ۇلى جەڭىستى ەستە بەرىك ساقتاپ، ۇلى ىستەردى ىلگەرىلەتەيىك
− باس شۋجي شي جينپيڭنىڭ جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزى رايونىمىزدا قىزۋ اڭىس قوزعادى
گازەتىمىزدىڭ جالپىلىق اقپارات قۇرالدارى تىلشىلەرى
2020.10.29 16:30 كەلۋ قاينارى : شينجياڭ گازەتى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسىندا سويلەگەن ماڭىزدى سوزىندە بىلاي دەپ اتاپ كورسەتتى: امەريكا جيھانگەرلەرىنە قارسى تۇرىپ، چاۋشيانعا كومەك بەرۋدىڭ ايبىنى اسقاق سوعىسىندا، ەرجۇرەك جۇڭگو حالىق ەرىكتىلەر ارمياسى امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن سومدادى. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحى ۋاقىت پەن كەڭىستىكتەن اسىپ ءوتىپ، ۋاقىت وتكەن سايىن جاڭاردى، ءسوز جوق، ماڭگى جالعاستىرۋ، ۇرپاقتار بويى اسقاقتاتۋ كەرەك. باس شۋجي شي جينپيڭنىڭ ماڭىزدى ءسوزى رايونىمىزدا قىزۋ اڭىس قوزعادى. رايونىمىزداعى قالىڭ كادر - بۇقارا مەن شينجياڭدا تۇراتىن اسكەري بولىمدەردەگى وفيتسەر - جاۋىنگەرلەر مىنالاردى ءبىلدىردى: ۇلى جەڭىستى ەستە بەرىك ساقتاپ، ۇلى ىستەردى ىلگەرىلەتىپ، ءسوزسىز، جەڭىسكە جەتۋ سەنىمىن بەكەمدەپ، كۇرەس جاساۋ رۋحىن ساۋلەلەندىرىپ، كۇرەس جاساۋ قابىلەتىن كۇشەيتىپ، بارلىق قيىنشىلىقتاردى، حاۋىپ - قاتەرلەردى جەڭىپ، ەكىنشى 100 جىلدىق كۇرەس نىساناسىنا قاراي جورىق جاسايمىز!
10 - ايدىڭ 23 - كۇنى شينجياڭ اسكەري رايونى بەلگىلى قىزىل ارميا شىسىنداعى وفيتسەر - جاۋىنگەرلەر ءماجىلىستىڭ ناقتى جاعدايىن كورگەننەن كەيىن، جاڭا لەپكە تولى ءبىر رەتكى لەكسيا جاساۋ قيمىلىن ورىستەتتى. بىلتىر ”حالىقارالىق اسكەري جارىس − 2019“ ”اشىق اسپان“ اۋە شابۋىلىنان قورعانۋ زىمىران اسكەرلەر نىسانىندا التىن مەدال العان بەلگىلى قىزىل ارميا تۋانىنداعى ”اۋە شابۋىلىنان قورعانۋ وتكىر قانجار قاھارماندار ليانىنىڭ“ شاڭشىسى لي بۋجىڭ مىنبەگە شىعىپ، جاۋىنگەر سەرىكتەرىمەن بىرگە ليان تاريحىن ەسكە الدى. وسى اۋە شابۋىلىنان قورعانۋ ليانىنىڭ توركىنى بۇرىنعى 26 - جۇن 77 - شى زەڭبىرەكشى اسكەرلەر تۋانىنىڭ بەلگىلى ليانى بولاتىن، 1950 - جىلى 10 - ايدا قۇرىلعاننان كەيىن دەرەۋ چاۋشيان سوعىس مايدانىنا اتتانعان، 1951 - جىلى 2 - ايدا 4 - رەتكى شايقاستىڭ 2 - كەزەڭدىك سوعىسىندا دوس ارميانىڭ ورىن اۋىستىرۋىن قورعاۋ ءۇشىن جاۋدىڭ سان جاعىنان باسىم اۋە ارمياسىنا قايسارلىقپەن سوققى بەرىپ، ەڭ سوڭىندا بارلىعى قۇربان بولادى. جاۋىنگەر سەرىكتەر مۇنى ەستىگەننەن كەيىن كوزدەرىنە جاس الىپ، جابال بىلاي ءبىلدىردى: ءتوراعا شي جينپيڭنىڭ تاپسىرماسىن ەستە بەرىك ساقتاپ، ۋاقىتپەن جارىسىپ، ۋاقىت كۇتىپ تۇرمايدى دەيتىن بورىشتىلىق سەزىممەن، جاۋاپكەرشىلىك سەزىممەن قاجىرلىلىقپەن جاتتىعىپ، شەبەرلىكپەن جاتتىعىپ، سوعىس جۇرگىزۋ قۋاتىن ۇزدىكسىز جوعارىلاتىپ، جاڭا داۋىردەگى حالىق ارمياسىنىڭ بورىشىن، مىندەتىن ويداعىداي اتقارامىز.
ءدال قازىر الي ۇستىرتىندە شەكارا قورعانىسى ءبىرىنشى شەبىندە جاتتىعۋ مىندەتىن وتەپ جاتقان شينجياڭ اسكەري رايونى بەلگىلى اتقىشتار تۋانىنداعى وفيتسەر - جاۋىنگەرلەر مىنالاردى ءبىلدىردى: ”باسقالار باسىنىپ باسا كوكتەپ كەلگەندە، ءسوزسىز، قايتارما سوققى بەرۋ كەرەك، ويتپەگەندە باسىنعان سايىن باسىنا بەرەدى“ دەمەكشى، وسى رەتكى سوعىس ارقىلى يمپەرياليستەر ەندىگارى قارۋلى كۇشپەن جاڭا جۇڭگوعا سۇعاناقتىق جاساۋعا باتىنا المايتىن بولدى، جاڭا جۇڭگو قادامىن نىق باستى. ەرىكتىلەر ارمياسىن ۇلگى ەتىپ، قاجىرلىلىقپەن جاتتىعۋ جاساپ، شىڭدالعان سوعىس جۇرگىزۋ قابىلەتىن قۇلشىنا جەتىلدىرىپ، قۇربانداردىڭ ءومىرىنىڭ بوداۋىنا كەلگەن، وڭاي - وسپاق قولعا كەلمەگەن بەيبىتشىلىكتى ويداعىداي قورعايمىز، تاۋ - وزەندى امان قورعايمىز، وتباسى - وتانعا تىنىشتىق سيلايمىز.
كوز جەتكىسىز قۇبا تۇزدە، قۇمدى شولدە قولعا ءتۇسىرىپ جويۋ، تاۋلى جەردە قاشقىنداردى قۋۋ سياقتى ساباق جاتتىعۋىن ىركەس - تىركەس ورىستەتكەن قارۋلى ساقشى شينجياڭ باس اترەتى حوتان تارماق اترەتىندەگى وفيتسەر - جاۋىنگەرلەر ناقتى سوعىس جۇرگىزۋ جاتتىعۋى ارقىلى ءتوراعا شي جينپيڭنىڭ ماڭىزدى ءسوزىنىڭ رۋحىن ۇيرەنۋدىڭ قىزۋ ورلەۋىن كوتەردى. 20 - كەزەكتى ”جۇڭگو قارۋلى ساقشى 10 ادال جاۋىنگەرىنىڭ“ ءبىرى قۇربان داۋۇت تەبىرەنە بىلاي دەدى: ”ءبىز، ءسوزسىز، باس قولباسشىنىڭ تاپسىرماسىن ەستە بەرىك ساقتاپ، كۇرەس جاساۋعا باتىل بولىپ، كۇرەس جاساۋعا شەبەر بولىپ، قيىندىققا قارسى اتتانىپ، قايسارلىقپەن العا ىلگەرىلەپ، جەڭىستى سوعىس جۇرگىزۋ قابىلەتىن شىڭداپ، بۇيرىق بەرىلىسىمەن شەشۋشى شايقاستىڭ شەشۋشى جەڭىسىنە قول جەتكىزۋگە شىنايى كەپىلدىك ەتەمىز“.
10 - ايدىڭ 23 - كۇنى تۇستەن بۇرىن حوتان ايماقتىق قوعام حاۋىپسىزدىگى مەكەمەسى كادر - ساقشىلاردى ءماجىلىستىڭ ناقتى جاعدايىن كورۋگە ۇيىمداستىردى. حالىق ساقشىسى اسقار ابىلەز بىلاي دەدى: ”ءبىز امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن اسقاقتاتىپ، قيىندىققا قارسى اتتانىپ، قايسارلىقپەن العا ىلگەرىلەپ، قىزمەت بارىسىندا جاپا - ماشاقاتتان تايسالماي، ارىپ - شارشاۋدى ەلەڭ قۇرلى كورمەي، بۇقاراعا ساپالى قىزمەت وتەپ، مىندەتتى بۇلجىتپاي ورىنداۋ بارىسىندا پارتيا مۇشەلەرىنىڭ جاۋاپكەرشىلىك ارقالايتىندىعىن ايگىلەيمىز“.
(ءتىلشى جىڭ ي - يۋان، اسكەري بولىمدە تۇراتىن ءتىلشى ۋاڭ گويىن، ەرىكتى تىلشىلەر شى جۇنجيە، ۋاڭ حايشان، ۋاڭ جىچاۋ، فان جۇن، يىن تيڭتيڭ، نيۋ بين، تاڭ ليڭ)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
