بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنامىز

− باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزى كادرلار مەن بۇقارانى ىنتىماقتاسىپ، ەكپىندەي ىلگەرىلەۋگە شابىتتاندىردى

□ شينحۋا اگەنتتىگىنىڭ تىلشىلەرى

2020.09.29 13:43     كەلۋ قاينارى : شينجياڭ گازەتى

  ”شينجياڭ قىزمەتىن ويداعىداي ىستەۋدە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتۋ كەرەك“.

  باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزى كادرلار مەن بۇقارا اراسىندا كۇشتى اڭىس قوزعادى. كوپشىلىك مىنالاردى ءبىلدىردى: باس شۋجي شي جينپيڭنىڭ سويلەگەن ماڭىزدى ءسوزى جاڭا داۋىردەگى شينجياڭ قىزمەتىنە جەتەكشىلىك ەتەتىن تۇعىرنامالىق حۇجات، ءىس جۇزىندىك جاعدايعا بىرلەستىرىپ، دايەكتىلەندىرۋدى، تياناقتاندىرۋدى مىقتاپ يگەرىپ، شينجياڭ قىزمەتىنىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.

  2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، ءارقايسى جاقتىڭ جاپالى قۇلشىنىس جاساۋى ارقىلى شينجياڭ قىزمەتى كەلەلى ناتيجەلەرگە قول جەتكىزدى.

  ”ءار ۇلت بۇقاراسىنىڭ تۇرمىسى بارعان سايىن ءماندى دە ءساندى بولىپ كەلەدى“. مەملەكەتتىك حالىق قۇرىلتايىنىڭ ۋاكىلى، قۇربان تۇلىمنىڭ جيەنشار قىزى رۋحيام ءماتسايدى اۋىلى كەريا اۋدانىنداعى قۋانارلىق وزگەرىستەردى تىكەلەي سەزىندى: مەكتەپگە دەيىنگى تاربيەمەن بۇكىلدەي قامتىلدى؛ تۇرمىستا پايدانىلاتىن ەلەكتر، قۇبىر سۋى، ينتەرنەت وتباسىلارىنا دەيىن جەتكىزىلدى؛ زاۆودتار ءۇي ماڭايىندا سالىنىپ، قىستاق تۇرعىندارى جاقىن ماڭدا، ءوزى تۇرعان جەردە جۇمىستانا الاتىن بولدى...

  ”مەملەكەتتىك حالىق قۇرىلتايىنىڭ ۋاكىلى رەتىندە، مەن باس شۋجيدىڭ ماڭىزدى ءسوزىنىڭ رۋحىن باستاماشىلدىقپەن دايەكتىلەندىرىپ، قىزمەت جاۋاپكەرشىلىگىمدى اناعۇرلىم جاقسى وتەپ، اۋىلداستارىمدى باستاپ پارتيانىڭ پارمەندى باسشلىعىندا، كورىكتى شينجياڭ قۇرۋعا تاعى دا كۇش قوسامىن“، - دەدى رۋحيام ءماتسايدى تولىق سەنىممەن.

  2018 - جىلدان باستاپ شينجياڭ ۇيعۇر اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ 1 - دارەجەلى شارلاۋشىسى پىڭ جي ياركەن اۋدانى ىشقۇل اۋىلى قىشلاق قىستاعىندا تۇرىپ، وسى قىستاقتىڭ ءبىرىنشى شۋجيى مىندەتىن وتەپ، نەگىزىنەن كەدەيلىكتەن ارىلتۋدان قامال الۋدى يگەردى. بۇگىنگى كۇندە، قىستاقتاعى تاۋىق باعىمشىلىق كاسىبىنىڭ كولەمى بارعان سايىن زورايىپ، ەنگىزگەن توقىماشىلىق، كيىم - كەشەك وڭدەۋ فابريكاسى 300دەن استام قىستاق تۇرعىنىن جۇمىستانۋعا باستاپ وتىر.

  پىڭ جي بىلاي دەدى: شينجياڭنىڭ كەدەيلىكتەن ارىلتۋدان قامال الۋ ىستەرى ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى. كەدەيلىكتەن ارىلىپ دوڭگەلەك داۋلەتكە ۇمتىلۋ بارىسىندا قىستاق تۇرعىندارىنىڭ يدەياسىندا، كوزقاراسىندا دا بەلسەندى وزگەرىستەر تۋىلىپ، وسى زامانعى وركەنيەتپەن اناعۇرلىم جاقسى، اناعۇرلىم تەز توعىستى. كەلەسى قادامدا اۋىلداستارىممەن بىرگە كەدەيلىكتەن جالپى بەتتىك ارىلتۋ مەن اۋىل - قىستاقتى گۇلدەندىرۋدىڭ ورگانيكالى ۇشتاسۋىن ۇزدىكسىز ىلگەرىلەتىپ، دامۋدىڭ ىشكى قوزعاۋشى كۇشىن جانە دامۋدىڭ ومىرشەڭدىگىن كۇشەيتىپ، كىرىستى ءۇرتىس ارتتىرامىز.

  شينجياڭ ەجەلدەن كوپ ۇلت شوعىرلى قونىستانعان ءوڭىر، شينجياڭداعى ءار ۇلت جۇڭحۋا ۇلتى شاڭىراعىنىڭ تامىرلاس مۇشەسى.

  ءۇشتۇرپان اۋدانى چيانجين قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ باستىعى قۇربان نياز ون نەشە جىلدى ءبىر كۇندەي وتكىزىپ، جۇڭحۋا ۇلتىنىڭ ءداستۇرلى مادەنيەتىن جالپىلاستىرىپ، وقۋ - اعارتۋ ارقىلى بالالاردى وسى زامانعى وركەنيەتكە جەتەلەيتىن كوپىر سالدى. ول بىلاي دەپ تانىستىردى: مەكتەپ بالالارعا كىشكەنتاي كەزىنەن باستاپ ءار ۇلتتىڭ بارلىعى جۇڭحۋا ۇلتى ۇلى شاڭىراعىنىڭ مۇشەسى ەكەنىن ۇعىندىردى، وقىتۋشىلار ۇنەمى بالالارعا جۇڭحۋا ۇلتىنىڭ ءداستۇرلى تاماشا ءمورال حيكايالارىن بايانداپ، وسى ارقىلى بالالاردى قۇلشىنا ۇيرەنەتىن، ۇلكەندەردى قۇرمەتتەپ، كىشىلەردى ايالايتىن جاقسى ازامات بولۋعا شابىتتاندىرىپ، جۇڭحۋا ۇلتى ورتاق تۇلعا تانىمىن بەرىك ورناتتى.

  ”ءبىز جۇڭحۋا ۇلتى ورتاق تۇلعا تاريحى جانە جۇڭحۋا مادەنيەتىنىڭ كوپ نەگىزدى، ءبىر تۇلعالى باي ىشكى ءمانىن جاپپاي، دالمە - ءدال تانىستىرامىز“. شينجياڭ ۇيعۇر اۆتونوميالى رايوندىق مۇراجايدىڭ باستىعى يۇي جىيۇڭ بىلاي دەدى: مۇراجاي تاريح، مادەنيەت بايلىعىنىڭ ناقتى ايعاعى بولۋ رولىن ساۋلەلەندىرۋگە تاباندى بولىپ، مادەني مۇرالارعا ءتىل ءبىتىرىپ، تاريحتى سويلەتىپ، ەكسكۋرسيالاۋشىلارعا شينجياڭنىڭ ۇلتتار ىنتىماعىنىڭ داڭقتى ءداستۇرىن تىكەلەي سەزىندىرەدى. سونىمەن بىرگە گۋمانيتارلىق جانە عىلمي ساپانى جوعارىلاتاتىن كورمەلەردى دەن قويا ويداعىداي ۇيىمداستىرىپ، نازىك بۋىنداردان رۋحتى اڭعارتىپ، شينجياڭدى مادەنيەتپەن نارلەندىرۋگە كۇش - قۋاتىن قوسادى.

  جۇڭگو قوعامدىق عىلىمدار اكادەمياسى جۇڭگو شەكارا ءوڭىرىن زەرتتەۋ ورنىنىڭ تەتە اعا زەرتتەۋشىسى ۋاڭ يۇي بىلاي دەدى: زەرتتەۋشى رەتىندە، باس شۋجي شي جينپيڭنىڭ شينجياڭدى مادەنيەتپەن نارلەندىرۋ تالابىن مۇقيات تياناقتاندىرىپ، شينجياڭ وڭىرىندەگى جۇڭحۋا مادەنيەتىنىڭ كورنەكتى بەلگىسى بار مادەنيەت مۇرالارىن، ەسكەرتكىش مۇرالارىن جانە ءتۇرلى مادەنيەت فورماتسيالارىن ىشكەرىلەي اشىپ، رەتتەپ، زەرتتەيمىن. سونىمەن بىرگە شينجياڭنىڭ قوعام ورنىقتىلىعى، حالىقتىڭ تىنىش ءومىر، شات - شادىمان تىرشىلىك كەشىرگەن تابىسىن ءتۇزىم ابزالدىلىعىن تانىستىرۋ سياقتىلارمەن ۇشتاستىرىپ، كوپ ساتىلى، جان - جاقتى، ستەرەولدى تۇردە شينجياڭ حيكايالارىن ويداعىداي باياندايمىن.

  شينجياڭنىڭ قوعامدىق كەلەلى جاعدايىنىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋدا سوتسياليستىك زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، مەملەكەتتى جالپى بەتتىك زاڭمەن جونگە سالۋ تالابىن شينجياڭ قىزمەتىنىڭ ءار سالاسىندا تياناقتاندىرۋ كەرەك.

  ”شينجياڭنىڭ رەفورما جاساۋى، دامۋى، ورنىقتىلىعى زاڭمەن جونگە سالۋدىڭ قورعاۋىنان ايرىلا المايدى؛ شينجياڭنىڭ ەكونوميكالىق، قوعامدىق دامۋى زاڭمەن جونگە سالۋدىڭ قۋاتىنان كەلگەن؛ شينجياڭداعى ءار ۇلت حالقىنىڭ باقىتى، ساۋ - سالاماتتىعى زاڭمەن جونگە سالۋدىڭ قورعاۋىن قاجەت ەتەدى“. قاشقار قالالىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى ليۋ جىچىڭ بىلاي دەدى: ساياسي - زاڭ كادرى رەتىندە، شينجياڭدى زاڭمەن جونگە سالۋ قۇرىلىسىنىڭ ساياسي جاۋاپكەرشىلىگىن باتىل ارقالاپ، اۋىل - قىستاقتى جونگە سالۋدى ويداعىداي يگەرىپ، الەۋمەتتىك اۋماق قۇرىلىسىن كۇشەيتىپ، حالىق بۇقاراسىنىڭ تاماشا تۇرمىسقا دەگەن تالپىنىسىن قاناعاتتاندىرامىز. ءۇرىمجى قالالىق قوعام حاۋىپسىزدىگى مەكەمەسى تيانشان رايوندىق بولىمشە مەكەمەسى سايماچاڭ ساقشى بولىمشەسىنىڭ حالىق ساقشىسى ۋاڭ ليۋتاۋ بىلاي دەدى: زاڭمەن جونگە سالۋ ۇستانىمى نەگىزگى ساتى حالىق ساقشىلارىنىڭ قاراستى اۋماقتىڭ حاۋىپسىزدىك ساقتانۋ قىزمەتىن ويداعىداي ىستەۋدىڭ ماڭىزدى كەپىلى، قاي - قاشان دا ارەكەتىمىز ارقىلى زاڭمەن جونگە سالۋ ۇستانىمىن ۇگىتتەپ، زاڭمەن جونگە سالۋ رۋحىن اسقاقتاتامىز.

  باس شۋجي شي جينپيڭ ءار دارەجەلى باسشىلىق بيلىكتىڭ قاشاندا ادال، كىرشىكسىز، جاۋاپكەرشىلىك ارقالايتىن كادرلاردىڭ قولىندا مىقتاپ مەڭگەرىلۋىنە شىنايى كەپىلدىك ەتۋدى تالاپ ەتتى. سانجى حۇيزۋ اۆتونوميالى وبلىستىق پارتكومىنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى مىڭ حانجياڭ بىلاي دەدى: ۇيىمداستىرۋ تاراۋلارى ءبىرىنشى شەپتە كادرلاردى شىڭداۋعا تاباندى بولىپ، شينجياڭدى جونگە سالۋدىڭ، شينجياڭدى ورنىقتىرۋدىڭ، شينجياڭدى نارلەندىرۋدىڭ، شينجياڭدى گۇلدەندىرۋدىڭ، شينجياڭدى كوركەيتۋدىڭ كەلەلى مىندەتىن ارقالايتىن جوعارى ساپالى كادرلار قوسىنىن تۇلعالايدى، سونىمەن بىرگە تۇرمىس، كوڭىل كۇي سياقتى جاقتاردان كادرلارعا قامقورلىق جاساۋدى كۇشەيتىپ، ولاردى شينجياڭعا تامىر تارتۋعا، شينجياڭعا ۇلەس قوسۋعا ىنتالاندىرادى.

  جۋىق جىلداردان بەرى، جىجياڭ ولكەسى شينجياڭنىڭ اقسۋ ايماعىنا باعىتتامالى كومەكتەسىپ، ”قاتتى بولشەك“ پەن ”جۇمساق بولشەكتى“، ”قان قۇيۋ“ مەن ”قان جاساۋدى“، ”ەرىك - جىگەر جاعىنان سۇيەمەلدەۋ“ مەن ”اقىل - پاراسات” جاعىنان سۇيەمەلدەۋدى ءوزارا ۇشتاستىرۋعا تاباندى بولدى. جىجياڭ ولكەسىنىڭ شينجياڭعا كومەك بەرۋ قولباسشىلىق شتابى دارىندىلار گرۋپپاسىنىڭ باستىعى لان دىڭجۇن بىلاي دەدى: ءتىپتى دە كوپ وزىق مەكتەپ باسقارۋ، مەكتەپتى جونگە سالۋ ۇستانىمى مەن باسقارۋ تاجىريبەسى بار تاڭداۋلى وقىتۋشىلاردى شينجياڭعا تاڭداپ جىبەرەمىز، سونىمەن بىرگە ”ينتەرنەت + وقۋ - اعارتۋ“ ۇلگىسىن جالپىلاستىرىپ، ءتىپتى دە كوپ مەكتەپتىڭ ”كەڭىستىك ساباقحاناسى“ سياقتى الىس ارالىقتى تۇعىر قۇرۋىن ىلگەرىلەتىپ، ساپالى وقۋ - اعارتۋ بايلىعىنان بىرگە يگىلىكتەنۋگە، وقىتۋشى - وقۋشىلاردىڭ ۇنەمى اۋىس - كۇيىس جاساۋىنا شارت - جاعداي جاراتامىز.

  تيانجين قالالىق حالىق ۇكىمەتى سەلبەستىك، اۋىس - كۇيىس جاساۋ كەڭسەسى كومەك بەرۋ، سەلبەستىك ورناتۋ 2 - باسقارماسىنىڭ باستىعى جاڭ مين بىلاي دەدى: كەلەسى قادامداعى قىزمەت بارىسىندا جوبا ارقىلى جەتەكشىلىك ەتۋگە تاباندى بولىپ، دارىندىلار اقىل - پاراسات جاعىنان قولداۋ كورسەتۋ، كاسىپ سالاسى ارقىلى جۇمىستانۋعا باستاۋ، كەدەيلىكتەن جالپى بەتتىك ارىلتۋدى اۋىل - قىستاقتى گۇلدەندىرۋمەن ورگانيكالى ۇشتاستىرۋ سياقتى جاقتاردا دارەجەسىن جوعارىلاتىپ، كۇش قوسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تيانجيننىڭ شينجياڭعا كومەكتەسۋىنىڭ جالپىلىق ونىمدىلىگىن جوعارىلاتامىز.

  (تىلشىلەر ۋاڭ چي، سۇن شاۋشيۇڭ، فۋ شياۋبو، اينۇر، ساۋ ديان، باي جيالي)

  (شينحۋا اگەنتتىگىنىڭ 9 - ايدىڭ 27 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار