بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

وتكەلدى قاتاڭ مەڭگەرىپ، جوعارى ونىمدىلىكپەن ىلگەرىلەتتى

− قاشقار ايماعىنداعى نۋكلەين قىشقىلىن تەكسەرۋ تاجىريبەحانالارىنان كورگەندەرىمىز

گازەتىمىزدىڭ جالپىلىق اقپارات قۇرالدارى ءتىلشىسى لي چۇنشيا

2020.10.29 16:23     كەلۋ قاينارى : شينجياڭ گازەتى

  10 - ايدىڭ 27 - كۇنى تۇستەن بۇرىن كونەءشار اۋداندىق ىندەتتەن ساقتانۋ - تىزگىندەۋ ورتالىعىنىڭ نۋكلەين قىشقىلىن تەكسەرۋ تاجىريبەحاناسىندا تەكسەرۋ ءبولىمىنىڭ باستىعى رايحانگۇل ابدۇراحمان كومپيۋتەرگە قاراپ، ءاربىر نۋكلەين قىشقىلىن تەكسەرۋ ساندى مالىمەت قيسىق سىزىعىن تاپتەشتەي كورۋدە، ول: ”ناتيجەسى بولىمدى بولسا، كوپ رەت قايتالاي تەكسەرىپ، ءاربىر تەكسەرۋ ناتيجەسىنىڭ دالمە - ءدال، ءونىمدى بولۋىنا شىنايى كەپىلدىك ەتەمىز“، - دەدى.

  نۋكلەين قىشقىلىن تەكسەرۋ ىندەتتەن ساقتانۋ - تىزگىندەۋ جونىنەن ماڭىزدى رول اتقارادى. كونەءشار اۋدانىندا ىندەت تۋىلعاننان كەيىن، تارالۋ جولىن دەرەۋ ءۇزىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا شىنايى كەپىلدىك ەتۋ ءۇشىن، اۆتونوميالى رايوندىق ىندەتتەن ساقتانۋ - تىزگىندەۋ قىزمەتى قولباسشىلىق شتابى كونەءشار اۋدانىن ءتۇيىن ەتىپ، قاشقار ايماعىندا بارلىق ادامنىڭ نۋكلەين قىشقىلىن تەگىن تەكسەرۋدى باتىل ۇيعاردى.

  كونەءشار اۋداندىق ىندەتتەن ساقتانۋ - تىزگىندەۋ ورتالىعىنىڭ ورىنباسار مەڭگەرۋشىسى چاۋ شيانفىڭ بىلاي دەپ تانىستىردى: ورتالىعىمىزدىڭ نۋكلەين قىشقىلىن تەكسەرۋ تاجىريبەحاناسى گۋاڭدۇڭ ولكەسىنىڭ كومەگىمەن سالىندى، بيىل 6 - ايدا ىسكە قوسىلدى، اۋماعى 400 شارشى مەتر. كۇز - قىس ماۋسىمىنداعى ىندەتتەن ساقتانۋ - تىزگىندەۋدى ويداعىداي ىستەۋ ءۇشىن، ۇكىمەت ورتالىعىمىزعا جابدىق ۇسىنىلىم سەرپىنىن ارتتىردى، قازىر وسى ورتالىقتا 9 نۋكلەين قىشقىلىن الۋ اسپابى، 8 كۇشەيتكىش اسپابى بار، قاتتى بولشەك دەڭگەيى بارىنشا جوعارىلادى.

  جۇمساق كۇشتى ارتتىرۋ ءۇشىن، اۆتونوميالى رايوننىڭ ىندەتتەن ساقتانۋ - تىزگىندەۋ جونىندەگى قاتىستى تالابىنا ساي، كونەءشار اۋدانى مەرزىمدى ۋاقىتتا ءارقايسى شيپاحانانىڭ، اۋىل - قالاشىق ەمحانالارىنىڭ تەكسەرۋ قىزمەتكەرلەرىنە نۋكلەين قىشقىلىن تەكسەرۋ بويىنشا نازاريالىق باۋلۋ جانە ناقتى امالياتتىق باۋلۋ جۇرگىزىپ، نۋكلەين قىشقىلىن تەكسەرۋ تولىمدىلىعى بار شۇعىل جاعدايعا توتەپ بەرۋ قىزمەتكەرلەر قوسىنىن قۇرىپ، ىندەت تۋىلعاننان كەيىن دەر كەزىندە تەكسەرۋدىڭ ءبىرىنشى شەبىنە اتتانۋىنا مۇمكىندىك جاسادى. ”تاجىريبەحانامىزدا قازىر 15 نۋكلەين قىشقىلىن تەكسەرۋشى بار، مۇنىڭ 8ى ءارقايسى اۋىل - قالاشىق ەمحانالارىنان كەلگەن“، - دەدى چاۋ شيانفىڭ.

  زايتۇنگۇل مامەت تاڭداپ اكەلىنگەن تەكسەرۋشىنىڭ ءبىرى، كونەءشار اۋدانى تاشىمىلىك اۋىلدىق ەمحاناسىنان كەلگەن. ول تىلشىگە بيىل 7 - ايدا نۋكلەين قىشقىلىن تەكسەرۋ تولىمدىلىعىن العاندىعىن ايتتى. ”تەكسەرۋ مىندەتى اۋىر بولعانىمەن ءبىز ابىرجىپ كەتپەدىك، الدىڭعى مەرزىمدىك باۋلۋ ارقىلى قىزمەتكە توسەلىپ الدىق، بۇل دا تەكسەرۋ ناتيجەسىنىڭ دالمە - ءدال بولۋىنا كەپىلدىك ەتتى“، - دەدى زايتۇنگۇل.

  ”اۆتونوميالى رايوننىڭ ءبىر تۇتاس ورنالاستىرۋىندا ءبىز ىندەتتەن ساقتانۋ - تىزگىندەۋدىڭ ۇدايىلانعان شارالارىن جاپپاي تياناقتاندىرىپ، نۋكلەين قىشقىلىن تەكسەرۋ قابىلەت قۇرىلىسىن كۇشەيتتىك، وسى ارقىلى وسى رەت توسىن تۋىلعان ىندەتكە توتەپ بەرۋگە سەنىمىمىز تولىق، قابىلەتىمىز جەتكىلىكتى، جىگەرىمىز ۇستەم بولدى“، - دەيدى قاشقار ايماقتىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى لي لينيۇي ، - بيىل جىل باسىنان بەرى قاشقار ايماعى جالپى 90 ميلليون يۋانعا جۋىق قارجى قوسىپ، نۋكلەين قىشقىلىن تەكسەرۋ اسپابىنان 320سىن سەپتەدى؛ ەمدەۋ قىزمەتكەرلەرىن توپقا ءبولىپ باۋلىدى، قازىر قاشقار ايماعىندا جالپى 613 ادام نۋكلەين قىشقىلىن تەكسەرۋ تولىمدىلىعىن الدى، 10 مىڭنان استام ادام نۋكلەين قىشقىلىنان ۇلگى الىپ تەكسەرۋ قىزمەتىن ىستەي الادى.

  قاشقار ايماعىنداعى باسقا اۋدان - قالالاردىڭ نۋكلەين قىشقىلىن تەكسەرۋ قىزمەتى دە قاۋىرت، ءتارتىپتى جۇرگىزىلۋدە. قاشقار ايماقتىق 1 - حالىق شيپاحاناسىندا 21 تەكسەرۋ قىزمەتكەرى كۇندى تۇنگە جالعاپ نۋكلەين قىشقىلىن تەكسەرۋ تاجىريبەحاناسىندا شايقاس جاساۋدا، مۇنىڭ 10ىن اۆتونوميالى رايوندىق حالىق شيپاحاناسى كومەككە جىبەرگەن، ولاردىڭ نۋكلەين قىشقىلىن تەكسەرۋ ناقتى تاجىريبەسى مول. ”ءبىز ارالاسپا قوسىن قۇردىق، كوپشىلىك تەز ارادا ۇيىرلەسىپ، سايكەسە سەلبەسىپ، تەكسەرۋ ونىمدىلىگىن بارىنشا جوعارىلاتتى“، - دەدى وسى شيپاحانانىڭ تەكسەرۋ ءبولىمىنىڭ جاۋاپتى تەكسەرۋشىسى شا يىنجۇڭ.

  24 جاستاعى ءدىلنۇر سۇلتان قاشقار ايماقتىق 1 - حالىق شيپاحاناسى مەديتسينالىق تەكسەرۋ ءبولىمىنىڭ تەكسەرۋشىسى، 10 - ايدىڭ 27 - كۇنى ساعات 10نان 30 مينۋت وتكەندە ول 12 ساعاتتىق تەكسەرۋ قىزمەتىن تامامداپ، تاجىريبەحانادان شىقتى.

  وسىنشاما اۋىر تەكسەرۋ مىندەتىن قىزمەتكە قاتىناسقانىنا ەندى عانا 2 جىل بولعان ءدىلنۇر تۇڭعىش رەت ارقالاپ وتىر. ول نەگىزىنەن ۇلگى قوسۋ بۋىنىنا جاۋاپتى، ۇزاق ۋاقىت ءبىر ارەكەتتى قايتالاي بەرگەندىكتەن، الاقانى ويىلىپ كەتكەن، قىزمەت ۋاقىتىندا ءبىر قالىپتا تۇراتىندىقتان، مويىنى مەن بەلى دە ەرەكشە سىزداپ اۋىراتىن - دى. وسىلاي بولسادا ول قىزمەتىن باستان - اياق ەرەكشە شوگەلدىكپەن ىستەدى. ”ءاربىر بۋىن تۇگەلدەي ماڭىزدى، قوسىلعان ۇلگىنىڭ كوپ - ازدىعى نۋكلەين قىشقىلىن تەكسەرۋدىڭ دالدىگىنە سايادى، تيتتەي دە شالاعايلىق ىستەۋگە بولمايدى“، - دەدى ول ىجداعاتتىلىقپەن.

  نۋكلەين قىشقىلىن تەكسەرۋ قىزمەتكەرلەرىنىڭ جان قيارلىقپەن قىزمەت ىستەۋى قاشقار ايماعىنىڭ ىندەتتەن ساقتانۋ - تىزگىندەۋىندە ماڭىزدى رول اتقاردى. ”ۇستەمەلەپ كوبىرەك قىزمەت ىستەپ، تەكسەرۋ ناتيجەسىن ەرتەرەك شىعارىپ، ىندەتتى ەرتەرەك جەڭسەك بولعانى، شارشاپ - شالدىققانىمىز تۇككە تۇرمايدى “، - دەدى رايحانگۇل.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار