جاڭا جوبا كەسكىندەپ، تىڭ ساپار باستادى
− پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ اشىلۋ قارساڭىندا
2020.10.29 16:29 كەلۋ قاينارى : شينجياڭ گازەتى
□ شينحۋا اگەنتتىگىنىڭ تىلشىلەرى ان بەي، چىن ۋيۋي، گاۋ جيڭ، شىن چىڭ
التىن كۇزدەگى بەيجيڭ تاعى ءبىر رەت كۇللى دۇنيە ءجۇزى كوز تىككەن تۇيىنگە اينالدى.
10 - ايدىڭ 26 - كۇنىنەن 29 - كۇنىنە دەيىن، پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى بەيجيڭدە اشىلادى.
بۇل كەرەمەت مانگە يە ءساليقالى ءسات −
ماڭىزدى كەڭەستىك تاقىرىپ رەتىندە، ءماجىلىس جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىستى قاراپ، الداعى 5 جىلداعى، ءتىپتى 15 جىلداعى جۇڭگونىڭ دامۋى ءۇشىن جوبا كەسكىندەيدى.
بۇل بولاشاق ارمانعا قۇلاش ۇراتىن ماڭىزدى بەلەس −
”13 - بەسجىلدىق“ جوبادا بەلگىلەنگەن ءتۇرلى نىسانا - مىندەتتەر جەڭىسپەن ورىندالار ساتتە، جۇڭگو ”قوس 100 جىلدىق“ كۇرەس نىساناسىن ورگانيكالى ۇشتاستىرۋدى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرىپ شىعۋ ءۇشىن جاقسى جاعداي اشىپ، العاشقى قادامدى جاقسى باسادى.
ءجۇز جىلدىقتىڭ توعىسىندا جوبالار بەلگىلەنىپ ورنالاستىرۋلار جاسالماق. بۇل رەتكى ءماجىلىستىڭ اشىلۋى جانە بەرگەن سيگنالى جۇڭگو مەن دۇنيە ءجۇزىنىڭ دامۋىنا اناعۇرلىم مىعىم سەنىم ۇستەيدى.زەيىن - زەردە، كۇش - قۋات ۇيىستىرىپ، جاپپاي سوتسياليستىك وسىزاماندانعان مەملەكەت قۇرىپ شىعۋدىڭ جاڭا ساپارىن باستادى
جياڭشي ولكەسى نانچاڭ قالاسى شينجيان رايونى ليانيۇي قالاشىعى شياشاتوۋ قىستاعىنىڭ تۇرعىنى ۋ حۋاشان پوياڭ كولىندە 20 جىلدان استام بالىق اۋلاعان سوڭ، ”جاعاعا شىعىپ“ كاسىبىن اۋىستىردى. بيىل 1 - ايدىڭ 1 - كۇنىنەن باستاپ چاڭجياڭ وزەنىندە بالىق اۋلاۋعا تيىم سالىندى. ۋ حۋاشان سياقتى وزگە وندىرىسكە اۋىسقان بالىقشىلار 200 مىڭنان اسادى.
جالپى جاعداي ءۇشىن جوبا جاساپ، زامان ءۇشىن جوسپار قۇردى.
2016 - جىلى 1 - ايدا ”13 - بەسجىلدىق“ ەندى باستالعان شاقتا، چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ جونىندەگى اڭگىمە ءماجىلىس چۇڭچيڭدە اشىلدى. بارىنشا قورعاۋدى بىرگە يگەرىپ، زور اشۋ جۇرگىزبەي، چاڭجياڭ ەكونوميكالىق بەلدەۋى دامۋىنىڭ جاڭا تاراۋى اشىلدى.
”حۋاڭحى وزەنى الابىنىڭ ەكولوگياسىن قورعاۋدى جانە جوعارى ساپالى دامۋدى جۇڭحۋا ۇلتىنىڭ ۇلى گۇلدەنۋىنە قاتىستى ماڭگىلىك ۇلى جوسپار رەتىندە قاراۋ كەرەك“، 2020 - جىلى 8 - ايدىڭ 31 - كۇنى جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشىپ، «حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ جوباسى باعدارلاماسىن» قاراپ، وسى كەلەلى مەملەكەتتىك ستراتەگيا جەدەل تياناقتاندى.
ۇستانىم امالياتقا جەتەكشىلىك ەتىپ، كۇرەسكەرلىكتىڭ تىڭ تاراۋىن جازدى.
5 جىلدان بەرى جاڭا دامۋ ۇستانىمىن جەتەكشى ەتىپ، دامۋدىڭ قيىن ماسەلەلەرىن شەشىپ، دامۋ باسىمدىعىن نىعايتتى، ەلىمىز دامۋىنىڭ جالپى جاعدايىنا ساياتىن تەرەڭ وزگەرىس جالپى بەتتىك باستالدى −
جاڭالىق اشۋ ءبىرىنشى قوزعاۋشى كۇشكە، سايكەسىمدىلىك ىشكى ەرەكشەلىككە، جاسىل جالپىلىق فورماتسياعا، ەسىك اشۋ، ءسوز جوق، باسىپ وتەتىن جولعا، بىرگە يگىلىكتەنۋ ءتۇبىرلى ماقساتقا اينالدى.
5 جىلدان بەرى ەلىمىزدىڭ ەكونوميكالىق قۋاتى، عىلىم - تەحنيكالىق قۋاتى، جالپىلىق مەملەكەت قۋاتى جاڭا ساتىعا كوتەرىلىپ، دامۋدىڭ بولاشاعى اناعۇرلىم كەڭەيدى −
ەكونوميكانىڭ جالپى كولەمى 100 تريلليون يۋاندىق وتكەلگە تاياپ، جان باسىندىق GDP 10 مىڭ دوللارلىق دەڭگەيگە قادام تاستاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسى، كەدەيلىكتەن ارىلتۋدان قامال الۋدىڭ شەشۋشى شايقاسى شەشۋشى جەتىستىككە قول جەتكىزدى؛ ”13 - بەسجىلدىق“ جوبانىڭ باستى كورسەتكىشتەرى جالپى جاقتان ۋاعىندا ورىندالىپ، كەلەلى ستراتەگيالىق مىندەتتەر مەن 165 كەلەلى ينجەنەريا نىسانى جالپى بەتتىك تياناقتانىپ، ناتيجە بەردى، جۇڭگو جاراتقان، جۇڭگو جاساعان، جۇڭگو سالعان كەرەمەتتەر دۇنيە ءجۇزىن تاڭ قالدىردى؛ دۇنيە ءجۇزى بويىنشا ەڭ ۇلكەن كولەمدەگى ورتا كىرىستىلەر قاۋىمى مەن 100 ميلليوننان اساتىن بازار تۇلعاسى بار جۇڭگو ەكونوميكاسىنىڭ ومىرشەڭدىگى قاۋلاپ، حالىقتىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى...
جۇڭگو تاريحتىڭ ماڭىزدى وتكەلىندە تۇر، بۇرىن بولماعان ورايلار تۋىنداۋدا، سونىمەن بىرگە بۇرىن كەزدەسپەگەن سىن - سايىستار دا بارشىلىق.
قازىرگى دۇنيە ءجۇزى 100 جىلدا بولماعان ۇلكەن وزگەرىستى باستان كەشىرۋدە، ەكونوميكانىڭ جاھاندانۋى كەرى اعىسقا ۇشىراپ، دۇنيە ءجۇزى اۋمالى - توكپەلى وزگەرىس مەزگىلىنە ءوتتى؛
جۇڭگو جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، قوعامداعى باستى قايشىلىقتاردىڭ وزگەرىسى جاڭا ەرەكشەلىكتەر، جاڭا تالاپتار الا اكەلدى، جوعارى ساپالى دامۋ دەرەۋ ”قامال بۇزۋعا“ مۇقتاج بولۋدا.
جوسپارمەن ىستەلسە ءىس وڭىنا باسادى، جوسپارسىز ءىس جولدا قالادى.
حالىق شارۋاشىلىعى مەن قوعامدىق دامۋدىڭ بەسجىلدىق جوباسىن جاساۋ جانە اتقارۋ − پارتيامىزدىڭ ەل باسقارۋداعى ماڭىزدى ءتاسىلى، جۇڭگونىڭ جونگە سالۋداعى ماڭىزدى ”قۇپيا سيفرى“.
”13 - بەسجىلدىقتاعى“ دامۋ تاجىريبەلەرىن جالپى بەتتىك قورىتىندىلاپ، جۇڭگونىڭ مەملەكەت جاعدايىن ءدال باعامداپ، دامۋدىڭ ۇلكەن اۋقىمىن تەرەڭ يگەرگەن پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ”14 - بەسجىلدىقتاعى“ جۇڭگونىڭ دامۋى ءۇشىن تامىر ۇستاپ، باعدار بەلگىلەيدى.
كوز الداعى جاعدايدى تياناق ەتىپ، حالىقتىڭ ۇنىنە قۇلاق ءتۇرىپ، حالىقتىڭ پاراساتىن شوعىرلاندىرىپ، مەملەكەتتىڭ ەرلىكپەن العا باساتىن قۋاتتى كۇشىن ۇيىستىردى −
باس شۋجي شي جينپيڭ جەلىلەس اڭگىمە ماجىلىستەردى باسقارىپ اشىپ، قوعامنىڭ ءار سالاسىنىڭ ”14 - بەسجىلدىق“ مەزگىلدەگى ەلىمىزدىڭ ەكونوميكالىق، قوعامدىق دامۋى جونىندەگى پىكىرلەرى مەن ۇسىنىستارىن بەتپە - بەت تىڭدادى؛ ”14 - بەسجىلدىقتاعى“ دامۋعا جوسپار جاساۋ ءۇشىن، ول كوپ رەت جەرگىلىكتى ورىندارعا بارىپ قىزمەت تەكسەرىپ، تەكسەرۋ - زەرتتەۋ جۇرگىزدى. ورتالىق تاعى تۇڭعىش رەت ينتەرنەت ارقىلى ”14 - بەسجىلدىق“ جوبانىڭ جاسالۋى تۋرالى بۇكىل قوعامنان پىكىر جانە ۇسىنىس جينادى.
”جوعارى دەڭگەيدە جوبالاۋدى كۇشەيتۋ مەن حالىقتىڭ قامىن ويلاۋعا تاباندى بولۋدى بىرلىككە كەلتىرىپ، قالىڭ حالىق بۇقاراسى مەن قوعامداعى ءار سالانى ءتۇرلى تاسىلدەرمەن اقىل - كەڭەس بەرۋگە ىنتالاندىرىپ، ’14 - بەسجىلدىق‘ جوبانىڭ جاسالۋىنىڭ حالىق قالاۋىنا ساي كەلۋىن، حالىقتىڭ ويىنداعىسىنا، كۇتكەن تىلەگىنە ۇيلەسۋىن ىلگەرىلەتۋ كەرەك“، - دەدى باس شۋجي قاداعالاي تاپسىرما بەرىپ.
ۇزاق بولاشاقتى كوزدەگەندە، بولاشاقتاعى جۇڭگوعا قاتىستى بولجامپازدىق، ستراتەگيالىق، جالپى جاعدايلىق ويلاۋ بىرتىندەپ ايقىندالىپ، باعدار ونان ارى انىق بولا ءتۇستى −
ءسوز جوق، پارتيانىڭ جالپى بەتتىك باسشىلىعىنا تاباندى بولىپ، جۇڭگوشا سوتسياليستىك تۇزىمگە تاباندى بولىپ جانە ونى كەمەلدەندىرىپ، جاڭا دامۋ ۇستانىمىن دايەكتىلەندىرۋ قابىلەتى مەن دەڭگەيىن ۇزدىكسىز جوعارىلاتۋ كەرەك؛
ءسوز جوق، حالىقتى وزەك ەتۋگە تاباندى بولىپ، حالىقتىڭ تۇلعالىق ورنىنا تاباندى بولىپ، حالىقتىڭ ءتۇبىرلى مۇددەسىن قورعاپ، حالىقتىڭ ىرىس - قۇتىن مولايتۋ كەرەك؛
ءسوز جوق، جاڭا دامۋ ارناسىن قالىپتاستىرىپ، دامۋ تاسىلىنە شىنايى تۇردە بۇرىلىس جاساپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتۋ كەرەك؛
ءسوز جوق، رەفورما جاساۋدى، ەسىك اشۋدى تەرەڭدەتۋگە تاباندى بولىپ، بايلىقتى جايعاستىرۋ ونىمدىلىگىن جوعارىلاتۋعا پايدالى، بۇكىل قوعامنىڭ بەلسەندىلىگىن جۇمىلدىرۋعا پايدالى رەفورما جاساۋدىڭ، ەسىك اشۋدىڭ كەلەلى شارالارىن كۇشەيتۋ كەرەك؛
ءسوز جوق، جۇيەلىك كوزقاراسقا تاباندى بولىپ، نەگىزدى كۇش سالا بەكەمدەپ، ارتىقشىلىقتى ايگىلەپ، ولقىلىقتاردى تولىقتاپ، ءالسىز بۋىنداردى كۇشەيتىپ، ەلەۋلى حاۋىپ - قاتەر، سىن - سايىستاردىڭ الدىن الۋعا جانە ونى جەڭۋگە ءمان بەرۋ كەرەك...
”قوس 100 جىلدىقتىڭ“ تاريحي توعىسۋ تۇيىنىندە ”14 - بەسجىلدىق“ جوبا ورتاعا قويىلۋ الدىندا تۇر، اناعۇرلىم جوعارى ساپالى، اناعۇرلىم جىلى شۋاقتى، ومىرشەڭدىككە اناعۇرلىم باي دامۋ كارتيناسى ايشىقتالا ءتۇستى.اعىمعا ساي العا ۇمتىلىپ، جاڭا دامۋ ۇستانىمىنىڭ جەتەكشىلىگىندە جاڭا دامۋ ارناسىن قالىپتاستىردى
0.7%!
ەڭ جاڭا ساندى مالىمەتتەردىڭ كورسەتۋىنشە، بيىل الدىڭعى 3 توقساندا جۇڭگو ەكونوميكاسىنىڭ ارتۋ جىلدامدىعى وڭ مانگە ءوتۋدى جۇزەگە اسىرىپ، دۇنيە جۇزىندەگى باستى ەكونوميكالىق تۇلعالاردىڭ ىشىندە ەڭ الدىمەن قايتا جانداندى.
حاۋىپ - قاتەر، سىن - سايىستار الدىندا، جۇڭگو ىندەتتەن ساقتانۋ - تىزگىندەۋ مەن ەكونوميكانى قالپىنا كەلتىرۋ جاعىندا دۇنيە ءجۇزى بويىنشا الدىڭعى قاتاردا كەلەدى، جۇڭگو ەكونوميكاسى قۋاتتى سەرپىمدىلىك جانە ومىرشەڭدىك كورسەتتى. حالىقارالىق اقشا قورى ۇيىمىنىڭ مەجەسى بويىنشا بيىل الەمدىك ەكونوميكا ％4.4 كەمەيىپ، جۇڭگو دۇنيە ءجۇزى بويىنشا وڭ ارتۋدى جۇزەگە اسىرعان باستى ەكونوميكالىق تۇلعا بولادى ەكەن.
ۇدەرە، جىگەرلەنە ىلگەرىلەپ، اعىمعا ساي العا ۇمتىلدى.
10 - ايدىڭ 22 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشىپ، ”13 - بەسجىلدىق“ جوبانىڭ اتقارىلۋىن قورىتىندىلاۋ، باعالاۋ مالىمەتىن تىڭدادى، ”14 - بەسجىلدىقتاعى“ دامۋدىڭ ورنى مەن جاعدايى جونىندە عىلمي تۇجىرىمداما جاسادى −
”ەلىمىز قوعامىنداعى باستى قايشىلىقتىڭ وزگەرىسى الا كەلگەن جاڭا ەرەكشەلىكتەردى، جاڭا تالاپتاردى تەرەڭدەي تانۋ“؛
”كۇرمەۋى كوپ كۇردەلى حالىقارالىق ورتا الا كەلگەن جاڭا قايشىلىقتاردى، جاڭا سىن - سايىستاردى تەرەڭدەي تانۋ“؛
”’14 - بەسجىلدىق‘ مەزگىلىندە ەلىمىز جاڭا دامۋ كەزەڭىنە كىرەدى دەيتىن كەلەلى تۇجىرىمدى تەرەڭدەي تانۋ“؛
......
جاڭا دامۋ ۇستانىمىن دايەكتىلەندىرىپ، تياناقتاندىرىپ، جوعارى ساپالى دامۋدى ىلگەرىلەتۋمەن تىعىز بايلانىستىرىپ، جاڭا دامۋ ارناسىن كۇش سالا قالىپتاستىرعان جۇڭگونىڭ باعدارى ايقىن، قادامى بەرىك.
عىلىم - تەحنيكادا جاڭالىق اشۋ ارقىلى دامۋدىڭ جاڭا قوزعاۋشى ەنەرگياسىن تۋىنداتىپ، جاڭالىق اشۋ ارقىلى دەم بەرۋگە سۇيەنىپ ماندىك تيپتەگى ارتۋدى جۇزەگە اسىردى −
حاۋىپسىزدىك بەلبەۋىن تاعىپ، ەكرانداعى ”باستاۋ“ كنوپكاسىن باسساڭىز، اۆتوكولىك باياۋ قوزعالادى، جاياۋلاردان نەمەسە بوگەتتەردەن اۆتوماتتى جالتارا الادى... جۋىقتا بايدۋ سەرىكتەستىگى بەيجيڭدە اۆتوماتتى جۇرەتىن كىرە كولىكتەرىن سىناپ كورۋ قىزمەت وتەۋىن ۇسىندى. 5G ءداۋىرىنىڭ كەلىپ جەتۋىنە مەڭزەس، جۇرگىزۋشىسىز اۆتوموبيلدەر بىزگە ”جاقىنداي تۇسۋدە“.
قازىرگى دۇنيە جۇزىندە جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى جەدەل وزگەرۋدە. ەكونوميكالىق، قوعامدىق دامۋ عىلىم - تەحنيكاعا بۇرىنعى ءارقانداي كەزدەگىدەن دە ءزارۋ بولىپ وتىر، جاڭالىق اشۋ سىندى ءبىرىنشى قوزعاۋشى كۇشتى كۇشەيتۋدى اناعۇرلىم قاجەت ەتەدى.
عىلىم - تەحنيكادا جاڭالىق اشۋ ەكولوگياسىن جاقسارتىپ، ماڭىزدى سالالارداعى شەشۋشى، وزەكتى تەحنيكالاردان قامال الۋدى ىلگەرىلەتىپ، نەگىزدىك زەرتتەۋلەردى ۇزاق ۋاقىت تاباندىلىقپەن كۇشەيتىپ، جاڭالىق اشۋشى دارىندىلاردى تاربيەلەۋدى، باۋلۋدى كۇشەيتتى... تيبىن وزگەرتىپ، دارەجەسىن جوعارىلاتقان جۇڭگو ەكونوميكاسى تاستى سىرىپ تاۋعا شىعىپ، قيىن - قىسپاقتاردان ءوتىپ كەلەدى. جاڭالىق اشۋ اسۋدان اسۋدىڭ قۋاتتى قوزعالتقىشى بولىپ تابىلادى.
جۇڭگو عىلىم اكادەمياسىنىڭ باستىعى باي چۇنلي بىلاي دەدى: ”14 - بەسجىلدىق“، ءتىپتى ونان دا ۇزاق مەزگىلدەگى قۇلشىنۋ ارقىلى عىلىم - تەحنيكادا جاڭالىق اشۋدىڭ جوعارى ساپالى دامۋ جولىنا الدىمەن ءتۇسۋىن ىلگەرىلەتىپ، عىلىم - تەحنيكادا جوعارى ساپامەن جاڭالىق اشۋ ارقىلى جوعارى ساپالى دامۋعا تىرەك بولۋ جانە ونى جەتەكتەۋ كەرەك.
رەفورمانى تەرەڭدەتۋ ارقىلى دامۋدىڭ جاڭا ومىرشەڭدىگىن قاۋلاتىپ، اناعۇرلىم كۇشتى باتىلدىقپەن، اناعۇرلىم كوپ شارامەن تەرەڭ قاتپارداعى ءتۇزىلىس - مەحانيزم كەدەرگىلەرىن جويدى −
نانحاي تەڭىزىنىڭ جاعاسىندا كوكتەم تاسقىنى تولقىن اتۋدا.
ەكونوميكالىق ەرەكشە رايون قۇرىلعاندىعىنىڭ 40 جىلدىعى قارساڭىندا، ورتالىق شىنجىنعا كەشەندى رەفورمانى تۇيىندە سىناق ەتۋىنە قولداۋ كورسەتىپ، ءتىزىم بويىنشا توپتاپ بيلىك بەرۋ تاسىلىمەن شىنجىنعا ماڭىزدى سالالار مەن شەشۋشى بۋىندار رەفورماسىندا اناعۇرلىم كوپ ىرىقتى ۇقىق بەرەتىندىگىن جاريالاپ، 27 ءتۇرلى رەفورما شاراسى مەن تۇڭعىش توپتا بيلىك بەرىلەتىن 40 ءتۇرلى ءىستى ءبىر جولدا ورتاعا قويدى.
رەفورمانىڭ وسى ”مىندەتناماسى“ جاڭا داۋىردەگى شىنجىننىڭ رەفورما جاساۋعا، ەسىك اشۋعا قايتا اتتانۋ دابىلىن قاقتى.
سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، ۇزاق ۋاقىت تۇراقتى، مەجەلەۋگە بولاتىن ءتۇزىم ورتاسىن قالىپتاستىردى؛ جوعارى ولشەمدى بازار جۇيەسىن ورناتىپ، ءادىل باسەكە ءتۇزىمىن كەمەلدەندىرىپ، بازار تۇلعالارىنىڭ دامۋ ومىرشەڭدىگىن قاۋلاتتى...
رەفورما تاعى دا تاريحتىڭ تىڭ وتكەلىنە كەلدى. بۇرىن بولماعان كوپتەگەن جاڭا ماسەلەلەر الدىندا، اناعۇرلىم كۇشتى ساياسي باتىلدىق جانە پاراسات كورسەتىپ، جۇرەكتىلىكپەن ۇدەرە العا تارتىپ، بوران - شاشىنعا بوگەلمەۋ كەرەك.
جوعارى دەڭگەيدە سىرتقا ەسىك اشۋ ارقىلى حالىقارالىق سەلبەستىك پەن باسەكەنىڭ جاڭا باسىمدىعىن قالىپتاستىرىپ، ەسىك اشۋ ارقىلى رەفورمانى جەبەدى، دامۋدى جەبەدى −
باعدارلامامەن باسقارىلاتىن ءىرى تۇرپاتتى ستانوك، ءۇي جيھازدارى مەن ساندىك بۇيىمدار، ادەمى حرۋستال شاراپ ىدىستارى... توپ - توپ كورمە زاتتارى وتكەلدەن ءوتىپ، شاڭحاي حۇڭچياۋداعى مەملەكەتتىك كورمە ورتالىعىنا ”جوڭكىلۋدە“. 11 - ايدىڭ باسىندا 3 - كەزەكتى جۇڭگو حالىقارالىق يمپورت كورمەسى وسى جەردە اشىلماق.
2020 - جىلعى جۇڭگو حالىقارالىق قىزمەت وتەۋ ساۋدا جارمەڭكەسى بەيجيڭدە وتكىزىلدى، 2 كەزەكتى جۇڭگو يمپورت جانە ەكسپورت تاۋارلارى جارمەڭكەسى ”بۇلت تۇعىرىنا“ ءساتتى كوشتى، 3 - كەزەكتى حالىقارالىق يمپورت كورمەسى ۋادەلى ۋاقىتىندا وتكىزىلدى... 3 ۇلكەن حالىقارالىق كورمەنىڭ ىركەس - تىركەس اشىلۋى جۇڭگونىڭ ەسىك اشۋدى كەڭەيتۋ بەكىمىن كورسەتتى.
”ءبىز استە ەسىكتى جاۋىپ الىپ قۇرىلىس جۇرگىزبەيمىز، قايتا اناعۇرلىم ۇلكەن سەرپىنمەن، اناعۇرلىم جوعارى دەڭگەيدە ەسىك اشۋدى العى شارت ەتە وتىرىپ جاڭا دامۋ ارناسىن قالىپتاستىرامىز“، - دەدى 13 - كەزەكتى مەملەكەتتىك ساياسي كەڭەس ەكونوميكا كوميتەتىنىڭ مۇشەسى ۋاڭ يميڭ.
ەسىك اشۋ بارىسىندا الەم ەكونوميكاسىمەن بايلانىستى جيىلەتىپ، دامۋ مەن حاۋىپسىزدىكتى ءبىر تۇتاس جوسپارلاۋ بارىسىندا اناعۇرلىم قۋاتتى، باياندى دامۋدى جۇزەگە اسىرادى، جۇڭگونىڭ دامۋى الەم ەكونوميكاسىنا دا قوزعاۋشى كۇش ۇستەيدى.حالىقتى بارىنەن جوعارى قويىپ، دامۋدىڭ جاڭا كەرەمەتتەرىن جالعاستى جازادى
6 - ايدىڭ 30 - كۇنى ”سىچۋان اۋىل - قىستاق جولاۋشى تاسىمالى“ دەگەن جازۋ جازىلعان مينبۋس تۋنەلدەن ءوتىپ، بولات كوپىردى باسىپ، سىچۋان لياڭشان يزۋ اۆتونوميالى وبلىسى بۋتو اۋدانى ابلوحا قىستاعىنداعى جاڭا سالىنعان بەيقۇت تۇرعىندار اۋماعىنا كەلىپ كىردى.
جۇڭگوداعى اسفالت جول شارت - جاعدايىن ازىرلەگەن ەڭ سوڭعى قۇرىلىمدىق قىستاقتا رەسمي كولىك قاتىنادى!
ابلوحا قىستاعى جينشاجياڭ ۇلكەن شاتقالىنىڭ تەرەڭ قويناۋىنا ورنالاسقان. يزۋ تىلىندە ”اسقار تاۋلار اراسىنداعى تەرەڭ شاتقال“ دەگەن ماعىنانى بىلدىرەدى. بۇرىن قىستاق تۇرعىندارى قىستاقتان شىعۋ ءۇشىن 3 ساعاتتان استام ۋاقىت جول جۇرەتىن. قازىر اۆتوكولىكپەن 10 نەشە مينۋتتا قىستاقتان شىعىپ، 2 ساعاتتا اۋدان قالاشىعىنا جەتۋگە بولادى.
تاس جول شاعىن قىستاق پەن ۇلكەن قالانى تۇتاستىرىپ، جۇتاڭدىق پەن بايلىقتىڭ اراسىن، قىسپاق پەن ءۇمىتتىڭ اراسىن جالعادى.
اۋەلگى ماقساتتى ۇمىتپاي، بورىشتى ەستە بەرىك ساقتادى. بيىل جىل سوڭىندا ءجۇز جىلدىق بارىستى باسىپ ءوتۋ الدىندا تۇرعان جۇڭگو كوممۋنيستىك پارتياسى جۇڭگو حالقىن باستاپ تاعى دا شۇعىلالى ناتيجە جاراتادى − ءبىر ميلليارد 400 ميلليون حالقى بار وركەندەپ كەلە جاتقان ءىرى ەل بۇكىلدەي كەدەيلىككە تاريحي قوش ايتىپ، ادامزاتتىڭ كەدەيلىككە قارسى تۇرۋ تاريحىنداعى ۇلى كەرەمەتتى جازىپ شىعادى.
”قامال الۋدىڭ ناتيجەسىن بەكەمدەۋ، ءورىسىن كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ءۇرتىس ىلگەرىلەتىپ، كەدەيلىكتەن ارىلتۋدان قامال الۋ ساياساتىنىڭ جالپى تۇلعالىق ورنىقتىلىعىن ساقتاپ، كوپ شارالاردى قاتار اتقارىپ كەدەيلىكتەن ارىلتۋدان قامال الۋ تابىستارىن بەكەمدەۋ كەرەك. كەدەي وڭىرلەردەگى كەدەي حالىقتىڭ ىشكى قوزعاۋشى كۇشىن تاسقىنداتىپ، ەڭبەك قابىلەتى بار، تومەن كىرىستى ادامداردى قاجىرلى ەڭبەگىنە سۇيەنىپ اۋقاتتانىپ، تۇتاس حالىقتىڭ بىرگە اۋقاتتانۋ نىساناسىن بىرتىندەپ جۇزەگە اسىرۋعا قاراي ۇزدىكسىز العا ىلگەرىلەۋگە شابىتتاندىرۋ كەرەك“.
باس شۋجي شي جينپيڭ كەلەسى قادامداعى قىزمەتتەرگە ايقىن بەتالىس نۇسقادى.
بارلىعىن حالىق ءۇشىن ىستەۋ، بارلىعىندا حالىققا سۇيەنۋ كەرەك. بيىلعى وسى ءبىر ەرەكشە جىل ”حالىق“ دەگەن ءسوزدىڭ سالماعىن اناعۇرلىم ايگىلەدى.
جاڭا تيپتى ايدارشا ۆيرۋس وكپە قابىنۋ ىندەتى تاپ بەرگەن جاعدايدا، تۋىلعانىنا نەبارى 30 نەشە ساعات عانا بولعان نارەستەدەن 100 جاستان اسقان قارتقا دەيىن ءاربىر ادامنىڭ ءومىرى، قۇنى جانە ار - نامىسى تۇگەلدەي ىجداعاتتى قورعاۋعا يە بولدى.
الەۋمەتتىك اۋماقتاردا كەزەكشىلىكتە تۇرۋدان ۇيدە اۋاشالانۋعا دەيىن؛ 40 مىڭنان استام ەمدەۋ قىزمەتكەرلەرىنىڭ حۋبەيعا كومەككە بارۋىنان ىندەتتىڭ زور سىن - سايىسىندا نەگىزگى حالىق تۇرمىسى ءونىمدى قامتاماسىز ەتىلىپ، ءتۇيىندى كاسىپ سالالارى ءتارتىپتى جۇمىس جۇرگىزگەنگە دەيىن حالىقتىڭ كۇش - قۋاتى جالپى بەتتىك ايگىلەندى.
تۇرلىشە تاريحي كەزەڭدە دامۋدىڭ تۇيىندەرى دە ۇقسامايدى.
قوعامنىڭ باستى قايشىلىعىنىڭ وزگەرۋى جاڭا داۋىردەگى دامۋدىڭ ءتۇيىنىن بەلگىلەدى −
قايتكەندە سالاماتتى جۇڭگو قۇرىلىسىن جاپپاي ىلگەرىلەتىپ، ءاربىر ادامدى اناعۇرلىم جوعارى دەڭگەيدەگى دەنساۋلىق ساقتاۋ، سالاماتتىق قىزمەت وتەۋىنەن يگىلىكتەندىرۋگە بولادى؟
قايتكەندە جاسىل، تومەن كومىرتەكتى دامۋدى امالياتتا ايگىلەپ، جاسىل تاۋى ورنىندا، تۇنىق سۋى ىركىلىسسىز اعاتىن، اۋاسى ۇنەمى تازا تۇراتىن كورىكتى جۇڭگونى ەرتەرەك رەالدىققا اينالدىرۋعا بولادى؟
قايتكەندە قالىڭ قارتتار قاۋىمىنىڭ قارتايعاندا كۇتىمدەلۋىن، قارتايعاندا سۇيەنىشى بولۋىن، قارتايعاندا شات - شادىمان بولۋىن، قارتايعاندا تىنىش - امان بولۋىن جۇزەگە اسىرۋعا بولادى؟
قايتكەندە وقۋ - اعارتۋ ىستەرىندە رەفورما جاساۋدى جانە دامۋدى ىلگەرىلەتىپ، وقۋ - اعارتۋدىڭ بىركەلكىسىزدىك قيىنشىلىعىن شەشىپ، ءاربىر بالانىڭ ءادىل دە ساپالى وقۋ - اعارتۋدان يگىلىكتەنۋىنە مۇمكىندىك جاساۋعا بولادى؟
قايتكەندە حالىقتىڭ دەموكراتيا، زاڭمەن جونگە سالۋ، ادىلدىك، ادىلەتتىلىك، حاۋىپسىزدىك جونىندەگى قاجەتىن اناعۇرلىم ويداعىداي قاناعاتتاندىرۋعا بولادى؟
......
جاپپاي دوڭگەلەك داۋلەتتى قوعام قۇرۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى.
9 - ايداعى توسپادا، كوك اسپان، جايلاۋ، اينالعان الىپ «زىرىلداۋىق» ءبىرىنىڭ سالتاناتىن ءبىرى اسىرىپ تۇر. بۇل ارا مەملەكەت جوسپارلاعان 10 ميلليون كيلوۆاتتىق دارەجەدەگى 9 جەل ەلەكتر بازاسىنىڭ ءبىرى، بۇل بەيجيڭ قىسقى وليمپياداسىنىڭ ”جاسىل قىسقى وليمپياداعا“ اينالۋىنا كۇش قوسادى.
”جۇڭگو مەملەكەتتىڭ دەربەس ۇلەس قوسۋ سەرپىنىن ارتتىرىپ، اناعۇرلىم پارمەندى ساياسات جانە شارا قولدانىپ، كومىرتەگى قوس توتىعىن ىعىستىرۋدى 2030 - جىلدان بۇرىن جوعارعى شەككە جەتكىزۋگە كۇش سالىپ، 2060 - جىلدان بۇرىن كومىرتەگىن بەيتاراپتاندىرۋعا قول جەتكىزۋگە قۇلشىنادى“.
ءتوراعا شي جينپيڭ 75 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىندا ماڭىزدى ءسوز سويلەپ، دۇنيە جۇزىنە جۇڭگونىڭ جاسىل دامۋ جولىمەن ءجۇرۋى جونىندە كۇشتى سيگنالىن تاراتتى.
وسىزاماندانۋعا قاراي تيبىن وزگەرتۋ جولىندا جۇڭگونىڭ دامۋ ۇستانىمى جانە دامۋ جولىنداعى ىزدەنىستەرى بۇكىل الەمنىڭ دامۋىنا ”جۇڭگو اقىل - پاراساتىن“ قوستى.
60 جىلدان استام ۋاقىت ءوتتى. 1 - بەسجىلدىق جوسپاردان 13 - بەسجىلدىق جوباعا دەيىن جۇڭگوشا سوتسياليزم جالىندى ومىرشەڭدىك كۇشىن ايگىلەدى.
”14 - بەسجىلدىققا“ بەت العان ساپاردا حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، ”جۇڭگو“ اتتى الىپ كەمە دامۋدىڭ جاڭا كەرەمەتتەرىن جالعاستى جازادى.(شينحۋا اگەنتتىگىنىڭ 10 - ايدىڭ 25 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
