شينجياڭ ەلەكتر تورىنىڭ ەلەكتر ساتۋ مولشەرى جىلىنا ورتا ەسەپپەن ％11.22 ارتتى
2020.10.16 14:31 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي 10 - ايدىڭ 14 - كۇنى ۇرىمجىدەن حابارلايدى. ”13 - بەسجىلدىق“ كەزىندە شينجياڭ ەلەكتر تورى ەلەكتر ساتۋ مولشەرىن تەز ارتتىرۋدى جۇزەگە اسىرىپ، ”12 - بەسجىلدىقتىڭ“ سوڭى 2015 - جىلداعى 79 ميلليارد 10 ميلليون كيلوۆات - ساعاتتان 2019 - جىلداعى 120 ميلليارد 906 ميلليون كيلوۆات - ساعاتقا ارتىپ، جىلىنا ورتا ەسەپپەن ％11.22 ارتقان.
كاسىپ سالاسىنان قاراعاندا، 2015 - جىلدان 2019 - جىلعا دەيىن رايونىمىزدىڭ 1 - كاسىپ سالاسى، 2 - كاسىپ سالاسى، 3 - كاسىپ سالاسى مەن قالا، اۋىل تۇرعىندارىنىڭ تۇرمىستىق ەلەكتردەن پايدالانۋىنىڭ جىلىنا ورتا ەسەپپەن ارتۋى جەكە - جەكە ％77. 4، ％92. 9، ％69. 15، ％22. 10 بولعان.
”ەلەكتر مولشەرى ەكونوميكانىڭ دامۋ جاعدايىن دالمە - ءدال بەينەلەي الادى، شينجياڭ ەلەكتر تورىنىڭ ەلەكتر ساتۋ مولشەرى ’13 - بەسجىلدىقتان‘ بەرى ورنىقتى ارتۋ جاعدايىن ساقتاپ كەلەدى، بۇل اۆتونوميالى رايونىمىز ەكونوميكاسىنىڭ ءۇرتىس اقاۋسىز دامۋ جاعدايىن دالەلدەيدى. وتە - موتە، 3 - كاسىپتە پايدالانعان ەلەكتر مولشەرى جوعارى قارقىنمەن ارتىپ، جۋىق جىلداردان بەرى رايونىمىز ەكونوميكالىق قۇرىلىمىنىڭ جاڭالانۋى تەزدەگەندىگىن، قىزمەت وتەۋ كاسىبنىڭ ەكونوميكالىق ارتۋدى جەتەكتەيتىن نەگىزگى كۇشكە اينالعانىن تەرەڭ اڭعارتادى“، - دەدى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ تيجارات - ساۋدا ءبولىمى بازار اشۋعا، باسقارۋعا ارناۋلى جاۋاپتىسى دوۋ بو.
قالا، اۋىل تۇرعىندارىنىڭ تۇرمىستا پايدالانىلاتىن ەلەكترى جىلىنا ورتا ەسەپپەن ەكى ورىندى سانمەن ارتۋ قاتارىندا ەكىنشى ورىندى يەلەدى. دوۋ بو بىلاي دەدى: بۇل جۋىق جىلداردان بەرى اۆتونوميالى رايونىمىزدىڭ حالىق تۇرمىسىن ۇزدىكسىز جاقسارتقاندىعىن، قالا، اۋىلداردىڭ ەلەكتر تورابى قۇرىلىسىن ۇزدىكسىز كۇشەيتكەندىگىنىڭ ءونىم بەرگەندىگىن اڭعارتادى. قالا، اۋىل تۇرعىندارىنىڭ ەلەكتردەن پايدالانۋ ورەسى ”13 - بەسجىلدىق“ كەزىندە كورنەكتى جاقساردى، وتباسىندا پايدالانىلاتىن ەلەكتر جابدىقتارىنىڭ جالپىلاسۋى كورنەكتى جوعارىلادى، تۇرعىندار تۇرمىسىنىڭ ەلەكترلەسۋ ورەسى ۇزدىكسىز جوعارىلادى.
”13 - بەسجىلدىقتان“ بەرى رايونىمىز ءبىر توپ ەلەكتر تورى تۇيىندى نىساندارىن سالىپ، ەلەكتر قۋاتىن تۇتىنۋ حاۋىپسىزدىگىن ءونىمدى قامتاماسىز ەتتى، جۇندۇڭ - ۋاننان 1100± كيلوۆولتتىق ەرەكشە جوعارى كەرنەۋلى تىكە اعىندا ەلەكتر جەتكىزۋ ينجەنەرياسى پايدالانۋعا بەرىلىپ، دۇنيە جۇزىندەگى ەلەكتر كەرنەۋى دارەجەسى ەڭ جوعارى ەلەكتر جەتكىزۋ ينجەنەرياسىنا اينالدى؛ تارىم ويپاتىن اينالعان مارالباسى - ياركەن، قاشقار - ياركەن، ياركەن - حوتان سياقتى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى سالىنىپ بولىپ، پايدالانۋعا بەرىلدى؛ وڭتۇستىك شينجياڭداعى 4 ايماق - وبلىستا كومىردى ەلەكترگە اينالدىرىپ تۇرعىنداردى توكپەن، جىلۋمەن قامداۋ (1 - مەرزىمدىك) ينجەنەرياسى 316 مىڭ وتباسىن ەلەكترمەن، جىلۋمەن قامداۋ مىندەتىن ورىندادى؛ التاي - جۇنبەي 750 كيلوۆولتتىق ەلەكتر جەتكىزۋ لەنيا قۇرىلىسى سالىندى...
بۇل نىساندار شينجياڭداعى 750 كيلوۆولتتىق ەلەكتر تورىمەن جاپپاي قامتۋعا مۇمكىندىك جاساپ قالماستان، حوتان، قاشقار ايماقتارىنداعى ەلەكترمەن قامداۋ جەتكىلىكسىز بولۋ ماسەلەسىن ءونىمدى شەشىپ، وڭتۇستىك شينجياڭ تۇرعىندارىنىڭ قىس ماۋسىمىندا جىلۋمەن قامدالۋ شارت - جاعدايىن جاقسارتتى.
قازىر شينجياڭ ەلەكتر تورىندا 750 كيلوۆولتتىق جانە ونان جوعارى ماڭىزدى پۋنكت تۇيىندەرىنەن 24ى بار، كەرنەۋ وزگەرتۋ سيىمدىلىعى 60 ميلليون 500 مىڭ كيلوۆولت - امپەر بولىپ ”ىشكى قامداۋدىڭ 4 اينالمالى تورابى، سىرتقا جەتكىزۋدىڭ 4 ارناسى“ بولۋداي ەلەكتر تورابى قۇرىلىمىن قالىپتاستىردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
