شينجياڭ كوپ ءتۇرلى شارا قولدانىپ، تۇتىنۋ بازارىنىڭ جاندانۋىن جەبەدى
2020.11.03 14:19 كەلۋ قاينارى : شينجياڭ گازەتى
شينجياڭ گازەتى جالپىلىق اقپارات قۇرالدارى ءتىلشىسى حي حۇڭۋي 11 - ايدىڭ 1 - كۇنى ۇرىمجىدەن حابارلايدى. 11 - ايدىڭ 1 - كۇنى ءۇرىمجى ەكونوميكالىق - تەحنيكالىق اشۋ رايونىنداعى (توۋتۇنحى رايونى) ۋاندا الاڭىنىڭ سۋنيڭ قولايلى ساتىپ الۋ دۇكەنىندە ءبىرسىپىرا قالا تۇرعىندارى ءۇي ەلەكتر جابدىقتارىن ساتىپ الىپ جاتتى. ”ءبىز ينتەرنەت جەلىسىندە، ينتەرنەت جەلىسىنەن تىسقارى ’قوس 11‘ساتىلىمدى جەدەلدەتۋ قيمىلىن قاتار باستادىق، بۇگىن قاريدارلار جايشىلىقتاعى كەزدەن ％30 اينالاسىندا ارتىپ، توڭازىتقىش، توڭازىتقىش كەبەجە، سونداي - اق بۇكىل ۇيگە ءۇي ەلەكتر جابدىقتارىن تاپسىرىس بەرۋ ءوتىمدى ونىمگە اينالدى“، - دەدى وسى دۇكەننىڭ باستىعى جاڭ رۇي.
بيىل ىندەتتىڭ ىقپالىن ءونىمدى جەڭۋ ءۇشىن، رايونىمىز «ىندەتكە ونان ارى توتەپ بەرىپ، سەنىمدى سەرپىلتىپ، ساۋدالىق تۇتىنۋدى جەبەۋ جونىندەگى جەتەكشى پىكىر» سياقتى ءبىرسىپىرا حۇجاتتاردى شىعارىپ، اس - سۋ، ساۋدا سارايى سياقتى تۇرمىسقا قىزمەت وتەۋ كاسىبىنىڭ دامۋىن قالپىنا كەلتىرۋگە قولداۋ كورسەتتى، جەر - جەر ىلگەرىندى - كەيىندى تۇتىنۋ بەلەتىن تاراتۋ سياقتى شارالاردى شىعارىپ، تۇتىنۋدىڭ قايتا تولىقتانۋىن جانە كومەسكى كۇشىنىڭ جارىققا شىعۋىن جەبەدى.
رايونىمىزدىڭ ساۋدا تاراۋلارى ايماق، وبلىس، قالالاردىڭ جانە ءتۇيىندى اينالىم كاسىپورىندارىنىڭ، ءتۇيىندى ەلەكتروندى ساۋدا تۇعىرلارىنىڭ، ءتۇيىندى ساۋداگەرلەر قوعامدارىنىڭ كۇشتەرىن ءبىر تۇتاس جوسپارلاپ، جوسپارلى تۇردە وڭىرلەرگە، دارەجەگە، ۋاقىتقا، تۇرگە ايىرىپ، بارلىق ءتۇردى، بارلىق جولدى، ەرەكشەلىگى بار نەگىزگى تاقىرىپتىق تۇتىنۋدى جەبەۋ قيمىلىن وتكىزىپ، كاسىپ سالاسىنىڭ جانە تۇتىنۋدىڭ دارەجەسىن جوعارىلاتۋدى ىلگەرىلەتتى.
بۇكىل رايون ءۇي ەلەكتر جابدىقتارى، اۆتوكولىك، وڭدەلگەن ماي، اس - سۋ سياقتى ءتۇيىندى كاسىپتەرگە ساياتىن ”100 كۇندە مىڭ كاسىپورىننىڭ شينجياڭعا توپتاسا تيىمدىلىك جەتكىزۋ“ تۇتىنۋ ماۋسىمى قيمىلىن دا ورىستەتىپ، كاسىپ سالاسىنىڭ بىرگە ارەكەتتەنۋى، قالا، اۋىلداردىڭ بىرگە ارەكەتتەنۋى، ينتەرنەت جەلىسىندە، ينتەرنەت جەلىسىنەن تىسقارى ىقپالداستىق ءتاسىلى ارقىلى ەكونوميكانىڭ ارتۋىن ىلگەرىلەتىپ، تۇتىنۋ ىستىق تۇيىندەرىن جەتىلدىرىپ، تۇتىنۋ دارەجەسىنىڭ جوعارىلاۋىن جەتەكتەپ، تۇتىنۋ بازارىنىڭ تەز جىلدامدىقپەن جاندانۋىنا دەم بەردى.
شينجياڭ سۋنيڭ قولايلى ساتىپ الۋ ساۋدا شەكتى سەرىكتەستىگىنىڭ بازار جانە ايگىلى ماركا باس باقىلاۋشىسى فۋ يانلي بىلاي دەپ تانىستىردى: 9 - ايدىڭ 26 - كۇنى ”100 كۇندە مىڭ كاسىپورىننىڭ شينجياڭعا توپتاسا تيىمدىلىك جەتكىزۋ“ تۇتىنۋ ماۋسىمى جانە شينجياڭ ءۇي ەلەكتر جابدىقتارى ەرەن بازارلارىنىڭ ءبىر ميلليون يۋاندىق حالىققا ءتيىمدى قوسىمشا قاراجات جەلىلەس قيمىلى باستالعاننان بەرى، ءۇي ەلەكتر جابدىقتارىن تۇتىنۋ قوسىمشا قاراجاتى مەن ءۇي ەلەكتر جابدىقتارىن اۋىلدارعا جەتكىزۋ قوسىمشا قاراجاتى جيىنى 40 ميلليون يۋانعا تايادى، بۇكىل شينجياڭ بويىنشا 120 مىڭ تۇتىنۋشى تاپسىرىس بەرىپ زات ساتىپ الدى، 10 - ايداعى تۇتىنۋدىڭ ەكونوميكاعا دەم بەرۋ رولى ەرەكشە كورنەكتى بولدى.
بۇكىل شينجياڭنىڭ جەر - جەرى تۇتىنۋدى جەبەۋدى وزەك ەتىپ، جاعداي جاساپ، قاريدار توپتاپ، ساۋدانى جانداندىرىپ، حالىققا قولايلى، حالىققا پايدالى، حالىققا ءتيىمدى ءبىرسىپىرا نەگىزگى تاقىرىپتىق تۇتىنۋدى جەبەۋ قيمىلدارىن جالپىلاستىردى. 10 - ايدىڭ 1 - كۇنىنەن 8 - كۇنىنە دەيىن شينجياڭنىڭ اۋىل شارۋاشىلىعى تاڭداۋلى، ەرەكشە ونىمدەرى بۇلت كورمەسى جانە تۇڭعىش كەزەكتى ەلەكتروندى ساۋدا تىكە تاراتۋ مەرەكەسى قيمىلى بۇكىل شينجياڭنىڭ جەر - جەرىندە كولەمدى تىكە تاراتۋ زات ساتۋ قيمىلىنان ءبىر ۋاقىتتا 341 رەت وتكىزدى، مۇنى 100 ميلليوننان استام ادام - رەت تاماشالاپ، ساۋدا جالپى سوماسى 18 ميلليون 954 مىڭ يۋان بولدى.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جاڭ شو بىلاي دەپ تانىستىردى: ەندىگى جەردە اۆتونوميالى رايوننىڭ ساۋدا ىستەرى تاراۋلارى اۆتوكولىك، وڭدەلگەن ماي، جەرگىلىكتى ونىمدەر، ايگىلى ماركالى تاۋارلار جاعىنا ۇزدىكسىز كۇش الىپ، كومەسكى كۇشتى اشۋدى، قوردى ورنىقتىرۋدى، ارتۋ مولشەرىن جەبەۋدى كوزدەپ، تۇتىنۋ سەنىمىن سەرپىلتىپ، تۇتىنۋدىڭ ەكونوميكاعا دەم بەرۋ رولىن كۇشەيتەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
