بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالالارىنىڭ ماماندارى، ۋاكىلدەرى اڭگىمە ءماجىلىسىن باسقارىپ اشىپ، بىلاي دەپ باسا دارىپتەدى

وقۋ - اعارتۋ، مادەنيەت، دەنساۋلىق ساقتاۋ، دەنە تاربيە ىستەرىنىڭ دامۋىن جالپى بەتتىك ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك

 ۋاڭ حۋنيڭ، حان جىڭ قاتىناستى

2020.09.24 15:29     كەلۋ قاينارى : شينجياڭ گازەتى

  شينحۋا اگەنتتىگىنىڭ 9 - ايدىڭ 22 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 22 - كۇنى تۇستەن كەيىن بەيجيڭدە وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالالارىنىڭ ماماندارى، ۋاكىلدەرى اڭگىمە ءماجىلىسىن باسقارىپ اشىپ ءارى ماڭىزدى ءسوز سويلەپ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋ جونىندە پىكىر جانە ۇسىنىس تىڭدادى. ول بىلاي دەپ باسا دارىپتەدى: پارتيا مەن مەملەكەت وقۋ - اعارتۋ، مادەنيەت، دەنساۋلىق ساقتاۋ، دەنە تاربيە ىستەرىنىڭ دامۋىنا ايرىقشا ءمان بەرىپ كەلەدى، پارتيا 18 - قۇرىلتايىنان بەرى پارتيا ورتالىق كوميتەتى بۇل جونىندە ءبىرسىپىرا ستراتەگيالىق ورنالاستىرۋ جاسادى، ءار دارەجەلى پارتكومدار مەن ۇكىمەتتەر تياناقتاندىرۋ قىزمەتىن ويداعىداي يگەرىپ، ۇلتتى گۇلدەندىرۋدىڭ ۇلى مىندەتىن ارقالايتىن ءداۋىردىڭ جاڭا ادامدارىن باۋلۋعا قۇلشىنىپ، سوتسياليستىك مادەنيەت قۇرىلىسىن تىڭعىلىقتى ىلگەرىلەتىپ، دەنساۋلىق ساقتاۋ، سالاماتتىق ىستەرىن زور كۇشپەن دامىتىپ، دەنە تاربيەدە قۋاتتى مەملەكەت قۇرۋدى جەدەلدەتىپ، ءتۇرلى قوعامدىق ىستەرگە تىڭ قوزعاۋشى كۇش ۇستەۋدى جانە وندا جاڭا جاعداي اشۋدى ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ اڭگىمە ماجىلىسكە قاتىناستى.

  اڭگىمە ماجىلىستە بەيجيڭ سىفان داشۋەسى پارتكومىنىڭ شۋجيى چىڭ جيانپيڭ، بەيجيڭ داشۋەسىنىڭ باستىعى حاۋ پيڭ، تيانجين داشۋەسى فىڭ جيساي ادەبيەت - كوركومونەر زەرتتەۋ مەكەمەسىنىڭ باستىعى فىڭ جيساي، جۇڭگو قوعامدىق عىلىمدار اكادەمياسى ارحەولوگيا زەرتتەۋ ورنىنىڭ باستىعى چىن شيڭسان، جۇڭگو ادەبيەت - كوركەمونەرشىلەر بىرلەستىگىنىڭ ورىنباسار ءتوراعاسى، جۇڭگو تەاترشىلار قوعامىنىڭ ورىنباسار ءتوراعاسى، تيانجين جاستار بەيجيڭ تەاترى ۇيىرمەسى كوركەمونەردى دامىتۋ كوميتەتىنىڭ مەڭگەرۋشىسى مىڭ گۋاڭلۋ، جۇڭگو ادەبيەت - كوركەمونەرشىلەر بىرلەستىگىنىڭ ورىنباسار ءتوراعاسى، شاڭحاي دراما كوركەمونەر ورتالىعىنىڭ 1 - دارەجەلى ارتيسى شي مەيجۋان، جۇڭگو اسەمونەرشىلەر قوعامىنىڭ ءتوراعاسى، ورتالىق اسەمونەر شۋەيۋانىنىڭ باستىعى فان دي - ان، جۇڭگو اۋرۋدىڭ الدىن الۋ جانە ونى تىزگىندەۋ ورتالىعى پارتكومىنىڭ شۋجيى لۋ جياڭ، بەيجيڭ داشۋەسى مەديتسينا ءبولىمىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى، بەيجيڭ داشۋەسى 3 - شيپاحاناسىنىڭ باستىعى چياۋ جيە، بەيجيڭ دەنە تاربيە داشۋەسى جۇڭگو دەنە تاربيە ساياساتىن زەرتتەۋ مەكەمەسىنىڭ اتقارۋشى باستىعى باۋ ميڭشياۋ قاتارلى وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالالارىنداعى 10 مامان مەن ۋاكىل ىركەس - تىركەس سوزگە شىعىپ، وقۋ - اعارتۋ رەفورماسى جانە ونى دامىتۋ، مادەنيەتكە مۇراگەرلىك ەتۋ جانە جاڭالىق اشۋ، دەنساۋلىق ساقتاۋ دارىندىلار قوسىنى قۇرىلىسى، دەنە تاربيەدە قۋاتتى مەملەكەتتى جالپى بەتتىك قۇرۋ سياقتىلار جونىندە پىكىر جانە ۇسىنىس ورتاعا قويدى. شي جينپيڭ سوزگە شىققان ءار ۋاكىلمەن ىشكەرىلەي پىكىرلەسىپ، قاتىستى جاعدايلاردى سۇراستىرىپ، كەيبىر قىزمەتتەر مەن ماسەلەلەر جونىندە ىشكەرىلەي پىكىر تىڭداپ، باعا بەردى، ءماجىلىس الاڭى قىزۋ، جالىندى بەينەگە شومدى.

  كوپشىلىكتىڭ ءسوزىن مۇقيات تىڭداعان سوڭ، شي جينپيڭ ماڭىزدى ءسوز سويلەدى. ول مىنالاردى ءبىلدىردى: كوپشىلىك وتە جاقسى سويلەپ، كوپتەگەن قۇندى پىكىرلەر مەن ۇسىنىستار ورتاعا قويدى، ماجىلىسكە قاتىناسقان باسقا ماماندار مەن ۋاكىلدەر جازباشا ءسوز تاپسىردى، قاتىستى جاقتاردىڭ اقىلداسىپ، قابىلداۋىن سۇرايمىن.

  شي جينپيڭ بىلاي دەپ اتاپ كورسەتتى: وقۋ - اعارتۋ − مەملەكەتتىڭ ۇلى جوسپارى، پارتيانىڭ ۇلى جوسپارى. ”14 - بەسجىلدىق“ مەزگىلىندە، ءبىز پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، وقۋ - اعارتۋ ىستەرىن الدىمەن دامىتۋعا تاباندى بولىپ، پارتيا ءۇشىن ادام تاربيەلەۋگە، مەملەكەت ءۇشىن دارىندى تاربيەلەۋگە تاباندى بولىپ، حالىق رازى بولاتىن وقۋ - اعارتۋدى ويداعىداي جۇرگىزۋگە قۇلشىنىپ، وقۋ - اعارتۋدى وسىزامانداندىرۋدى جەدەل ىلگەرىلەتۋدىڭ جاڭا ساپارىندا ۇلتتى گۇلدەندىرۋدىڭ ۇلى مىندەتىن ارقالايتىن ءداۋىردىڭ جاڭا ادامدارىن باۋلۋىمىز كەرەك. سوتسياليستىك مەكتەپ باسقارۋ بەتالىسىنان جازباي، ونەگە كورسەتىپ ادام تاربيەلەۋدى وقۋ - اعارتۋدىڭ ءتۇبىرلى مىندەتى ەتىپ، وقۋ - اعارتۋدىڭ سوتسياليستىك وزەكتى قۇن كوزقاراسىن جەتىلدىرۋدەگى جانە امالياتتا ايگىلەۋدەگى ماڭىزدى رولىن ساۋلەلەندىرىپ، مەكتەپتەردىڭ يدەيالىق - ساياسي نازاريالىق ساباقتارىنا رەفورما جاساۋدى جانە جاڭالىق اشۋدى تەرەڭدەتىپ، مەكتەپتەردەگى دەنە تاربيەنى، ەستەتيكا تاربيەسىن كۇشەيتىپ جانە جاقسارتىپ، ەڭبەك تاربيەسىن كەڭىنەن ورىستەتىپ، ساپا وقۋ - اعارتۋىن دامىتىپ، وقۋ - اعارتۋدىڭ ادىلدىگىن ىلگەرىلەتىپ، وقۋشىلاردىڭ احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامۋىن جەبەپ، وقۋشىلاردىڭ وتانشىلدىق سۇيىسپەنشىلىگىن، قوعامدىق جاۋاپكەرشىلىك سەزىمىن، جاڭالىق اشۋ رۋحىن، امالياتتىق قابىلەتىن جەتىلدىرۋ كەرەك. جاڭا دامۋ ارناسىنا ۇيلەسەتىن وقۋ - اعارتۋ قۇرىلىمىن، ءپان - ماماندىق قۇرىلىمىن، دارىندى تاربيەلەۋ قۇرىلىمىن ساپالىلاندىرىپ، جالپى حالىقتىڭ ءومىر بويى ۇيرەنۋىن ىلگەرىلەتۋ مەحانيزمىن كەمەلدەندىرۋ كەرەك. ەلىمىزدىڭ جوعارى مەكتەپتەرى ماڭىزدى مىندەتتى جۇرەكتىلىكپەن ارقالاپ، نازاردى مەملەكەتتىڭ ستراتەگيالىق قاجەتىنە شوعىرلاندىرىپ، شەشۋشى، وزەكتى تەحنيكالار بويىنشا جەدەل تۇردە تەحنيكالىق قامال الۋدى كوزدەۋ كەرەك. مەملەكەتتىڭ وڭىرلىك دامۋ ستراتەگياسىنا قىزمەت وتەۋدى تياناق ەتىپ، وڭىرلەردەگى وقۋ - اعارتۋ بايلىقتارىنىڭ سەپتەلۋىن ساپالىلاندىرىپ، ءتۇيىن مەن اۋماق بىرلەستىرىلگەن، شىعىس، ورتا، باتىس بولىكتەر ءوزارا ۇندەسەتىن وقۋ - اعارتۋدى دامىتۋدىڭ كەڭىستىكتىك ارناسىن جەدەل قالىپتاستىرىپ، وقۋ - اعارتۋدىڭ وڭىرلىك دامۋ ستراتەگياسىنا قىزمەت وتەۋ دەڭگەيىن جوعارىلاتۋ كەرەك. وقۋ - اعارتۋ سالاسىنداعى كەشەندى رەفورمانى جالپى بەتتىك تەرەڭدەتىپ، وقۋ - اعارتۋ رەفورماسىنىڭ جۇيەلىلىگىن، تۇتاس تۇلعالىعىن، سايكەسىمدىلىگىن كۇشەيتۋ كەرەك.

  شي جينپيڭ بىلاي دەپ باسا دارىپتەدى: جۇڭگوشا سوتسياليزم − جالپى بەتتىك داميتىن، جالپى بەتتىك العا باساتىن ۇلى ءىس، سوتسياليستىك مادەنيەتتىڭ گۇلدەنۋى، دامۋى بولمايىنشا، سوتسياليستىك وسىزامانداندىرۋ دا بولماق ەمەس. مادەنيەت سەنىمىن بەكەمدەپ، جۇڭحۋانىڭ تاڭداۋلى ءداستۇرلى مادەنيەتىن جاسامپازدىقپەن كادەگە جاراتۋدى، جاڭالىق اشا دامىتۋدى ىلگەرىلەتىپ، توڭكەرىستىك مادەنيەتتى جالعاستىرىپ، سوتسياليستىك وزىق مادەنيەتتى دامىتىپ، جۇڭحۋا مادەنيەتىنىڭ تاماشا جەتىستىكتەرىن ۇزدىكسىز سومداپ، سوتسياليستىك مادەنيەتتە قۋاتتى مەملەكەت قۇرۋ كەرەك. ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋدە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدە مادەنيەت − ماڭىزدى مازمۇن؛ جوعارى ساپالى دامۋدى ىلگەرىلەتۋدە مادەنيەت − ماڭىزدى تىرەكتىك ءتۇيىن؛ حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدا مادەنيەت − ماڭىزدى فاكتور؛ العا باسۋ جولىنداعى ءتۇرلى سىن - سايىستار مەن حاۋىپ - قاتەرلەردى جەڭۋدە مادەنيەت − ماڭىزدى كۇش قاينارى. مادەنيەت قۇرىلىسىن جالپى جاعداي قىزمەتىندەگى كورنەكتى ورىنعا قويىپ، سوتسياليستىك وزەكتى قۇن كوزقاراسى ارقىلى مادەنيەت قۇرىلىسىنا جەتەكشىلىك ەتۋگە تاباندى بولىپ، سوتسياليستىك رۋحاني وركەنيەت قۇرىلىسىن كۇشەيتىپ، مادەنيەت ىستەرىن جانە مادەنيەت شارۋاشىلىعىن گۇلدەندىرىپ، دامىتىپ، قوعامنىڭ وركەنيەت دەڭگەيىن جوعارىلاتىپ، مادەنيەتتىڭ سالت - ساناعا جەتەكشىلىك ەتۋ، حالىقتى تاربيەلەۋ، قوعامعا قىزمەت وتەۋ، دامۋدى ىلگەرىلەتۋ رولىن ساۋلەلەندىرۋ كەرەك. مۇرات - سەنىم تاربيەسىن ۇدايىلاندىرۋدى، تۇزىمدەندىرۋدى ىلگەرىلەتىپ، پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى تاربيەسىن كۇشەيتىپ، وتانشىلدىق، كوللەكتيۆيزم، سوتسياليزم تاربيەسىن كۇشەيتىپ، ادامداردى جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋگە جەتەكتەپ، جالپى حالىقتىڭ يدەيالىق جاقتا، رۋحاني جاقتا تىعىز ىنتىماقتاسۋىن جەبەۋ كەرەك.

  شي جينپيڭ بىلاي دەپ اتاپ كورسەتتى: حالىقتىڭ سالاماتتىعى − قوعامدىق وركەنيەتتىڭ العا باسۋىنىڭ نەگىزى، ۇلتتىڭ وركەندەۋىنىڭ جانە مەملەكەتتىڭ بايۋىنىڭ، قۇدىرەتتەنۋىنىڭ ماڭىزدى بەلگىسى، سونداي - اق قالىڭ حالىق بۇقاراسىنىڭ ورتاق تالپىنىسى. جالپى جاعداي تۇرعىسىندا تۇرىپ، ۇزاقتى كوزدەپ، نازاردى ءدوپ كەلىپ وتىرعان ءسىڭىستى، قيىن ماسەلەلەرگە جانە تىڭ سىن - سايىستارعا شوعىرلاندىرىپ، ناقتى شارا، قاتاڭ شارا قولدانىپ، سالاماتتى جۇڭگو قۇرىلىسىن جالپى بەتتىك ىلگەرىلەتۋ كەرەك. حالىقتىڭ سالاماتتىعىن الدىمەن دامىتىلاتىن ستراتەگيالىق ورىنعا قويىپ، حالىقتىڭ سالاماتتىعىن جان - جاقتى، جالپى پەريودتى تۇردە قامتاماسىز ەتۋگە قۇلشىنىپ، ءتۇزىم جۇيەسىن جەدەل ورناتىپ، كەمەلدەندىرىپ، الەۋمەتتىك دەنساۋلىق ساقتاۋ حاۋىپسىزدىگىن قامتاماسىز ەتىپ، سالاماتتىققا پايدالى تۇرمىس ءتاسىلىن، ءوندىرىس ءتاسىلىن، ەكونوميكالىق، قوعامدىق دامۋ ۇلگىسىن جانە جونگە سالۋ ۇلگىسىن جەدەل قالىپتاستىرىپ، سالاماتتىق پەن ەكونوميكانىڭ، قوعامنىڭ ۇتىمدى، سايكەسىمدى دامۋىن جۇزەگە اسىرۋ كەرەك. الدىن الۋدى نەگىز ەتۋ باعىتىن تاباندىلىقپەن بۇلجىتپاي دايەكتىلەندىرىپ، الدىن الۋ مەن ەمدەۋدى بىرلەستىرۋگە، بىرلەسىپ ساقتانۋعا، بىرلەسىپ تىزگىندەۋگە، بۇقارالىق ساقتانۋعا، بۇقارالىق تىزگىندەۋگە تاباندى بولىپ، الەۋمەتتىك دەنساۋلىق ساقتاۋ ىستەرىنە تۇراقتى ۇسىنىلىم قوسۋ مەحانيزمىن ورناتىپ، اۋرۋدىڭ الدىن الۋ جانە تىزگىندەۋ جۇيەسىنىڭ رەفورما سەرپىنىن ارتتىرۋ كەرەك. نازاردى حالىقتىڭ سالاماتتىعىنا ىقپال جاسايتىن سالماقتى اۋرۋلارعا جانە باستى ماسەلەلەرگە شوعىرلاندىرىپ، سالاماتتى جۇڭگو ارەكەتىن جەدەل اتقارىپ، وتانشىلدىق تازالىق قيمىلىن ىشكەرىلەي ورىستەتىپ، حالىقتىڭ سالاماتتىعىن جەبەۋ ساياساتتارىن كەمەلدەندىرىپ، قوعامدى اتتانىسقا كەلتىرۋ مەحانيزمىندە جاڭالىق اشىپ، سالاماتتىق تاربيەسى ءتۇزىمىن اقاۋسىزداندىرىپ، سالماقتى اۋرۋلاردان تۋ باستان ساقتانىپ جانە تىزگىندەپ، اۋرۋدى ەمدەۋدى وزەك ەتۋدەن سالاماتتىقتى وزەك ەتۋگە ويىسۋ كەرەك. نەگىزگى ەمدەۋ، دەنساۋلىق ساقتاۋ ىستەرىنىڭ الەۋمەتتىك سيپاتىنا تاباندى بولىپ، ساپالى ەمدەۋ بايلىقتارىن مولايتۋدى جانە ونىڭ وڭىرلەر ارا بىركەلكى ورنالاسۋىن جەدەلدەتىپ، قالىڭ حالىق بۇقاراسىنىڭ ءادىل، قولجەتىمدى، جۇيەلى، باياندى الدىن الۋ، ەمدەۋ، دەنساۋلىقتى قالپىنا كەلتىرۋ، سالاماتتىقتى جەبەۋ سياقتى سالاماتتىق قىزمەت وتەۋلەرىنەن جاقىن جەردەن يگىلىكتەنۋىنە مۇمكىندىك جاساۋ كەرەك. ىندەتكە قارسى اتتانۋ ۇلى رۋحىن زور كۇشپەن اسقاقتاتىپ، ىندەتتەن ساقتانۋ - تىزگىندەۋ بارىسىندا امالياتتىڭ سىناعىنان وتكەن تاجىريبەلەر مەن ۇلگىلەردى مۇقيات قورىتىندىلاپ، ولاردى ءتۇزىم فورماسىندا بەكەمدەۋ كەرەك. حالىقارالىق اۋىس - كۇيىس پەن سەلبەستىكتى كۇشەيتىپ، ەلىمىزدىڭ حالىقارالىق ەلەۋلى، ەرەكشە، ۇلكەن، توسىن الەۋمەتتىك دەنساۋلىق ساقتاۋ وقيعالارىنا توتەپ بەرۋ قىزمەتىنە ات سالىسۋ مەحانيزمىن كەمەلدەندىرىپ، حالىقارالىق بورىشتى اتقارىپ، دۇنيە ءجۇزى بويىنشا ىندەتكە قارسى اتتانۋ زاتتىق ماتەريالدارىمەن ەڭ كوپ قامداۋشى ەلدىك رولدى ساۋلەلەندىرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋ كەرەك.

  شي جينپيڭ بىلاي دەپ باسا دارىپتەدى: دەنە تاربيە حالىقتىڭ سالاماتتىق دەڭگەيىن جوعارىلاتۋدىڭ ماڭىزدى جولى، حالىق بۇقاراسىنىڭ تاماشا تۇرمىسقا تالپىنىسىن قاناعاتتاندىرۋدىڭ، ادامنىڭ جان - جاقتى دامۋىن جەبەۋدىڭ ماڭىزدى ءتاسىلى. ”14 - بەسجىلدىق“ مەزگىلىندە، دەنە تاربيە ىستەرىن دامىتۋدا ءدوپ كەلگەن جاڭا جاعدايدى عىلمي تۇجىرىمداپ، ماسەلەنى باعدار ەتۋگە تاباندى بولىپ، نازاردى ءتۇيىندى سالالار مەن شەشۋشى بۋىندارعا شوعىرلاندىرىپ، رەفورما جاساۋدى، جاڭالىق اشۋدى تەرەڭدەتىپ، دەنە تاربيە ىستەرىن دامىتۋدىڭ جاڭا جاعدايىن ۇزدىكسىز اشۋ كەرەك. حالىق بۇقاراسىنىڭ قاجەتىن قاناعاتتاندىرۋدى تىعىز ارقاۋ ەتىپ، اناعۇرلىم جوعارى دەڭگەيدەگى جالپى حالىقتىق دەنە شىنىقتىرۋعا الەۋمەتتىك قىزمەت وتەۋ جۇيەسىن ورناتۋ كەرەك. سالاماتتىق وتكەلىن الدىعا جىلجىتۋدى ىلگەرىلەتىپ، دەنە تاربيە مەن دەنساۋلىق ساقتاۋ، سالاماتتىق سياقتى تاراۋلار سايكەسەتىن، بۇكىل قوعام جابال ات سالىساتىن سپورت ارقىلى سالاماتتىقتى جەبەۋدىڭ جاڭا ۇلگىسىن ورناتۋ كەرەك. سالاماتتىقتى ءبىرىنشى ورىنعا قوياتىن وقۋ - اعارتۋ ۇستانىمىنا تاباندى بولىپ، مەكتەپتەردەگى دەنە تاربيە قىزمەتىن كۇشەيتىپ، جاستار مەن ورەندەردىڭ مادەنيەت بىلىمدەرىن ۇيرەنۋى مەن دەنە تاربيەلىك شىنىعۋىن سايكەستىرە دامىتۋدى ىلگەرىلەتۋ كەرەك. دەنە تاربيە كاسىپ سالاسىنىڭ جوعارى ساپالى دامۋىن ىلگەرىلەتىپ، دەنە تاربيەگە قاتىستى تۇتىنۋ قاجەتىن ۇزدىكسىز قاناعاتتاندىرۋ كەرەك. دەنە تاربيەگە رەفورما جاساۋ جانە جاڭالىق اشۋ اياق الىسىن جەدەل ىلگەرىلەتىپ، ەلىمىزدىڭ دەنە تاربيە ىستەرىنىڭ دامۋىنا تىڭ ومىرشەڭدىك كۇش جانە قوزعاۋشى كۇش ۇستەۋ كەرەك. سپورتتىق دەنە تاربيە دارىندىلارىن باۋلۋ، تاڭداۋ، ىنتالاندىرۋ جانە قامتاماسىز ەتۋ مەحانيزمىندە جانە مەملەكەتتىك قۇرامالاردى باسقارۋ تۇزىلىسىندە جاڭالىق اشۋ كەرەك. قوزدىرعىشتارعا قارسى كۇرەستى باتىل ىلگەرىلەتىپ، ءمورالدىق التىن مەدال الۋ، قۇلىقتىق التىن مەدال الۋ، كىرشىكسىز التىن مەدال الۋ تانىمىن كۇشەيتىپ، قوزدىرعىشتارعا قاتىستى ماسەلەلەردى مۇلدە جارىققا شىعارماۋدى، وعان تيتتەي دە جول بەرمەۋدى باتىلدىقپەن ورىنداۋ كەرەك. بەيجيڭ قىسقى وليمپياداسىنا، مۇگەدەكتەر قىسقى وليمپياداسىنا جوعارى ساپامەن دايىندالىپ جانە جوعارى ساپامەن وتكىزىپ، جارىستاردى تاماشا دا تارتىمدى وتكىزۋ، جارىسقا قاتىناسۋدا تاماشا دا تارتىمدى بەينە كورسەتۋ نىساناسىن جۇزەگە اسىرۋ كەرەك.

  ديڭ شۋەشياڭ، سۇن چۇنلان، چىن شي، حۋاڭ كۇنميڭ، شياۋ جيە، حى ليفىڭ اڭگىمە ماجىلىسكە قاتىناستى.

  ورتالىقتاعى پارتيا، ۇكىمەت، ارميا ورىنداردىڭ، بۇقارالىق ۇيىمداردىڭ قاتىستى تاراۋلارىنداعى جاۋاپتى جولداستار، وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالالارىنداعى ماماندار مەن ۋاكىلدەر، ت.ب، اڭگىمە ماجىلىسكە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار