كورىكتى شينجياڭنىڭ اسپانى اناعۇرلىم ارايلاندى
2020.10.29 16:32 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى لي شيڭ 10 - ايدىڭ 10 - كۇنى ۇرىمجىدەن حابارلايدى. جاڭا عانا وتكەن قوس مەرەكە دەمالىسىندا شينجياڭ ساياحاتتىڭ تاعى ءبىر قىزۋ تولقىنىن قارسى الدى. شايداي اشىق اسپان، تازا اۋا ساياحاتشىلاردىڭ ۇلى تابيعات قۇشاعىندا شينجياڭنىڭ وزگەشە كۇز كوركىن تاماشالاۋىنا مۇمكىندىك بەردى.
”اشىق اسپاندى قورعاۋ شايقاسىنىڭ“ ۇزدىكسىز ىلگەرىلەۋىنىڭ ارقاسىندا، ”13 - بەسجىلدىق“ مەزگىلدە شينجياڭنىڭ اۋا ساپاسى ۇزدىكسىز جاقسارىپ، بۇكىل رايونداعى كۇكىرت قوس توتىعى، ازوت وكسيدتەرىنىڭ شىعارىلۋ مولشەرى 2015 - جىلداعىعا سالىستىرعاندا ايتارلىقتاي تومەندەپ، ”ءۇرىمجى - سانجى - شىحىزى“، ”كۇيتۇن - مايتاۋ - ءۇرىمجى“ ءتۇيىندى وڭىرلەرىنىڭ اۋا ساپاسى كورنەكتى جاقساردى.
باس شۋجي شي جينپيڭ: قورشاعان ورتا دەگەنىمىز حالىق تۇرمىسى، جاسىل تاۋ دەگەنىمىز كوركەمدىك، اشىق اسپان دەگەنىمىز باقىت، - دەپ اتاپ كورسەتكەن ەدى. سوڭعى جىلدارى شينجياڭ تاماشا ەكولوگيالىق ورتا جالپىعا ەڭ ءتيىمدى حالىق تۇرمىسىنىڭ ىرىس - قۇتى بولۋىنا تاباندى بولىپ، بۇقارانىڭ سالاماتتىعىنا زيان جەتكىزەتىن كورنەكتى قورشاعان ورتا ماسەلەلەرىن ءتۇيىندى تۇردە شەشىپ، ەكولوگيالىق ورتانىڭ ساپاسىن جەدەل جاقسارتىپ، اشىق اسپاندى قورعاۋ شايقاسىنىڭ جەڭىسىنە باتىل قول جەتكىزىپ، حالىق بۇقاراسىنا جامىراعان جۇلدىز، اشىق اسپان، اقشا بۇلت سيلادى.
”13 - بەسجىلدىق“ مەزگىلدە شينجياڭ «اۆتونوميالى رايوننىڭ اتموسفەرانىڭ لاستانۋىنىڭ الدىن الۋ جانە ونى جونگە سالۋ ارەكەت جوسپارىن اتقارۋ جوباسىن»، «اۆتونوميالى رايوننىڭ اشىق اسپاندى قورعاۋ شايقاسىنىڭ جەڭىسىنە جەتۋ 3 جىلدىق ارەكەت جوسپارىن (2018 − 2020 - جىل)»، «”ءۇرىمجى - سانجى - شىحىزى“، ”كۇيتۇن - مايتاۋ - ءۇرىمجى“ وڭىرلەرىندەگى اتموسفەرانىڭ لاستانۋىنىڭ الدىن الۋ جانە ونى جونگە سالۋدان قامال الۋ جوباسىن (2018 − 2020 - جىل)» باسىپ تاراتىپ، اتقارىپ، اتموسفەرانىڭ لاستانۋىنىڭ الدىن الۋ جانە ونى جونگە سالۋدان قامال الۋدى جوعارى دەڭگەيدە ىلگەرىلەتىپ، ونەركاسىپ، وتىندىق كومىر، موتورلى كولىكتەر سىندى ”3 ۇلكەن لاستاۋشى قايناردى“ كەشەندى جونگە سالۋدى ۇزدىكسىز كۇشەيتىپ، وت ەلەكتر، سەمەنت سياقتى ءتۇيىندى سالالارداعى كاسىپورىنداردىڭ قىستا قاربالاس ەمەس مەزگىلدە ءوندىرىس جۇرگىزۋى ءتارتىبىن اتقاردى. ونەركاسىپتىك پەشتەردىڭ اتموسفەرانى لاستاۋىن كەشەندى جونگە سالۋدى، ديزەلمەن جۇرەتىن جۇك كولىكتەرىنىڭ لاستاۋىن جونگە سالۋدى ورنىقتى قاداممەن ورىستەتىپ، كومىردى ەلەكترگە وزگەرتىپ، كومىردى گازعا وزگەرتىپ، تازا ەنەرگيامەن جىلىتۋدى تىڭعىلىقتى ىلگەرىلەتىپ، اۋا ساپاسىنان الدىن الا مالىمەت بەرۋ جانە قورشاعان ورتا، اۋا رايى شارت - جاعدايلارىن بىرلەسىپ اقىلداسۋ جۇمىسىن ورىستەتىپ، اۋىر لاستانعان اۋا رايىنا شۇعىل توتەپ بەرۋ جوباسىنا وزگەرىس ەنگىزىپ، اۋىر لاستانعان اۋا رايىنا شۇعىل توتەپ بەرۋ، اتتانىسقا كەلۋ مەحانيزمىن ورناتتى جانە اقاۋسىزداندىردى. جىلۋمەن قامداۋ ماۋسىمىندا ءتۇيىندى كاسىپتەردىڭ قاربالاس ەمەس مەزگىلدە ءوندىرىس جۇرگىزۋ جانە اۋىر لاستانعان اۋا رايى توتەنشە جاعدايىنا توتەپ بەرۋ، لاس زاتتاردىڭ شىعارىلۋىن ازايتۋدى دارەجەگە ءبولىپ باسقارۋ - مەڭگەرۋدى اتقارىپ، اۋىر لاستانعان اۋا رايىنا توتەپ بەرۋدى كۇشەيتتى.
2019 − 2020 - جىلعى جىلۋمەن قامداۋ ماۋسىمىندا ءۇرىمجى قالاسى قامال الۋ شايقاسىن تاماشا جۇرگىزدى. بۇكىل قالادا ولشەمگە جەتكەن (ساپالى اۋا رايلى) كۇن سانى 114 كۇنگە جەتىپ، سايكەس مەزگىلدەگىدەن 26 كۇن كوبەيدى، اۋىر لاستانعان كۇن سانى سايكەس مەزگىلدەگىدەن 13 كۇن ازايدى.
ساندى مالىمەتتەردە كورسەتىلۋىنشە، 2019 - جىلى اۆتونوميالى رايونداعى 14 ايماق، وبلىس، قالا ۇكىمەتتەرى (اكىمشىلىك ءۋالي مەكەمەلەرى) تۇرعان قالالارداعى ورتاشا ساپالى اۋا رايلى كۇندەر سالىستىرماسى ％71.4كە جەتىپ، 2014 - جىلداعىدان 1.8 پايىز ارتقان، PM10 2014 - جىلداعىدان ％21.3 ازايعان. مۇنىڭ ىشىندە، ءۇرىمجى قالاسىنىڭ ساپالى اۋا رايلى كۇندەر سالىستىرماسى ％75.9كە جەتىپ، 2014 - جىلعى ％57.3تەن 18.6 پايىز كوبەيسە، اۋىر لاستانعان اۋا رايلى كۇندەر سالىستىرماسى ％6.3 بولىپ، 2014 - جىلداعىدان 0.5 پايىز ازايعان،PM10،PM2.5 2014-جىلى جەكە - جەكە ％70، ％22 تومەندەگەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
