جاڭا دامۋ ارناسىن جەدەل قالىپتاستىرايىق
− پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
2020.11.04 15:44 كەلۋ قاينارى : شينجياڭ گازەتى
پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ەل ءىشى ۇلكەن اينالىمىن نەگىزگى تۇلعا ەتىپ، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋ كەرەكتىگىن ايقىن ورتاعا قويدى ءارى كەلەلى قىزمەت ورنالاستىرۋىن جاسادى.
”14 - بەسجىلدىق“ مەزگىلىندە ەلىمىز جاڭا دامۋ ساتىسىنا ەنەدى، بۇل جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىنا جورىق جاسايتىن كەزەڭ، ەل ءىشى - سىرتى ورتاسىنىڭ تەرەڭ وزگەرىستەرى ءبىرسىپىرا جاڭا ورايلاردى، جاڭا سىن - سايىستاردى الا كەلەدى. جاڭا دامۋ ارناسىن جەدەل قالىپتاستىرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەلىمىزدىڭ دامۋ كەزەڭىنە، ورتاسىنا، شارت - جاعداي وزگەرىسىنە قاراي جاعدايدى باعامداپ جاساعان كەلەلى شەشىمى. جاڭا دامۋ ارناسىن قالىپتاستىرۋ − كەلەلى جاعدايعا ساياتىن جۇيە سيپاتتى، تەرەڭ قاباتتى وزگەرىس. كەزەكتەگى جاعدايدى تياناق ەتىپ، ۇزاق بولاشاققا كوز جىبەرگەن ستراتەگيالىق جوبا. ءبىز جالپى جاعداي جانە ستراتەگيانىڭ بيىگىنەن جاڭا دامۋ ارناسىن جەدەل قالىپتاستىرۋدىڭ ستراتەگيالىق ويىن دۇرىس يگەرۋىمىز كەرەك.
تۇپتەپ كەلگەندە، جاڭا دامۋ ارناسى ەلىمىزدىڭ دامۋ كەزەڭىنىڭ جاڭا تالابىنا ۇيلەسەتىن، حالىقارالىق سەلبەستىك پەن باسەكەنىڭ جاڭا باسىمدىعىن سومدايتىن قاجەتتى تالعام. پارتيا ورتالىق كوميتەتى العا قويعان جاڭا دامۋ ارناسىن قالىپتاستىرۋ ەلىمىزدىڭ وبيەكتيۆ ەكونوميكالىق زاڭدىلىعى مەن دامۋ بەتالىسىنىڭ دۇرىس يگەرىلۋى، دامۋ ىرىقتىلىعىن يگەرۋدىڭ اتويشىسى سانالادى، اسا مول امالياتتىق نەگىزگە يە. بۇرىن ەكونوميكانىڭ جاھاندانۋى تەرەڭدەي دامىعان سىرتقى ورتادا بازار مەن بايلىق ”ەكەۋىنىڭ دە سىرتقا بەيىمدەلۋى“ ەلىمىزدىڭ ەكونوميكالىق ناقتى قۋاتتى جەدەل جوعارىلاتۋ، حالىق تۇرمىسىن جاقسارتۋدا ماڭىزدى رولىن ساۋلەلەندىرىپ كەلگەن ەدى. كەزەكتە الەمدىك بازار تۇرالاعان سىرتقى ورتادا ءبىز ەل ءىشىنىڭ وراسان زور كولەمدەگى بازار باسىمدىعىن، ءسوز جوق، تولىق ساۋلەلەندىرىپ، ەل ءىشى ەكونوميكاسىن گۇلدەندىرۋ، ەل ءىشى ۇلكەن اينالىمىن ىركىلىسسىزدەندىرۋ ارقىلى ەلىمىزدىڭ ەكونوميكالىق دامۋىنا قوزعاۋشى كۇش ۇستەپ، دۇنيە ءجۇزى ەكونوميكاسىنىڭ قايتا جاندانۋىن جەتەكتەۋىمىز كەرەك. رەفورما جاساپ، ەسىك اشقاننان بەرى، سىرتقى حاۋىپ - قاتەرلەردىڭ سوققىسىنا وتە كوپ ۇشىرادىق، ەڭ سوڭىندا بارلىعىنان امان - ەسەن قۇتىلدىق، مۇندا ءوز جۇمىستارىمىزدى جاقسى ىستەپ، دامۋدىڭ تياناعىن ەل ىشىندە ساقتاۋعا سۇيەندىك. ەلىمىزدە ءبىر ميلليارد 400 ميلليون جان سانى بار، جان باسىنا تۋرا كەلەتىن ىشكى ءوندىرىستىڭ جالپى ءونىم قۇنى 10 مىڭ دوللارلىق وتكەلدەن ءوتتى، بۇكىل جەر شارىنداعى ەڭ ۇلكەن جانە كومەسكى كۇشكە ەڭ زور تۇتىنۋ بازارى، وراسان كەڭ ارتۋ ءورىسىن ازىرلەدى. 2008 - جىلعى حالىقارالىق فينانس داعدارىسىنان بەرى، ەلىمىز ەكونوميكاسى ەل ىشىندەگى ۇلكەن اينالىمدى نەگىزگى تۇلعا ەتۋگە قاراي بۇرىلىس جاسادى. كەلەشەكتەگى ءبىر مەزگىلدە ەلىمىزدىڭ ەل ءىشى بازارىنىڭ حالىق شارۋاشىلىعى اينالىمىنا جەتەكشىلىك ەتۋ ەرەكشەلىگى اناعۇرلىم ايقىندالىپ، ەكونوميكالىق ارتۋدىڭ ىشكى كومەسكى كۇشى ۇزدىكسىز جارىققا شىعارىلادى. تەك جاعدايعا قاراي ءىس ىستەپ، دالمە - ءدال شارا اتقارساق قانا، جاڭا دامۋ ارناسىن قالىپتاستىرىپ، جاڭا باسەكەلىك باسىمدىقتى سومداۋعا بۇكىلدەي شارت - جاعداي ازىرلەي الامىز.
باس شۋجي شي جينپيڭ بىلاي دەپ باسا دارىپتەدى: ”جاڭا دامۋ ارناسى استە جابىق ەل ءىشى اينالىمى ەمەس، قايتا اشىق بولعان ەل ءىشى، حالىقارالىق قوس اينالىم“. ەلىمىزدىڭ دۇنيە ءجۇزى ەكونوميكاسىنداعى ورنى ۇزدىكسىز جوعارىلاپ، دۇنيە ءجۇزى ەكونوميكاسىمەن بولعان بايلانىسى ءتىپتى دە قويۋلاپ، باسقا ەلدەردى قامدايتىن بازار ورايى اناعۇرلىم كەڭەيىپ، حالىقارالىق تاۋار مەن فاكتور بايلىعىن باۋرايتىن زور تارتىلىس ورىسىنە اينالادى. ەل ءىشى ۇلكەن اينالىمىن نەگىزگى تۇلعا ەتۋدە ىشكى سۇرانىستىڭ كومەسكى كۇشىن ساۋلەلەندىرۋ ارقىلى ەل ءىشى بازارى مەن حالىقارالىق بازاردىڭ اناعۇرلىم جاقسى تۇتاسۋىنا مۇمكىندىك جاراتىپ، حالىقارا، ەل ءىشى سىندى ەكى بازاردان، ەكى بايلىقتان ويداعىداي پايدالانىپ، ءتىپتى دە تەبىندى بولعان باياندى دامۋدى جۇزەگە اسىرۋ كەرەك. ەل ءىشى ۇلكەن اينالىمى مەن ەل ءىشى، حالىقارالىق قوس اينالىمىنىڭ قاتىناسىن عىلمي تانىپ، ىرىقتىلىقپەن ىسكەرلىك كورسەتىپ، ىسكەرلىك كورسەتۋگە شەبەر بولىپ، اناعۇرلىم جوعارى ورەدەگى اشىق ەكونوميكالىق جاڭا ءتۇزىلىس ورناتىپ، اناعۇرلىم ۇلكەن كولەمدەگى، اناعۇرلىم كەڭ سالاداعى، اناعۇرلىم تەرەڭ ساتىداعى سىرتقا ەسىك اشۋدى اتقارۋ كەرەك. تاعى دا جاڭا دامۋ ارناسىن قالىپتاستىرۋ بۇكىل ەلدەگى ءبىر تۇتاس ۇلكەن بازار نەگىزىندەگى ەل ءىشى ۇلكەن اينالىمىن نەگىزگى تۇلعا ەتەتىندىگىن، ءار جەردىڭ ءوز الدىنا كىشى اينالىم جۇرگىزۋى ەمەس ەكەندىگىن تانىپ جەتۋ كەرەك، ءارقايسى جەرلەر ءوزىنىڭ ەل ءىشى ۇلكەن اينالىمى مەن ەل ءىشى، حالىقارالىق قوس اينالىمىنداعى ورنى مەن سالىستىرمالى باسىمدىعىن ءدال تابۋ كەرەك، شارت - جاعدايى بار جەرلەردىڭ بۇكىل مەملەكەتتىڭ جاڭا دامۋ جۇلگەسىن قالىپتاستىرۋىن جەبەۋگە پايدالى ءونىمدى جولدى الدىمەن قاراستىرىپ، باستاماشىلدىق جانە جەتەكتەۋ رولىن ساۋلەلەندىرۋىنە بولادى.
جاڭا دامۋ ارناسىن قالىپتاستىرۋ − جۇيەلى ينجەنەريا، ستراتەگيالىق جوسپارلاۋ مەن جوعارى دەڭگەيدە جوبالاۋدى كۇشەيتۋمەن بىرگە، قىزمەتتىڭ كۇش سالۋ ءتۇيىنىن دە يگەرۋ كەرەك. كەمەلدى ىشكى سۇرانىس جۇيەسىن جەدەل جەتىلدىرىپ، ىشكى سۇرانىستى كەڭەيتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، جاڭالىق اشا ارەكەتتەنۋ، جوعارى ساپالى قامداۋ ارقىلى جاڭا سۇرانىسقا جەتەكشىلىك ەتۋ جانە ونى جاراتۋ كەرەك. عىلىم - تەحنيكادا دەربەس قۋاتتى بولۋدى جەدەلدەتىپ، دۇنيە ءجۇزى عىلىم - تەحنيكاسىنىڭ الدىڭعى لەگىنە بەت الىپ، ەكونوميكانىڭ نەگىزگى شايقاس شەبىنە بەت الىپ، مەملەكەتتىڭ ەلەۋلى سۇرانىسىنا بەت الىپ، حالىقتىڭ ءومىرى مەن سالاماتتىعىنا بەت الىپ، عىلىم - تەحنيكادا قۇدىرەتتى ەل قۇرۋدى جەدەلدەتۋ كەرەك. كاسىپ سالاسى تىزبەگىن، قامداۋ تىزبەگىن ساپالىلاندىرىپ، دارەجەسىن جوعارىلاتۋدى ىلگەرىلەتىپ، ەكونوميكانى دامىتۋدىڭ كۇش سالۋ ءتۇيىنىن ناقتى تۇلعالىق ەكونوميكاعا قويىپ، كاسىپ سالاسىنىڭ نەگىزىنىڭ جوعارى دارەجەلىلەنۋىن، كاسىپ تىزبەگىنىڭ وسىزاماندانۋىن ىلگەرىلەتۋ كەرەك. اۋىل شارۋاشىلىعىنىڭ، اۋىل - قىستاقتىڭ وسىزماندانۋىن جەلدەتىپ، اۋىل شارۋاشىلىعىن، اۋىل - قىستاقتى الدىمەن دامىتىپ، اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. حالىقتىڭ تۇرمىس ساپاسىن جاقسارتىپ، حالىقتىڭ ءتۇبىرلى مۇددەسىن ويداعىداي جۇزەگە اسىرىپ، ويداعىداي قورعاپ، ويداعىداي دامىتۋعا تاباندى بولۋدى دامۋدىڭ شىعار ءتۇيىنى مەن تابان تىرەر تياناعى ەتىپ، بار كۇشىن سالا، شاماسىنا قاراي ىستەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. حاۋىپسىز دامۋ سىندى تومەنگى شەكتى مىقتى يگەرىپ، حاۋىپسىز دامۋدى مەملەكەتتىڭ دامۋىنداعى ءتۇرلى سالالار مەن جالپى بارىسىنا ساباقتاستىرىپ، حالىقتىڭ تىنىش ءومىر، شات - شادىمان تىرشىلىك كەشۋىنە، قوعامنىڭ تىنىش ءتارتىپتى بولۋىنا، مەملەكەتتىڭ باياندى تىنىشتىعىنا شىنايى كەپىلدىك ەتۋ كەرەك.
كەزەكتەگى دۇنيە ءجۇزى 100 جىلدا بولماعان زور وزگەرىس جاعدايىن باستان وتكىزۋدە، ەلىمىزدىڭ دامۋى اۋەلگىندەي ماڭىزدى ستراتەگيالىق وراي مەزگىلىندە تۇر، الايدا ورايلار مەن سىن - سايىستاردىڭ بارلىعىن دا جاڭا دامۋ وزگەرىسى بولادى. جاڭا داۋىردە ەكپىندەي ىلگەرىلەپ، جاڭا ساپاردى باستاپ، تاريحتىڭ دۇرىس جاعىندا تۇرىپ، ستراتەگيالىق تاباندىلىقتى ساقتاپ، وراي تانىمى مەن حاۋىپ - قاتەر تانىمىن كۇشەيتىپ، داعدارىس ىشىندە وراي قاراستىرىپ، حاۋىپ - قاتەردى ورايعا اينالدىرىپ، جاڭا دامۋ ۇستانىمىن بۇلجىماستان دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋعا قاراي ۇزدىكسىز قادام تاستاساق بولعانى، ءسوزسىز، جاپپاي سوتسياليستىك وسىزاماندانعان مەملەكەت قۇرۋدىڭ جاقسى باستاماسىن، جاقسى قادامىن باستاي الامىز.
(شينحۋا اگەنتتىگىنىڭ 11 - ايدىڭ 2 - كۇنى بەيجىڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
