بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

قاشقار ايماعىنىڭ قاتىناس - تاسىمال جۇمىسى قالىپتى جۇرىلۋدە

2020.11.05 14:30     كەلۋ قاينارى : شينجياڭ گازەتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 10 - ايدىڭ 31 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى 10 - ايدىڭ 31 - كۇنى اشقان قاشقار ايماعى كونەءشار اۋدانىنىڭ جاڭا تيپتى ايدارشا ۆيرۋس وكپە قابىنۋ ىندەتى جاعدايى جانە ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىمىزشا، كونەءشار اۋدانىندا ىندەت تۋىلعاننان كەيىن قاشقار ايماعى ىندەتتەن ساقتانۋ - تىزگىندەۋ جانە قاتىناس - تاسىمالدى قامتاماسىز ەتۋ قىزمەتتەرىن بار كۇشپەن ويداعىداي ىستەپ، ىندەتتەن ساقتانۋ - تىزگىندەۋ جانە تاسىمالدى قامتاماسىز ەتۋ سىندى ەكى جاعىن دا يگەرۋگە تاباندى بولىپ، ىندەتتەن ساقتانۋ - تىزگىندەۋ شايقاسىنىڭ جەڭىسىنە باتىل قول جەتكىزۋگە مىعىم كەپىل ازىرلەگەن.

  قاشقار ايماقتىق اكىمشىلىك مەكەمەسىنىڭ ورىنباسار باس حاتشىسى اسەت ۇرايىم بىلاي دەپ تانىستىردى: كەزەكتە قاشقار ايماعىنىڭ حالىقتىق اۆياتسيا، تەمىر جول، تاس جول سياقتى قاتىناس اينالىمى قالىپتى جۇرىلۋدە، 10 - ايدىڭ 24 - كۇنىنەن 30 - كۇنىنە دەيىن قاشقار، ياركەن اۋەجايلارىنان كىرىپ - شىققان جولاۋشى 27 مىڭ 700 ادام - رەت، ۇشقان - قونعان كەزەكشى ۇشاق جيىنى 328 ۇشاق - رەت بولدى؛ قاشقار ۆوگزالىنا كىرگەن پويەز 76، اتتانعان پويەز 74 بولىپ، جولاۋشى تاسىمال مولشەرى جيىنى 45 مىڭ 500 ادام - رەت بولدى؛ اۆتوكولىكپەن قاشقاردان كىرىپ - شىققاندار 49 مىڭ 600 ادام - رەت بولدى.

  قاشقار قالاسىنان ءارقايسى اۋداندارعا قاتىنايتىن كەزەكشى جەلى كولىكتەرى قالىپتى جۇمىس جۇرگىزۋدە. 10 - ايدىڭ 24 - كۇنىنەن 30 - كۇنىنە دەيىن قاشقار ايماقتىق جولاۋشى - تاسىمال باس بەكەتىنە قاراستى 13 نەگىزگى ساتى جولاۋشى تاسىمال بەكەتىنەن جيىنى 3520 كەزەكشى اۆتوبۋز - رەت جونەلتىلىپ، 24 مىڭ 700 ادام - رەت جولاۋشى تاسىدى. كونەءشار اۋدانىنان سىرت، قاشقار ايماعىنىڭ ءارقايسى اۋدان، قالالارى الەۋمەتتىك اۆتوبۋزدان 160ىن، كىرە اۆتوكولىگىنەن 535ىن ىسكە قوسىپ، قالا رايونى تاسىمالىن قامتاماسىز ەتىپ، ىندەتتەن ساقتانۋ - تىزگىندەۋدى قىزمەت وتەۋمەن قامتاماسىز ەتتى. قاشقارعا كەلگەندەرگە، قاشقارعا قايتقاندارعا، قاشقاردان اتتاناتىندارعا قاراتا، قاشقار قالاسى پويەزدىڭ ۆوگزالعا، ۇشاقتىڭ اۋەجايعا كىرۋ ۋاقىتىنا نەگىزدەلىپ، 60 الەۋمەتتىك اۆتوبۋز، 70 كىرە اۆتوكولىگىن شىعارىپ، اۋەجاي، ۆوگزال سياقتى قاتىناس توراپتارىندا تاسىمالدى قامتاماسىز ەتۋدى ورىستەتتى.

  قاشقار اۋەجايى، ياركەن اۋەجايى، سونداي - اق ءارقايسى ۆوگزالدار ءتۇرلى ساقتانۋ - تىزگىندەۋ شارالارىن قاتاڭ تياناقتاندىرىپ، ءبىرىنشى شەپتەگى جۇمىسشى - قىزمەتشىلەرگە تۇگەلدەي 2 - دارەجەلى قورعانۋدى اتقارىپ، ماسكى، كوز قورعاۋ كوزىلدىرىگى (بەت قالقا)، ءبىر رەتتىك مەديتسينالىق قولعاپ، قورعانۋ كيىمى سياقتى قورعانۋ جابدىقتارىن تاراتتى. ءار كۇنى اۋەجايدىڭ، ۆوگزالدىڭ جولاۋشى كۇتۋ ورنىن، سونداي - اق اۋەجايدان، ۆوگزالدان كىرگەن - شىققان كەزەكشى ۇشاقتاردى، پويەزداردى داعدىلى زارارسىزداندىردى. قاشقاردان كەلگەن، قاشقارعا قايتقان جولاۋشىلاردىڭ دەنە تەمپەراتۋراسىن ولشەپ، سالاماتتىق كودىن، ت.ب تەكسەردى؛ قاشقاردان اتتاناتىن جولاۋشىلار جوعارىداعى تالاپتاردان سىرت، 7 كۇن ىشىندە كۇشكە يە نۋكلەين قىشقىلىن تەكسەرۋدە بولىمسىز بولعان ناتيجەنى الىپ جۇرسە قاشقاردان قالىپتى شىعا الادى.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى گۋ يىڭسۋ مىنالاردى حابارلاندىردى: قىزىلسۋ قىرعىز اۆتونوميالى وبلىسىنىڭ اقتاۋ اۋدانى، اتۇش قالاسى، ۇلۇقشات اۋدانى كونەءشار اۋدانىمەن شەكارالاساتىندىقتان، كونەءشار اۋدانىندا ىندەت تۋىلعاننان كەيىن قىزىلسۋ وبلىسى دا دەرەۋ بارلىق ادامنىڭ نۋكلەين قىشقىلىن تەگىن تەكسەردى. 10 - ايدىڭ 30 - كۇنى قىزىلسۋ وبلىسى ءتۇيىندى وڭىرلەرگە، ءتۇيىندى قاۋىمعا 2 - رەتكى نۋكلەين قىشقىلىن تەگىن تەكسەرۋدى ورىستەتتى. 10 - ايدىڭ 30 - كۇنى ساعات 24تەن 10 - ايدىڭ 31 - كۇنى ساعات 18گە دەيىن اقتاۋ اۋدانىنىڭ كونەءشار اۋدانىنا ىرگەلەس ورنالاسقان قاراكەشىك اۋىلى مەن پىلال اۋىلىندا جاڭادان قوسىلعان ناۋقاس بەلگىسى جوق جۇعىمدالۋشى 15 بولىپ، تۇگەلدەي اۋاشالانىپ، مەديتسينالىق باقىلاۋدى قابىلداعاندار.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار