بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ اۋىل - قىستاق جەر ءتۇزىمى رەفورماسىن ىلگەرىلەتۋ، اۋىل - قىستاقتاعى كوتەرمەگە الىنعان جەردى باسقارۋ قىزمەتىن ويداعىداي ىستەۋ جونىندە ماڭىزدى نۇسقاۋ بەرىپ بىلاي دەپ باسا دارىپتەدى

شارۋالاردىڭ ۇقىق - مۇددەسىن زاڭ بويىنشا قورعاۋدى شىعار ءتۇيىن جانە تياناق ەتۋگە تاباندى بولىپ، 2 - كەزەكتەگى جەردى كوتەرمەگە الۋ مەرزىمى تولعان سوڭ تاعى دا 30 جىل ۇزارتۋ قىزمەتىن تىڭعىلىقتى ىلگەرىلەتىپ، اۋىل - قىستاق نەگىزگى شارۋاشىلىق ءتۇزىمىنىڭ ومىرشەڭدىگىن باستان - اياق قاۋلاتۋ كەرەك

لي كىچياڭ بەكىتۋ جازدى

2020.11.04 15:40     كەلۋ قاينارى : شينجياڭ گازەتى

  شينحۋا اگەنتتىگىنىڭ 11 - ايدىڭ 2 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا جاڭا داۋىردە اۋىل - قىستاق جەر ءتۇزىمى رەفورماسىن ىلگەرىلەتۋ، اۋىل - قىستاقتاعى كوتەرمەگە الىنعان جەردى باسقارۋ قىزمەتىن ويداعىداي ىستەۋ جونىندە ماڭىزدى نۇسقاۋ بەرىپ بىلاي دەپ باسا دارىپتەدى: اۋىل - قىستاقتاعى كوتەرمەگە الىنعان جەردىڭ ۇقىعىن ايقىنداۋ، تىركەۋ، كۋالىك بەرۋ قىزمەتىن ورىستەتۋ جەردى كوتەرمەگە الىپ تيجارات جۇرگىزۋ ۇقىعى سىندى زات ۇقىعىن قورعاۋدى تۇراقتاندىرىپ، شارۋالاردىڭ كوڭىلىن باياندى تۇردە ورنىقتىرىپ، اۋىل - قىستاق نەگىزگى شارۋاشىلىق ءتۇزىمىن بەكەمدەدى جانە كەمەلدەندىردى. جاڭا داۋىردە اۋىل - قىستاق جەر ءتۇزىمى رەفورماسىن ىلگەرىلەتۋدە شارۋالاردىڭ ۇقىق - مۇددەسىن زاڭ بويىنشا قورعاۋدى شىعار ءتۇيىن جانە تياناق ەتۋگە تاباندى بولۋ، اۋىل - قىستاق جەرى شارۋالاردىڭ كوللەكتيۆ مەنشىگىندە بولۋ تۇزىمىنە اۋىتقىماي تاباندى بولۋ، وتباسى كوتەرمەگە الىپ شارۋاشىلىق جۇرگىزۋدىڭ نەگىزدىك ورنىنا اۋىتقىماي تاباندى بولۋ كەرەك. اۋىل - قىستاقتاعى كوتەرمەگە الىنعان جەردىڭ ۇقىعىن ايقىنداۋ، تىركەۋ، كۋالىك بەرۋ جەتىستىكتەرىن قولدانىپ، 2 - كەزەكتەگى جەردى كوتەرمەگە الۋ مەرزىمى تولعان سوڭ تاعى دا 30 جىل ۇزارتۋ قىزمەتىن تىڭعىلىقتى ىلگەرىلەتىپ، اۋىل - قىستاق جەرىن كوتەرمەگە الۋ قاتىناسىنىڭ تۇراقتىلىعىن ساقتاۋ ءارى ۇزاق ۋاقىت وزگەرتپەۋ كەرەك.

  شي جينپيڭ بىلاي دەپ اتاپ كورسەتتى: امالياتتىڭ دامۋ تالابىنا ساي، كوللەكتيۆ مەنشىك ۇقىعىنىڭ، شارۋا وتباسىلارىنىڭ كوتەرمەگە الۋ ۇقىعىنىڭ، جەردى تيجارات ەتۋ ۇقىعىنىڭ ءونىمدى جۇزەگە اسۋ فورماسىن بايىتىپ، اۋىل - قىستاق جەر بايلىعىن ساپالى جايعاستىرۋدى جەبەپ، جاڭاشا اۋىل شارۋاشىلىق تيجارات تۇلعالارىن بەلسەنە جەتىلدىرىپ، اۋىل شارۋاشىلىعى قوعامدانعان قىزمەت وتەۋ ۇيىمدارىن دامىتىپ، زورايتىپ، قالىڭ شاعىن شارۋا وتباسىلارىن وسى زامانعى اۋىل شارۋاشىلىعىمەن ۇشتاسقان دامۋ جولىمەن جۇرۋگە شابىتتاندىرىپ جانە قولداپ، اۋىل - قىستاق نەگىزگى شارۋاشىلىق ءتۇزىمىنىڭ ومىرشەڭدىگىن باستان - اياق قاۋلاتىپ، اۋىل - قىستاقتىڭ جاپپاي گۇلدەنۋىن جەبەۋگە، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىنا ءتيىمدى شارت - جاعداي ازىرلەۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ بىلاي دەپ اتاپ كورسەتتى: اۋىل - قىستاقتاعى كوتەرمەگە الىنعان جەردىڭ ۇقىعىن ايقىنداۋ، تىركەۋ، كۋالىك بەرۋ − اۋىل - قىستاق نەگىزگى شارۋاشىلىق ءتۇزىمىن بەكەمدەۋ مەن كەمەلدەندىرۋدىڭ ماڭىزدى شاراسى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، ۇقىقتى ايقىنداۋ جەتىستىكتەرىن بەكەمدەپ ءارى ويداعىداي پايدالانىپ، اۋىل - قىستاقتاعى كوتەرمەگە الىنعان جەردىڭ مەنشىك ۇقىعىن، كوتەرمەگە الۋ ۇقىعىن، تيجارات جۇرگىزۋ ۇقىعىن ءبولىپ ورنالاستىرۋ ءتۇزىمى جۇيەسىن ۇزدىكسىز كەمەلدەندىرۋ كەرەك. 2 - كەزەكتەگى جەردى كوتەرمەگە الۋ مەرزىمى تولعان سوڭ تاعى دا 30 جىل ۇزارتۋ ساياساتىن مۇقيات تياناقتاندىرىپ، ءجۇز ميلليونداعان شارۋانىڭ زاڭدى ۇقىق - مۇددەسىن شىن مانىندە قورعاۋ كەرەك. وتباسىلار شارۋاشىلىق جۇرگىزۋگە تاباندى بولۋ نەگىزىندە كوپ ءتۇرلى فورماداعى ۇيلەسىمدى كولەمدەگى شارۋاشىلىقتى دامىتىپ، استىقپەن جانە ماڭىزدى اۋىل شارۋاشىلىعى ونىمدەرىمەن قامداۋدى قامتاماسىز ەتۋ قابىلەتىن جوعارىلاتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جانە اۋىل - قىستاقتىڭ جاپپاي گۇلدەنۋىن جەبەۋگە، جاپپاي سوتسياليستىك وسىزاماندانعان مەملەكەت قۇرۋعا تىرەك ازىرلەۋ كەرەك!

  اۋىل - قىستاقتاعى كوتەرمەگە الىنعان جەردىڭ ۇقىعىن ايقىنداۋ، تىركەۋ، كۋالىك بەرۋ قىزمەتىن قورىتىندىلاۋ جانە ماداقتاۋ - سيلاۋ جونىندەگى مەملەكەتتىك تەلەۆيزور - تەلەفون ءماجىلىسى 11 - ايدىڭ 2 - كۇنى بەيجيڭدە اشىلدى. ءماجىلىس شي جينپيڭنىڭ ماڭىزدى نۇسقاۋىن جانە لي كىچياڭنىڭ بەكىتۋىن جەتكىزدى، ۇيرەندى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: اۋىل - قىستاقتاعى كوتەرمەگە الىنعان جەردىڭ ۇقىعىن ايقىنداۋ، تىركەۋ، كۋالىك بەرۋ − شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى شەشىم، اۋىل - قىستاق رەفورماسىن تەرەڭدەتۋدەگى كەلەلى مىندەت. ۇقىقتى ايقىنداۋ، تىركەۋ، كۋالىك بەرۋ جەتىستىكتەرىن شىن مانىندە بەكەمدەپ، كەڭەيتىپ، شارۋالاردىڭ جەردى كوتەرمەگە الىپ تيجارات جۇرگىزۋ ۇقىعىن قورعاۋدى كۇشەيتۋ كەرەك. 2 - كەزەكتەگى جەردى كوتەرمەگە الۋ مەرزىمى تولعان سوڭ تاعى دا ۇزارتىپ كوتەرمەگە بەرۋدى تۇيىندەردە سىناق ەتۋدى ورنىقتى تۇردە ىلگەرىلەتىپ، باسىم كوپ شارۋا وتباسىلارىنىڭ اۋەلگى كوتەرمەگە العان جەرىنىڭ تۇراقتىلىعىن ساقتاۋعا شىنايى كەپىلدىك ەتۋ كەرەك. كوتەرمەگە العان ەگىستىك جەردىڭ پايدالانۋ ماقساتىن باسقارۋدى كۇشەيتىپ، اۋىل شارۋاشىلىعىنا پايدالانۋ ماقساتىنا تاباندى بولىپ، استىق اتىزدارىن استىقتان باسقاعا اينالدىرۋدى ءونىمدى تۇردە تەجەپ، اۋىل شارۋاشىلىق جەرىنىڭ اۋىل شارۋاشىلىعىنان باسقاعا پايدالانىلۋىنا قاتاڭ تيىم سالۋ كەرەك. اۋىل - قىستاقتاعى كوتەرمەگە الىنعان جەردى كۇندەلىكتى باسقارۋدىڭ قىزمەت وتەۋ مەحانيزمىن جەدەل ورناتىپ، اقاۋسىزداندىرىپ، باسقارۋدىڭ، قىزمەت وتەۋدىڭ دالمە - دالدىگىن جانە ونىمدىلىگىن ارتتىرۋ كەرەك.

  ءماجىلىس مەملەكەت بويىنشا اۋىل - قىستاقتاعى كوتەرمەگە الىنعان جەردىڭ ۇقىعىن ايقىنداۋ، تىركەۋ، كۋالىك بەرۋ قىزمەتىندەگى تيپتىك وڭىرلەردى حابارلاندىرىپ، ماداقتادى، وزات كوللەكتيۆتەر مەن وزات جەكەلەردى ماداقتاپ سيلادى، 2 - كەزەكتەگى جەردى كوتەرمەگە الۋ مەرزىمى تولعان سوڭ تاعى دا ۇزارتىپ كوتەرمەگە بەرۋدى تۇيىندەردە سىناق ەتۋ سياقتى كوتەرمەگە بەرىلگەن جەرلەردى باسقارۋ جانە رەفورما جاساۋ قىزمەتىن ورنالاستىردى.

  ورتالىق اۋىل - قىستاق قىزمەتى باسشىلىق گرۋپپاسىنىڭ ءبىر ءبولىم مۇشە ورىندارى، مەملەكەت بويىنشا اۋىل - قىستاقتا جەردى كوتەرمەگە الىپ تيجارات جۇرگىزۋ ۇقىعىن تىركەۋ سىناق تۇيىندەرى قىزمەتى باسشىلىق گرۋپپاسىنا مۇشە ورىندارداعى جاۋاپتى جولداستار، ولكە، رايون، قالالارداعى قاتىستى ورىندار، 2 - كەزەكتەگى جەردى كوتەرمەگە الۋدىڭ مەرزىمى تولعان سوڭ تاعى دا ۇزارتىپ كوتەرمەگە بەرۋدە سىناق ءتۇيىنى ەتىلگەن اۋداندارداعى جاۋاپتى جولداستار، ماداقتالىپ - سيلانعان وزات كوللەكتيۆتەر مەن وزات جەكەلەر قاتارلىلار نەگىزگى ءماجىلىس الاڭىندا جانە جەر - جەردەگى بولىمشە ءماجىلىس الاڭدارىندا ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار