بۇل كاسىپورىن قىزمەتكەرلەرگە 52 كۇن دەمالىس بەردى
ماقتا تەرىپ، ءتىپتى دە كوپ اقشا تابىڭدار
2020.10.29 16:20 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى سۇي يۇنيان 10 - ايدىڭ 27 - كۇنى ياركەننەن حابارلايدى. 10 - ايدىڭ 20 - كۇنى تۇستەن كەيىن ياركەن اۋدانى ەلشىحۋ قالاشىعى دۇڭايرىق قىستاعىنا ورنالاسقان شينجياڭ جين - يشاڭ كيىم - كەشەك شەكتى سەرىكتەستىگىنىڭ 6 زاۆود ءۇيى بوس تۇر، تەك از ساندى ادام ماشينالاردا جۇمىس ىستەپ ءجۇر. ” سەرىكتەستىك قىزمەتكەرلەرگە 52 كۇن دەمالىس بەردى، 357 ايەل جۇمىسشىنىڭ كوبى مارالباسى اۋدانىنا ماقتا تەرۋگە كەتتى“، - دەدى سەرىكتەستىكتىڭ باس ديرەكتورى چىن ۋىنحۇڭ.
جين - يشاڭ سەرىكتەستىگى ياركەن اۋدانى ساۋداگەر شاقىرىپ، قارجى ەنگىزۋ ارقىلى قۇرعان كاسىپورىن، 2019 - جىلى 4 - ايدا ەلشىحۋ قالاشىعىنا ىرگە تەپكەن، باستىسى، كيىم - كەشەك تىگۋمەن شۇعىلدانادى. سەرىكتەستىك رەسمي وندىرىسكە قوسىلعاننان كەيىن جۇمىس كيىمىنە بولعان تاپسىرىس مولىنان ءتۇستى.
”كاسىپورىننىڭ يەلەگەن جەر اۋدانى 6000 شارشى مەتر، 6 زاۆود ۇيىندە 420 ماشينا بار، 400دەن استام ادامدى جۇمىستاندىرا الادى“، - دەدى چىن ۋىنحۇڭ، - كاسىپورىن ىرگە تەپكەننەن كەيىن، ەلشىحۋ قالاشىعىنىڭ ءارقايسى قىستاعىنداعى ايەلدەر توپ - توبىمەن كەلدى، ەڭ كوپ بولعان ۋاقىتتا 383 ادامعا جەتىپ، قابىلداۋ شەگىنە تايادى. سول جەردە، جاقىن ماڭدا جۇمىستانعاندا قىستا سۋىققا توڭبايدى، جازدا كۇنگە كۇيمەيدى، ورنىقتى كىرىسى بولۋمەن بىرگە قارتتارىن كۇتىمدەپ، بالالارىن باعا الادى، مۇنىڭ قىستاق تۇرعىندارىن باۋراۋ قۋاتى زور.
تاماشا قىزمەت ورتاسىن جاراتۋ ءۇشىن، كاسىپورىن اپتا سايىن قورەكتىگى مول ۇقسامايتىن تۇسكى تاماقپەن تەگىن قامداپ، جاز ماۋسىمىندا كوك بۇرشاق سىرنەسىمەن، قاربىز جانە بالمۇزداقپەن قامدادى، تاعى ەكى بالاباقشا مۇعالىمىن ارناۋلى ۇسىنىس ەتىپ، سابيلەرگە قاراتىپ، ايەل جۇمىسشىلاردى ۋايىمنان ارىلتتى.
تاپسىرىس تولاستامادى، جۇمىسشىلاردىڭ شەبەرلىگى دە بارعان سايىن جوعارىلادى، سەحتار ورنىقتى ءونىم مولشەرىنە جەتتى، كاسىپورىننىڭ دامۋى كۇن سايىن قاۋلاپ جاتقان شاقتا، 10 - ايدىڭ 5 - كۇنى سەرىكتەستىك قىزمەتكەرلەرگە 11 - ايدىڭ 25 - كۇنىنە دەيىن دەمالىس بەرىپ، ايەل جۇمىسشىلاردى ماقتا تەرۋگە جىبەردى. ”كاسىپورىندا جۇمىس ىستەگەندە، قازىرگى شەبەرلىك ورەسى بويىنشا ايتقاندا جۇمىسشىلاردىڭ اي سايىنعى ەڭبەڭاقىسى 3000 يۋان اينالاسىندا بولادى، ال ماقتا تەرۋشى بولىپ، تەك جاپاعا شىداسا بولعانى ءبىر ايدا 5000 يۋاننىڭ توڭىرەگىندە اقشا تابا الادى“، - دەدى چىن ۋىنحۇڭ، - قىستاق تۇرعىندارى ءۇشىن ايتقاندا بۇل تاپتىرماس اقشا تابۋ ورايى.
ياركەن اۋدانى ەلشىحۋ قالاشىعى پارتكومنىڭ شۋجيى لۇڭ شىشين تىلشىگە بىلاي دەدى: ەلشىحۋ قالاشىعى اۋىل شارۋاشىلىعىندىق اۋىل - قالاشىق، اۋدان قالاشىعىنان ءبىرشاما الىس، نەگىزدىك قۇرىلعىلارى مەشەۋ، كاسىپ سالاسى قۇرىلىمى جالاڭ، ەڭبەككۇشتەردىڭ جۇمىستانۋ قابىلەتى ءبىرشاما ءالسىز، كەدەيلىكتەن ارىلتۋدان قامال الۋ مىندەتى اۋىر. جۋىق جىلداردان بەرى، بۇل قالاشىق ەڭبەككۇشتەردى شەبەرلىككە باۋلۋدى مىقتى ۇستاپ، سىرتقا شىعىپ جۇمىس ىستەۋگە شابىتتاندىرىپ، شارۋالاردىڭ كىرىستەرىن ارتتىرۋىنا كومەكتەستى. ”ماۋسىمدىق سيپاتتى قىسقا مەرزىمدىك جۇمىس ىستەۋدىڭ كىرىستەرىن ارتتىرىپ، كەدەيلىكتەن ارىلتۋداعى ونىمدىلىگى كورنەكتى، ماسەلەن ماقتا تەرۋ ماۋسىمىندا، ءبىر قىستاق تۇرعىنى 8000 يۋاننىڭ اينالاسىندا اقشا تابا الادى، جوعارى بولعاندا 12 مىڭ يۋانعا جەتەدى“، - دەدى ول.
ايەل جۇمىسشىلاردىڭ ماقتا تەرۋىن قولداۋ ءۇشىن، كاسىپورىن 13 مىڭ كيىم - كەشەك مانەرلەۋ تاپسىرىسىن ىشكى وڭىرلەردەگى كاسىپتەستەرىنىڭ ورىنداۋىنا بەردى. بۇل كۇندەرى، تەحنيك قىزمەتكەرلەر مەن ۇيدە قالعان 39 ايەل جۇمىسشى بوس جۇرگەن جوق، اتىلاس جىبەگى تارتۋ - تارالعى بۇيىمدار قالتاسى تاپسىرىن ىستەپ جاتىر.
”كاسىپورىننىڭ اۋىل - قىستاققا ىرگە تەبۋىندەگى ماقساتى قىستاق تۇرعىندارىنىڭ كىرىستەرىن ارتتىرۋىنا كومەكتەسۋ، ماقتا تەرۋ مەن سەرىكتەستىكتە جۇمىس ىستەۋدىڭ ماقساتى بىردەي، بارلىعى دا كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ ءۇشىن“، - دەدى چىن ۋىنحۇڭ، جولعا شىعاردان بۇرىن ول جۇمىسشىلاردى قۇلشىنا ماقتا تەرۋگە شابىتتاندىرىپ، اقشانى ەڭ كوپ تاپقان الدىڭعى 10 ادامعا ”كۇنگە كۇيىپ قارايىپ كەتۋدەن الاڭداماڭدار، قايتىپ كەلگەننەن سوڭ سەندەرگە تەرى قورعاۋ ءونىمىن سيلىققا بەرەمىن“ دەپ ۋادە بەردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
