1663.25 كيلوگرام! شونجى ەگىس الاڭى ۇلگى اتىزىندا جۇگەرىنىڭ مۋ باسىندىق ءونىمى بۇكىل مەملەكەتتىك رەكوردتى جاڭالادى
2020.09.29 13:45 كەلۋ قاينارى : شينجياڭ گازەتى
شينجياڭ گازەتى جالپىلىق اقپارات قۇرالدارى ءتىلشىسى شيە حۇيبيان 9 - ايدىڭ 27 - كۇنى ۇرىمجىدەن حابارلايدى. 9 - ايدىڭ 25 - كۇنى بيڭتۋان 6 - شىسى شونجى ەگىس الاڭىنداعى جۇگەرىنى ءجيى ەگىپ جوعارى ءونىم الۋ بويىنشا تۇتاس بارىستىق ماشينالانعان جاسىل ءوندىرۋ تەحنيكاسىنىڭ ناق ءونىمىن مەجەلەۋ جانە جۇمىس باسىندا بايقاۋ ماجىلىسىندە اۋىل شارۋاشىلىعى، اۋىل - قىستاق مينيسترلىگىنىڭ جۇگەرى داقىلى ماماندار جەتەكشىلىك ەتۋ گرۋپپاسى جۇڭگو اۋىل شارۋاشىلىعى عىلىم اكادەمياسى ەگىس داقىلىن عىلمي زەرتتەۋ ورنىنىڭ ەگىس داقىلىن ءوسىرۋ جانە فيزيولوگيالىق جاڭالىق اشۋ ۇجىمىنىڭ جۇگەرىنى ءجيى ەگىپ جوعارى ءونىم الۋدان ۇلگى كورسەتۋ اتىزىنىڭ ناق ءونىمىن مەجەلەدى. ناتيجەدە ۇلگى كورسەتۋ اتىزىندا جۇگەرىنىڭ مۋ باسىندىق ەڭ جوعارى ءونىمى 1663.25 كيلوگرامعا جەتىپ، قازىرگى 1517.11 كيلوگرامدىق مەملەكەتتىك مول ءتۇسىم رەكوردىن جاڭالاپ، 146.14 كيلوگرامدىق زور مولشەردە ارتۋدى جۇزەگە اسىرعاندىعى كورسەتىلدى.
6 - شى شونجى ەگىس الاڭىنداعى جۇگەرىدەن مول ءونىم الۋدان وزەكتى ۇلگى كورسەتۋ رايونىنىڭ اۋدانى 200 مۋ، مۇندا 78 سورت سىناققا قاتىناستى. بۇل جولى ناق ءونىمىن مەجەلەۋ اۋماعى جيىنى 30 مۋ، ناتيجەدە ۇلگى كورسەتۋ اتىزىندا 11 سورتتىڭ مۋ باسىندىق بىرلىك ءونىمى تۇگەلدەي 1500 كيلوگرامنان اسقان، جوعارى ءونىم، باستىسى، مۋ باسىندىق ماساق سانى مەن ءاربىر ماساقتاعى ءداننىڭ بىرلىك سالماعى تۇگەلدەي ارتۋدان كەلگەن، مۇنىڭ ىشىندە ءونىمى ەڭ جوعارى اتىزدىڭ مۋ باسىندىق ماساق سانى 8600گە، ءاربىر ماساقتاعى ءداننىڭ بىرلىك سالماعى 192 گرامعا جەتكەندىگى كورسەتىلگەن. كەزەكتە وسى تۇردەگى تەحنيكا ۇزاق ۋاقىت زەرتتەۋ ارقىلى كەمەلدەنۋگە بەت الدى، الدا مۋ باسىندىق ءونىمى 1500 كيلوگرام بولۋدى ورنىقتى جۇزەگە اسىرۋعا بولادى.
”تاماشا جارىق شارت - جاعدايىنا وزىق ەگىمشىلىك تەحنيكاسى قوسىلىپ، بۇل جولعى جۇگەرىنىڭ مۋ باسىندىق ءونىمى مەملەكەتتىك رەكوردتى جاڭالاۋدى بىرگە جەبەدى“، - دەدى جۇڭگو اۋىل شارۋاشىلىعى عىلىم اكادەمياسى ەگىس داقىلىن عىلمي زەرتتەۋ ورنىنىڭ ەگىس داقىلىن ءوسىرۋ جانە فيزيولوگيالىق جاڭالىق اشۋ ۇجىمىنىڭ جەتەكشى مامانى، اعا زەرتتەۋشى لي شاۋكۇن.
وسى زەرتتەۋ ۇجىمى جۇگەرىدەن مول ءونىم الۋ كومەسكى كۇشىنە ۇزاق ۋاقىت ىزدەنىس جاساپ، بۇكىل ەلدەگى ساپالى تۇقىم جەتىلدىرۋ ورىندارىنداعى مول ءونىم كومەسكى كۇشى بار سورتتارىن جيناپ، سۋ، تىڭايتقىشتى ءبىر تۇلعالاندىرىپ باسقارۋ شارتىندا ەگۋ جيىلىگىن جوعارىلاتىپ، شوعىرىن كەڭەيتۋ ارقىلى ءونىم كومەسكى كۇشىن اشىپ، ”ءجيى ەگىپ، ماساعىن، ءونىمىن ارتتىرۋدى، جوعارى ساپالى جاپىرىلۋعا ءتوزىمدى شوعىردى جەتىلدىرىپ، گۇل اشقاننان كەيىنگى توپ زاتىن ءوندىرۋ مەن جوعارى ءونىمدى ۇلەستىرۋدى“ ۇيتقى ەتكەن ءونىم ارتتىرۋ جولىن ايقىندادى. بۇل تۇردەگى زەرتتەۋ جۇڭگو اۋىل شارۋاشىلىعى اكادەمياسىنىڭ ”ەگىستىك جەر بايلىعىنان عىلمي، ۇيلەسىمدى پايدالانۋ“ كەلەلى مىندەتى سياقتى كوپتەگەن نىسانداردىڭ قولداۋىنا يە بولدى، بۇل ءارى جۇگەرى سورتىنداعى جانە ءوسىرۋ تەحنيكاسىنداعى كەلەلى ناتيجە.
ءتىلشى مىنانى ۇعىستى: 2009 - جىلدان باستاپ وسى زەرتتەۋ ۇجىمى شونجى ەگىس الاڭىمەن ءجيى سەلبەستىك ورىستەتىپ، زەرتتەي ءجۇرىپ جالپىلاستىرىپ، سول جىلى شونجى ەگىس الاڭىندا جۇگەرىنىڭ مۋ باسىندىق ورتاشا ءونىمى 500 − 600 كيلوگرام بولعان، ءار مۋىندا ەگىلگەن تىعىزدىعى 4000 تۇپكە جەتپەگەن. كەزەكتە شونجى ەگىس الاڭىنداعى 100 مىڭ مۋ كەلەتىن جۇگەرىگە تۇگەلدەي وسى تەحنيكا قولدانىلىپ، مۋ باسىندىق ورتاشا ءونىمى 1100 كيلوگرامعا جەتىپ، ءار مۋىندا ەگىلگەن تىعىزدىعى 7000 تۇپكە جەتتى. بۇل تۇردەگى زەرتتەۋ جەتىستىگى تاعى دا 2019 - جىلعى اۆتونوميالى رايوندىق عىلىم - تەحنيكا العا باسارلىعى سيلىعىنىڭ 1 - دارەجەلى سيلىعىن دا الدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
