حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرايىق
− پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
2020.11.06 16:31 كەلۋ قاينارى : شينجياڭ گازەتى
”حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز“. پارتيا 19 - كەزەكتى ورتالىق كوميتەتى بەسىنشى جالپى ماجىلىسىندە قاراپ ماقۇلدانعان «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىندا» مىنالار ورتاعا قويىلدى: ”14 - بەسجىلدىق“ مەزگىلدەگى ەكونوميكالىق، قوعامدىق دامۋدا، ءسوز جوق، حالىقتى وزەك ەتۋگە تاباندى بولۋ پرينسيبىنە بويسۇنىپ، حالىقتىڭ تۇلعالىق ورنىنا تاباندى بولىپ، بىرگە اۋقاتتانۋ بەتالىسىنا تاباندى بولىپ، دامۋ حالىق ءۇشىن دەۋدى، دامۋدا حالىققا سۇيەنۋدى، دامۋ جەتىستىكتەرىنەن حالىق تەڭ يگىلىكتەنۋدى باستان - اياق ورىنداپ، حالىقتىڭ ءتۇبىرلى مۇددەسىن قورعاپ، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن قاۋلاتىپ، قوعامدىق ادىلدىكتى جەبەپ، حالىق تۇرمىسىنىڭ ىرىس - قۇتىن مولايتىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرۋ كەرەك.
جۇڭگو كوممۋنيستىك پارتياسىنىڭ نەگىزى حالىقتا، جان تامىرى حالىقتا. پارتيا حالىقتى ىنتىماقتاستىرىپ، باستاپ، توڭكەرىس، قۇرىلىس، رەفورما ىستەرىن جۇرگىزۋىنىڭ ءتۇبىرلى ماقساتى حالىقتى تاماشا تۇرمىسقا جەتكىزۋ، مەيلى قانشالىق ۇلكەن سىن - سايىسقا جانە قىسىمعا تاپ بولساق تا، مەيلى قانشالىق ۇلكەن قۇرباندىق جانە بوداۋ بەرسەك تە، بۇل تۇيىننەن باستان - اياق اينىمادى، تيتتەي دە اۋىتقىمادى. رەفورما جاساعان، ەسىك اشقان العاشقى كەزدە پارتيا ورتالىق كوميتەتى دوڭگەلەك داۋلەتتى قوعام تۋرالى ستراتەگيالىق ويدى ورتاعا قويعاننان بەرى، پارتيامىز حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا باستان - اياق تاباندى بولىپ، مەكتەپكە دەيىنگى تاربيەدەن يگىلىكتەنە الۋدى، وقيتىن مەكتەبى بولۋدى، ەڭبەگىنىڭ جەمىسىن كورە الۋدى، اۋىرعاندا ەمدەلە الۋدى، قارتايعاندا كۇتىمدەلە الۋدى، تۇرعىن ءۇيى بولۋدى، كومەككە ءزارۋ جاندار كومەكتەن يگىلىكتەنە الۋدى جالپى بەتتىك ىلگەرىلەتىپ، حالىقتىڭ تۇرمىسىن ۇزدىكسىز جاقسارتىپ، حالىقتىڭ ىرىس - قۇتىن مولايتتى. ”13 - بەسجىلدىق“ مەزگىلدە، كەدەيلىكتەن ارىلتۋدان قامال الۋ جەتىستىكتەرى كۇللى دۇنيەنى جالت قاراتىپ، اۋىل - قىستاقتاعى 55 ميلليون 750 مىڭ كەدەي حالىق كەدەيلىكتەن ارىلىپ، حالىقتىڭ تۇرمىس دەڭگەيى ايتارلىقتاي جوعارىلاپ، قالا - قالاشىقتاردا تىڭنان جۇمىستانعاندار 60 ميلليون ادامنان استى، دۇنيە ءجۇزى بويىنشا كولەمى ەڭ ۇلكەن قوعامدىق قامتاماسىز ەتۋ جۇيەسى ورناتىلىپ، نەگىزگى ەمدەۋ قامسىزداندىرۋى ءبىر ميلليارد 300 ميلليوننان استام ادامدى، نەگىزگى زەينەتكەرلىك قامسىزداندىرۋى ءبىر ميللياردقا جۋىق ادامدى قامتىدى. ۇزاق ۋاقىت تىنباي قۇلشىنۋدىڭ ارقاسىندا، جۇڭحۋا ۇلتىنىڭ مىڭداعان جىلداردان بەرگى مۇلدە كەدەيلىك ماسەلەسىنە تاريحي نۇكتە قويىلۋ الدىندا تۇر، مىڭداعان جىلداردان بەرگى ”جاپا شەككەن حالىق دوڭگەلەك داۋلەتكە جەتۋدى اڭساعان“ ارمانى شىندىققا اينالماق.
”14 - بەسجىلدىق“ مەزگىلدە ەلىمىز جاڭا دامۋ كەزەڭىنە وتەدى، قوعامداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىسقا قاجەتى مەن بىركەلكى بولماعان، تولىق بولماعان دامۋ اراسىنداعى قايشىلىققا وزگەردى، حالىقتىڭ تاماشا تۇرمىسقا دەگەن تالابى ۇزدىكسىز جوعارىلادى. بۇل رەتكى جالپى ءماجىلىس ەلىمىز قوعامىنداعى باستى قايشىلىقتى مىقتاپ يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، حالىق بۇقاراسىنىڭ تالاپ - تىلەكتەرى مەن ۇمىتىنە جاۋاپ قايتارىپ، ”14 - بەسجىلدىق“ مەزگىلىندەگى ەلىمىزدىڭ دامۋىنا جۇيەلى جوسپارلاۋ جانە ستراتەگيالىق ورنالاستىرۋ جاسادى. جالپى ماجىلىستە ماقۇلدانعان «ۇسىنىس» حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، حالىقتى وزەك ەتۋ سىندى دامۋ يدەياسىن ساباقتاستىرىپ، ”14 - بەسجىلدىق“ مەزگىلدە ”حالىق تۇرمىسىنىڭ ىرىس - قۇتىن جاڭا دەڭگەيگە جەتكىزۋ“ نىسانا - مىندەتىن ايقىندادى. بىرگە بايۋ − سوتسياليزمنىڭ ماندىك تالابى، حالىق بۇقاراسىنىڭ ورتاق ءۇمىت - تىلەگى. ءبىزدىڭ ەكونوميكالىق، قوعامدىق دامۋدى ىلگەرىلەتۋىمىز، تۇپتەپ كەلگەندە، جالپى حالىقتىڭ بىرگە بايۋىن جۇزەگە اسىرۋ ءۇشىن. قازىر ەلىمىزدە دامۋدىڭ بىركەلكى بولماۋ، تولىق بولماۋ ماسەلەسى ءالى دە كورنەكتى، قالا مەن اۋىلدىڭ وڭىرلىك دامۋىنىڭ جانە كىرىس ءبولىسىنىڭ پارقى ءبىرشاما زور، جالپى حالىقتىڭ بىرگە بايۋىن جەبەۋ ۇزاق ۋاقىتتىق مىندەت، دەسەدە، ەلىمىزدىڭ جاپپاي دوڭگەلەك داۋلەتتى قوعام ورناتۋىنا، جاپپاي سوتسياليستىك وسىزاماندانعان مەملەكەتتى قۇرۋدىڭ جاڭا ساپارىن باستاۋىنا ىلەسە، ءبىز، ءسوز جوق، جالپى حالىقتىڭ بىرگە بايۋىن جەبەۋدى اناعۇرلىم ماڭىزدى ورىنعا قويۋىمىز كەرەك. جالپى ماجىلىستە ماقۇلدانعان «ۇسىنىستىڭ» 2035 - جىلعا جەتكەندە سوتسياليستىك وسىزامانداندىرۋدى نەگىزىنەن جۇزەگە اسىرۋ بولاشاقتىق نىساناسىندا ”جالپى حالىقتىڭ بىرگە بايۋىندا اناعۇرلىم كورنەكتى ماندىك ىلگەرىلەۋشىلىككە قول جەتكىزۋ“ العا قويىلىپ، حالىقتىڭ تۇرمىس ساپاسىن جاقسارتۋ بولىمىندە ”بىرگە بايۋدى تىڭعىلىقتى ىلگەرىلەتۋ“ كورنەكتىلەندىرە باسا دارىپتەلىپ، ماڭىزدى تالاپتار مەن كەلەلى شارالار العا قويىلدى. مۇنداي بايانداۋ پارتيانىڭ جالپى ماجىلىستەرىنىڭ حۇجاتتارىندا تۇڭعىش رەت بولىپ وتىر، العا ىلگەرىلەۋ بەتالىسى مەن كۇرەس نىساناسى ايقىن كورسەتىلۋمەن بىرگە، شىندىق ءىس جۇزىنەن ىزدەلىپ، دامۋ زاڭدىلىعىنا دا ۇيلەسىپ، قاجەت پەن مۇمكىندىك بىردەي ويلاستىرىلدى، بۇل قىزمەت بارىسىندا بەلسەندىلىكپەن ورنىقتى يگەرۋگە ءتيىمدى. ءبىز پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، اۋەلگى ماقسات پەن بورىشتى ەستە بەرىك ساقتاپ، قالىڭ حالىق بۇقاراسىنىڭ ءتۇبىرلى مۇددەسىن ويداعىداي جۇزەگە اسىرۋدى، ويداعىداي قورعاۋدى، ويداعىداي دامىتۋدى شىعار ءتۇيىن جانە تياناق ەتۋگە تاباندى بولىپ، بار كۇشپەن ءىس تىندىرىپ، شاماعا قاراي ىستەپ، تاباندىلىقپەن، ۇزاق ۋاقىت قۇلشىنىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىمىز كەرەك.
شىكۋمىننان تيان - انمىنگە دەيىن، شارۋاشىلىقتى شالقىتۋ جولىنان گۇلدەنۋ جولىنا دەيىن، ەڭسە كوتەرۋدەن، بايۋدان قۇدىرەتتەنۋگە دەيىن، پارتيامىز حالىق ءۇشىن ومىرگە كەلىپ، حالىقتىڭ ارقاسىندا كوركەيدى، حالىقتى ىنتىماقتاستىرىپ باستاپ، تالاي - تالاي توسقاۋىل - بوگەتتەردەن اتتاپ ءوتىپ، جەڭىستەن - جەڭىسكە قول جەتكىزىپ، جۇڭحۋا ۇلتى ءۇشىن تاريحتىڭ بەتىنەن وشپەس ورىن الاتىن ۇلى ەڭبەك ورناتتى. العا باسۋ جولىندا، مەيلى قانداي حاۋىپ - قاتەرگە، سىن - سايىسقا ءدوپ كەلسەك تە، ءبىز باستان - اياق حالىقتى بارىنەن جوعارى قويۋعا، حالىققا تىعىز ارقا سۇيەۋگە، حالىقتى ۇزدىكسىز باقىتقا كەنەلتۋگە، حالىققا مىقتاپ تامىر تارتۋعا تاباندى بولىپ، باستان - اياق حالىقپەن بىرگە ويلاپ، بىرگە ىستەپ، جاڭا داۋىردەگى پارتيانىڭ تاريحي بورىشىن جۇزەگە اسىرۋ ءۇشىن كۇرەس جۇرگىزىپ، جۇڭحۋا ۇلتىنىڭ جاڭا تاريحي شۇعىلاسىن ۇزدىكسىز جاراتۋىمىز كەرەك.
(شينحۋا اگەنتتىگىنىڭ 11 - ايدىڭ 3 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
