تارىم داشۋەسىنىڭ ％70كە جۋىق وقۋ بىتىرگەن وقۋشىسى وڭتۇستىك شينجياڭعا تامىر تارتتى
2020.09.23 16:42 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى ءپاريزات ابدۇل 9 - ايدىڭ 19 - كۇنى الاردان حابارلايدى. ”وقۋ بىتىرگەننەن كەيىن، مەن وسىندا قالىپ ۇيرەنگەن كاسىپتىك بىلىمىمنەن پايدالانىپ، وڭتۇستىك شينجياڭنىڭ نەگىزگى ساتىلارىنا قىزمەت وتەۋدى ويلاستىرىپ وتىرمىن“. 9 - ايدىڭ 11 - كۇنى الار قالاسىنداعى تارىم داشۋەسىندە حىبەيدىڭ شيڭتايىنان كەلگەن سۋ يگىلىگى قۇرىلىس ينجەنەرياسى شۋەيۋانىنىڭ 4 - جىلدىق وقۋشىسى بو گۋاڭشو بولاشاق جوسپارى جونىندە تىلشىمەن وي بولىسكەندە بىرنەشە جىلدىق داشۋە ءومىرىنىڭ ءوزىن توراڭعى تامىر تارتقان وسىناۋ توپىراققا ەرەكشە باۋراپ العانىن اڭگىمەلەدى.
62 جىل ۋاقىت زىمىراپ وتە شىقتى. بۇل كۇندەرى ” 95 - جىلدان كەيىنگى“ جوعارى مەكتەپ وقۋشىلارى دا جارتى عاسىردىڭ الدىندا وسىناۋ بايىرعى ءشول - جازيرادا، قۇمنىڭ جيەگىندە، توراڭعى ورمانى اراسىندا قاجىرلىلىقپەن كۇرەس جاساعان ”توراڭعى جاستارىمەن“ بىردەي تالعام جاسادى. ساناققا نەگىزدەلگەندە، مەكتەپ قۇرىلعان 62 جىلدان بەرى، تارىم داشۋەسى قوعامعا 70 مىڭعا تاياۋ وقۋ بىتىرگەن وقۋشىلاردى تاربيەلەپ بەرگەن، مۇنىڭ ％5. 68ى وڭتۇستىك شينجياڭعا تامىر تارتقان، ىشكى وڭىرلەردەن كەلگەن وقۋشىلاردىڭ ％52ى شينجياڭدا قالىپ قىزمەت ىستەگەن. بۇل ارا شينجياڭدا جوعارى دارەجەلى دارىندىلاردى تاربيەلەيتىن ماڭىزدى بازاعا ءارى وڭتۇستىك شينجياڭداعى كادرلاردىڭ بەسىگىنىڭ بىرىنە اينالعان.
1958 - جىلى 10 - ايدا مەملەكەتتىڭ تىڭ يگەرىپ، شەكارانى بەكەمدەۋ ىستەرى مەن تارىم تىڭ يگەرۋ ءوڭىرىن اشۋعا قاجەتتى ءتۇرلى دارىندىلارعا بولعان قاجەتكە سايكەسۋ ءۇشىن، سول كەزدەگى مەملەكەتتىك تىڭ يگەرۋ مينيسترلىگىنىڭ مينيسترى ۋاڭ جىن گەنەرالدىڭ قامقورلىعىمەن تارىم داشۋەسى دۇنيەگە كەلەدى. مەكتەپ قۇرىلعان العاشقى كەزدە دالانى ءۇي، جەردى توسەك، اتىزدى ساباقحانا ەتكەن بولاتىن. قولعا قالام، يىققا تەسە الىپ، بايتاق دالادا ماقالا جازدى. ءدال وسىنداي ماشاقاتتى شارت - جاعدايدا، مەكتەپ ”قاجىرلىلىقپەن كۇرەس جۇرگىزۋ، شەكاراعا تامىر تارتۋ، تالىقپاي تالپىنۋ، ۇلەس قوسۋدان تايىنباۋدى“ نەگىزگى ءمان ەتكەن توراڭعى رۋحىن جەتىلدىرىپ شىقتى. 62 جىلدان بەرى، مەملەكەتتىڭ جەر - جەرىنەن كەلگەن وقۋشىلار ۋادەلەسىپ العانداي وقۋ بىتىرگەن كەزدە وسىندا قالىپ شينجياڭدى گۇلدەندىرۋدى تاڭدادى.
ءپايزاۋات اۋدانى قىزىلسۋ اۋىلى باشىلىعىلدىما قىستاعى پارتيا ياچەيكاسىنىڭ شۋجيى فان شياۋكاڭ تارىم داشۋەسىنىڭ قولدانىلمالى حيميا كاسىبىنەن 2016 - جىلى وقۋ بىتىرگەن بولاتىن، كەزىندە وقۋشىلار ۇيىمىنىڭ ءتوراعاسى بولعان.
”ءبىزدىڭ قىستاق 150 مۋ جەردەگى شينمەيدەن بيىل مول ءونىم الدى، ساتىلۋ مولشەرى 650 مىڭ يۋانعا جەتتى“. فان شياۋكاڭ بىلاي دەدى: قىزمەت ىستەگەننەن كەيىن، مەن ۇنەمى مەكتەپ تورابىنان ءتۇرلى ەگىمشىلىك تەحنيكاسى جاعىنداعى بىلىمدەردى ۇيرەندىم، ”عىلىم - تەحنيكالىق ارناۋلى قىزمەتكەرمەن پىكىرلەسۋ ارقىلى ءبىر قىدىرۋ تەحنيكالاردى شينمەي ەگۋگە پايدالاندىق“. بيىل ول تاعى دا تارىم داشۋەسى اۋىل - قىستاقتى دامىتۋ كاسىبىنىڭ ىستەي ءجۇرىپ وقيتىن اسپيرانتتىعىنا ەمتيحان بەرىپ قابىلداندى.
”اۋىل شارۋاشىلىعىن“ نەگىز ەتىپ، جاپىراق جايىپ، وركەن تارتتى. بۇل كۇندەرى، تارىم داشۋەسى دوكتورلىق عىلمي دارەجە بەرە الاتىن ورىن بولۋدى، عىلمي دارەجە بەرۋ ءتۇيىنى قۇرىلىسى ”ءنولدى“ جارۋدى جۇزەگە اسىردى؛ مەكتەپ وقۋ - اعارتۋ مينيسترلىگىنىڭ تولىق كۋرس وقىتۋ قىزمەتىن باعالاپ ساراپتاۋدا باعالاۋشى ماماندار گرۋپپاسىنىڭ تولىق تۇراقتاندىرۋىنا يە بولىپ، مەكتەپ بيڭتۋان مەن وقۋ - اعارتۋ مينيسترلىگى ورتاق قۇراتىن جوعارى مەكتەپكە اينالدى.
تارىم داشۋەسى پارتكومىنىڭ شۋجيى جاۋ گۋاڭحۇي بىلاي دەدى: ”ءبىز نازاردى ۇزدىكسىز وڭتۇستىك شينجياڭنىڭ ەكونوميكالىق، قوعامدىق دامۋ قاجەتىنە شوعىرلاندىرىپ، ءپان كاسىپ قۇرىلىمىن رەتتەپ، ساپالىلاندىردىق. ءتىپتى دە كوپ وتاندى سۇيەتىن، شينجياڭدى سۇيەتىن، جاۋاپكەرشىلىك ارقالاپ، ۇلەس قوساتىن، شەكاراعا تامىر تارتاتىن، شەكاراعا ءوزىن ارنايتىن جاڭا داۋىردەگى شەكارانى بەكەمدەيتىن دارىندىلاردى زور كۇشپەن تاربيەلەيمىز“.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
