ۇزدىكسىز كۇرەس جاساپ، جاڭا دامۋ كەرەمەتىن جاراتايىق
− رايونىمىزداعى ءار ۇلت كادرلارى - بۇقاراسى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن قىزۋ تالقىلادى
گازەتىمىزدىڭ جالپىلىق اقپارات قۇرالدارى تىلشىلەرى
2020.11.03 14:19 كەلۋ قاينارى : شينجياڭ گازەتى
جۋىقتا عانا جابىلعان پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ”13 - بەسجىلدىق“ كەزىندەگى ەلىمىزدىڭ ەكونوميكالىق، قوعامدىق دامۋدا قول جەتكىزگەن اسا زور ناتيجەلەرىن تولىق تۇراقتاندىردى، جۇڭگونىڭ بولاشاق 5 جىلداعى، سونداي - اق 15 جىلداعى دامۋىنىڭ جاڭا جوباسىن عىلمي جاسادى. رايونىمىزداعى ءار ۇلت كادرلارى - بۇقاراسى مىنالاردى ءبىلدىردى: مەملەكەتتىڭ بولاشاقتاعى دامۋ جوباسى ادامدى جەلپىندىرەدى، قادامدى نىق باسىپ، ءوز ءىس جۇزىندىگىمىزبەن بىرلەستىرە وتىرىپ، قاجىرلىلىقپەن قىزمەت ىستەپ، يدەيا مەن ارەكەتتى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، كۇش ۇستىنە كۇش قوسىپ، قۇلشىنا كۇرەس جاساپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا جاڭا تاريحي ۇلى ىستەردى جاراتامىز.
”ءبىز جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋگە تاباندى بولامىز“. سانجى حۇيزۋ اۆتونوميالى وبلىستىق پارتكوم اۋىل - قىستاق كەڭسەسىنىڭ مەڭگەرۋشىسى، وبلىستىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى گو حۋاي - ان بىلاي دەدى: ”14 - بەسجىلدىق“ كەزىندە سانجى وسى زامانعى اۋىل شارۋاشىلىعىن دامىتۋ، اۋىل شارۋاشىلىعى قۇرىلىمىن رەتتەۋدى ساپالىلاندىرۋ جانە كاسىپ سالاسىن ورنالاستىرۋ سياقتى قىزمەتتەردى نەگىزگى جەلى ەتىپ، اۋىل شارۋاشىلىعى نەگىزدىك قۇرىلعى قۇرىلىستارىنا جانە عىلىم - تەحنيكاعا ۇسىنىلىمدى ارتتىرۋ، اۋىل شارۋاشىلىعىن جابدىقتاۋ دەڭگەيىن جوعارىلاتۋ، جاسىل اۋىل شارۋاشىلىعىن دامىتۋ جانە ايگىلى ماركا جاراتۋ قيمىلى سياقتى سالالاردا ءتىپتى دە كوپ ناتيجەلەرگە قول جەتكىزۋگە قۇلشىنىپ، اۋىل شارۋاشىلىعىنىڭ، اۋىل - قىستاق ەكونوميكاسىنىڭ جوعارى ساپالى دامۋىن جۇزەگە اسىرادى.
اقتاۋ اۋدانى قىزىلتاۋ اۋىلدىق پارتكومنىڭ شۋجيى دۋ فاچىڭ مىنالاردى ءبىلدىردى: جالپى ءماجىلىس ورتاعا قويعان اۋىل شارۋاشىلىعىن، اۋىل - قىستاقتى الدىمەن دامىتۋ، اۋىل - قىستاقتى كوركەيتۋدى جاپپاي ىلگەرىلەتۋ تالابىنا ساي، قونىس جاڭالاۋدىڭ ”سوڭعى جۇمىستارىن“ ويداعىداي ىستەپ، قاجەتتى جەرلەرگە كۇش سالىپ، قيىندىقتاردان قامال الىپ، بۇقارانى ءتىپتى دە كوپ تابىس سەزىمىنە، باقىت سەزىمىنە كەنەلدىرىپ، ”14 - بەسجىلدىقتىڭ“ تاماشا باستاماسىن جۇزەگە اسىرۋعا بەرىك نەگىز قالايمىز.
قارامايلى قالالىق عىلىم - تەحنيكا مەكەمەسى دەرەۋ توپتىق ۇيرەنۋ ۇيىمداستىرىپ، جالپى ءماجىلىس رۋحىن تەرەڭ ۇعىنىپ، الدىڭعى مەرزىمدە جاسالعان قارامايلىنىڭ ”14 - بەسجىلدىق“ عىلىم - تەحنيكانى دامىتۋ جوباسىن قايتالاي اقىلداسىپ، قايتالاي ورنالاستىرۋ جاسادى. قارامايلى قالالىق عىلىم - تەحنيكا مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى گاۋ بين بىلاي دەدى: ”ءبىز جالپى ءماجىلىس رۋحىن ءىس تىندىرىپ، ناتيجە شىعارۋدىڭ قوزعاۋشى كۇشىنە اينالدىرىپ، عىلىم - تەحنيكادا جاڭالىق اشۋ مەن ءتۇزىلىس - مەحانيزمىندە جاڭالىق اشۋ سىندى ’قوس قوزعالتقىش‘، جوعارى ءونىمدى عىلىم - تەحنيكالىق جاڭالىق اشۋ جۇيەسىن قۇرۋ، وسى زامانعى عىلىم - تەحنيكالىق قىزمەت وتەۋ كاسىبىن دامىتۋ سياقتى ءتۇرلى مىندەتتەردى ويداعىداي تياناقتاندىرىپ، قارامايلىنىڭ جوعارى ساپالى دامۋىنا قىزمەت وتەۋگە عىلىم - تەحنيكانىڭ قوزعاۋشى كۇشىن ۇستەۋگە قۇلشىنامىز“.
ياركەن اۋداندىق دامۋ جانە رەفورما كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى جيە لين مىنالاردى ءبىلدىردى: پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن مىقتاپ ارقاۋ ەتىپ، جالپى ءماجىلىس ورتاعا قويعان نىسانا - مىندەتتەرگە ساي، ەكونوميكانىڭ تيبىن جاڭالاپ دامۋدىڭ جاڭا جولىن، قالا مەن اۋىلدىڭ توعىسپالى دامۋىنىڭ جاڭا مەحانيزمىن، اۋىل - قىستاقتى جونگە سالۋ رەفورماسىنىڭ جاڭا ءادىس - شاراسىن بەلسەنە قاراستىرامىز.
جاسىل تاۋ، تۇنىق سۋ − باعالى بايلىق. التاي ايماقتىق قورشاعان ورتانى قورعاۋ مەكەمەسىنىڭ باستىعى جالىن قاجىكەن بىلاي دەدى: ”التاي ايماعى جاڭا دامۋ ۇستانىمىنا تاباندى بولىپ، ەكولوگيانىڭ قورعاۋشىسى بولۋدى ويداعىداي ورىنداپ، دارەجەسى جوعارىلاعان لاستانۋدان ساقتانۋ جانە ونى وڭاۋدان قامال الۋ شايقاسىن ويداعىداي جۇرگىزىپ، توپىراقتىڭ لاستانۋىنىڭ الدىن الۋدى جانە ونى وڭاۋدى باقىلاۋ - باسقارۋ جۇيەسىن ورناتىپ، اقاۋسىزداندىرىپ، اۋىل - قىستاقتىڭ تۇرمىستىق لاس سۋىن، تۇرمىستىق قوقىر - قوقسىعىن جونگە سالۋ سياقتىلاردى ساتىلاي ىلگەرىلەتىپ، بەلسەندى ۇلەس قوسامىز“.
”قىزمەت ۇستانىمىنا وزگەرىس جاساۋدان باستاپ ىسكە كىرىسىپ، ەرتە يگەرۋ، كىشكەنەدەن باستاپ يگەرۋ تالابىن تياناقتاندىرىپ، باقىلاۋ - تەكسەرۋ ساپاسى ونىمدىلىگىن جوعارىلاتىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تياناقتاندىرۋدا بۇلتاققا سالعان، تالعامپازدىق ىستەگەن، تۇرلەندىرگەن پارتيالى كادرلاردى استە ىرقىنا جىبەرمەي، پارتيا ءتارتىبىن، پارتيا قاعيداسىن شىنايى ورناتىپ، قاتاڭداستىرىپ، بەسىنشى جالپى ءماجىلىس رۋحىنىڭ دايەكتىلەندىرىلۋىن، تياناقتاندىرىلۋىن قامتاماسىز ەتەمىز“، - دەدى حوتان ايماقتىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 1 - باقىلاۋ - تەكسەرۋ كەڭسەسىنىڭ كادرى يىلحام ءماتتۇرسىن.
ىلە قازاق اۆتونوميالى وبلىستىق ۇكىمەتتىڭ ورىنباسار باس حاتشىسى جاۋ جيانچياڭ بىلاي دەدى: ”جالپى ءماجىلىس جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى بىرگە جاساۋىن جەبەۋدى ورتاعا قويدى. ءبىز ەكولوگيالىق ورتانى قورعاۋدى ساياحات كاسىبىن دامىتۋدىڭ العى شارتى ەتىپ، جاسىل ساياحاتتى اشۋدى اتقارىپ، جاسىل ساياحات كورىنىس ءوڭىرى قۇرىلىسىن ورىستەتىپ، ساياحات كاسىبىنىڭ ەكولوگيالى، تومەن كومىرتەكتى دامۋىن ىلگەرىلەتىپ، كورىكتى ىلەنى ءار ۇلت بۇقاراسىنىڭ ’جىر مەكەنىنە‘ اينالدىرامىز“.
”ءبىز ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ءتۇرلى شارالارىن باتىلدىقپەن ويداعىداي دايەكتىلەندىرىپ، تياناقتاندىرىپ، ىنتىماقتى، جاراسىمدى، كوركەيىپ - گۇلدەنگەن، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش - قۋاتىمىزدى ارنايمىز“، - دەدى ونسۋ اۋداندىق قوعام حاۋىپسىزدىگى مەكەمەسى پارتكومنىڭ مۇشەسى، ساياسي باسقارماسىنىڭ مەڭگەرۋشىسى ۋ فاجوۋ.
”جوبا جاسالدى، ءبىزدىڭ الدىمىزعا قويىلعانى كۇشتى شوعىرلاندىرىپ، ءبىر جىلدى ءبىر جىلعا جالعاپ ىستەۋ، ءبىر - بىرلەپ تياناقتاندىرۋدى يگەرۋ“. قۇتىبي اۋدانى قۇتىبي قالاشىعى شۋاڭيۋان الەۋمەتتىك اۋماعى پارتيا باس ياچەيكاسىنىڭ شۋجيى لاڭ جىنجياڭ بىلاي دەدى: حالىقتى وزەك ەتكەن دامۋ يدەياسىنا باستان - اياق تاباندى بولىپ، بۇقارانىڭ ”اسىعاتىن، قيىن، ۋايىمدايتىن، كوكسەيتىن“ ماسەلەلەرىن شەشۋگە كۇش سالىپ، حالىق بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ ءتىپتى دە تولىق، ءتىپتى دە قامتاماسىز بولۋىنا مۇمكىندىك جاسايمىز.
(ءتىلشى ءپاريزات ابدۇل، قاتىناسقان تىلشىلەر گى يوۋجۇن، جاڭ تيڭ، حان چينيان، جاڭ رۇيلين، سۇڭ ۋيگو، جازيرا نەسىپبەك، ەرىكتى تىلشىلەر يۇڭ نيڭ، لين ۋانلي، حۋ جۇنشيۋ، لي نانا)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
