى ەسكە ءتۇسىرۋ − توسىن تۋىلعان اۋىر ىندەت الدىندا، پارتيا ورتالىق كوميتەتى جالپى جاعدايدى ءبىر تۇتاس مەڭگەرىپ، باتىل شەشىم جاساپ، توتەنشە شارا ارقىلى توتەنشە ىسكە توتەپ بەردى؛ جۇڭگو حالقى قيىن - قىستاۋ جاعدايدى بىرگە وتكەرىپ، ەل بىرلىگىنەن بەرىك قامال تۇرعىزىپ، ىندەتتەن ساقتانۋ - تىزگىندەۋدىڭ بەرىك قورعانىس شەبىن قۇردى؛ قالىڭ ەمدەۋ قىزمەتكەرلەرى اق حالاتتى ساۋىت ەتىپ، قاسقايا قارسى اتتانىپ، باسىن ءباي تىگە وتىرىپ ءومىردى قۇتقاردى... مەملەكەتتىك ىندەتكە قارسى اتتانۋ شايقاسىنىڭ كەلەلى ستراتەگيالىق جەتىستىگىنە قول جەتكىزدى.

  بۇل ىندەتكە قارسى اتتانۋ رۋحى جونىندەگى وسكەلەڭ تۇجىرىم − ءومىردى بارىنەن جوعارى قويۋ، بۇكىل ەل بويىنشا ءبىر نيەتپەن جۇمىلۋ، باسىن ءباي تىگۋ، عىلىمعا قۇرمەت ەتۋ، تاعدىرلاس بولۋ... ىندەتكە قارسى اتتانۋ ۇلى رۋحى جۇڭحۋا ۇلتىنىڭ ۇزاق ۋاقىت قالىپتاستىرعان ەرەكشە قاسيەتىمەن جانە مادەنيەت گەنىمەن تامىرلاس، وتانشىلدىق، كوللەكتيۆشىلدىك، سوتسياليستىك رۋحتىڭ جالعاسۋى جانە دامۋى، جۇڭگو رۋحىنىڭ جاندى بەينەلەنۋى، ول ۇلت رۋحى مەن ءداۋىر رۋحىنىڭ مازمۇنىن بايىتتى.

  بۇل ىندەتكە قارسى اتتانۋ جونىندەگى تاجىريبەنى تەرەڭ قورىتىندىلاۋ − ىندەتكە قارسى اتتانۋ كۇرەسىنىڭ ۇلى امالياتى مىنانى قايتالاي دالەلدەدى: جۇڭگو كوممۋنيستىك پارتياسىنىڭ تەڭدەسسىز پارمەندى باسشىلىق قابىلەتى − قيىن - قىستاۋ كەزدەردە جۇڭگو حالقىنىڭ ەڭ سەنىمدى تىرەگى؛ جۇڭگو حالقىنىڭ قايتپاس، قايمىقپاس ەرىك - جىگەرى − العا باسۋ جولىنداعى بارلىق بوگەت، قيىندىق، قاتەرلەردى جەڭەتىن كۇش قاينارى؛ جۇڭگوشا سوتسياليزم ءتۇزىمىنىڭ كورنەكتى ابزالدىلىعى − حاۋىپ - قاتەر، سىن - سايىستارعا توتەپ بەرىپ، مەملەكەتتى جونگە سالۋ ونىمدىلىگىن جوعارىلاتۋدىڭ ءتۇبىرلى كەپىلى...

  باس شۋجيدىڭ ماڭىزدى ءسوزى تەلەۆيزور، ينتەرنەت تىكە تاراتۋ سيگنالى ارقىلى وتاننىڭ توڭىرەكتىڭ ءتورت بۇرىشىنا تارالىپ، ناق مايداندى قايتا - قايتا قىزۋ شاپالاق ءۇنى كەرنەدى.

  وسى رەتكى جينالىسقا قاتىناسۋ ءۇشىن، 72 جاستاعى جاڭ بولي ارنايى تۇردە كەۋدەسىنە پارتيا زناگىن تاقتى: ”ءبىزدىڭ جۇڭحۋا ۇلتى قاھارمان ۇلت، قيىنشىلىق بارىسىندا تولىسقان. پارتيانىڭ باسشىلىعىندا ەل بىرلىگىنەن بەرىك قامال تۇرعىزساق بولعانى، جەڭىسكە جەتپەي قويمايمىز“.

  ”شيپاگەر رەتىندە، اجالعا اراشاشى، جارالىعا مەدەت بولۋ مەنىڭ بورىشىم؛ پارتيا مۇشەسى رەتىندە، اتويلاپ الدا ءجۇرۋ مەنىڭ باس تارتۋعا كەلمەيتىن جاۋاپكەرشىلىگىم“. حۋاجۇڭ عىلىم - تەحنيكا داشۋەسى تۇڭجي مەديتسينا شۋەيۋانىنا قاراستى تۇڭجي شيپاحاناسى تىنىس جولى جانە قاتەرلى، سالماقتى اۋرۋلار ءبولىمىنىڭ مەڭگەرۋشىسى جاۋ جيانپيڭ مىنالاردى ءبىلدىردى: ”ءبىرىنشى شەپتەگى ەمدەۋ قىزمەتكەرلەرى تەز اينالعان زىرىلداۋىق سياقتى، ءاربىر ناۋقاستى قۇتقارۋعا ۇزدىكسىز قۇلشىنىس جاساۋ كەرەك“.

  ءىستىڭ وڭايىنا جۇگىرمەيتىندەر، ءسوز جوق، تابىسقا جەتەدى، قيىن ىستەن جالتارمايتىندار العا باسادى.

  جۇڭگو ينجەنەريا اكادەمياسىنىڭ ورىنباسار باستىعى ۋاڭ چىن اكادەميك مىنالاردى ءبىلدىردى: كەزەكتە ىندەت بۇكىل الەمگە لاڭ سالۋدا، ىندەتكە قارسى اتتانۋدىڭ جالپى بەتتىك جەڭىسىنە قول جەتكىزۋ ۇزدىكسىز قۇلشىنىس جاساۋدى قاجەت ەتەدى. ءبىز دالمە - ءدال ساقتانۋ - تىزگىندەۋدى ۇدايىلاندىرۋعا تاباندى بولىپ، باستان - اياق ساق بولىپ، كۇش ۇستىنە كۇش قوسىپ، داعدارىس بارىسىندا جاڭا وراي جەتىلدىرۋگە، وزگەرىس بارىسىندا جاڭا جاعداي اشۋعا شەبەر بولۋىمىز كەرەك.

  (شينحۋا اگەنتتىگىنىڭ 9 - ايدىڭ 8 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار