دارقان پەيىلمەن، بىرگە جەلكەن كوتەردى
− پارتيا 19 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگونىڭ جوعارى دەڭگەيدە سىرتقا ەسىك اشۋىنا جەتەكشىلىك ەتكەندىگىنەن ەستەلىك
شينحۋا اگەنتتىگىنىڭ تىلشىلەرى
2020.11.05 14:25 كەلۋ قاينارى : شينجياڭ گازەتى
جۇڭگونىڭ شاڭحايى، حۋاڭپۋجياڭ تولقىن اتا جوڭكىلۋدە، 3 - كەزەكتى جۇڭگو حالىقارالىق يمپورت كورمەسى شىمىلدىعىن اشتى.
بۇل جاڭا تيپتى ايدارشا ۆيرۋس وكپە قابىنۋ ىندەتى بۇكىل الەمدە ءورشىپ، دۇنيە ءجۇزى ەكونوميكاسى ۇزدىكسىز قۇلدىراعان جاعدايدا جۇڭگو ازىرلەگەن ماڭىزدى حالىقارالىق اۋىس - كۇيىس تۇعىرى، جۇڭگونىڭ سىرتقا ەسىك اشۋدى ۇزدىكسىز كەڭەيتۋدەگى ناقتى دا پارمەندى شاراسى.
”جۇڭگونىڭ اشىق قاقپاسى جابىلمايدى، بارعان سايىن ايقارا اشىلادى“. پارتيا 19 - قۇرىلتايى بۇكىل دۇنيە جۇزىنە جۇڭگونىڭ اناعۇرلىم جوعارى دەڭگەيدەگى اشىق ەكونوميكانى دامىتىپ، جالپى بەتتىك ەسىك اشۋدىڭ جاڭا ارناسىنىڭ قالىپتاسۋىن ىلگەرىلەتەتىندىگىن سالتاناتپەن جاريالادى.
پارتيا 19 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق جالپى جاعدايدى جالپىلاي يگەرىپ، تاريحتىڭ دۇرىس جاعىندا تاباندىلىقپەن تۇرىپ، ەكونوميكانىڭ جاھاندانۋىن باتىل قورعاپ جانە ىلگەرىلەتىپ، اشىق دامۋ ۇستانىمىن امالياتتا ايگىلەپ، سىرتقا ەسىك اشۋدا جاڭا، ەلەۋلى جەتىستىكتەرگە قول جەتكىزىپ، جۇڭگونىڭ دۇنيە جۇزىمەن توعىسا دامۋىنىڭ جاڭا سيمفونياسىن شارىقتاتتى.
”جۇڭگو سىرتقا ەسىك اشۋدى تاباندىلىقپەن كەڭەيتەدى“
− جالپى بەتتىك ەسىك اشۋدىڭ جاڭا ارناسىنىڭ قالىپتاسۋىن جەدەل ىلگەرىلەتىپ، اناعۇرلىم جوعارى دەڭگەيدەگى سىرتقا ەسىك اشۋدىڭ جاڭا ورىسىنە قادام تاستايدى
الدىڭعى 2 كەزەك يمپورت كورمەسىندە 120 ميلليارد دوللارلىق ساۋداعا كەلىسۋگە نيەت ءبىلدىرىلدى. 3 - كەزەكتى يمپورت كورمەسىندە كاسىپورىنداردىڭ ساۋدا كورمەسىنىڭ كورمە اۋماعى الدىڭعى كەزەكتەگىدەن اسىپ، دۇنيە جۇزىندەگى 500 قۋاتتى كاسىپورىننان كورمەگە قاتىناسۋشىلاردىڭ سانى وتكەن كەزەكتەگى كولەمگە جەتتى.
باس شۋجي شي جينپيڭ ءوزى جوبالاعان يمپورت كورمەسى − دۇنيە جۇزىندەگى يمپورتتى نەگىزگى تاقىرىپ ەتكەن مەملەكەت دارەجەلى تۇڭعىش كورمە، جۇڭگونىڭ ىرىقتىلىقپەن بازاردى دۇنيە جۇزىنە اشىق ۇستاۋىنداعى ماڭىزدى شارا بولىپ، جۇڭگونىڭ كوپ جاقتى ساۋدا ءتۇزىلىسىن قولداۋداعى، ەركىن ساۋدانىڭ دامۋىن ىلگەرىلەتۋدەگى دايەكتى تۇرعىسىن ايگىلەدى.
”جۇڭگونىڭ اناعۇرلىم جوعارى دەڭگەيدەگى ەسىك اشۋدى ىلگەرىلەتۋ قادامى توقتامايدى!“، تۇڭعىش كەزەكتى يمپورت كورمەسىندە باس شۋجي شي جينپيڭ جۇڭگونىڭ سىرتقا ەسىك اشۋدى بۇلجىماستان كەڭەيتەتىن سەنىمى مەن بەكىمىن اشىق ءبىلدىردى.
پارتيا 19 - قۇرىلتايىنان بەرى، جۇڭگونىڭ جاڭا كەزەكتى جوعارى دەڭگەيدەگى سىرتقا ەسىك اشۋ قارقىنىن تەزدەتىپ، جالپى بەتتىك ەسىك اشۋدىڭ جاڭا كورىنىسى جارىققا شىقتى.
سىرتقا ەسىك اشۋدىڭ جاڭا تۇعىرى تۇلعالانىپ، ەسىك بارعان سايىن ايقارا اشىلادى؛
اشىق ەكونوميكالىق جاڭا ءتۇزىلىس ورناتىلىپ، تۇزىلىستىك، مەحانيزمدىك بوگەتتەر ۇزدىكسىز تالقاندالادى؛
جاڭا دامۋ ارناسىن جەدەل ورناتىپ، ەل ءىشى، حالىقارا بازار اناعۇرلىم ويداعىداي تۇتاستىرىلدى...
دۇنيە جۇزىندە 100 جىلدا بولماعان زور وزگەرىس الدىندا، ەكونوميكانىڭ جاھاندانۋىنىڭ كەرى اعىنىنا ۇشىراعاندا، ساۋدا قاجالىسىنا توتەپ بەرۋدە، باس شۋجي شي جينپيڭ ”قانشالىق قيان - كەسكى بولسا دا باستان - اياق سابىرلىلىقتان جازبايتىن“ ستراتەگيالىق تاباندىلىق، ”الدىن تۇمان بۇركەپ، كوزىن كولەگەيلەسە دە قيىنشىلىقتاردى ەڭسەرىپ وتەتىن“ كوز ايا جانە پەيىل ارقىلى ءداۋىر دامۋىنىڭ جاڭا تالابى مەن حالىقتىڭ تىڭ تىلەگىنە ۇيلەسىپ، جۇڭگونى باستان - اياق ەسىك اشۋدىڭ ۇلى تۋىن بيىك ۇستاۋعا باستادى.
اناعۇرلىم ىرىقتى تۇردە ەسىك اشۋ − پارتيا 19 - قۇرىلتايىنان بەرگى جۇڭگونىڭ سىرتقا ەسىك اشۋداعى ايقىن بەينەسى.
”اماليات وتكەن 40 جىلدا جۇڭگو ەكونوميكاسىنىڭ دامۋىنا ەسىك اشۋ شارت - جاعدايىندا قول جەتكەندىگىن، بولاشاقتا جۇڭگو ەكونوميكاسىنىڭ جوعارى ساپالى دامۋى دا، ءسوز جوق، ونان ارى ەسىك اشۋ شارت - جاعدايىندا ءجۇرىلۋ كەرەكتىگىن دالەلدەدى“.
2018 - جىلى 4 - ايدا باس شۋجي شي جينپيڭ بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسىنىڭ اشىلۋ سالتىندا ارقاۋ ءسوز سويلەپ، ەسىك اشۋدىڭ جۇڭگونىڭ دامۋ قاجەتى نەگىزىندە جاساعان ستراتەگيالىق تالعامى ەكەندىگىن باسا دارىپتەدى.
”مەملەكەتتىڭ سىرتقا ەسىك اشۋ نەگىزگى ساياساتىنا تاباندى بولۋ“، ”ءوزارا پايدا جەتكىزىپ، تەڭ يگىلىككە كەنەلەتىن، كوپ نەگىزدى ءارى تەپە - تەڭ، حاۋىپسىز ءارى جوعارى ءونىمدى اشىق ەكونوميكالىق جۇيەنى كەمەلدەندىرۋ“، ”ەل ءىشى، حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلاۋ“...
شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق وي جۇيە جانە كەڭ تىنىستى كوز ايا ارقىلى جاڭا داۋىردە قايتكەندە اناعۇرلىم بەلسەندى تۇردە ىرىقتىلىقپەن ەسىك اشۋدى كەڭەيتۋ سىندى كەلەلى تاقىرىپتى ەگجەي - تەگجەيلى ءتۇسىندىرىپ، ەسىك اشۋ ستراتەگياسىن، ەسىك اشۋ نىساناسىن، ەسىك اشۋ جولىن، ەسىك اشۋ ورنالاستىرۋىن ايقىندادى.
تاريحي اۋقىمدى يگەرىپ، ءداۋىر كوشىنە ۇيلەستى.
2 - كەزەكتى يمپورت كورمەسىنىڭ اشىلۋ سالتىندا، باس شۋجي شي جينپيڭ بىلاي دەپ باسا دارىپتەدى: ”جۇڭگو سىرتقا ەسىك اشۋدىڭ جان - جاقتىلى، تولىق سالالى، جالپى بەتتىك ەسىك اشۋ جاڭا ارناسىنىڭ قالىپتاسۋىن جەدەل ىلگەرىلەتۋدە“.
اناعۇرلىم جالپى بەتتىك ەسىك اشۋ − پارتيا 19 - قۇرىلتايىنان بەرگى جۇڭگونىڭ سىرتقا ەسىك اشۋىنىڭ ماڭىزدى ەرەكشەلىگى.
سان رەتكى ديپلوماتيالىق قيمىلدا، سان رەتكى ەل ىشىندە قىزمەت تەكسەرۋ، تەكسەرۋ - زەرتتەۋدە، باس شۋجي شي جينپيڭ ەسىك اشۋدى كەڭەيتۋدىڭ جاڭا ويىن، جاڭا شارالارىن ۇزدىكسىز العا قويىپ، اناعۇرلىم ۇلكەن كولەمدە ەسىك اشۋدىڭ اتقارىلۋىن ىلگەرىلەتتى.
ورتا، باتىس بولىك وڭىرلەردەن ”ءبىر بەلدەۋ، ءبىر جولمەن“ توعىسۋدان ىشكى قۇرلىقتىق اشىق ەكونوميكا سىناق رايونىن قۇرۋعا دەيىن، ونان گۋاڭدۇڭ، شياڭگاڭ، اۋمىن بازارىنىڭ ۇلاسۋىن، تۇتاسۋىن ىلگەرىلەتۋگە دەيىن، ەلىمىز شىعىس، باتىس بولىكتەردىڭ بىرلەسە دامۋىن كۇشەيتۋ ارقىلى وڭىرلىك دامۋ ستراتەگياسى مەن جوعارى دەڭگەيدە سىرتقا ەسىك اشۋدىڭ ءبىرىن - ءبىرى جەبەۋىن كۇشەيتىپ، قۇرلىق، تەڭىز جولى ارقىلى ىشپەن، سىرتپەن بىرگە ارەكەتتەنەتىن، شىعىس پەن باتىس قوس باعىتتا سەلبەسەتىن ەسىك اشۋ ارناسى بىرتىندەپ قالىپتاستىردى.
بيىل 2 - ايدا باس شۋجي شي جينپيڭ بەينە ەكران ارقىلى بۇكىل ەلدەگى 170 مىڭ كادردى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋگە جۇمىلدىرىپ، ورنالاستىرۋ جاساعاندا فينانس سياقتى قىزمەت كورسەتۋ كاسىپتەرىندە سىرتقا ەسىك اشۋ كەرەكتىگىن ارنايى اتاپ كورسەتتى.
ءبىر ايدان كەيىن شەتەل قارجى قوسقان 5 فينانس قۇرىلىمى شاڭحايدا جەلىدە جۇمىس باستاۋ سالتىن وتكىزدى؛ 4 - ايدىڭ 1 - كۇنى اكتسيا سەرىكتەستىكتەرىنىڭ شەتەل قارجىسى سالىستىرماسى شەكتەۋى كۇشىنەن قالدىرىلدى؛ 5 - ايدىڭ 7 - كۇنى شەكارا سىرتىنداعى قۇرىلىمداردىڭ قارجى قوسۋشىلارىنىڭ شەكارا ىشىندەگى اكتسيا كەسىكتى زاتىنا قارجى قوسۋ قاراجاتىن باسقارۋ تالابى ىقشامدالدى...
پارتيا 19 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس ورناتىپ، ەرەجە، قاعيدا، باسقارۋ، ولشەم سياقتى تۇزىمدىك ەسىك اشۋدى ىلگەرىلەتۋ العا قويىلدى.
تۇزىمدىك ەسىك اشۋدى ارقاۋ ەتىپ، ەلىمىز ءىس جۇزىندىك مەملەكەت جاعدايىن نەگىزگە الىپ، حالىقارالىق وزىق تاجىريبەلەردەن ۇلگى الىپ، شەتەلدەرگە ساياتىن ەكونوميكا - ساۋدا زاڭى جانە ەرەجە جۇيەسى كەمەلدەندىرىلىپ، اناعۇرلىم بازارلانعان، زاڭمەن جونگە سالىنعان، حالىقارالانعان شارۋاشىلىق - ساۋدا ورتاسىن قالىپتاستىرىپ، ەلىمىزدىڭ سىرتقا ەسىك اشۋىنىڭ اناعۇرلىم تەرەڭ ساتىعا كەڭەيۋى ىلگەرىلەتىلدى.
”رەفورما جاساۋ، ەسىك اشۋ اناعۇرلىم جوعارى دەڭگەيدە ىلگەرىلەتىلدى“
− داعدارىس بارىسىندا جاڭا وراي جەتىلدىرىلىپ، وزگەرىس بارىسىندا جاڭا جاعداي اشىلىپ، اناعۇرلىم جوعارى دەڭگەيدە سىرتقا ەسىك اشۋ ارقىلى اناعۇرلىم جوعارى ساپالى دامۋ ىلگەرىلەتىلدى
شىنجىن ليانحۋاشان، 8 جىلدىڭ الدىندا باس شۋجي شي جينپيڭ ەككەن ءبىر ءتۇپ تاۋ فيكوسى جايقالىپ ءوسىپ تۇر.
بيىل 10 - ايدا باس شۋجي شي جينپيڭ گۋاڭدۇڭعا تاعى كەلىپ، شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىنا قاتىناستى.
”رەفورما جاساۋ، ەسىك اشۋدى اناعۇرلىم جوعارى دەڭگەيدە ىلگەرىلەتۋ“ − باس شۋجي شي جينپيڭ ەل ءىشى - سىرتىنا جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، رەفورما جاساۋ، ەسىك اشۋ جولىمەن ۇزدىكسىز بۇلجىماستان جۇرەتىندىگىن اشىق جاريالادى.
ەسىك اشۋ ارقىلى رەفورمانى جەبەۋ، دامۋدى جەبەۋ − ەلىمىزدىڭ دامۋدا ۇزدىكسىز جاڭا تابىستارعا قول جەتكىزۋىندەگى ماڭىزدى تاجىريبە.
باس شۋجي شي جينپيڭ بىلاي دەپ ايرىقشا اتاپ كورسەتتى: ”رەفورما جاساۋ مەن ەسىك اشۋ ءبىرىن - ءبىرى كەمەلدەندىرەدى، ءبىرىن - ءبىرى جەبەيدى، رەفورما جاساۋ، ءسوزسىز، ەسىك اشۋدى تالاپ ەتەدى، ەسىك اشۋ دا، ءسوزسىز، رەفورمانى تالاپ ەتەدى“.
اناعۇرلىم جوعارى دەڭگەيدە ەسىك اشۋ اناعۇرلىم جوعارى باستاماداعى رەفورمانى ىلگەرىلەتتى −
2019 - جىلى 8 - ايدا پارتيا ورتالىق كوميتەتى شىنجىندا جۇڭگوشا سوتسياليزمنەن الدىمەن ۇلگى كورسەتۋ رايونىن قۇرۋدى قولداۋ سىندى كەلەلى شەشىم جاسادى.
2020 - جىلى 10 - ايدىڭ 18 - كۇنى شىنجىندا جۇڭگوشا سوتسياليزمنەن الدىمەن ۇلگى كورسەتۋ رايونى كەشەندى رەفورما سىناق ءتۇيىنىن قۇرۋدىڭ تۇڭعىش توپتاعى ۇقىق بەرىلگەن ىستەر ءتىزىمى سىرتقا جاريالاندى.
اناعۇرلىم جوعارى دەڭگەيدەگى ەسىك اشۋ ەكونوميكانىڭ دامۋىنا اناعۇرلىم قۋاتتى قوزعاۋشى كۇش ۇستەدى −
پارتيا 19 - قۇرىلتايىنان بەرى، ەلىمىز الەمدىك جاڭالىق اشۋ تورىمەن جاپپاي توعىسۋعا تاباندى بولىپ، 160تان استام مەملەكەت جانە وڭىرمەن عىلىم - تەحنيكالىق سەلبەستىك قاتىناسىن ورناتىپ، قاتىناسقان حالىقارالىق ۇيىمدار مەن كوپ جاقتى مەحانيزم 200دەن اسىپ، حالىقارالىق وزىق ءوندىرىس كۇشتەرى مەن جوعارى دەڭگەيلى فاكتورعا ءونىمدى ءتۇيىلىستى.
اناعۇرلىم جوعارى دەڭگەيدە ەسىك اشۋ جاڭا دامۋ ارناسىن قالىپتاستىرۋعا دەم بەردى −
637 ميلليون ادام - رەت ەل ىشىندە ساياحاتتادى، تەمىر جول، تاس جول، سۋ جولى، حالىقتىق اۆياتسيانىڭ كۇندىك ورتاشا جولاۋشى جونەلتۋ مولشەرى 62 ميلليون 115 مىڭ ادام - رەت بولدى، كينو بەلەت قۇنى 4 ميلليارد يۋانعا تايادى... بيىلعى ”1 - قازان“ التىن اپتالىعىنىڭ ساندى مالىمەتى جۇڭگونىڭ وراسان زور تۇتىنۋ قۋاتى مەن بازار كومەسكى كۇشىن ايگىلەدى.
حايناندا، باجىسىز دۇكەندە دە ادامدار سەڭدەي سوعىلىستى، ۇزاق دەمالىس كەزىندە ارالدان شىعىپ باجىسىز زات ساتىپ الۋ سوماسى ءبىر ميلليارد 40 ميلليون يۋانعا جەتىپ، سايكەس مەزگىلدەگىدەن ％148.7 ارتتى.
ءبىر جاعىنان، ەل ءىشى بازارىنىڭ جاندانۋى جۇزەگە اسىپ، ەندى ءبىر جاعىنان، يمپورت تاۋارلاردىڭ ساتىلۋى كۇسەت بولىپ، حالىقارا، ەل ءىشى سىندى ەكى بازاردىڭ، ەكى بايلىقتىڭ سايكەستىلىگىن بەينەلەدى.
ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل ءىشى - سىرتىنىڭ دامۋ اۋقىمىن عىلمي مەڭگەرىپ جاساعان ستراتەگيالىق شەشىمى.ەل ءىشى، حالىقارا سىندى قوس اينالىمنىڭ ءبىرىن - ءبىرى جەبەۋى ەلىمىزدىڭ دۇنيە ءجۇزى ەكونوميكاسىمەن بايلانىسىنىڭ اناعۇرلىم تىعىز ەكەندىگىن، باسقا ەلدەرگە ازىرلەگەن بازار ورايىنىڭ اناعۇرلىم كەڭەيەتىندىگىن، حالىقارالىق تاۋار مەن فاكتور بايلىعىن باۋرايتىن وراسان زور تارتىلىس ورىسىنە اينالعاندىعىن اڭعارتتى.
”ەل ءىشى ۇلكەن اينالىمىن نەگىزگى تۇلعا ەتۋ استە ەسىكتى جاۋىپ الىپ جابىق كۇيدە جۇمىس جۇرگىزۋ دەگەندىك ەمەس، قايتا ىشكى سۇرانىستىڭ كومەسكى كۇشىن ساۋلەلەندىرۋ ارقىلى ەل ءىشى بازارى مەن حالىقارالىق بازاردىڭ اناعۇرلىم ويداعىداي تۇتاسۋىن، حالىقارا جانە ەل ءىشى سىندى ەكى بازاردان، ەكى بايلىقتان اناعۇرلىم ويداعىداي پايدالانىپ، اناعۇرلىم پارمەندى باياندى دامۋدى جۇزەگە اسىرۋ“. بيىل 7 - ايدا باس شۋجي شي جينپيڭ كاسىپكەرلەر اڭگىمە ءماجىلىس وتكىزگەندە جۇڭگونىڭ اناعۇرلىم جوعارى دەڭگەيدە ەسىك اشۋ بارىسىندا وزىندىك باسەكە قۋاتىن ۇزدىكسىز كۇشەيتەتىن بەكىمى مەن سەنىمىن ايگىلەدى.
”تاريحتىڭ دۇرىس جاعىندا تۇردى“
− ەكونوميكانىڭ جاھاندانۋىن باتىل قورعاپ جانە ىلگەرىلەتىپ، سەلبەسىپ تەڭ يگىلىككە كەنەلۋدىڭ بولاشاعىنا اناعۇرلىم اشىق بەينەمەن بەت الدى
بۇكىل جەر شارىندا ىندەت ءالى تارالۋدا، دەسەدە ءار ەلدىڭ ءوزارا ۇلاسۋ، تۇتاسۋ، سەلبەسىپ تەڭ يگىلىككە كەنەلۋ بەتالىسى بۇعان ىرىق بەرمەيدى.
”ەكونوميكانىڭ جاھاندانۋى ۇلكەن اۋقىمى الدىندا، بەينە تۇيە قۇس سەكىلدى باسىن قۇمعا تىعىپ الىپ، كورسەدە دە كورمەسكە سالىنۋ نەمەسە بەينە دونكيحوت سەكىلدى ۇزىن نايزا سىلتەپ، ورشەلەنە تەجەمەك بولۋ سياقتىلاردىڭ ءبارى - ءبارى تاريح زاڭدىلىعىنا قايشى. دۇنيە ءجۇزى ءوزارا توماعا - تۇيىق، وقشاۋ كۇيگە قايتا ورالمايدى، بولەكتەنۋى تىپتەن مۇمكىن ەمەس“.
بيىل 9 - ايدا باس شۋجي شي جينپيڭ 75 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىندا، وبرازدى سۋرەتتەۋ ارقىلى ەكونوميكانىڭ جاھانداۋى وبيەكتيۆ شىندىق جانە تاريح اعىمى ەكەندىگىن بايىمدادى.
”ءبىز تاريحتىڭ دۇرىس جاعىندا تۇرۋىمىز كەرەك“ − شي جينپيڭ جولداستى ۇيتقى ەتكەن پارتيا ورتالىق كوميتەتى ءداۋىردىڭ بەتالىسىندا تۇرىپ، ەكونوميكانىڭ جاھاندانۋىن بۇلجىماي ىلگەرىلەتتى.
بۇل كۇشتى سەرپىمدىلىكتى ايگىلەگەن جۇڭگو ۇلەسى −
بيىل الدىڭعى 3 توقساندا جۇڭگو ەكونوميكاسىنىڭ ارتۋى وسى جىل ىشىندە تۇڭعىش رەت قۇلدىراۋدان وڭالۋعا قاراي وزگەرۋدى جۇزەگە اسىردى؛ سىرتقى ساۋدا يمپورت - ەكسپورتىنىڭ جيىنتىق ارتۋى وسى جىل ىشىندە تۇڭعىش رەت وڭ بالانىستى قارسى الدى؛ شەتەل قارجىسىن باۋراۋدا حالىق اقشاسىنىڭ، دوللاردىڭ جيىنتىق كورسەتكىشى وسى جىل ىشىندە تۇڭعىش رەت ”قوس وڭ بالانىستى“ كورسەتتى...
ىندەت تۋىلعاننان بەرى ارتۋدى ءبىرىنشى بولىپ قالپىنا كەلتىرگەن نەگىزگى ەكونوميكالىق تۇلعا رەتىندە، جۇڭگو ىندەتتەن ساقتانۋ - تىزگىندەۋدە جانە ەكونوميكانى قالپىنا كەلتىرۋدە دۇنيە ءجۇزىنىڭ الدىڭعى لەگىندە ءجۇرىپ، كۇشتى قالپىنا كەلتىرۋ قابىلەتى مەن تاسقىنداعان تىرشىلىك تىنىسىن ايگىلەدى.
بۇل بىرگە دامۋدى كوزدە ۇستاعان جۇڭگو ارەكەتى −
جۇڭگو - ەۆروپا كەزەكشى پويەزى ەۆروپا - ازيا قۇرلىعى ”ءبىر بەلدەۋ، ءبىر جول“ جەلىسى بويىنداعى مەملەكەتتەردىڭ جاڭا قۇرلىق جولى تاسىمالى مەن حالىقارالىق ساۋدا وتكەلىن اشتى. بيىل 10 - ايدىڭ 11 - كۇنىنەن باستاپ جاڭا تەمىر جول پويەز اينالىم كارتاسىن اتقارعاننان كەيىن، جۇڭگو - ەۆروپا كەزەكشى پويەزىنىڭ اينالىم جەلىسى 73كە جەتتى.
بىرگە اقىلداسىپ، بىرگە قۇرىپ، بىرگە كەنەلىپ، تەڭ يگىلىكتەندى.
سيفرلار ”ءبىر بەلدەۋ، ءبىر جولدى“ بىرگە قۇرۋدىڭ تابىستارىنا كۋا بولدى: جۇڭگونىڭ جەلى بويىنداعى مەملەكەتتەرمەن بولعان زات ساۋداسىنىڭ جيىنتىق جالپى سوماسى 7 تريلليون 800 ميلليارد دوللاردان اسىپ، جەلى بويىنداعى مەملەكەتتەرگە تىكە قوسقان قارجىسى 110 ميلليارد دوللاردان استى...
بيىل 6 - ايدا وتكىزىلگەن ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر بەينە ەكران ماجىلىسىندە، باس شۋجي شي جينپيڭ جازباشا ءسوز سويلەدى.
”ءبىز سەلبەستىك سەرىكتەرمەن بىرگە ’ءبىر بەلدەۋ، ءبىر جولدى‘ سىن - سايىستارعا ىنتىماقتاسا توتەپ بەرەتىن سەلبەستىك جولى، حالىقتىڭ سالاماتتىق حاۋىپسىزدىگىن قورعايتىن سالاماتتىق جولى، ەكونوميكانىڭ، قوعامنىڭ قالپىنا كەلۋىن جەبەيتىن قايتا ورلەۋ جولى، دامۋ كومەسكى كۇشىن ايگىلەيتىن ارتۋ جولى ەتىپ قالىپتاستىرۋدى قالايمىز“.
بۇل داڭعىل جولمەن جۇرگەن جۇڭگو جاۋاپكەرشىلىگىنىڭ ايگىلەنۋى −
بيىل العاشقى جارتى جىلدا، ەل ارالىق ءبىر توپ اۆتوكولىك كاسىپورىنداردىڭ ءوندىرىسى ىندەت سەبەبىنەن ءۇزىلىپ قالدى. ال جياڭسۋدىڭ چاڭشۋىنا ورنالاسقان چيرۇي، جيەباۋ، لۋحۋ جۇڭگو زاۆودتارى 4 - ايدىڭ اياققى شەنىندە ءوندىرىستى قالپىنا كەلتىرگەننەن كەيىن ءبىر ايدىڭ وزىندە 1000نان استام موتوردى ەكسپورت ەتتى.
الەمدىك قامداۋ تىزبەگىن ورنىقتىرعاندا عانا، دۇنيە ءجۇزى ەكونوميكاسىن ورنىقتىرۋعا بولادى.
”الەمدىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاۋ“ − ىندەت تۋىلعاننان كەيىن، باس شۋجي شي جينپيڭ كوپتەگەن جينالىستار دا جانە ءتۇرلى ورتالاردا الەمدىك قامداۋ تىزبەگىنىڭ جاريالىلىعىنا، ورنىقتىلىعىنا، حاۋىپسىزدىگىنە شىنايى كەپىلدىك ەتۋدى باسا دارىپتەدى.
”ءار ەل ماكرولىق ساياساتتىڭ تەڭگەرۋ تەبىنىن سەلبەسە كۇشەيتىپ، دۇنيە ءجۇزى ەكونوميكاسىن قۇلدىراۋدان ساقتاۋ كەرەك“ − 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋىنا توتەپ بەرۋ جونىندەگى ەلباسىلارى ەرەكشە كەڭەسىندە، جۇڭگو باستى ەكونوميكالىق تۇلعالاردىڭ ماكرولىق ساياساتتى بىرگە سايكەستىرۋى جونىندە باستاما كوتەردى.
جاھاندانعان ەكونوميكا جاھاندانعان جونگە سالۋدى قاجەت ەتەدى.
كوپ جاقتى ساۋدا ءتۇزىلىسىن تاباندىلىقپەن قولداپ، دۇنيە جۇزىلىك ساۋدا ۇيىمىنىڭ رەفورماسىنا بەلسەندىلىكپەن قاتىناسقاننان تارتىپ، الەمدى بەتكە العان ەركىن ساۋدا رايونى تورىن قۇرۋدى جەدەلدەتكەنگە دەيىن؛ بىرلەسكەن مەملەكەتتەر ۇيىمىمەن اۋىس - كۇيىستى، سەلبەستىك جاساسۋدى كۇشەيتكەننەن تارتىپ، 20 ەل توبى، بريكس ەلدەرى سياقتى حالىقارالىق تۇعىرلاردا بەلسەنە ءۇن قاتقانعا دەيىن... بىرگە اقىلداسۋ، بىرگە قۇرۋ، بىرگە كەنەلۋ ۇستانىمىنان جازباي، جۇڭگو حالىقارالىق ساياسي، ەكونوميكالىق ءتارتىپتىڭ اناعۇرلىم ءادىل دە ۇيلەسىمدى باعىتقا قاراي دامۋىن ىلگەرىلەتتى، جۇڭگو باستاماسى، جۇڭگو جوباسى دۇنيە ءجۇزىنىڭ قيىن ماسەلەلەرىن شەشۋگە اقىل - پاراساتىن ارنادى.
بيىل 9 - ايدا بەينە ەكران تاسىلىندە ءتوراعا شي جينپيڭمەن كەزدەسكەندە، بىرلەسكەن مەملەكەتتەر ۇيىمىنىڭ باس حاتشىسى گۋتەرەس جۇڭگونىڭ كوپ جاقتىلىقتى امالياتتا ايگىلەۋ، كليمات وزگەرىسىنە توتەپ بەرۋ، باياندى دامۋدى جەبەۋ سياقتى جاقتاردا العا قويعان ءبىر قىدىرۋ كەلەلى باستامالارى مەن شارالارىن وسكەلەڭ القادى.
جەلگە قارسى تولقىن جارىپ، قول ۇستاسا بىرگە العا ىلگەرىلەدى. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى مىنانى اتاپ كورسەتتى: جوعارى دەڭگەيدە سىرتقا ەسىك اشۋدى جولعا قويىپ، سەلبەسىپ تەڭ يگىلىككە كەنەلۋدىڭ جاڭا جاعدايىن اشۋ كەرەك.
بولاشاقتى بەتكە الىپ، دۇنيە ءجۇزى جاڭا تاريحي باستامادا تۇرعاندا، جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاماق.
جاڭا ساپاردا، جۇڭگو دۇنيە جۇزىندەگى ەلدەرمەن قول ۇستاسا العا ىلگەرىلەپ، كورىكتى بولاشاقتى بىرگە جاراتاتىن بولادى.
(تىلشىلەر جياڭ ۋي، جاۋ چاۋ، جياڭ لين، ليۋ حۇڭشيا، يۇي جياشين، جوۋ رۇي، ۋاڭ يۇيشياۋ) (شينحۋا اگەنتتىگىنىڭ 11 - ايدىڭ 3 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
