بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شۇي شينۋىن:

ماقسارى گۇلى جايقالا اشىلىپ، اۋىلداستاردى بايىتتى

□ شينجياڭ گازەتىنىڭ جالپىلىق اقپارات قۇرالدارى ءتىلشىسى ءجازيرا نەسىپبەك

2020.09.17 14:47     كەلۋ قاينارى : شينجياڭ گازەتى

  ”بيىل سەرىكتەستىگىمىز بەيجيڭ تۇڭرىنتاڭ (توبى) شەكتى سەرىكتەستىگىمەن سەلبەستىك جاساۋدى قولعا كەلتىردى، بۇل جەرگىلىكتى ورىنداعى ماقسارىنىڭ ۇستەمە قۇنىن اناعۇرلىم جوعارىلاتادى“. ەگىنشىلەرگە كومەكتەسىپ ورگانيكالىق جەر سىپاتتاماسى جۇمىسىن ىستەدىك، ساپالى تۇقىمدى تەگىن تاراتتىق، مانەرلەۋ زاۆودىن قۇردىق، كەدەيلەردى سۇيەمەلدەۋ قورىن قۇردىق... ىلە ياچينا اۋىل شارۋاشىلىعىن دامىتۋ شەكتى سەرىكتەستىگىنىڭ القا باستىعى شۇي شينۋىننىڭ ماقسارى كاسىبىن الۋەتتەندىرۋگە بولعان كۇش - قايراتى مىعىم كورىنەدى.

  توعىزتاراۋ اۋدانىنان شىققان شۇي شينۋىننىڭ سىرتتا شارۋاشىلىق قۇرعانىنا 17 جىلدىڭ ءجۇزى بولعان ەدى. 4 جىلدىڭ الدىندا كاسىپتە تابىسقا جەتكەن ول اۋىلىنا ورالىپ، كەزدەيسوقتا شاپشالدىڭ جەرگىلىكتى ءونىمى ماقسارى مايىنىڭ ءدامىن تاتىپ، جاڭا ساۋدا ورايىن بايقايدى، ”مەنشە، بۇل ازىقتىق مايدىڭ ءدامى توتەنشە جاقسى، باعاسى دا وتە ارزان ەكەن“.

  بۇعان قىزىققان شۇي شينۋىن شاپشالعا بارىپ، ماقسارى كاسىبىنىڭ جاعدايىن ۇعىسىپ، سول جەردەگى تاۋلى وڭىردە ماقسارى ەگەتىن ەگىنشىلەردىڭ توتەنشە كوپ ەكەندىگىن، مۇنىڭ كەيبىرەۋى كەدەي وتباسى ەكەندىگىن، ءبىراق جەرگىلىكتى ورىندا ماقسارى كاسىپ تىزبەگى قالىپتاسپاعاندىعىن بايقايدى. ”مەن تاباندا وسى ارادا قالىپ قايتادان شارۋاشىلىق قۇرىپ، وزىمە دە وراي تابۋمەن بىرگە، اۋىلداستاردى تاماشا تۇرمىس كەشىرۋگە باستاۋعا بەكىدىم“. سونىمەن شۇي شينۋىن دەرەۋ ماقسارى ونىمدەرىن ارناۋلى مانەرلەيتىن سەرىكتەستىكتى تىركەۋگە الدىرادى.

  2017 - جىلى 1 - ايدا شۇي شينۋىن سەرىكتەستىكتى قۇلجا قالاسىنان 40 نەشە كيلومەتر قاشىقتىقتاعى شاپشال سىبە اۆتونوميالى اۋدانى جاعىستاي قالاشىعى جاعىستاي قىستاعىنداعى ماقسارى كاسىپ باقشاسىنا كوشىرەدى. كاسىپ باقشاسى قۇرىلعان العاشقى كەزدە جەرگىلىكتى ۇكىمەت بار كۇشپەن ساۋداگەر شاقىرادى، ءبىراق جاعراپيالىق ورنى شەت - شالعاي بولعاندىعى سەبەپتى، بۇل اراعا ىرگە تەپكەن كاسىپورىنداردىڭ قاتارى از بولادى. ”شارۋاشىلىق ىستەۋدە جاۋاپكەرشىلىك ارقالاي ءبىلۋ كەرەك. وسى ارانى ارقا سۇيەپ ماقسارى كاسىبىن دامىتقانىمىزدا جەرگىلىكتى ورىنعا جۇمىستانۋ جانە دامۋ ورايىن كوپتەپ جاراتىپ، قوعام ءۇمىتىن اقتاۋىمىز كەرەك“، - دەدى شۇي شينۋىن.

  سول جىلى كوكتەم مەرەكەسى وتىسىمەن ول ءبىر جاعىنان جابدىق ساتىپ الىپ، ءبىر جاعىنان جۇمىس عيماراتىن سالدىرىپ، سەرىكتەستىكتىڭ تەز ارادا جۇمىس جۇرگىزۋىنە مۇمكىندىك جاسادى. ەگىنشى وتباسىلارىنىڭ ماقسارى ەگۋ جاعدايىن ىشكەرىلەي ءبىلۋ ءۇشىن، ول اترەت باستاپ ەگىمشىلىك وتباسىلارىن ارالاپ، جاعىستاي قالاشىعىنىڭ 2 قىستاعىنداعى 440 وتباسىنداعى تۇرعىندارعا كومەكتەسىپ، 12 مىڭ مۋدان استام ورگانيكالىق جەرگە سىپاتتاۋ جۇمىسىن ىستەدى، مۇنىڭ ىشىندە 72 وتباسى كەدەي وتباسى بولاتىن. ورگانيكالىق جەرگە سىپاتتاما بەرىلگەننەن كەيىن، ەگىنشى وتباسىلارىنىڭ ماقسارى ساتۋ باعاسى ءوستى، سەرىكتەستىكتىڭ ساتىپ الۋ وزىندىك قۇنى ارتقانىمەن، ءبىراق ەگىنشى وتباسىلارىنىڭ كىرىستى ارتتىرۋىنا تىكەلەي مۇمكىندىك جاساۋمەن بىرگە، جاعىستاي قالاشىعى ماقسارىسىنىڭ داڭقىن شىعاردى.

  2017 - جىلى ماقسارى ساتىپ العان كەزدە شۇي شينۋىن قاتارعا تىزىلگەن ادامدار اراسىنان بويى الاسا ءبىر ادامدى كورەدى، بۇل ادامنىڭ اقيار قىستاعىنداعى كەدەي وتباسى تۇرعانباي ۇعىسباي ەكەندىگىن، ەكى اياعى اۋىر داەجەدە مۇگەدەك ەكەندىگىن ۇعىسادى. سونىمەن، شۇي شينۋىن ونىڭ ۇيىنە بارىپ جاعداي ۇعىسىپ، وعان ماقسارى ەگىپ، باعىمشىلىقپەن شۇعىلدانىپ كەدەيلىكتەن ارىلۋ جوباسىن ارناۋلى جاسايدى. بۇگىنگى كۇنى كەدەيلىك قالپاعىن الىپ تاستاعان تۇرعانبايدىڭ قالتاسى قامپيىپ، ءوزى دە رۋحتى بولا ءتۇستى.

  شۇي شينۋىن ”ادام تىرلىكتە قوعامدىق قۇنىن ىسكە اسىرۋ كەرەك. شارۋاشىلىق قۇرىپ، ءتىپتى دە كوپ ادامعا كومەكتەسۋ ءومىر قۇنىمدى ايگىلەيتىن ەڭ تاماشا ءىس، بۇكىل ىنتا - پەيىلىممەن، سۇيىسپەنشىلىكپەن ويداعىداي ىستەيمىن“، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار