شينجياڭ قالا - قالاشىقتارداعى 1635 بايىرعى، كونە شاعىن اۋماقتى جاڭالاۋ جۇمىسىن باستادى
2020.11.03 14:21 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇيجاۋ 11 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنەن ۇعىسۋىمىزشا، جوسپارداعى ورنالاستىرۋعا ساي 2019 - جىلى، 2020 - جىلى رايونىمىز قالا - قالاشىقتارداعى 1892 بايىرعى، كونە شاعىن اۋماقتى (2019 - جىلى 802، 2020 - جىلى 1090) جاڭالاۋدى جوسپارلاعان، بۇل جالپى 318 مىڭ 400 وتباسىنداعى تۇرعىنعا سايادى. بيىل 9 - ايدىڭ سوڭىنا دەيىن قالا - قالاشىقتارداعى 1635 بايىرعى، كونە شاعىن اۋماقتى جاڭالاۋ جۇمىسى باستالدى.
رايونىمىز بايىرعى، كونە شاعىن اۋماقتى جاڭالاۋدى حالىق تۇرمىسىنداعى ولقىلىقتاردى تولىقتاۋدىڭ ناقتى امالياتى ەتىپ، ”سىناق تۇيىندەرىندە الدىمەن جۇرگىزۋ، ساتىعا ءبولىپ ىلگەرىلەتۋ“ پرينسيبىنە نەگىزدەلىپ، 2019 - جىلى قالا - قالاشىقتارداعى بايىرعى، كونە شاعىن اۋماقتاردى جاڭالاۋ سىناق ءتۇيىنى قىزمەتىن باستادى، ءۇرىمجى قالاسى، قۇلجا قالاسى، اقسۋ قالاسى، كۇشار قالاسى، حوتان قالاسى سىندى 5 قالانى سىناق ءتۇيىنى كولەمىنە ەنگىزدى، سونداي - اق «اۆتونوميالى رايوننىڭ قالا - قالاشىقتارداعى بايىرعى، كونە شاعىن اۋماقتاردى جاڭالاۋ سىناق ءتۇيىنى قىزمەتى جوباسىن» جاساپ تاراتىپ، ءبىر تۇتاس جوسپارلاپ سايكەستىرۋ، ۇكىمەت پەن تۇرعىندار جاڭالاۋ قاراجاتىن بىرگە كوتەرۋ، قوعامدىق كۇشتەر قاتىناسۋ، بايلىقتى بىرىكتىرىپ بايدالانۋ، ۇزاق ءونىمدى باسقارۋدى كەمەلدەندىرۋ قاتارلى 9 مەحانيزم ورناتىپ، سىناق تۇيىندەرىندە ىزدەنىستەر جاسادى.
جاڭادان اسفالتتاندىرىلعان، ادام مەن كولىك بولەك جۇرەتىن جولدار تازا دا رەتتى بولىپ، شاعىن اۋماقتارعا ورناتىلعان ليفتتەر ورنىقتى اينالىس جاساۋدا، تىڭنان 400 كولىك توقتاتۋ ورنى كوبەيگەن، سونداي - اق دەنە شىنىقتىرۋ الاڭى، مادەنيەت ءدالىزى سياقتى الەۋمەتتىك كەڭىستىكتەرگە دە ورىن اجىراتىلعان...اقسۋ قالاسى شياڭحىلي شاعىن اۋماعى قورشاعان ورتاسى شىت جاڭا بەينەگە ەنگەن، سالىنعانىنا 30 جىل بولعان بايىرعى، كونە شاعىن اۋماق ەكەنى بىلىنبەيدى. شياڭحىلي شاعىن اۋماعى بيىل 3 - ايدا اقسۋ قالاسىندا تۇڭعىش توپتا بايىرعى، كونە شاعىن اۋماقتاردى ۋنيۆەرسال جاڭالاۋ سىناق ءتۇيىنى نىسانىنا ەنگىزىلگەن، بۇل 28 عيماراتتاعى 1631 وتباسىنداعى تۇرعىنعا سايادى. بيىل 6 - ايدا وسى شاعىن اۋماقتى جاڭالاۋ، دارەجەسىن ءوسىرۋ ينجەنەرياسى قۇرىلىس باستاپ، 9 - ايدىڭ ورتا شەنىندە جۇمىسىن اياقتاتتى، شاعىن اۋماقتىڭ ءىشى - سىرتىنىڭ قورشاعان ورتاسى كورىكتەنىپ، تازارىپ، جاسىلدانىپ، جارىقتانىپ، تۇرعىنداردىڭ تۇرمىسىنا قولايلى بولىپ، تۇرعىنداردىڭ تابىس سەزىمى مەن باقىت سەزىمىن جوعارىلاتتى.
جاقىنعى 2 جىلدا رايونىمىز نەگىزدىك تۇردەگى شاعىن اۋماقتى جاڭالاۋ، كەمەلدەندىرۋ تۇرىندەگى شاعىن اۋماقتى جاڭالاۋ، دارەجەسىن ءوسىرۋ تۇرىندەگى شاعىن اۋماقتى جاڭالاۋ قاتارلىلاردى ورىنداۋ ارقىلى بايىرعى، كونە شاعىن اۋماقتى ”تۇرۋعا كەلەتىن كۇيدەن“ ”تۇرۋعا تاماشا كۇيگە“، قالىڭ تۇرعىنداردى ”تۇراتىن ءۇيى بولۋدان“ ”تۇرۋعا جايلى ءۇيى بار“ جاعدايعا جەتكىزىپ، بايىرعى، كونە شاعىن اۋماقتا ”كونەنى“ تالقانداپ، ”جاڭانى“ ورناتۋ، ”قاۋىرت وزگەرتۋ“ سىندى جاڭا جولداردى قاراستىردى.
العاشقى ساناققا قاراعاندا، رايونىمىزدا 2000 - جىلدان بۇرىن سالىنعان، جاڭالاۋ قاجەت بولىپ وتىرعان بايىرعى، كونە شاعىن اۋماقتان 5000نان استامى بار، بۇل 750 مىڭ وتباسىنداعى تۇرعىندارعا سايادى. وسى بايىرعى، كونە شاعىن اۋماقتاردىڭ سالىنعان جىلى ءبىرشاما ەرتە، قۇرىلىس ولشەمى ءبىرشاما تومەن، ۇزاق ۋاقىت بويى جوندەۋ كورمەگەن، قۇبىر توراپتارىنىڭ كونەرۋ، ءبۇلىنۋى اۋىر، سايكەستى قۇرىلعىلار مەن تۇرمىستىق قىزمەت وتەۋ قۇرىلعىلارى جەتكىلىكسىز، شاعىن اۋماق ورتاسى لاس، رەتسىز، ناشار بولىپ، جاڭالاۋعا، قونىستانۋ ورتاسىن جاقسارتۋعا ەرەكشە مۇقتاج ەدى.
اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ قاتىستى جاۋاپتى ادامىنىڭ تانىستىرۋىنشا، كەلەسى قادامدا رايونىمىز اۆتونوميالى رايون، ايماق (وبلىس، قالا)، اۋدان (قالا، رايون) ءۇش دارەجە بىرلەسىپ ارەكەتتەنەتىن قىزمەت مەحانيزمىن ورناتىپ، قاتىستى تاراۋلاردىڭ، ورىنداردىڭ قىزمەت جاۋاپكەرشىلىگىن ايقىنداپ، سايكەستى ساياساتتاردى كەمەلدەندىرىپ، قارجى دايىنداۋ مەحانيزمىن اقاۋسىزداندىرىپ، قالا - قالاشىقتارداعى بايىرعى، كونە شاعىن اۋماقتاردى جاڭالاۋ مىندەتىنىڭ ءساتتى جۇرىلۋىنە شىنايى كەپىلدىك ەتەدى، سونداي - اق «اۆتونوميالى رايوننىڭ قالا - قالاشىقتارداعى بايىرعى، كونە شاعىن اۋماقتاردى جاڭالاۋ ينجەنەرياسى قۇرىلىسى جوباسىن (1 - مەرزىمدىك)» جاساۋدى جەدەل ورىنداپ، نىسان زاپاسىن كەمەلدەندىرىپ، جاڭالاۋ مەزگىلىن عىلمي جوبالاپ، ساتىعا ءبولىپ اتقارىپ، ورنىقتى ىلگەرىلەتەدى. سونىمەن بىرگە، سىناق تۇيىندەرىندە ۇلگى كورسەتۋ قىزمەتىن مىقتاپ يگەرىپ، ءبىر توپ پايدالانۋ قۇنى بار سىناق ءتۇيىنى قىزمەتى جەتىستىكتەرىن قالىپتاستىرادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
