بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

سۇراپىل شايقاستا قامال الىپ، ەرلىكپەن العا تارتتى

− بۇكىل رايوننىڭ ىندەتتەن ساقتانۋ - تىزگىندەۋدەن قامال الۋ شايقاسى شەشۋشى جەڭىسكە جەتكەندىگى بايلانىسىمەن

2020.09.10 16:52     كەلۋ قاينارى : شينجياڭ گازەتى

  گازەتىمىز رەداكسياسى

  بۇل ءبىر ەرەكشە ماشاقاتتى شايقاس!

  بۇل ءبىر بارلىق كۇش - قۋاتتى جۇمىلدىرعان شايقاس!

  بۇل ءبىر ەل بىرلىگىنەن بەرىك قامال تۇرعىزىلعان شايقاس!

  7 - اي شينجياڭنىڭ ەڭ كورىكتى مەزگىلى، تاۋ - وزەننىڭ كوركى اسىپ، جەمىس - جيدەكتىڭ حوش ءيىسى اڭقىپ، ساياحاتشىلار قايشالىسىپ، بارلىق جەر اسەم كورىنىسىمەن ادامدى باۋرايتىن مەزگىل ەدى.

  ويلاماعان جەردەن، ءبىر جولعى جاڭا تيپتى ايدارشا ۆيرۋس وكپە قابىنۋ ىندەتى توسىننان تاپ بەردى − 7 - ايدىڭ 15 - كۇنى ۇرىمجىدە تىڭنان ارتقان دياگنوزى تۇراقتاندىرىلعان ءبىر ناۋقاس، اۋرۋ بەلگىسى جوق 3 جۇعىمدالۋشى مالىمدەلىپ، شينجياڭنىڭ ءۇرتىس 148 كۇن بويى تىڭنان ارتقان دياگنوزى تۇراقتاندىرىلعان ناۋقاس جوق بولۋ رەكوردى شورت توقتادى.

  ءبىر ناۋقاس، 6 ناۋقاس، 17 ناۋقاس، 30 ناۋقاس، 46 ناۋقاس... ءۇرىمجى مالىمدەگەن تىڭنان ارتقان دياگنوزى تۇراقتاندىرىلعان ناۋقاس سانى كۇرت ورلەدى!

  بۇل ءبىر رەتكى داعدارىس، ونان دا ماڭىزدىسى، ۇلكەن سىناق ەدى! جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ ماڭىزدى ساتىندە، شينجياڭ جاڭا تيپتى ايدارشا ۆيرۋس وكپە قابىنۋ ىندەتىنىڭ قاتاڭ سىنىنا تاعى ءبىر رەت ءدوپ كەلدى.

  ءومىر تايشان تاۋىنان دا قادىرلى! ىندەت − بۇيرىق! ساقتانۋ - تىزگىندەۋ − جاۋاپكەرشىلىك! اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جەدەل ارەكەتتەنىپ، ەگجەي - تەگجەيلى ورنالاستىرۋ جاساپ، عىلمي ساقتانىپ، جونگە سالىپ، دالمە - ءدال شارا قولداندى...

  بۇكىل رايون جوعارىدان تومەنگە دەيىن ءبىر نيەتپەن كۇش قوسىپ، كۇندىز - ءتۇنى سۇراپىل شايقاس جۇرگىزىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ شەشۋشى جەڭىسىنە قول جەتكىزدى − 9 - ايدىڭ 7 - كۇنى رايونىمىزدا جاڭا تيپتى ايدارشا ۆيرۋس وكپە قابىنۋىنا شالدىعىپ، دياگنوزى تۇراقتاندىرىلعان ناۋقاستار، اۋرۋ بەلگىسى جوق جۇعىمدالۋشىلار سانى تۇگەلدەي ”نولگە“ ءتۇستى.

  بۇل ىنتىماقتىڭ شايقاس جەمىسى! ونان دا ماڭىزدىسى، حالىقتىڭ ۇلى كۇشى!

  بۇل جەڭىس سىزگە ءتان، بىزگە ءتان، وسىناۋ ىرىستى مەكەندە تۇرمىس كەشىرىپ جاتقان ءاربىر ادامعا ءتان!

  اماليات مىنانى قايتالاي دالەلدەدى −

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ جەتەكشىلىگىندە، تەك بۇكىل شينجياڭداعى ءار ۇلت حالقى اناردىڭ دانىندەي تىعىز ۇيىسىپ، ءبىر نيەت، ءبىر تىلەكپەن ىنتىماقتاسىپ، ەل بىرلىگىنەن بەرىك قامال تۇرعىزسا بولعانى، جەڭبەيتىن قيىنشىلىق بولماق ەمەس، باعىندىرىلمايتىن سىن - سايىس بولماق ەمەس. وسىناۋ اسقاق ايبىندى كۇش ءبىزدى جالعاستى جەلكەن جايا تولقىن جارىپ، ۇدەرە العا تارتۋعا باستاي بەرەدى!

  (1)

  العا باسۋ جورىعىندا، كۇن شار تاراپقا نۇرىن توگەتىن ساتتەر دە، تار جول، تايعاق كەشۋلەر دە كەزىگەدى. نەعۇرلىم قيىن - قىستاۋ ساتتە، جول باستاۋشى كۇش سولعۇرلىم قاجەت.

  جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ − ءبىر رەتكى حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىق اقاۋسىزدىعىن قورعايتىن قاتاڭ كۇرەس. شينجياڭ استانا بەيجيڭنەن شالعاي بولعانىمەن، الايدا شينجياڭداعى ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىق اقاۋسىزدىعىنا شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق تەرەڭ سۇيىسپەنشىلىكپەن ءمان بەردى.

  باس شۋجي شي جينپيڭ ءۇرىمجىنىڭ ىندەتتەن ساقتانۋ، تىزگىندەۋ قىزمەتىنە ايرىقشا باسا ءمان بەردى، باس شۋجي شي جينپيڭنىڭ ماڭىزدى نۇسقاۋىن ىشكەرىلەي دايەكتىلەندىرۋ ءۇشىن، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان شينجياڭعا ارنايى كەلىپ، ىندەتتەن ساقتانۋ - تىزگىندەۋ قىزمەتىن تەكسەرىپ - زەرتتەپ، پارتيا ورتالىق كوميتەتى، مەملەكەتتىك كەڭەس اتىنان شينجياڭداعى ءار ۇلت كادرلارى مەن بۇقاراسىنا كوڭىل ءبولىپ، حال سۇرايتىندىعىن ءبىلدىردى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭداعى ءار ۇلت حالقىنا دەگەن شىنايى قامقورلىعىن الا كەلدى.

  ءبىر جاق قيىنشىلىققا تاپ بولعاندا، كوپ بولىپ كومەكتەستى. مەملەكەتتىك كەڭەس جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ىندەتتەن ساقتانۋ - تىزگىندەۋ، ەمدەۋ قۇتقارۋ - ساۋىقتىرۋ، ەپيدەميولوگيالىق تەكسەرۋ سىندى 3 ماماندار گرۋپپاسىن شينجياڭعا بارىپ جەتەكشىلىك ىستەۋگە جەدەل جىبەرىپ، 12 ولكە، قالادان نۋكلەين قىشقىلىن تەكسەرىپ - ولشەيتىن 21 اترەتتى شينجياڭعا جەدەل كومەكتەسۋگە ۇيىمداستىردى.

  جۇعىمدالۋى كۇشتى، تارالۋ جىلدامدىعى تەز، ساقتانۋ - تىزگىندەۋ قيىندىعى جوعارى توسىن تۋىلعان ىندەت الدىندا، اۆتونوميالى رايوندىق پارتكوم مەن ۇكىمەت توتەنشە جاپالى ”ىندەتتى“ جەڭۋ بورىشىن جانە جاۋاپكەرشىلىگىن ۇستىنە ارقالادى.

  − يدەيا مەن ارەكەتتى پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جونىندەگى شەشىمدەرىمەن، ورنالاستىرۋلارىمەن بىرلىككە كەلتىردى؛

  − حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويدى؛

  − ىندەتتەن ساقتانۋ - تىزگىندەۋدى قازىرگى ەڭ ماڭىزدى، ەڭ كوكەي تەستى مىندەت ەتتى.

  دەر كەزىندە، كەسكىن تۇردە ”ۋاقىتشا كىدىرىس كىنوپكاسىن“ باسىپ، ىندەتتىڭ تارالۋ، ءورشۋ جولىن ەڭ جوعارى شەكتە توستى.

  اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى سان مارتە اشىلدى، 10 رەتتەن استام بەينە ەكران ءماجىلىسى اشىلدى، 20 رەتكە جۋىق ءجيى تەكسەرىپ - زەرتتەۋ جۇرگىزىلدى، اۆتونوميالى رايوندىق پارتكوم مەن ۇكىمەت پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ”ءتورت ەرتە بولۋدى“ قاتاڭ تياناقتاندىرۋدى، ”ءتورت جاقتىڭ“ جاۋاپكەرشىلىگىن كۇشەيتۋدى تالاپ ەتىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋدى قايتا - قايتا باسا دارىپتەدى!

  ىندەت ورتتەي لاپىلداسا، اسكەري بۇيرىق تاۋداي سالماعىمەن بۇلتارتقىسىز بولدى.

  ىندەتتەن ساقتانۋ - تىزگىندەۋدەن قامال الۋدا جالپى حالىق ات سالىسقان ءبىر رەتكى شايقاس جەدەل باستالدى.

  ىس - تۇتەكسىز بولعانىمەن، ”شايقاس“ مەن مۇندالايدى؛ زەڭبىرەك ءۇنى ەستىلمەگەنىمەن، ”اتويلاعان داۋىس“ قۇلاققا ۇرىلدى.

  قۇتقارۋ - ەمدەۋ جاعدايى قالاي؟ ساقتانۋ - تىزگىندەۋ تياناقتاندىرىلدى ما؟ ”حابارلاندىرۋ جىبەرمەي، الدىن الا ەسكەرتپەي، مالىمەت تىڭداماي، جولسەرىك ەرتپەي، نەگىزگى ساتىعا توتە باردى، جۇمىس ۇستىنە تىكە ءتۇستى“، اۆتونوميالى رايوننىڭ نەگىزگى باسشىلارى سوڭىنا دەيىن تۇبەگەيلى تىندىرىپ، تۇرعىندار رايونى، شوعىرلى مەديتسينالىق باقىلاۋ تۇيىندەرى، شيپاحانا سياقتى جەرلەردى كوپ رەت جاسىرىن ارالاپ قۋزاۋ - جەتەكشىلىك ەتىپ، ناق مايداندا جۇمىس جۇرگىزىپ، ماسەلەلەردى شەشتى؛ اۆتونوميالى رايونداعى ولكە دارەجەلى باسشىلار الەۋمەتتىك اۋماقتاردا تۇرىپ، ساقتانۋ - تىزگىندەۋ شارالارىنىڭ تياناقتانۋىن باقىلاپ - جەتەكشىلىك ەتىپ، ءتۇرلى ساقتانۋ - تىزگىندەۋ شارالارىن شىن مانىندە ناقتى يگەردى، ەگجەي - تەگجەيلى يگەردى، تياناقتاندىردى.

  ىندەتتەن ساقتانۋ - تىزگىندەۋ قىزمەتى جونىندەگى 35 مايدان اقپار جاريالاۋ ءماجىلىسى جۇرت كوڭىل ءبولىپ وتىرعان ماسەلەلەرگە جاۋاپ قايتارىپ، كۇدىك - كۇماننان ارىلتىپ، بۇقارانى ىندەتكە بايىپتىلىقپەن مامىلە جاساۋعا، قورعانۋ قۋاتىن كۇشەيتۋگە، كوڭىل كۇيدى ورنىقتىرىپ، سەنىمدى بەكەمدەۋگە جەتەكتەدى.

  حالىقتى بارىنەن جوعارى قويدى، ءومىردى بارىنەن جوعارى قويدى! حالىقتى وزەك ەتۋ يدەياسىن ىشكەرىلەي امالياتتا ايگىلەۋ ءبىزدىڭ وسى رەتكى ىندەتتەن ساقتانۋ - تىزگىندەۋدەن قامال الۋ شايقاسىمىزعا قۋاتتى سەنىم اتاپ، كۇش - قۋات بەردى.

  جوعارى - تومەن ءبىر نيەتتە بولعاندار جەڭەدى، ەل بىرلىگىنەن بەرىك قامال تۇرعىزعاندار ۇتادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن ۇكىمەت عىلمي دالمە - ءدال شارا قولداندى، ءار ۇلت كادر - بۇقاراسى ءبىر نيەتپەن كۇش قوسىپ، ءوزارا قارايلاسىپ، قيىندىقتارعا بىرگە توتەپ بەرۋ بارىسىندا قايسارلىقپەن العا ىلگەرىلەپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋدىڭ ايبىندى كۇش - قۋاتىن ۇيىستىردى!

  (2)

  ادام ءۇشىن ءومىر ەڭ قىمباتتى. ىندەت الدىندا، حالىقتىڭ ءومىرى تايشان تاۋىنان دا قادىرلى!

  وزىندىك قۇن ەسەپتەلمەدى، بوداۋمەن ساناسپادى. ”ىندەتپەن“ شايقاس بارىسىندا، اۆتونوميالى رايوندىق پارتكوم مەن ۇكىمەت باستان - اياق حالىقتىڭ ءومىرى مەن دەنساۋلىعىن قامتاماسىز ەتۋدى ماڭىزدىنىڭ ماڭىزدىسى ساناپ، ءىس جۇزىندىك ارەكەتتەرىمەن ”حالىق بارىنەن جوعارى، ءومىر بارىنەن جوعارى“ دەگەن بيلىك جۇرگىزۋ ۇستانىمى مەن قۇن تالپىنىسىن امالياتتا ايگىلەدى.

  ءومىردى بارىنەن جوعارى قويدى، بىردە - ءبىر جۇعىمدالۋشىنى قاعىس قالدىرمادى −

  تەكسەرۋگە تيىستىلەرىن تۇگەلدەي تەكسەردى، تەكسەرىلۋدى قالايتىنداردى تۇگەلدەي تەكسەردى. ”ءتورت ەرتە بولۋدى“ قاتاڭ تياناقتاندىرىپ، ”ەرتە بايقاۋدى“ شىن مانىندە ورىنداۋ ءۇشىن، 7 - ايدىڭ 17 - كۇنىنەن باستاپ، ءۇرىمجى قالاسى بۇكىل قالا كولەمىندە نۋكلەين قىشقىلىن تەگىن تەكسەرۋدى توپقا ءبولىپ، ءتارتىپتى ورىستەتىپ، تور جايۋ ۇلگىسىندە اداقتاپ تەكسەرۋ جۇرگىزدى.

  بىرگە كەلگەن قيىندىقتى مىڭى بىرگە كوتەردى. نۋكلەين قىشقىلىن تەكسەرۋدىڭ زور قىسىمى الدىندا، حۋبەي، سىچۋان، جياڭسۋ سياقتى 12 تۋىسقان ولكە، قالانىڭ نۋكلەين قىشقىلىن تەكسەرۋ اترەتتەرى جابدىقتارىن الىپ، سوناۋ شالعايدان كومەككە كەلدى، ءارقايسى ايماق، وبلىس، قالالاردىڭ نۋكلەين قىشقىلىن تەكسەرۋشى قىزمەتكەرلەرى شۇعىل كومەككە كەلدى. بۇل قالتقىسىز، جان قيارلىقپەن ۇلەس قوسۋ، ءوزارا قارايلاسىپ جاۋاپكەرشىلىك ارقالاۋ، جۇڭحۋا ۇلتىنىڭ جان جۇيەسىنە تەرەڭ تامىر تارتقان تۋىسقاندىق سۇيىسپەنشىلىك.

  ۋاقىتپەن جارىسىپ، كۇندى تۇنگە جالعادى. ءبىر - بىرلەگەن ۇلگى الۋ تۇيىندەرى جەدەل قۇرىلدى، توپ - توپ نۋكلەين قىشقىلىن تەكسەرۋ ۇلگىسىن الۋشى قىزمەتكەرلەر ءوز - ءوز ورنىنا جەدەل جايعاستى، ءبىر - بىرلەگەن نۋكلەين قىشقىلىن تەكسەرۋ تاجىريبەحانالارىنىڭ شامدارى سونبەدى... عىلمي ءبىر تۇتاس ورنالاستىرۋدىڭ ارقاسىندا، ءۇرىمجى قالاسىنىڭ نۋكلەين قىشقىلىن تەكسەرۋ قۋاتى كۇنىنە 800 مىڭ ادامعا (نۇسقا) جەدەل ارتتى، باسىم كوپ ساندى دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلار تۇگەلدەي نۋكلەين قىشقىلىن تەكسەرۋ، اداقتاپ تەكسەرۋ بارىسىندا بايقالدى.

  ءومىردى بارىنەن جوعارى قويدى، بىردە - ءبىر ناۋقاستان ۋاز كەشپەدى −

  ىندەتكە قارسى اتتانۋ، بەينە شايقاس جۇرگىزۋ سياقتى، ۇستەم مىعىم اسكەري كۇشتى نەگىزگى شايقاس مايدانىنا توپتاۋ قاجەت. رايونىمىز ناۋقاستاردى شوعىرلاندىرۋ، مامانداردى شوعىرلاندىرۋ، بايلىق قاينارىن شوعىرلاندىرۋ، قۇتقارۋ - ەمدەۋدى شوعىرلاندىرۋ سىندى ”ءتورتتى شوعىرلاندىرۋ“ پرينسيبىنە تاباندى بولىپ، اۆتونوميالى رايوندىق 6 - شيپاحانا نەگىزىندە، اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا ەمدەۋ قۇتقارۋ - ساۋىقتىرۋعا بەلگىلەگەن شيپاحانانى ۇيىمداستىردى.

  قۇرىشتاي اسكەري قوسىن بولمايىنشا، قاسارىسقان جاۋدى باعىندىرۋ قيىنعا سوعادى. مەملەكەت تىزگىن ۇشىمەن ەمدەۋ قۇتقارۋ - ساۋىقتىرۋ ماماندار گرۋپپاسىن جىبەردى، ۋحانداعى ىندەتكە قارسى اتتانۋدا كوپكە تانىس بولعان چيۋ حايبو، دۋ بين، جىڭ رۇيچياڭ، كاڭ يان، سونداي - اق ىندەتكە قارسى اتتانۋدا تاجىريبەسى مول 32 مامان قايتالاي سوعىس ساۋىتتارىن كيىپ، ۇرىمجىدەگى سالماقتى ناۋقاستاردى قۇتقارۋ - ەمدەۋدىڭ ءبىرىنشى شەبىنە كەلدى.

  ءمۇبادا، شايقاس بولسا، شاقىرعان زاماتتا - اق دەرەۋ جەتۋ. رايونىمىزداعى 9 ايماق، وبلىس، قالاداعى، اۆتونوميالى رايون دارەجەلى 15 ەمدەۋ قۇرىلىمىنداعى 2023 اق قالاتتى جاۋىنگەرلەر ەش قايمىقپاستان جورىققا اتتانىپ، وتباسىنداعىلارمەن سۋىت قوشتاسىپ، اۋىر مىندەت ارقالاپ العا تارتتى.

  جاڭ ليڭ مەن چىن جىڭۋىن ەرلى - زايىپتى ەكەۋى تىزىمدەلىپ، ىلگەرىندى - كەيىندى بەلگىلەگەن شيپاحاناعا كەلىپ، شيپاگەرلەردىڭ بورىشى مەن تاباندىلىعىن امالياتتا ايگىلەدى؛ ليۋ يان مەن شى شياۋحۇي ۋحانعا كومەكتەسۋگە بارعاننان باستاپ، ىلعي دا سالماقتى ناۋقاستاردى ەمدەۋ جونىندە شايقاسقا اتتانىپ، تاتۋ قۇربىلار قول ۇستاسىپ بىرگە كەلەدى؛ تاعى دا كوپتەگەن ”90 - جىلداردىڭ تۇلەكتەرى“ دە الدىڭعى شەپتەگى تىرەكتى كۇشكە اينالىپ، ءبىر - بىرلەگەن قارسى اتتانۋشىلاردىڭ بەينەسى سانسىز ادامداردىڭ كوڭىلىن تولقىتتى.

  ولار اكە، شەشە، وتاعاسى، جۇبايى، ۇل، قىزدار، ءبىراق، ىندەتتەن قۇتقارۋ - ەمدەۋدىڭ الدىڭعى شەبىندە ولاردىڭ ەمدەۋ قىزمەتكەرلەرى دەگەن ءبىر عانا سالاۋاتى بولدى. ولار تۋادا قاھارمان بولىپ تۋماعاندار، تەك تالعامنان تايسالماعاندار ەدى!

  ەڭ ساپالى بايلىق قاينارى، ەڭ سايلاۋىت كۇش بەلگىلەگەن شيپاحاناعا توپتالدى، تىرشىلىكتىڭ كۇشىن ۇيىسا وتىرىپ توبەلەرىنە كوتەرىپ، ناۋقاستاردىڭ ءومىرى، سالاماتتىلىعى ءۇشىن قۋاتتى دا پارمەندى تىرەك ازىرلەدى.

  تىرشىلىك حيكىمەتى كۇن سايىن تۋىلىپ تۇردى.

  8 - ايدىڭ 5 - كۇنى ساعات نولدەن 30 مينۋت وتكەندە، ءبىر اۋىر ناۋقاستىڭ اۋرۋ جاعدايى اياق استىنان اسقىندى. چيۋ حايبو، دۋ بين، جىڭ رۇيچياڭ جانە اۆتونوميالى رايوننىڭ ەمدەۋ قۇتقارۋ - ساۋىقتىرۋ گرۋپپاسىنداعى ماماندار ICU2 ناۋقاستار اۋماعىنا تىزگىن ۇشىمەن جەتتى. بۇلشىق ەتىن بوساتۋ، نەرۆ تىنىشتاندىرۋ، تۇتىكشە سالۋ، ورتالىق ۆەنا تۇتىكشەسىن جاساۋ... 50 مينۋتتىق ءولىم - ءومىر ارپالىسى ارقىلى ناۋقاستى قاتەردەن اراشالاپ الدى.

  4 كۇن بويى ەس - ءتۇسسىز جاتقان، كەڭىردەگىنە تۇتىكشە سالىنعان قاتەرلى ناۋقاس جوۋ مىرزا جەرگە ءتۇسىپ جۇرە الاتىن بولعان شاعىندا اسەرلەنە بىلاي دەدى: ”مەملەكەتتىڭ قۇدىرەتتى، ەمدەۋ تەحنيكاسىنىڭ وزىق بولۋىنىڭ ارقاسىندا ءومىرىم قۇتقارىلدى“. جەڭىل ناۋقاستار اۋماعىنداعى لو حانىم جۇڭگو شيپاگەرلەر مەرەكەسى كۇنى ەمدەۋ قىزمەتكەرلەرىنە باس ءيىپ قۇرمەت كورسەتىپ: ”سەندەر ماعان قول ۇشىن بەرىپ، اۋرۋدىڭ بەتىن قايتارعان جاۋىنگەرسىڭدەر“، - دەدى. ليۋ اپاي شيپاحانادان شىققاندا لو چين شيپاگەردىڭ قولىن قىسىپ تۇرىپ بىلاي دەيدى: ”ىندەتتىڭ ەرتەرەك اياقتالۋىن ءۇمىت ەتەمىن، سەندەر قورعانۋ - ساقتانۋ كيىمىن شەشسەڭدەر، مەن سەندەردىڭ بەينەلەرىڭدى كورە الار ەدىم...“ شىن جۇرەكتەن ايتىلعان وسى العىستار ەمدەۋ قىزمەتكەرلەرىنە دەگەن ەڭ جوعارى ماداق، ماراپات ەدى.

  ءار جاقتىڭ كۇشىن كەڭ كولەمدە اتتانىسقا كەلتىرىپ، كۇش سالا ءىرى ىستەردى تىندىرۋ − بۇل جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليستىك ءتۇزىمنىڭ ابزالدىعىنىڭ ارقاسى، سونداي - اق ءبىزدىڭ ىندەتتەن ساقتانۋ - تىزگىندەۋدەن قامال الۋ شايقاسىندا جەڭىسكە قول جەتكىزۋىمىزدىڭ ءتۇبىرلى كەپىلى.

  وسى رەتكى تاۋقىمەت كەزىندە شينجياڭداعى ءار ۇلت حالقى قيىن - قىستاۋ كەزدە جۇڭگو كوممۋنيستىك پارتياسىنىڭ باسشىلىعىنىڭ ەڭ ماڭىزدى كەپىل، ەڭ سەنىمدى سۇيەنىش ەكەنىن ءتىپتى دە تەرەڭ تانىپ جەتتى. ”مەن جۇڭگو كوممۋنيستىك پارتياسىنىڭ باسشىلىعىن ماڭگى قولدايمىن“، - دەدى 92 جاستاعى ءبىر ناۋقاس شيپاحانادان شىققان شاعىندا جۇرەك تولى العىسپەن.

  9 - ايدىڭ 7 - كۇنى جاڭا تيپتى ايدارشا ۆيرۋس وكپە قابىنۋىنا شالدىعىپ، دياگنوزى تۇراقتاندىرىلعان ەڭ سوڭعى 3 ناۋقاس ساۋىعىپ شيپاحانادان شىقتى، اۋرۋ بەلگىسى جوق ءبىر جۇعىمدالۋشى مەديتسينالىق باقىلاۋدان بوساتىلدى. وسى رەتكى ىندەتتە تۇتاس قۇتقارۋ - ەمدەۋ بارىسىندا بىردە - ءبىر ناۋقاس قايتىس بولمادى، بىردە - ءبىر ەمدەۋ قىزمەتكەرى جۇعىمدالمادى، ءسويتىپ، اق قالاتتى پەرىشتەلەر اسا تاماشا جەڭىستى ساندى مالىمەتتەرمەن قۇتقارۋ - ەمدەۋ قىزمەتىنە تابىستى تۇردە نۇكتە قويدى.

  (3)

  ۆيرۋسپەن كۇرەس تە ءبىر مايدان حالىق تۇرمىسىن قورعاۋ شايقاسى. حالىق تۇرمىسى ورنىقتى بولسا، ادام كوڭىلى ورنىقتى بولادى، قوعام دا ورنىقتى بولادى.

  باس شۋجي شي جينپيڭ بىلاي دەپ باسا دارىپتەگەن: ىندەت تۋىلعاندا، حالىق تۇرمىسىن قامتاماسىز ەتۋ جانە جاقسارتۋ قىزمەتىن جاقسى ىستەۋگە ونان ارى ءمان بەرۋ كەرەك.

  ىندەت كەزىندە، ۇرىمجىدەگى شاعىن اۋماقتارعا جابىق باسقارۋ جۇرگىزىلدى، ميلليونداعان قالا تۇرعىنىنىڭ كۇندەلىكتى تۇرمىسىن قامتاماسىز ەتۋدە سايىس اسا زور. ۆيرۋستىڭ تارالۋ جولىن باتىل ءۇزۋ، ىندەتتىڭ ورشۋىنەن قاتاڭ ساقتانۋمەن بىرگە، اۆتونوميالى رايوندىق پارتكوم مەن ۇكىمەت حالىقتى وزەك ەتكەن دامۋ يدەياسىنا باستان - اياق تاباندى بولىپ، بۇقارانىڭ نەگىزگى تۇرمىسىنا مۇمكىندىكتىڭ بارىنشا كەپىلدىك ەتتى.

  كوكونىس تولايىم ساتۋ بازارى، الەۋمەتتىك اۋماقتاعى كوكونىس، قوسىمشا ازىق - تۇلىكتى تىكە ساتۋ ورنى، زات اينالىم باقشاسى، سۋمەن قامداۋ، ەلەكترمەن قامداۋ كاسىپورىندارىنىڭ ءبارى ىندەتتەن ساقتانۋ - تىزگىندەۋدى مىقتى يگەرۋ العى شارتىندا قالىپتى جۇمىس جۇرگىزىپ، تۇرعىنداردىڭ وتباسىندا سۋ توقتاماۋعا، ەلەكتر ۇزىلمەۋگە، حابار - بايلانىس ۇزىلمەۋگە، زاتتىق ماتەريالدارمەن قامداۋدىڭ ۇزىلمەۋىنە شىنايى كەپىلدىك ەتىپ، ”استىق“، ”كوجە قاتىق“ قامتاماسىز ەتىلدى.

  زاتتىق ماتەريالداردى تاسىمالداۋ جاسىل ارناسىن ىركىلىسسىزدەندىردى، قامتاماسىز ەتۋ، قامداۋ كاسىپورىندار قوسىنىن قۇردى، زاپاستاعى ەتتى بەلگىلەنگەن ۋاقىتتا بوساتتى، شينجياڭنىڭ ءىشى - سىرتىنان ۇرىمجىگە كەلگەن جۇمىسكەرلەرگە تۇرمىستىق قوسىمشا قاراجات تاراتتى... ءبىر قاتار ناقتى حالىق تۇرمىسىن قامتاماسىز ەتۋ شارالارى ءار ۇلت بۇقاراسىنىڭ جۇرەگىن مەيىرگە بولەپ، ولاردىڭ وتباسىندا الاڭسىز بولۋىنا، تۇرمىسىنىڭ جايلى بولۋىنا مۇمكىندىك جاسادى.

  بۇقارا ءدارى - دارمەك ساتىپ الا الدى − ءۇرىمجى قالاسىنداعى بەلگىلەنگەن بولشەك ساتۋ ءدارى - دارمەك دۇكەندەرىنىڭ %90ى قالىپتى تيجارات جۇرگىزدى، سوزىلمالى ناۋقاس بەلگىلەنگەن بولشەك ساتۋ ءدارى - دارمەك دۇكەنىنەن 90ى كوبەيىپ، الەۋمەتتىك اۋماق قىزمەتكەرلەرى مەن ەرىكتىلەر ساتىپ الىپ ۇيلەرىنە جەتكىزىپ بەردى.

  ناۋقاستار ەمدەلە الدى − ءۇرىمجى قالاسى قۇتقارۋ - ەمدەۋگە بەلگىلەنگەن 28 شيپاحانانى اشىق جاريالاپ، جۇرەك - مي قان تامىر اۋرۋلارىنا شالدىققاندار، جۇكتى - بوسانعان ايەلدەر، بالالار، وسپە اۋرۋلارىنا شالدىققاندار سياقتى ناۋقاستاردى قالىپتى قابىلداپ، ەمدەپ، قالا تۇرعىندارىن نەگىزگى مەديتسينالىق قىزمەت وتەۋ قاجەتىن بار كۇشپەن قاناعاتتاندىردى.

  قيىنشىلىعى بار بۇقارانىڭ تۇرمىسى − حالىق ىستەرىن تولىق قامتاماسىز ەتتى، كوكونىس دورباسى جانە ەت، جۇمىرتقا، قۇس ەتى سياقتى قوسىمشا ازىق - تۇلىكتەردى بەلگىلەنگەن ۋاقىتتا تاراتىپ، ولاردىڭ قيىنشىلىق وتكەلىنەن وتۋىنە دەم بەردى.

  ....

  ءۇرىمجى قالاسى تيانشان رايونى جۇڭحۋان جولى سولتۇستىك الەۋمەتتىك اۋماعىندا 2000نان استام تۇرعىن بار، زاتتىق ماتەريالداردى جەتكىزىپ بەرۋدىڭ ”ەڭ سوڭعى 100 مەترىن“ اشۋ ءۇشىن، الەۋمەتتىك اۋماق قىزمەتكەرلەرى قاراستى اۋماقتاعى ەرەن بازارلاردان شاعىن قول ارباسىن سۇراپ اكەلىپ، جەتكىزىپ بەرۋ جىلدامدىعىن تەزدەتىپ، ”قوس قولمەن ۇلگىرە الماۋ، قايتا - قايتا جۇگىرۋ“ سياقتى قيىن ماسەلەنى شەشتى.

  سايباق رايونى ارتۇڭسۇن الەۋمەتتىك اۋماعىنىڭ تۇرعىنى ما شياۋجۋان ۇيدە جالعىز قالادى، بوسانۋىنا تاياپ قالعاندىقتان، الەۋمەتتىك اۋماق قىزمەتكەرلەرى كۇنىنە 2 رەت تەلەفون بەرىپ، الدىن الا اۆتوكولىك دايىندايدى، كوپ جاق سايكەسۋ ارقىلى ونى قاراۋعا تۋىسىن اكەلىپ، ءسابيى امان - ەسەن دۇنيەگە كەلەدى.

  شۇيموگوۋ رايونى جۇڭتاي الەۋمەتتىك اۋماعىنىڭ تۇرعىنى سۇي يۇيلين ەڭ تومەنگى تۇرمىسى قامتاماسىز ەتىلەتىن وتباسى بولاتىن، ونىڭ ۇيىندەگى توڭازىتقىش الەۋمەتتىك اۋماق اكەلىپ بەرگەن قوي ەتىنە، جۇمىرتقاعا جانە كوكونىسكە تولدى.

  ءۇرىمجى قالاسىنداعى 49 مىڭ نەگىزگى ساتى قىزمەتكەرلەرى قىرۋار جاپالى دا تىڭعىلىقتى قىزمەت ىستەپ، ءاربىر ىسكە دەيىن كوڭىل ءبولىپ، قامقورلىق جاساپ، پارتيانىڭ قامقورلىعى مەن مەيىرىن ءاربىر بۇقارانىڭ جۇرەگىنە جەتكىزىپ، ءار ۇلت بۇقاراسىنىڭ قيىندىقتى بىلەك بىرىكتىرە جەڭۋىنىڭ، ۋاقىتتىق قيىندىقتى شەشۋىنىڭ ايبىندى كۇشىن تاسقىنداتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە بەرىك بۇقارالىق نەگىز قالادى.

  ىندەت الدىندا، ىنتىماق دەگەنىمىز كۇش. ءار ۇلت بۇقاراسى جالپى تۇلعانى تانىپ، كەلەلى جاعدايمەن ساناسىپ، شايقاسقا ىرىقتىلىقپەن ات سالىستى. ىندەت كەزىندە، ءۇرىمجى قالاسىنداعى 210 مىڭ ەرىكتى الەۋمەتتىك اۋماقتا قىزمەت وتەدى. قورعانۋ كيىمىن كيىپ، ءار كۇنى سان - ساناقسىز باسپالداقتى باسىپ، تۇرمىستىق قاجەتتى بۇيىمداردى كوتەرىپ، ارقالاپ ءجۇرىپ تۇرعىنداردىڭ ۇيىنە جەتكىزدى، ەرىكتى چىن لۋدىڭ جەيدەسى ءار كۇنى قارا تەرگە مالشىندى؛ تۇرعىنداردى شيپاحاناعا جەتكىزۋ، ءدارى ساتىپ الىپ بەرۋ ءۇشىن، ەرىكتى ۋ يۇنشين ءار كۇنى قورعانۋ كيىمىن كيىپ، قورعانۋ كوزىلدىرىگىن تاعىپ، ساقاداي سايلانىپ، ءارقايسى ءىرى شيپاحانا اراسىندا جۇگىردى. بىلەگىنە قاپتاعان بورتكەن شىداتپاي قىشىتسادا، تەك كەشتە ۇيىنە قايتقان كەزدە ءدارى جاعاتىن دا، ەرتەسى شايقاسقا تاعى كىرىسىپ كەتەتىن...

  تۇرعىندار وزدىكتەرىنەن ۇيدەن شىقپاي، ىندەتتەن ساقتانۋ - تىزگىندەۋگە بەلسەندى سايكەستى. ءار كۇنگى دەنە تەمپەراتۋراسىن ولشەتەتىن كەزدە، تۇرعىن جاڭ يمين الدىن الا ەسىگىنىڭ كوزىندە توسىپ تۇراتىن، ”مەنىڭ قۇلاعىم جاقسى ەستىمەيدى، ولار ۇزاق توسىپ قالماسىن دەيمىن“؛ ءار كۇنى قوقسىق تازالاعان كەزدە، تۇرعىن لي لان اس ۇيدەن شىققان قوقسىق پەن تۇرمىستىق قوقسىقتاردى الدىن الا تۇرگە ايىرىپ دورباعا سالىپ، سىرتىن تاعى ءبىر دوربامەن قاپتايتىن، ”ولارعا باس ارتىق اۋرەشىلىك تاۋىپ بەرۋگە بولمايدى“؛ تۇرعىن گىڭ لەي الەۋمەتتىك اۋماق ءۇنحات توبىنداعى ”كوڭىل سەرگىتۋشى“، كىمنىڭ وتباسىندا كوڭىلسىز ىستەر بولسا ول بەلسەندى تۇردە كەڭەس بەرەتىن، ”ۇيدەن شىقپاۋدىڭ ءوزى ىندەتكە قارسى اتتانۋعا ۇلەس قوسۋ“...

  كوپ بولىپ كۇش سالسا ورىندالمايتىن ءىس جوق، جالپى جۇرت جۇمىلسا جەڭىسكە جەتپەيتىن ءىس جوق. ءار ۇلت بۇقاراسى ىنتىماقتاسا كۇرەس جاساپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، ەڭ قاتاڭ ساقتانۋ - تىزگىندەۋ جۇيەسىن قۇرىپ، داۋىلدان كەيىنگى ءۇمىت ۇشقىنىن لاۋلاتتى.

  (4)

  ”باتىر مايداندا سىنالار، التىن وتتا شىڭالار“. پارتيا ستيلى − پارتيا وبرازى، ۇلكەن شايقاس، ۇلكەن سىناق − پارتيالى كادرلاردىڭ ستيلىن تەكسەرەتىن سىنتاس.

  ”ءار دارەجەلى پارتيا ۇيىمدارىنىڭ جاۋىنگەر قامالدىق جانە قالىڭ پارتيالى كادرلاردىڭ اۆانگارد ۇلگىلىك رولىن تولىق ساۋلەلەندىرۋ“، ”قىزمەت ستيلىن ۇزدىكسىز جاقسارتىپ، دۇرمەككە ىلەسۋدەن، قاراپايىمداستىرۋدان باتىل ساقتانۋ“... اۆتونوميالى رايوندىق پارتكوم پارتيالى كادرلاردىڭ اناعۇرلىم قاتاڭ، اناعۇرلىم ەگجەي - تەگجەيلى، اناعۇرلىم ناقتى قىزمەت ستيلى ارقىلى ۇلكەن شايقاستا اۋەلگى ماقساتتى، بورىشتى امالياتتا ايگىلەپ، ۇلكەن سىناقتا تولىمدى جاۋاپناما تاپسىرۋ كەرەكتىگىن قايتا - قايتا باسا دارىپتەدى.

  سەڭدەي كەلگەن توسىن جاعدايعا، قاس قاققانشا دايىندىق كوردى. تۇتاس رايونداعى ءار دارەجەلى ەمدەۋ ورگاندارىنداعى 2415 نەگىزگى ساتى پارتيا ۇيىمى، 29 مىڭ 617 پارتيا مۇشەسى دەر كەزىندە وزدەرىن قالقان ەتىپ، اجالعا اراشاشى، جارالىعا مەدەت بەرۋدىڭ قۇرىش قورعانىن ورناتتى؛ ءۇرىمجى قالاسىنداعى 9000نان ارتىق پارتيا ۇيىمدارى بۇيرىقتى ەستي سالا اتتانىسقا كەلدى، 140 مىڭنان ارتىق كوممۋنيستىك پارتيا مۇشەسى ءبىرىنشى شەپكە جينالىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋدىڭ قۇرىش قامالىن ورناتتى.

  شەگىنۋگە جول جوق وسى سۇراپىل شايقاسقا ءدوپ كەلگەندە، قايراتىمىز قايدان كەلدى؟

  − باستان - اياق اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى پارتيا قۇرىلىسىن كۇشەيتۋدىڭ ماڭگىلىك تاقىرىبى ەتىپ، قالىڭ پارتيالى كادرلار ۇيرەنۋ، وي جۇگىرتۋ، امالياتتا ايگىلەۋ، ۇعىنۋ بارىسىندا ەش نارسەدەن تايسالمايتىن رۋحاني ساۋىت كيدى؛

  وسى رەتكى، ءسوزسىز، جەڭىسكە جەتپەسە بولمايتىن جورىققا اتتانۋدا، سەنىمدى قالاي توپتادى؟

  − جاڭا داۋىردەگى پارتيانىڭ ۇيىمدىق لۋشيانىن جاپپاي دايەكتىلەندىرىپ، پارتيانىڭ ۇيىمدىق قۇرىلىسىن كۇشەيتتى. قالىڭ پارتيالى كادرلار تۋى ايقىن تۇردە ساياسيدى دارىپتەپ، ”ءتورت تانىمدى“ شىنايى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءسوز جوق جەڭۋدىڭ بەرىك سەنىمىن تۇلعالادى؛وسى رەتكى ۆيرۋسپەن بولعان ولىسپەي بەرىسپەيتىن كۇرەس الدىندا، تاسقىنداعان ارىن قايدان كەلدى؟

  − نەگىزگى ساتىنىڭ نەگىزىن ۇزدىكسىز بەكەمدەپ، ءمورالدى دا دارىندى بولۋ، ءمورالدى الدىڭعى ورىنعا قويۋ، جارامدىلاردى قىزمەتكە قويۋعا تاباندى بولىپ، ءبىر توپ ىستەۋدى قالايتىن، شىنايى ىستەيتىن، ءىس تىندىراتىن پارتيالى كادرلاردى نەگىزگى ساتى قوعامىن جونگە سالۋ، كەدەيلىكتەن ارىلتۋدان قامال الۋ سياقتى ءارقايسى شايقاس شەبىندە سىننان ءوتىپ، پارتيالىقتارىن شىڭدادى، ولار ”ىندەتكە“ قارسى اتتانۋداعى تىرەكتى كۇشكە اينالدى!

  قاراڭىز! ولار جاۋىنگەر رەتىندە اجالعا اراشاشى، جارالىعا مەدەت بەرۋدىڭ شەبىندە قايتا - قايتا اتويلاپ العا شىعىپ، اككى ۆيرۋسپەن كۇرەس جاسادى −

  اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانا پارتيا ۇيىمدارىنىڭ جاۋىنگەر قامالدىق رولىن تولىق ساۋلەلەندىرىپ، 33 ۋاقىتشا پارتيا ياچەيكاسىن قۇردى. كۇنى - ءتۇنى تەكسەرۋ ءبولىمىنىڭ شامى تاڭ اتقانشا سونبەي، كلينيكالىق شيپاگەرلەردى ەڭ دالمە - ءدال تۇجىرىممەن قامداپ، ناۋقاستار ءۇشىن ەمدەۋدىڭ ەڭ جاقسى ۋاقىتىن ۇتتى، پارتيا مۇشەسى لين جىچياڭ قىزمەت ورنىنان ءبىر ايدان استام ۋاقىت تاپجىلماي، ”تەكسەرۋشى پارتيا مۇشەسى اتويشىل اترەتىن“ باستاپ، ءىس ارەكەتى ارقىلى اۆانگارد رولىن ايگىلەدى.

  بۋلانعان قورعانۋ كوزىلدىرىگىمەن ناۋقاستىڭ قان تامىرىن انىق كورۋگە قۇلشىندى، قولعاپ كيگەن قولدارى تەردەن ءبورتىپ كەتتى... حۋبەيعا كومەككە بارىپ كەلگەن سوڭ، كانديدات پارتيا مۇشەسى، حوتان ايماقتىق حالىق شيپاحاناسى باۋىر، ءوت سىرتقى اۋرۋلار ءبولىمىنىڭ سەستراسى فان مىڭ قيىنشىلىقتان تايسالماي، بەلگىلەگەن شيپاحانانىڭ سالماقتى ناۋقاستاردى باقىلاۋ بولمەسىنە شۋاق شاشىپ، ناۋقاستارعا مەيىر مەن ءۇمىت سيلادى.

  قاراڭىز! ”ولار ساياسات ۇگىتتەۋشىگە“، ”زات ساتىپ اكەلىپ بەرۋشىگە“، ”ۆيرۋستى جويۋشىعا“، ”پسيحولوگيالىق ەمدەۋشىگە“ اينالدى، الەۋمەتتىك اۋماقتىڭ ساقتانۋ - تىزگىندەۋ شەبىندە كۇندىز - ءتۇنى تولاسسىز تەر توگىپ، بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق تىزگىندەۋدىڭ شەبىن اناعۇرلىم بەكەمدەدى −

  پاناسىز قارتتاردا اياق استىنان جاعداي تۋىلسا نە ىستەۋ كەرەك؟ سايباق رايونى قۇمىل باتىس كوشەسى الەۋمەتتىك اۋماق پارتكومى وزگەلەردىڭ ورنىندا تۇرىپ وي جۇگىرتىپ، پاناسىز قارتتاردىڭ ۇيىنە شاقىرعىش اسبابىن ورناتتى. قارت تەك شاقىرعىشتى باسسا بولدى، الەۋمەتتىك اۋماق قىزمەتكەرلەرى دەرەۋ ونىڭ جانىنا جەتىپ كەلەدى. 82 جاستاعى تۇرعىن جۋ چياۋليڭ بىلاي دەدى: ”كوڭىلىمىزگە شۋاق شاشقانداي بولدى“.

  تۇرعىنداردىڭ ۇيىنە تۇرمىستىق قاجەتتى بۇيىمداردى دەر كەزىندە جەتكىزۋ ءۇشىن، تيانشان رايونى جۇڭچۋان كوشەسى وڭتۇستىك الەۋمەتتىك اۋماعى پارتيا ياچەيكاسىنىڭ شۋجيى گۇلباھار عۇپۇر ءبىر كۇندە 30 مىڭنان ارتىق قادام جول باسىپ، وكشەسى ويىلىپ قالدى.

  ماسكىنىڭ استىنداعى بۋناپ تاپقا تولعان قالجىراعان بەينەنى بالكىم ەشكىم تانىمايتىن شىعار؛ سان رەت ۆيرۋسپەن بەتپە - بەت ايقاسقان سوڭ، ءتۇن ورتاسىندا ولاردىڭ كوڭىل كۇيىندەگى قۇلازۋدى ەشكىم سەزىنە الماس! قاھارماندار، باتىرلار! تاريحتىڭ ۇلى وزەنى توقتاۋسىز اعادى، الايدا اسا بەرىك ماركسيزمشىلدەر سومداعان رۋحاني ەسكەرتكىشتەردى وشىرە المايدى، وسى توپىراققا تامعان ءار تامشى تەرگە ”قاي - قاشان دا پارتيا مەن حالىق ءۇشىن بارلىعىن قۇربان ەتۋگە دايىنبىز“ دەگەن سەرت سىڭگەن!

  ستيلى دۇرىس بولسا سالتى تۋرا بولادى، سالتى تۋرا بولسا نيەتتەس بولادى، نيەتتەس بولسا ءىس ورىندالادى. ىندەتكە قارسى اتتانۋ شايقاس مايدانىندا قالىڭ پارتيالى كادرلار قيىن - قىستاۋ كەزدە ىسكەرلىك كورسەتىپ، قيىن جاعدايدا ناعىز ەرلىك تانىتتى، پارتيانىڭ قىزىل تۋى ىندەتتەن ساقتانۋ - تىزگىندەۋدىڭ ءبىرىنشى شەبىندە اسقاق جەلبىرەدى!

  (5)

  كوركەم كورىنىسكە جەتۋ ءۇشىن، جاپالى جول جۇرەسىڭ. شۇعىلالى ورلەۋ جولىندا ءاربىر جالاما قۇزدان باتىلدىق پەن اقىل - پاراساتتىڭ بىرلەسۋى ارقىلى اسا الاسىڭ، ءارقانداي جەڭىس شىڭعا شىعۋعا كۇش - قۋات توپتايدى.

  9 - ايدىڭ 7 - كۇنىنە دەيىن رايونىمىزدا جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستار، سونداي - اق اۋرۋ بەلگىسى جوق جۇعىمدالۋشىلار تۇگەلدەي نولگە ءتۇسىپ، دياگنوزى تۇراقتاندىرىلعان 826 ناۋقاس ساۋىعىپ شيپاحانادان شىعىپ، اۋرۋ بەلگىسى جوق 238 جۇعىمدالۋشى مەديتسينالىق باقىلاۋدان بوساتىلىپ، جالپى سانى 1064 بولدى.

  جاپالى قيىندىقتاردان وتكەن جەڭىسكە جەتەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ قولداۋىندا، جەتەكشىلىك ەتۋىندە، مەملەكەتتىك دەنساۋلىق ساقتاۋ، سالاماتتىق كوميتەتى سياقتى ءارقايسى مينيسترلىك، كوميتەتتەردىڭ جانە تۋىسقان ولكە، قالالاردىڭ پارمەندى قولداۋىندا، بۇكىل رايونىمىزداعى ءار ۇلت كادرى مەن بۇقارا ەل بىرلىگىنەن بەرىك قامال تۇرعىزىپ، ىنتىماقتاسا ەرلىكپەن شايقاس جۇرگىزىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ شەشۋشى جەڭىسىنە اقىرى قول جەتكىزدى!

  بوران - شاشىننىڭ سىنىن باستان وتكەرىپ، التىن كۇز 9 - ايدا ءۇرىمجى ”قايتا باستاۋ كنوپكاسىن“ باسىپ، قايشالىسقان اۆتوموبيلدەر مەن قالىڭ جۇرت قايتا شىعىپ، جۇمىستى، ءوندىرىستى قالپىنا كەلتىرۋ اياق الىسى جەدەل ىلگەرىلەدى. بۇكىل رايونىمىزدىڭ دالا كورىنىس تۇيىندەرى جاپپاي اشىلىپ، ءوندىرىس، تۇرمىس ءتارتىبى جىلدام قالپىنا كەلدى.

  − ءۇرىمجى ەكونوميكالىق - تەحنيكالىق اشۋ رايونىنداعى (توۋتۇنحى رايونى) جولاڭ شينجياڭ زەردەلى ماشينا شەكتى سەرىكتەستىگى زەردەلى جاساۋ جۇمىسىنا بار قايراتىن جۇمساپ كىرىستى. ”بيىل 3 - توقسانداعى ساتۋ نىساناسىن ورىنداي الامىز“، - دەدى سەرىكتەستىكتىڭ ورىنباسار باس ديرەكتورى جۋ فەي تولىق سەنىممەن.

  − استىق وندىرىسىندەگى ءىرى اۋدان شونجىدا بيىلعى مول ءونىم ەگىس الاڭى قوجايىنى ۋ شيندى ەرەكشە قۋانتتى. ”3000 مۋ جەردەگى ءبيدايدىڭ ءار مۋىنان بىلتىر 580 نەشە كيلوگرام ءونىم الۋ نەگىزىندە، ءار مۋىنان ورتا ەسەپپەن 70 كيلوگرام ءونىم ارتىق الىندى، كەلەر جىلى ەگىمشىلىك كولەمىن كەڭەيتپەكشىمىن“. تيانشاننىڭ تۇستىگى مەن تەرىستىگىندەگى ەگىستىك جەر شۇرايلى القاپتارىندا كومبايىنداردىڭ گۇرىلدەگەن داۋىسىنا ىلەسە 15 ميلليون 417 مىڭ 500 مۋ جەردەگى ءبيدايدان مول ءونىم الىندى.

  اماليات شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ”حالىقتى بارىنەن جوعارى قويۋ، ءومىردى بارىنەن جوعارى قويۋ“ سىندى بيلىك جۇرگىزۋ ۇستانىمىنىڭ جەتەكتەۋىندە، مەيلى نەندەي بوران - شاشىن بولسا دا شينجياڭداعى ءار ۇلت حالقىنىڭ قيىندىقتان قامال الۋ قادامىنا بوگەت بولا المايتىندىعىن دالەلدەدى!

  باستىق تالاي داۋىلدى جول، جىگەر، قايرات جالىنداپ، استىق ۇلكەن اسۋدان دا جاتىر ءالى جول ۇزاق. كەزەكتە شينجياڭ بۇكىل ەلمەن بىرگە جاپپاي دوڭگەلەك داۋلەتتىلىككە جەتۋدىڭ شەشۋشى جەڭىسىنە قول جەتكىزۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ جانە ”13 - بەسجىلدىق“ جوبانى تابىسپەن اياقتاتۋ سىندى جاپالى مىندەتكە ءدوپ كەلىپ وتىر. العا باسۋ جولىنداعى سىن - سايىستار الدىندا ءبىزدىڭ ىندەتتىڭ ۇلكەن شايقاسىندا، ۇلكەن سىناعىندا شىڭدالعان جاۋاپكەرشىلىك ارقالايتىن باتىلدىعىمىزدىڭ، عىلمي ساقتانۋ - تىزگىندەۋ پاراساتىمىزدىڭ، ءبىر تۇتاس جوسپارلاپ تەڭ ءمان بەرەتىن ءتاسىلىمىزدىڭ، ۇيىمداستىرىپ اتقارۋ قابىلەتىمىزدىڭ شينجياڭداعى ءار ۇلت حالقىنىڭ قيىندىقتاردى جەڭىپ، قاجىرلىلىقپەن ىلگەرىلەۋىنىڭ، ۇدەرە العا تارتۋىنىڭ سەنىم قاينارى مەن كۇش - قۋات قاينارىنا اينالاتىندىعى داۋسىز!

  قيىن قامالدان اسىپ، بۇگىنگى جەڭىسكە جەتتىك! ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”العان بەتىنەن قايتپايتىن قايسارلىقپەن“، ”شەپتى المايىنشا شەگىنبەيتىن“ قايراتپەن، نەعۇرلىم قاتەرلى بولعان سايىن، سولعۇرلىم العا ۇمتىلاتىن قاجىماس قايسارلىقپەن كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزۋگە شىنايى كەپىلدىك ەتىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاپ، وتانىمىزدىڭ شينجياڭىن بارعان سايىن كوركەم ەتىپ قۇرامىز!
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار