چىن چۋانگو، شوكىرات زاكىر مەملەكەت بويىنشا جان سانىن 7 - رەتكى جاپپاي تەكسەرۋدىڭ جۇمىس باسىندا تىركەۋگە قاتىناستى
2020.11.03 14:18 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى تىلشىلەرى ۋاڭ شيڭرۇي، جاۋ جىيۇن 11 - ايدىڭ 1 - كۇنى حابارلايدى. 11 - ايدىڭ 1 - كۇنى مەملەكەت بويىنشا جان سانىن 7 - رەتكى جاپپاي تەكسەرۋدىڭ جۇمىس باسىندا تىركەۋى باستالعان ءبىرىنشى كۇن. تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى اۆتونوميالى رايون باسشىلارى جەكە - جەكە جان سانىن جاپپاي تەكسەرۋدىڭ جۇمىس باسىندا تىركەۋىن قابىلدادى.
جاپپاي تەكسەرۋگە تىركەۋدىڭ جۇمىس باسىندا چىن چۋانگو جان سانىن جاپپاي تەكسەرۋشى قىزمەتكەردىڭ جۇمىس باسىندا سۇراۋىن مۇقيات قابىلداپ، ءبىر - بىردەن جاۋاپ بەردى. جاپپاي تەكسەرۋشى قىزمەتكەر تالاپ بويىنشا ەلەكتروندى ينفورماتسيا جينادى.
جاپپاي تەكسەرۋگە تىركەۋ اياقتاعان سوڭ، چىن چۋانگو جاپپاي تەكسەرۋشى قىزمەتكەرمەن ىقىلاستى اڭگىمەلەسىپ، جاپپاي تەكسەرۋ قىزمەتىنىڭ جۇرگىزىلۋىنە قاتىستى جاعدايلاردى ەگجەي - تەگجەيلى سۇراپ ۇعىستى. ول بىلاي دەپ اتاپ كورسەتتى: مەملەكەت بويىنشا جان سانىن 7 - رەتكى جاپپاي تەكسەرۋ جۇڭگوشا سوتسياليزم جاڭا داۋىرگە وتكەندە جۇرگىزىلگەن مەملەكەت جاعدايى، مەملەكەت قۋاتى جونىندەگى ەلەۋلى تەكسەرۋ، جاڭا دامۋ ۇستانىمىن دايەكتىلەندىرۋ، تياناقتاندىرۋ، جوعارى ساپالى دامۋدى ىلگەرىلەتۋ، ادامنىڭ جان - جاقتى دامۋىن جەبەۋ جونىننەن كەلەلى دە تەرەڭ مانگە يە. رايونىمىزدىڭ جەر - جەرى، تاراۋلارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، تۇتاس رايونداعى جان سانىن جاپپاي تەكسەرۋگە قاتىستى قىزمەتتەرگە ايرىقشا ءمان بەرىپ جانە ونى عىلمي، وبيەكتيۆ تۇردە، دالمە - ءدال، ەگجەي - تەگجەيلى، ويداعىداي جۇرگىزىپ، جاپپاي تەكسەرۋ مىندەتىن جوعارى ساپادا ورىنداۋعا شىنايى كەپىلدىك ەتۋ كەرەك. زاڭ بويىنشا جاپپاي تەكسەرۋگە تاباندى بولىپ، ساناق زاڭىن جانە «مەملەكەت بويىنشا جان سانىن جاپپاي تەكسەرۋ ەرەجەسىن» قاتاڭ اتقارۋ كەرەك، جاپپاي تەكسەرۋشى قىزمەتكەرلەر دەربەس تەكسەرۋ، دەربەس مالىمدەۋ قىزمەت جاۋاپكەرشىلىگىن مۇقيات اتقارۋ، جاپپاي تەكسەرۋدىڭ قالىڭ وبيەكتىلەرى جاپپاي تەكسەرۋگە مۇقيات ءمان بەرىپ، ازاماتتىق بورىشتارىن ويداعىداي وتەپ، ساندى مالىمەتتەردى شىنايى تولتىرۋ - مالىمدەۋ؛ عىلمي، دالمە - ءدال ينفورماتسيا جيناپ، جيناۋدىڭ ونىمدىلىگىن جانە ساندى مالىمەتتەردىڭ ساپاسىن جوعارىلاتىپ، جاپپاي تەكسەرۋ وبيەكتىن جالپى بەتتىك قامتۋعا، ەڭ باستاپقى ساندى مالىمەتتىڭ شىنايى، دۇرىس بولۋىنا شىنايى كەپىلدىك ەتۋ؛ كەڭ كولەمدى ۇگىتتەپ، جۇمىلدىرىپ، جاپپاي تەكسەرۋ وبيەكتىلەرىنىڭ سايكەسۋىن جالپى بەتتىك جوعارىلاتىپ، جان سانىن جاپپاي تەكسەرۋدى ”بارلىق وتباسىلاردىڭ ءبىلۋىن، وعان بارلىق ادام قولداۋ كورسەتۋىن“ جۇزەگە اسىرۋعا شىنايى كەپىلدىك ەتۋ؛ ىندەتتەن ساقتانۋ - تىزگىندەۋدى ويداعىداي ىستەپ، ىندەتتەن ساقتانۋ - تىزگىندەۋ شارالارىن قاتاڭ تياناقتاندىرىپ، جاپپاي تەكسەرۋ قىزمەتىنىڭ حاۋىپسىز، ءساتتى جۇرگىزىلۋىنە شىنايى كەپىلدىك ەتۋ؛ قىزمەت جاۋاپكەرشىلىگىن ناقتىلاپ، ”مەملەكەت بويىنشا ءبىر تۇتاس باسشىلىق ەتۋ، تاراۋلار جۇمىس ءبولىسى بويىنشا سەلبەسۋ، جەرگىلىكتى ورىندار دارەجە بويىنشا جاۋاپتى بولۋ، ءار جاق بىرگە ات سالىسۋ“ تالابى بويىنشا، بىلەك بىرىكتىرە سەلبەسىپ، تارتىپپەن اتقارىپ، جاپپاي تەكسەرۋ مىندەتتەرىنىڭ شىنايى، ناقتى تياناقتانۋىن ىلگەرىلەتۋ كەرەك.
شوكىرات زاكىر جۇمىس باسىندا تىركەۋدى قابىلداعان سوڭ، تەكسەرۋشى قىزمەتكەرگە ىلەسىپ ءۇرىمجى قالاسى تيانشان رايونى تيانشان جولى الەۋمەتتىك اۋماعى 001 جاپپاي تەكسەرۋ شاعىن اۋماعىنا كەلىپ، جاپپاي تەكسەرۋگە تىركەۋ جاعدايىن وتباسىلارعا كىرىپ ناقتى ۇعىستى. ول بىلاي دەپ اتاپ كورسەتتى: جان سانىن جاپپاي تەكسەرۋدى ويداعىداي ىستەۋ − مەملەكەتتىڭ ءتۇرلى ساياساتتار بەلگىلەۋىنىڭ ماڭىزدى نەگىزى، ءار ازامات ازاماتتىق بورىشتارىن سانالى تۇردە وتەپ، جان سانىن جاپپاي تەكسەرۋدىڭ ءتۇرلى بەلگىلەمەلەرى بويىنشا، مۇقيات مامىلە جاساپ، بەلسەنە سايكەسىپ، كەستەنى شىنايى تولتىرۋ - مالىمدەۋ كەرەك. جەر - جەر، تاراۋلار قاتىستى زاڭدارعا، زاڭ ەرەجەلەرگە بويسۇنىپ، زاڭ بويىنشا عىلمي ۇيىمداستىرىپ، ءبىر تۇتاس جوسپارلاۋدى - سايكەستىرۋدى كۇشەيتىپ، جاپپاي تەكسەرۋ قىزمەتىن لايىقتى ورنالاستىرۋ كەرەك. جاپپاي تەكسەرۋگە تىركەۋدى عىلمي، ءدال، ويداعىداي ىستەپ، جاپپاي تەكسەرۋ ساندى مالىمەتتەرىنىڭ شىن، ءدال، تولىق بولۋىنا شىنايى كەپىلدىك ەتۋ كەرەك. ۇيىمدىق باسشىلىقتى كۇشەيتىپ، مەملەكەت بويىنشا جان سانىن 7 - رەتكى جاپپاي تەكسەرۋدى ساپالى، جوعارى ونىمدىلىكپەن، ۋاعىندا ورىنداۋعا شىنايى كەپىلدىك ەتۋ كەرەك.
اۆتونوميالى رايون باسشىلارىنان شۇي حايرۇڭ، جاڭ چۇنلين قاتارلىلار جان سانىن جاپپاي تەكسەرۋدىڭ جۇمىس باسىندا تىركەۋگە جەكە - جەكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
