حاۋ حۇي:
”كەڭىستىكتەگى قورعانىس شەبىن“ مىقتاپ قورعادى
گازەتىمىزدىڭ جالپىلىق اقپارات قۇرالدارى ءتىلشىسى ما ينيڭ
2020.09.10 16:50 كەلۋ قاينارى : شينجياڭ گازەتى
”قازىر اۋەجاي قالىپتى تاسىمال تيجاراتىن جاپپاي قالپىنا كەلتىردى، جولاۋشىلار سانى مولايدى. ءبىزدىڭ قىزمەتىمىز جولاۋشىلاردى مەديتسينالىق قىزمەت وتەۋمەن قامداپ، جولاۋشىلارعا ۇشۋعا ۇيلەسۋ بويىنشا ساراپتاۋ جۇرگىزىپ، جولاۋشىلاردىڭ دەنساۋلىعىنا بار كۇشپەن كەپىلدىك ەتۋ“، - دەدى 9 - ايدىڭ 7 - كۇنى شينجياڭ اۋەجاي توبى ءۇرىمجى حالىقارالىق اۋەجايى بولىمشە سەرىكتەستىگى شۇعىل قۇتقارۋ ورتالىعى شۇعىل قۇتقارۋ پۋنكتىنىڭ ورىنباسار باستىعى حاۋ حۇي تىلشىگە.
باتىس وڭىردەگى ماڭىزدى اۋە قاتىناسى تورابى بولعان ءۇرىمجى حالىقارالىق اۋەجايى ىندەتتىڭ سىرتتان كىرۋىنەن ساقتانۋدىڭ الدىڭعى قاقپاسى بولىپ تابىلادى، ىندەت تۋىلعاندا حاۋ حۇي ىرىقتىلىقپەن شايقاسقا سۇرانۋ ءوتىنىشىن ەڭ الدىمەن تاپسىرىپ، ىندەتتەن ساقتانۋ - تىزگىندەۋدىڭ ”كەڭىستىكتەگى قورعانىس شەبىن“ كاسىپتەستەرىمەن بىرگە تاپجىلماي قورعادى.
بيىلعى كوكتەم مەرەكەسى تاسىمالى كەزىندە كەزەكشى ۇشاقتاردىڭ سانى جيىلەي ءتۇستى، وعان قوسا اياق استىنان پايدا بولعان ىندەت ءاسىلى ەمدەۋ - كۇتىمدەۋ قىزمەتكەرلەرى جەتىسپەيتىن شۇعىل قۇتقارۋ پۋنكتى ءۇشىن جىعىلعان ۇستىنە جۇدىرىق بولدى. سول كەزدە حاۋ حۇي مەكەمەگە شايقاسقا سۇرانۋ ءوتىنىشىن ءبىرىنشى بولىپ تاپسىردى. ول شايقاسقا سۇرانۋ وتىنىشىندە بىلاي دەپ جازدى: ”ىندەت الدىندا، پارتيا مۇشەلەرىنىڭ ارىنداپ الدا ءجۇرىپ، ونەگەلىك، باستاماشىلدىق كورسەتۋى ابدەن ورىندى؛ شۇعىل قۇتقارۋ پۋنكتىنىڭ ورىنباسار باستىعى بولعانىم ءۇشىن جۇمىس ورنىمنان تاپجىلماۋ قىزمەت جاۋاپكەرشىلىگىم ەسەپتەلەدى“. ول تايسالماستان الدىڭعى شەپكە اتتانىپ، شايقاس مايدانىنا باردى.
ماسكى، تۇيىق كوزىلدىرىك، قورعانۋ كيىمى باستى بەلگىگە اينالدى. ءار رەت ۇشاق قونعان سايىن حاۋ حۇي جانە ونىڭ كاسىپتەستەرى ساقاداي سايلانىپ، ۇشاق باسپالداعىمەن ۇشاق بولمەسىنە كىرىپ، جولاۋشىلاردىڭ دەنە تەمپەراتۋراسىن ولشەيدى. جولاۋشىلار بولمەسىندە جولاۋشىلاردىڭ ينفورماتسياسىن ءبىر - بىرلەپ تەكسەرۋ ۋاقىتى ۇزارسا بولدى، تىمىرسىق ىستىق پەن تۇنشىعۋ ادامنىڭ تىنىسىن تارىلتىپ، بىردەمدە ءۇستى - باسىن تەر باسىپ، تۇيىق كوزىلدىرىك بۋلانىپ كەتەدى. ۇشاق بولمەسىنەن شىققان كەزدە اۋەجاي الاڭقىسىنان سوققان ىزعارلى جەل قاعازداي جۇقا قورعانۋ كيىمى مەن سۋ بولىپ كەتكەن كيىمنەن ءوتىپ، ادامدى قالشىلداتىپ توڭدىرىپ جىبەرەتىن. ءار كۇنى حاۋ حۇي ەڭ سوڭعى كەزەكشى ۇشاق كەلگەنشە تاباندىلىقپەن توساتىن. ءبىر كۇندىك قىزمەت اياقتالعاننان كەيىن كەزەك اۋىستىرعان ول تۇيىق كوزىلدىرىك پەن ماسكىسىن العان كەزدە جۇزىنە ايقىش - ۇيقىش تارتىلعان ورمەكشىنىڭ تورى ءتارىزدى قىپ - قىزىل بەدەر ءتۇسىپ، تەر مونشاقتارى شاشىن جاعالاي تامىپ تۇرادى.
حاۋ حۇي ءارقانداي ءبىر كومەسكى قاتەردى قاعىس قالدىرىپ كورگەن ەمەس، ۇشاق قىزمەتكەرلەرىمەن جانە جەردە قىزمەت وتەۋشى قىزمەتكەرلەرىمەن بىرگە ۇشاققا شىققان ادام سانىن قايتا - قايتا مۇقيات انىقتاپ، جولاۋشىلاردىڭ دەنە تەمپەراتۋراسىن قاتاڭ تەكسەرىپ، جاناسۋ تاريحىن جانە ەپيدەميولوگيالىق اۋرۋ تاريحى بار - جوعىن ەگجەي - تەگجەيلى سۇراپ ۇعىسىپ، ەرتە تۇجىرىم جاسايدى.
حاۋ حۇي اۋەجاي قىزمەتكەرلەرىنە، جولاۋشىلارعا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ شارالارىن ۇنەمى ەرىنبەي - جالىقپاي ۇگىتتەپ، الدىن الۋ بىلىمدەرىن ءتۇسىندىرىپ، ءناسيحات ايتىپ، كوڭىلدەرىن ورنىقتىرىپ وتىردى. ءار رەت ىندەتتەن ساقتانۋ اداقتاپ تەكسەرۋ قىزمەتىن تۇسىنبەگەن، كەيىگەن، قارسىلاسقان جولاۋشىلارعا جولىققان شاقتا ول ۇنەمى سابىرلىلىقپەن ءتۇسىندىردى. ول ىندەتتەن ساقتانۋ - تىزگىندەۋ قىزمەتىنىڭ ەڭ جاڭا تالاپتارى مەن بىلىمدەرىن دەر كەزىندە ۇيرەنىپ، ساقتانۋ - تىزگىندەۋ اداقتاۋ قىزمەتى بارىسىنداعى ولقىلىقتاردى قورىتىندىلاپ، اۋەجايدىڭ ىندەتتەن ساقتانۋ - تىزگىندەۋ قىزمەتىنە زەرتتەۋ جۇرگىزۋ، تۇجىرىم جاساۋ، ورنالاستىرۋ جاساۋىن نەگىزگى ماتەريالمەن قامدادى. ونىڭ توقتاۋسىز ىزدەنىپ، قورىتىندىلاپ شىققان ادامداردى تۇرگە ايىرىپ ينفورماتسيا جيناۋ قىزمەتى ءادىسى سارالاۋ، تىزىمدەۋ ونىمدىلىگىن جوعارىلاتىپ، جولاۋشىلاردى بىتىراتۋ قارقىنىن تەزدەتىپ، ىندەتتىڭ تارالۋ قاتەرىن ءونىمدى تومەندەتتى.
ىزعىرىق جەلدە زال، اۋەجاي الاڭقىسى، جولاۋشىلار بولمەسى جانە اۋە تەرمينالى اراسىندا تىنىم تاپپايتىن حاۋ حۇيدىڭ تۇيىق كوزىلدىرىگىنىڭ ار جاعىنان قايسار دا نۇرلى قوس جانارى شوقتانادى. ول ىندەت الدىندا، ۇنەمى حاۋىپ - قاتەردى وزىنە تاستاپ، حاۋىپسىزدىكتى وزگەلەرگە سيلادى، ادام سانى ەڭ كوپ، ءتۇيىندى وڭىرلەردەن ۇشىپ كەلگەن كەزەكشى ۇشاقتارعا ىرىقتىلىقپەن تەكسەرۋ جۇرگىزىپ، دەنە تەمپەراتۋراسى جوعارىلاعان قاتەرى زور جولاۋشىلاردى ەمدەدى. ول قىزمەتتەستەرىن ىندەتتەن ساقتانۋ جاتتىعۋىنا كەز كەلگەن ۋاقىتتا تەگىس ۇيىمداستىرىپ، قورعانۋ كيىمىن كيۋ - شەشۋ، قول جۋۋدىڭ 7 ءتۇرلى ءادىسى سياقتى اتقارۋ ولشەمدەرىنە ءار ۋاقىت تەكسەرۋ جۇرگىزىپ، ءاربىر كاسىپتەسىنىڭ ولشەمدى ارەكەت باعدارلاماسىن تولىق مەڭگەرۋىنە شىنايى كەپىلدىك ەتىپ، بىردە - بىرەۋىنە ىندەت جۇقتىرمادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
