شي جينپيڭ حۋناندا قىزمەت تەكسەرگەندە بىلاي دەپ باسا دارىپتەدى
جوعارى ساپالى دامۋدى ىلگەرىلەتۋدە تىڭ جول سالىپ، جاڭا داۋىردەگى جۇڭگوشا سوتسياليزمنىڭ حۋنان جاڭا تاراۋىن جازۋ كەرەك
2020.09.21 14:24 كەلۋ قاينارى : شينجياڭ گازەتى
شينحۋا اگەنتتىگىنىڭ 9 - ايدىڭ 18 - كۇنى چاڭشادان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا حۋناندا قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، ”التىنى ورنىقتىرۋ“ قىزمەتىن تىڭعىلىقتى ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، مەملەكەتتىڭ ماڭىزدى وزىق جاساۋ كاسىبىنىڭ، وزەكتى باسەكەلىك قۋاتقا يە عىلىم - تەحنيكادا جاڭالىق اشۋدىڭ، ىشكى قۇرلىقتىق وڭىرلەردىڭ رەفورما جاساۋ، ەسىك اشۋ بيىگىن كۇش سالا تۇلعالاپ، جوعارى ساپالى دامۋدى ىلگەرىلەتۋدە تىڭ جول سالىپ، جاڭا دامۋ ارناسىن قۇرۋدا جاڭا ىسكەرلىك كورسەتىپ، ورتا بولىكتەگى وڭىرلەردىڭ جەتىلۋىن جانە چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋدەگى جاڭا جاۋاپكەرشىلىكتى ايگىلەپ، جاڭا داۋىردەگى جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ حۋنان جاڭا تاراۋىن قۇلشىنا جازۋ كەرەك.
9 - ايداعى حۋناننىڭ ۇلان - قايىر دالاسىنان مول ءونىم شاتتىعى ەسەدى. 9 - ايدىڭ 16 - كۇنىنەن 18 - كۇنىنە دەيىن، شي جينپيڭ حۋنان ولكەلىك پارتكومنىڭ شۋجيى دۋ جياحاۋدىڭ، ولكە باستىعى شۇي داجىنىڭ سەرىك بولۋىمەن، ىلگەرىندى - كەيىندى چىنجوۋ، چاڭشا سياقتى جەرلەردە بولىپ، اۋىل - قىستاق، كاسىپورىن، ونەركاسىپ باقشاسى، مەكتەپتەرگە ىشكەرىلەي بارىپ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدى جوبالاۋ جونىندە تەكسەرۋ - زەرتتەۋ جۇرگىزدى.
9 - ايدىڭ 16 - كۇنى تۇستەن كەيىن، شي جينپيڭ الدىمەن چىنجوۋ قالاسى رۋچىڭ اۋدانى ۋىنميڭ ياۋزۋ اۋىلىنىڭ شاجوۋ ياۋزۋ قىستاعىندا قىزمەت تەكسەرىپ، زەرتتەۋ جۇرگىزدى. 1934 - جىلى قىزىل ارميا ۇزاق جورىق جولىندا وسى ارادان وتكەندە، ”شولاق كورپە“ سىندى اسەرلى حيكايا قالعان ەدى. شي جينپيڭ ”شولاق كورپەنىڭ جىلۋى“ ارناۋلى تاقىرىپتىق كورمە سارايىنا كەلىپ، جەرگىلىكتى ورىننىڭ نەگىزگى ساتى پارتيا قۇرىلىسىن كۇشەيتۋ، قىزىل ساياحات پەن قىزىل تاربيەنى ورىستەتۋ جاعدايىن ۇعىستى. شي جينپيڭ بىلاي دەپ اتاپ كورسەتتى: ”شولاق كورپە“ حيكاياسى جۇڭگو كوممۋنيستىك پارتياسىنىڭ حالىققا دەگەن سۇيىسپەنشىلىگى مەن حالىق ءۇشىن ىستەۋ قاسيەتىن تولىق ايگىلەدى. ۇزاق جورىق ۇستىندە ماۋ زىدۇڭ جولداس: جۇڭگو جۇمىسشىلارىنىڭ، شارۋالارىنىڭ، اسكەرلەرىنىڭ، سونداي - اق بارلىق ەڭبەكشى بۇقارانىڭ شىعار جولى كوممۋنيستىك پارتيا دارىپتەگەن سوۆەتتىك قىزىل ارميادا، ءبىز، ءسوز جوق، جەڭىسكە جەتەمىز، - دەپ اتاپ كورسەتكەن ەدى. بۇگىن ءبىز جول سەنىمىن ونان ارى بەكەمدەپ، پارتيانىڭ سەرتى مەن ۋادەسىن ىسكە اسىرىپ، حالىق بۇقاراسىمەن قيىن - قىستاۋ كۇندەردە بىرگە بولىپ، ەتەنە، تاعدىرلاس بولىپ، جاڭا داۋىردەگى ۇزاق جورىقتى ۇزدىكسىز جالعاستىرۋىمىز كەرەك.
وسىدان كەيىن شي جينپيڭ قىستاق قىزمەت وتەۋ ورتالىعىنا، ەمحاناعا بارىپ، نەگىزگى ساتىنىڭ الەۋمەتتىك قىزمەت وتەۋ قىزمەتى مەن نەگىزگى ساتىنىڭ ەمدەۋدى قامتاماسىز ەتۋ جاعدايىن ۇعىستى. ول بىلاي دەپ باسا دارىپتەدى: قىستاقتىڭ حالىق ءۇشىن قىزمەت وتەۋ ورتالىعىن نەگىزگى ساتىنىڭ جونگە سالۋ جۇيەسىنىڭ ماڭىزدى بازاسى رەتىندە ويداعىداي قۇرىپ، قىزمەت وتەۋ ىستەرىن كەمەلدەندىرىپ، بايىتىپ، حالىققا قىزمەت وتەۋ دەڭگەيىن جوعارىلاتىپ، حالىققا قىزمەت وتەۋدىڭ دالدىگى مەن ناقتى ونىمدىلىگىن كۇشەيتۋ كەرەك. اۋىل - قىستاقتى گۇلدەندىرۋدى ۇزدىكسىز ىلگەرىلەتۋدە قىستاقتا تۇراتىن ءبىرىنشى شۋجيلەردى ۇزدىكسىز تاڭداپ جىبەرىپ، نەگىزگى ساتى پارتيا ۇيىمدارىنىڭ قۇرىلىسىن كۇشەيتىپ، نەگىزگى ساتى پارتيا ۇيىمىنىڭ ساياسي ساپاسى مەن جاۋىنگەرلىك قۋاتىن جوعارىلاتۋ كەرەك.
سوڭعى جىلدارى شاجوۋ ياۋزۋ قىستاعى اۋىل - قىستاق ساياحاتىن جانە ەرەكشە ساپالى جەمىس - جيدەك ەگىمشىلىگىن زور كۇشپەن دامىتىپ، 1500 مۋلىق شاجوۋ وسى زامانعى اۋىل شارۋاشىلىعى ساياحاتىنان ۇلگى كورسەتۋ بازاسىن قۇردى. شي جينپيڭ اۆتوموبيلمەن بازاعا كەلىپ، كەدەيلەردى سۇيەمەلدەۋ كاسىپ سالاسىنىڭ دامۋ جانە كىرىستى ارتتىرۋ جاعدايىن ۇعىستى. ول بىلاي دەپ اتاپ كورسەتتى: شارۋالار سەلبەستىك كووپەراتيۆىن دامىتۋعا شابىت بەرىپ، اۋىل شارۋاشىلىعىنىڭ ۇيلەسىمدى كولەمدەگى تيجاراتىن ىلگەرىلەتىپ، شارۋالارعا عىلىم - تەحنيكالىق قىزمەت وتەۋدى كۇشەيتىپ، اۋىل شارۋاشىلىعى ونىمدەرىنىڭ ساپاسىن ءوسىرىپ، بازار باسەكەسىنە قاتىناسۋ جانە اپاتقا توتەپ بەرۋ قابىلەتىن جوعارىلاتۋ كەرەك.
شي جينپيڭ ىلە - شالا ۋىنميڭ ياۋزۋ اۋىلىنىڭ دييپيان باستاۋىش مەكتەبىنە كەلدى، اسحانانى، قويما ءۇيىن ارالاپ، وقۋشىلاردىڭ تاماعىنىڭ دايىندالۋ جانە ازىق - تۇلىك حاۋىپسىزدىگى جاعدايىن كوردى. 4 - جىلدىقتاعى ساباقتاستار يدەيا - ساياسي ساباعىن وقىپ جاتقان ەدى، باس شۋجيدىڭ كەلگەنىن كورىپ، تەڭ داۋىسپەن شي اتالارىنا سالەم بەردى. شي جينپيڭ ساباقتاستارعا بىلاي دەدى: سەندەر بۇگىن كىشكەنتاي كوشەتسىڭدەر، بولاشاقتا ۇلكەن بايتەرەك بوپ ماۋەلەيسىڭدەر، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن سەندەر جۇزەگە اسىراسىڭدار. ساباقتاستاردىڭ قىزىل گەندى جالعاستىرىپ، ءبىلىم مەن ونەردى جاقسى ۇيرەنىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامىعان سوتسياليزم قۇرىلىسشىلارى مەن ءىزباسارلارى بولىپ قۇلشىنا ءوسىپ - جەتىلۋىن ءۇمىت ەتەمىن. ءار دارەجەلى پارتكومدار مەن ۇكىمەتتەر قالىڭ نەگىزگى ساتى وقىتۋشىلارىنا كوڭىل ءبولىپ، قامقورلىق جاساپ، ەڭبەكاقى، قوعامدىق قامسىزداندىرۋ، ەمدەۋ، ۇزدىكسىز تاربيەلەۋ سياقتى ءتۇرلى ساياساتتاردى ويداعىداي تياناقتاندىرۋى كەرەك.
بيىل 52 جاستاعى قىستاق تۇرعىنى جۋ شياۋحۇڭ −”شولاق كورپە“ حيكاياسىنىڭ باس كەيىپكەرى شۇي جيەشۋدىڭ نەمەرەسى. شي جينپيڭ ونىڭ ۇيىنە كەلىپ امانداسىپ، حال سۇرادى. جۋ شياۋحۇڭ باس شۋجيگە سوڭعى جىلدارى ايەلى ەكەۋىنىڭ قىستاق ۇيىمداستىرعان كوكونىس ەگۋ، اسپازدىق ونەر سياقتى كۋرستارىنا قاتىناسىپ، ونەرلەرىنە سۇيەنىپ كەدەيلىكتەن ارىلعانىن، سونداي - اق كورىنىس وڭىرىندە حالىقتىق تۇسەلحانا اشقانىن ايتتى. شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ كۇرەس نىساناسى − حالىقتىڭ ەڭسەسىن كوتەرىپ ازات ەتىپ، جاقسى تۇرمىسقا كەنەلتۋ. بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى ماقساتىنا باستان - اياق تاباندى بولىپ، حالىقتىڭ كوركەم تۇرمىسقا دەگەن تالپىنىسىن جۇزەگە اسىرۋ جولىندا ۇزدىكسىز كۇرەسۋ كەرەك. ول جۋ شياۋحۇڭ وتباسىنىڭ قىزىل حيكايالاردى جاقسى ايتۋ، قىزىل گەندى جالعاستىرۋ جاعىندا بەلسەندى رولىن ساۋلەلەندىرۋىن ءۇمىت ەتتى.
جۋ شياۋحۇڭنىڭ ۇيىنەن اتتانعان سوڭ، شي جينپيڭ جاياۋ اياڭداپ قىستاق كەلبەتىن تاماشالادى. جاڭبىردان كەيىنگى شاجوۋ قىستاعىندا تاۋلار جاسىل جەلەك جامىلىپ، اسپان ارايعا شومدى. حاباردى ەستي سالا جەتكەن قىستاق تۇرعىندارى مەن ساياحاتشىلار ”باس شۋجي، سالەمەتسىز بە!“ دەپ الاقايلادى. شي جينپيڭ كوپشىلىككە قول بۇلعاپ قۇرمەت ءبىلدىرىپ، اۋىلداستارعا بىلاي دەدى: ”شولاق كورپە“ حيكاياسى بۇقاراعا كوممۋنيستىك پارتيانى تانىتىپ، ولارعا پارتيانى ءوز ادامىنداي سەزىندىردى. حالىق بۇقاراسى قولداپ - قۋاتتاعاندىقتان دا پارتيامىز شۇعىلالى تاريحي جولدى باسىپ، ۇلى تابىستارعا قول جەتكىزدى. شاجوۋ قىستاعى − ”شولاق كورپە“ حيكاياسى تۋىنداعان جەر، بۇگىن مەن وسى اراداعى اۋىلداستارعا ارنايى امانداسا كەلدىم. جۇڭگو كوممۋنيستىك پارتياسىنىڭ مۇشەسى رەتىندە، مەن ۇزدىكسىز تۇردە تاربيە قابىلدايمىن، سىننان وتەمىن. پارتيامىزدىڭ حالىق ءۇشىن قىزمەت وتەۋى ۇران عانا ەمەس، قايتا قاجىماس - تالماس ءىس جۇزىندىك ارەكەت. ءبىز جاپپاي دوڭگەلەك داۋلەتتى قوعام قۇرۋ الدىندا تۇرمىز، ەندىگىدە جاپپاي سوتسياليستىك وسىزاماندانعان قۇدىرەتتى مەملەكەت قۇرۋ جولىندا كۇرەس جۇرگىزىپ، بۇقارانىڭ تۇرمىسىن اناعۇرلىم باي، اناعۇرلىم باقىتتى ەتۋىمىز كەرەك.
9 - ايدىڭ 17 - كۇنى تۇستەن كەيىن شي جينپيڭ چاڭشا قالاسىندا قىزمەت تەكسەرىپ، تەكسەرۋ - زەرتتەۋ جۇرگىزدى. شانحى زەردەلى جابدىقتار جارنا شەكتى سەرىكتەستىگى − جابدىق جاساۋ سالاسىنداعى كوشباسشى كاسىپورىن، ونىمدەرى الەمدە ساتىلادى. شي جينپيڭ سەرىكتەستىكتىڭ ءوندىرىس سەحىنا كەلىپ، جابدىقتاردىڭ جاسالۋ بارىسىن كورىپ، تەحنيكانى زەرتتەۋ - اشۋ، ءوندىرۋ، جاساۋ جاعدايىن ۇعىستى، ولاردىڭ جاڭالىق اشۋ رۋحىن القادى. شي جينپيڭ بىلاي دەپ باسا دارىپتەدى: دەربەس جاڭالىق اشۋ − كاسىپورىننىڭ جانى، كاسىپورىننىڭ بوگەتتەردەن ءوتىپ، دامىپ، زورايۋىنىڭ ءتۇبىرلى نەگىزى. شەشۋشى وزەكتى تەحنيكالاردى، ءسوز جوق، ءوز قولىمىزدا مەڭگەرۋىمىز كەرەك. جاساۋ كاسىبى مەن ناقتى ەكونوميكانى تاباندىلىقپەن الۋەتتەندىرۋ، ساپالىلاندىرۋ، زورايتۋ كەرەك. ءبىز دارىپتەپ وتىرعان جاڭا دامۋ ارناسىن قۇرۋ دەگەنىمىز ەسىكتى جاۋىپ الىپ قۇرىلىس جۇرگىزۋ ەمەس، قايتا ەسىك اشۋدى ۇزدىكسىز كەڭەيتۋ.
مالانشان بەينە ەكران مادەنيەت كاسىپ باقشاسى سيفرلى بەينە ەكران جاسامپازدىعىن باستاماشى ەتىپ، 3000نان استام ءار ءتۇرلى مادەنيەت جاسامپازدىعى كاسىپورنىن شوعىرلاندىرعان. شي جينپيڭ كاسىپ باقشاسىنا كەلىپ، باقشا رايونىنىڭ كاسىپورىندارداعى پارتيا قۇرىلىسىن ورىستەتۋ جانە مازمۇندىق ءوندىرىس، تەحنيكا زەرتتەپ اشۋ، دارىندى جەتىلدىرۋ سياقتى جاعدايلار بويىنشا قىزمەت تەكسەردى . شي جينپيڭ بىلاي دەپ اتاپ كورسەتتى: مادەنيەت پەن عىلىم - تەحنيكانى توعىستىرىپ، جاڭا مادەنيەت كاسىپ كۇيىن جارىققا شىعارىپ، مادەنيەت كاسىپ سالاسى تىزبەگىن ۇزارتۋمەن بىرگە، كوپ مولشەردەگى جاسامپاز دارىندىلاردى دا شوعىرلاندىردى، بۇل ءۇمىتتى كاسىپ سالاسى، كەلەشەگى زور. ”14 - بەسجىلدىق“ مەزگىلىندەگى دامۋدى جوبالاعاندا، مادەنيەت كاسىپ سالاسىن دامىتۋعا وسكەلەڭ ءمان بەرۋ كەرەك. قوعامدىق ونىمدىلىكتى باستى ورىنعا قويۋعا تاباندى بولىپ، دۇرىس بەتالىستى مىقتاپ يگەرىپ، ادىلدىكتى ساقتاي وتىرىپ جاڭالىق اشىپ، سوتسياليستىك وزەكتى قۇن كوزقاراسىن زور كۇشپەن اسقاقتاتىپ جانە جەتىلدىرىپ، قوعامدىق ونىمدىلىك پەن ەكونوميكالىق ونىمدىلىكتىڭ ورگانيكالى بىرلىگىن قۇلشىنا جۇزەگە اسىرىپ، مادەنيەت كاسىپ سالاسىنىڭ ۇزدىكسىز اقاۋسىز دامۋىنا شىنايى كەپىلدىك ەتۋ كەرەك.
يۋەلۋ مەكتەبى چاڭشاداعى يۋەلۋ تاۋىنىڭ ەتەگىندە، حۋنان داشۋەسىنىڭ اۋلاسىندا، سولتۇستىك سۇڭ پاتشالىعى مەزگىلىندە قۇرىلعان مىڭ جىلدىق ءبىلىم ورداسى. شي جينپيڭ وسى اراعا كەلىپ قىزمەت تەكسەرىپ، تەكسەرۋ - زەرتتەۋ جۇرگىزىپ، دارىندى جەتىلدىرۋ، مادەنيەتتى جالعاستىرۋ سياقتى جاعدايلاردى ۇعىستى. مەكتەپتە شي جينپيڭ يدەيا - ساياسي ساباعىن ءوتىپ جاتقان وقىتۋشى - وقۋشىلارمەن ىقىلاستى اڭگىمەلەستى. ول بىلاي دەپ باسا دارىپتەدى: ساباقحاناداعى وقىتۋ مەن امالي وقىتۋدى ورگانيكالى ۇشتاستىرىپ، باي تاريحي مادەنيەت بايلىعىنان تولىق پايدالانىپ، جۇڭگو كوممۋنيستىك پارتياسى مەن جۇڭگو حالقىنىڭ كۇرەس تاريحىمەن تىعىز بايلانىستىرىپ، ماركسيزمدى جۇڭگوشالاندىرۋدىڭ ءماندىك قاعيداسىن جەتە ءتۇسىنىپ، تاريح پەن حالىقتىڭ نەلىكتەن جۇڭگو كوممۋنيستىك پارتياسى مەن سوتسياليزمدى تاڭداعاندىعىن جەتە ءتۇسىنىپ، ”ءتورت سەنىمدى“ ىشكەرىلەي بەكەمدەۋ كەرەك.
مەكتەپتەن شىققاندا، الاڭدا ءيىن تىرەسىپ تۇرعان وقۋشىلاردان بىركەلكى سالتاناتتى ءۇن كوتەرىلدى. شي جينپيڭ كۇلىمسىرەپ كوپشىلىككە قول بۇلعاپ قۇرمەت ءبىلدىرىپ، وقۋشىلارعا بىلاي دەدى: جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ساباقتاستار تاريحتىڭ ۇتىلامالى تاياقشاسىن قولىنا الاتىن نەگىزگى كۇش. كوپشىلىكتىڭ ءداۋىردىڭ كەلەلى مىندەتىنىڭ ۇددەسىنەن شىعىپ، جاستىق ورالدىڭ ءۇمىتىن اقتاپ، قۇلشىنا ۇيرەنىپ، دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن ورناتىپ، ءومىر جولىن جاقسى باسىپ، ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا وزدەرىنىڭ اقىل - پاراساتتارىن ارناپ، كۇش قوسۋىن ءۇمىت ەتەمىن!
9 - ايدىڭ 18 - كۇنى تۇستەن بۇرىن شي جينپيڭ حۋنان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، حۋناننىڭ قىزمەتتەردە قول جەتكىزگەن ناتيجەلەرىن تۇراقتاندىرىپ، حۋناننىڭ باي دا كورىكتى، باقىتتى جاڭا حۋنان قۇرۋ ساپارىندا جاڭا ناتيجەلەرگە قول جەتكىزۋىن ءۇمىت ەتتى.
شي جينپيڭ بىلاي دەپ باسا دارىپتەدى: قازىرگى جانە مۇنان كەيىنگى ءبىر مەزگىلدە ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇر، ءبىراق وراي مەن سىن - سايىستا جاڭا دامۋشىلىقتار مەن وزگەرىستەر بولادى. وزگەرىستى ءدال تانىپ، وزگەرىسكە عىلمي ۇيلەسىپ، وزگەرىسكە ىرىقتىلىقپەن تالپىنىپ، جوعارى ساپالى دامۋدىڭ قوزعاۋشى كۇشىن، ومىرشەڭدىك كۇشىن جانداندىرۋعا اناعۇرلىم ءمان بەرۋ، جوعارى ساپالى دامۋدىڭ جاڭا قوزعاۋشى قۋاتىن، جاڭا ارتىقشىلىعىن تۋىنداتۋعا اناعۇرلىم ءمان بەرۋ كەرەك. كاسىپ سالاسى قۇرىلىمىن جاقسارتۋدى، دارەجەسىن جوعارىلاتۋدى تارتىپپەن ىلگەرىلەتىپ، ابزال كاسىپ سالالارىن دامىتۋدى جەدەلدەتىپ، كاسىپ سالاسىنىڭ نەگىزىن پارمەندى بەكەمدەپ، كاسىپ سالاسى تىزبەگىنىڭ وسىزاماندانۋىن ىلگەرىلەتۋ كەرەك. ءونىمدى قارجى قوسۋدى كەڭەيتۋگە، تۇرعىنداردىڭ تۇتىنۋىن مولايتۋعا ءمان بەرۋ كەرەك. كاسىپ تىزبەگىن توڭىرەكتەي وتىرىپ جاڭالىق اشۋ تىزبەگىن ورنالاستىرىپ، جاڭالىق اشۋ تىزبەگىن توڭىرەكتەي وتىرىپ كاسىپ سالاسى تىزبەگىن ورنالاستىرىپ، كاسىپورىنداردىڭ تەحنيكادا جاڭالىق اشۋداعى تۇلعالىق ورنىن نىعايتىپ، جەتىستىكتەردى كادەگە جاراتۋ جانە جانداندىرۋ مەحانيزمىن كەمەلدەندىرىپ، ءوز كۇشىنە سۇيەنىپ جاڭالىق اشۋ قابىلەتىن جوعارىلاتۋ كەرەك. نىسانانى جەتەكشى ەتۋگە جانە ماسەلەنى باعدار ەتۋگە تاباندى بولىپ، اناعۇرلىم زور ەرلىكپەن، اناعۇرلىم ناقتى شارامەن تەرەڭ قاتپارلى ءتۇزىلىس مەحانيزمدىك كەدەرگىلەردى جويۋ كەرەك. مەملەكەتتىڭ ەسىك اشۋ ستراتەگياسىنا ىرىقتىلىقپەن قىزمەت ەتىپ، ”ءبىر بەلدەۋ، ءبىر جولدى“ بىرگە قۇرۋعا تەرەڭدەي توعىسىپ، سىرتقى ساۋدادا جاڭالىق اشۋدى، دامىتۋدى جەبەۋ كەرەك.
شي جينپيڭ بىلاي دەپ اتاپ كورسەتتى: اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل - قىستاقتى گۇلدەندىرۋ ستراتەگياسىن اتقارۋدى جەبەۋ كەرەك. استىق حاۋىپسىزدىگىنىڭ كەلەلى مىندەتىن مىقتاپ ارقالاپ، استىق ءوندىرىس قۋاتىن ورنىقتى جوعارىلاتىپ، ەگىستىك جەردى قورعاۋ جاۋاپكەرشىلىگىن جالپى بەتتىك ناقتىلاندىرىپ، جوعارى ولشەمدى ەگىنجاي قۇرىلىسىن ىلگەرىلەتىپ، ەگىستىك جەردى زاڭعا قايشى تۇردە يەلەپ الۋ ارەكەتتەرىن باتىل تيۋ كەرەك. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىشكەرىلەي ىلگەرىلەتىپ، ابزال ەرەكشە كاسىپ سالالارىن جەر جاعدايىنا قاراي جەتىلدىرىپ، ۇلعايتىپ، اۋىل - قىستاقتارداعى 1 -، 2 -، 3 - كاسىپ سالالارىنىڭ توعىسا دامۋىن ىلگەرىلەتۋ كەرەك. اۋىل شارۋاشىلىعى، اۋىل - قىستاق رەفورماسىن تەرەڭدەتىپ، اۋىل - قىستاقتى گۇلدەندىرۋدىڭ ىشكى قوزعاۋشى كۇشىن قاۋلاتۋ كەرەك. ”ءتورتتى توقتاتپاۋدى“ تياناقتاندىرىپ، قايتا كەدەيلەسۋدىڭ الدىن الۋدىڭ باياندى مەحانيزمىن ورناتىپ، اقاۋسىزداندىرىپ، جالپى بەتتىك كەدەيلىكتەن ارىلتۋ مەن اۋىل - قىستاقتى گۇلدەندىرۋدى ءونىمدى ۇشتاستىرۋعا ىشكەرىلەي زەرتتەۋ جۇرگىزۋ، ۇزدىكسىز ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: تۇنىق سۋ، جاسىل تاۋ باعالى بايلىق ۇستانىمىن بەرىك ورناتىپ، ەكولوگيالىق وركەنيەت قۇرىلىسىندا جاڭا ىسكەرلىك كورسەتۋ كەرەك. جاپپاي قورعاۋدى، كولەمدى اشپاۋدى تەڭ يگەرۋگە تاباندى بولىپ، دۇڭتيڭحۋ كولىنىڭ ەكولوگياسىن قورعاۋدى، قالپىنا كەلتىرۋدى جاقسى ىستەپ، چاڭجياڭنىڭ نەگىزگى، تارماق اعىندارى بويىنداعى لاستانۋدى، جاعالاۋدى، بالىق اۋلاۋدى جونگە سالۋدى ءبىر تۇتاس جوسپارلاپ ىلگەرىلەتىپ، بالىقشىلاردى باسقا كاسىپكە ويىستىرىپ ورنالاستىرۋ جانە حالىق تۇرمىسىن قامتاماسىز ەتۋ قىزمەتىن ويداعىداي ىستەۋ كەرەك. ەكولوگيالىق ورتانىڭ ساپاسىن ۇزدىكسىز جاقسارتىپ، ەكولوگيالىق ورتانى قورعاۋدىڭ جاۋاپكەرشىلىك ءتۇزىمىن تياناقتاندىرىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن باتىل، ويداعىداي جۇرگىزۋ كەرەك. تاۋ، سۋ، ورمان، اتىز، كول، جايلىم جۇيەسىن جونگە سالۋدى ءبىر تۇتاس جوسپارلاپ ىلگەرىلەتىپ، ەكولوگيالىق جۇيە يقۋاتىنىڭ تۇتاس تۇلعالىق جوعارىلاۋىن جەبەۋ كەرەك. اۋىل شارۋاشىلىعىنداعى بەتتىك لاستانۋدى جونگە سالۋدى كۇشەيتىپ، اۋىل - قىستاقتىڭ قونىس ورتاسىن رەتتەۋ - جونگە سالۋدى ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: حالىقتى وزەك ەتكەن دامۋ يدەياسىنا تاباندى بولىپ، بۇقارانىڭ ءتۇرلى ”شۇعىل، قيىن، ۋايىمداعان، كوكسەگەن“ ماسەلەلەرىن كۇش سالا جاقسى شەشۋ كەرەك. جۇمىستاندىرۋدى الدىمەن ويلاستىرۋ ساياساتىن تياناقتاندىرىپ، جوعارى مەكتەپتەردەن وقۋ تاۋىسقان وقۋشىلار، قوسىننان شەگىنگەن اسكەريلەر، شارۋا جۇمىسكەرلەر، قالا - قالاشىقتارداعى قيىنشىلىعى بار ادامدار سياقتى ءتۇيىندى قاۋىمدى جۇمىستاندىرۋ قىزمەتىن كورنەكتىلەندىرە جاقسى ىستەۋ كەرەك. پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، ونەگە ورناتىپ ادام تاربيەلەۋ ءتۇبىرلى مىندەتىن تياناقتاندىرىپ، وقۋ - اعارتۋ رەفورماسىن تەرەڭدەتىپ، سوتسياليستىك وزەكتى قۇن كوزقاراسى تاربيەسىن ءار دارەجەلى، ءار ءتۇرلى مەكتەپتەردىڭ ساباعىنا كىرگىزۋ كەرەك. نازاردى ”اۋرۋ كورسەتۋ قيىن بولۋ، اۋرۋ كورسەتۋ قىمبات بولۋ“ ماسەلەسىن شەشۋگە شوعىرلاندىرىپ، ۇكىمەت شيپاحانالارى رەفورماسىن تەرەڭدەتىپ، اۋدان دارەجەلى شيپاحانالاردىڭ ۋنيۆەرسال قابىلەتى قۇرىلىسىن كۇشەيتىپ، ولشەمدەنگەن قىستاق ەمحانالارى جانە قالا الەۋمەتتىك اۋماق دەنساۋلىق ساقتاۋ قۇرىلىمدارى قۇرىلىسىن كۇشەيتىپ، الەۋمەتتىك دەنساۋلىق ساقتاۋ جانە اۋرۋدان ساقتانۋ - تىزگىندەۋ جۇيەسىن اقاۋسىزداندىرۋ كەرەك. ۇلتتار ىنتىماعى، العاباسارلىعى ۇگىت - تاربيەسىن جاقسى ىستەپ، ءار ۇلت بۇقاراسىن دۇرىس وتان كوزقاراسىن، ۇلت كوزقاراسىن، مادەنيەت كوزقاراسىن، تاريح كوزقاراسىن ورناتۋعا جەتەكتەپ، تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەۋ جانە دامىتۋ كەرەك.
شي جينپيڭ بىلاي دەپ باسا دارىپتەدى: حۋنان ءبىر جاعىنان، قىزىل ىرىستى مەكەن، زور توپتاعى كوممۋنيستەر وسى شۇرايلى جەردە اسا اسەرلى قاھارماندىق جىرلار جازدى. قالىڭ پارتيا مۇشەلەرىن، كادرلاردى توڭكەرىستىك ءداستۇردى اسقاقتاتۋعا، قىزىل گەندى جالعاستىرۋعا تاربيەلەۋ، جەتەكتەۋ كەرەك. ءار دارەجەلى پارتيا ۇيىمدارى پارتيانىڭ ساياسي قۇرىلىسىن ماڭداي الدى ورىنعا قويىپ، قالىڭ پارتيا مۇشەلەرىن، كادرلاردى سەنىم نەگىزىن بەكەمدەۋگە، رۋح كالتسيىن تولىقتاۋعا، يدەيا تىزگىنىن مىقتى ۇستاۋعا تاربيەلەۋ، جەتەكتەۋ كەرەك. بۇقارامەن تىعىز بايلانىس ورناتىپ، نەگىزگى ساتىعا ۇنەمى بارىپ، ءىس جۇزىندىككە ىشكەرىلەي ارالاسىپ، قىزمەتتى بۇقارانىڭ كوڭىلىنەن شىعارا وتىرىپ يگەرىپ، فورماشىلدىقتى، تورەشىلدىكتى باتىل تيۋ كەرەك. ”جولبارىستى“ سوعۋعا، ”شىبىن“ قاعۋعا بىردەي تاباندى بولىپ، شىرىكتەسۋگە باتىنا المايتىن، شىرىكتەسۋگە مۇمكىندىك بولمايتىن، شىرىكتەسۋدى ويىنا المايتىن ءتۇزىلىس مەحانيزم قۇرىلىسىن بىردەي ىلگەرىلەتۋ كەرەك. كۇرەس جاساۋ رۋحىن اسقاقتاتىپ، كۇرەس جاساۋ ونەرىن كۇشەيتىپ، قاتاڭ سوعىس جۇرگىزۋگە باتىل بولىپ، جەڭىستى سوعىس جۇرگىزۋگە شەبەر بولىپ، ىستەردە جاڭا جاعدايدى ۇزدىكسىز اشۋ كەرەك.
ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
