ەلەكتر تورى ساتقان ەلەكتر مولشەرىنىڭ %30كە جۋىعى جاڭا ەنەرگيادان كەلدى
2020.11.04 15:41 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 10 - ايدىڭ 25 - كۇنى ۇرىمجىدەن حابارلايدى. ”13 - بەسجىلدىقتان“ بەرى رايونىمىز جاڭا ەنەرگيانى اشۋدى، ودان پايدالانۋدى ۇزدىكسىز ىلگەرىلەتتى. 2016 - جىلى شينجياڭ ەلەكتر تورىنىڭ ساتقان ەلەكتر مولشەرى 73 ميلليارد 493 ميلليون كيلوۆات - ساعات بولدى، مۇنىڭ ىشىندە جاڭا ەنەرگيانىڭ يەلەگەن سالىستىرماسى ％17.03 بولدى؛ 2019 - جىلى شينجياڭ ەلەكتر تورى ساتقان ەلەكتر مولشەرى 120 ميلليارد 906 ميلليون كيلوۆات - ساعات بولدى، مۇنىڭ ىشىندە جاڭا ەنەرگيانىڭ يەلەگەن سالىستىرماسى شامامەن ％29.10 بولدى. بۇل شينجياڭ ەلەكتر تورى ساتقان ءار 3 كيلوۆات - ساعات ەلەكتر مولشەرىنىڭ ءبىر كيلوۆات - ساعاتقا تاياۋىنىڭ جاڭا ەنەرگيا ەلەكترىنەن كەلگەندىگىن اڭعارتادى.
ەڭ جاڭا ساندى مالىمەتتە كورسەتىلۋىنشە، شينجياڭنىڭ جاڭا ەنەرگيا گەنەراتورىنىڭ سيىمدىلىعى 2016 - جىلداعى 26 ميلليون 681 مىڭ كيلوۆاتتان بيىل 9 - ايداعى 30 ميلليون 330 مىڭ كيلوۆاتقا جوعارىلاپ، ％13.92 ارتقان. 9 - ايعا دەيىن شينجياڭنىڭ جاڭا ەنەرگيا گەنەراتور سيىمدىلىعى جالپى گەنەراتور سيىمدىلىعىنىڭ ％31.52ىن يەلەپ، بۇكىل ەل بويىنشا الدىڭعى قاتاردى يەلەگەن.
شينجياڭنىڭ ءوز جەرىندە قابىلداعان جاڭا ەنەرگيا كولەمىنىڭ جەدەل ارتۋىنداعى ەڭ باستى سەبەپ، شينجياڭ ەلەكتر تورىنىڭ ”ىشكى جاقتا ەلەكترمەن قامدايتىن 4 اينالمالى جەلىنىڭ، سىرتقا ەلەكتر جەتكىزەتىن 4 ارنانىڭ“ قۇرىلعاندىعى بولدى. پارتيا 18 - قۇرىلتايىنان بەرى، شينجياڭ ەلەكتر تورى قۇرىلىسىنىڭ اياق الىسى ۇزدىكسىز جەدەلدەپ، جيىنى 94 ميلليارد 200 ميلليون يۋان قارجى قوسىلدى، بۇل ”11 - بەسجىلدىق“ پەن ”12 - بەسجىلدىق“ مەزگىلىندە جالپى قوسىلعان قارجىنىڭ 1.3 ەسەسىندەي بولىپ، قوعامنىڭ 180 ميللياردتان استام يۋان قارجى قوسۋىنا جەتەكشى بولىپ، شينجياڭنىڭ GDPسىنىڭ جىلىنا ورتا ەسەپپەن ％7.2تىك ارتۋ جىلدامدىعىنا دەم بەردى.
شينجياڭ ىشىندەگى ەلەكتر تورىنىڭ جاپپاي تۇتاسۋى نەگىزىندە شينجياڭنىڭ ەلەكتر تورى بۇكىل ەلمەن تۇتاسۋدى ونان ارى ىسكە اسىرىپ، ەلەكترمەن قامداۋ قۋاتى بارىنشا ارتتى. كەزەكتە 750 كيلوۆولتتىق ەلەكتر تورى بۇكىل شينجياڭنىڭ بارلىق ايماق، وبلىستارىن قامتىپ، ءتۇيىندى قالالاردا 220 كيلوۆولتتىق اينالمالى جەلى قۇرىلىمى قالىپتاسىپ، بارلىق ونەركاسىپ باقشا رايوندارىندا 110 كيلوۆولتتىق، سونداي - اق ودان جوعارى ەلەكتر تورىنىڭ ەلەكترمەن قامداۋى ىسكە استى. ارنانىڭ قۇرىلۋى جاڭا ەنەرگيا قابىلداۋ قۋاتىن جاپپاي جوعارىلاتىپ، جاڭا ەنەرگيانى اشۋ، ودان پايدالانۋ سەنىمىن نىعايتىپ، بۇكىل شينجياڭنىڭ جاڭا ەنەرگياسىنىڭ دامۋىنا جەتەكشى بولدى.
شينجياڭ ەلەكتر ساۋدا ورتالىعى شەكتى سەرىكتەستىگى ساۋدا ءبولىمىنىڭ ارناۋلى جاۋاپتىسى جاڭ جۇن مىنالاردى ءبىلدىردى: ارنانى قۇرۋدان سىرت، شينجياڭ ەلەكتر تورى شينجياڭ ىشىندەگى، شينجياڭ سىرتىنداعى ەلەكتر بازارلارىن تياناق ەتىپ، جاڭا ەنەرگيانى الدىمەن ورنالاستىرۋ مەحانيزمىنە تاباندى بولىپ، ءوز جەرىندە قابىلداۋ مەن ەلەكتردى سىرتقا جەتكىزۋدى ءوزارا ۇشتاستىرىپ، بازارلانۋ تاسىلىنەن پايدالانىپ جاڭا ەنەرگيانى قابىلدادى.
بيىل شينجياڭنىڭ جاڭا ەنەرگياسىنىڭ ەلەكتر تاراتۋ مولشەرى 60 ميلليارد كيلوۆات - ساعاتقا جەتىپ، 2019 - جىلداعىدان شامامەن 6 ميلليارد كيلوۆات - ساعات ارتادى دەپ مەجەلەنۋدە. وسى بويىنشا ەسەپتەگەندە، تۇتاس جىلدا 24 ميلليون 240 مىڭ توننا ولشەمدى كومىردىڭ ورنىن باسىپ، 63 ميلليون 500 مىڭ توننا كومىرتەگى قوس توتىعىنىڭ شىعارىلۋىن ازايتادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
