بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

وڭتۇستىك شينجياڭنىڭ ءشول دالاسىندا قاۋلاي جەتىلگەن زەردەلى جاساۋ كاسىبى

وڭتۇستىك شينجياڭ اۋىزعا الىنعاندا نەندەي ونىمدەر ويىڭىزعا ورالادى؟

شينحۋا اگەنتتىگىنىڭ تىلشىلەرى جاڭ جۇڭكاي، ديڭ لەي

2020.11.10 15:54     كەلۋ قاينارى : شينجياڭ گازەتى

  ”قاۋىن - قاربىز، جەمىس - جيدەك“، ”سيىر، قوي“، ”دوپپا“، ”كيىم - كەشەك“... مىنە بۇل كوپتەگەن ادامداردىڭ ويىنا ورالا كەتەتىن وڭتۇستىك شينجياڭنىڭ ەرەكشە ونىمدەرى. كۇنلۇن تاۋى مەن تاكلاماكان ءشولىنىڭ ارالىعىنا ورنالاسقان وڭتۇستىك شينجياڭنىڭ جاراتىلىستىق شارت - جاعدايى ناشار، كاسىپ سالاسى نەگىزى ءالسىز، ونىمدەرى شەكتى بولۋمەن بىرگە، سالىستىرمالى ايتقاندا، العاشقى ونىمدەر سانالادى. ال قۇمدى شولدەگى شەكارالىق قالا شەريا اۋدانىندا، ءشول دالاداعى يەن قايراڭدا وزگەشە ”وڭتۇستىك شينجياڭ جاساعان“ ۇلگىسى قالىپتاسۋدا.

  جۋىقتا ءتىلشى شىلان كەپتىرگەن جەرلەردى ارالاي ءجۇرىپ، 315 - مەملەكەت تاس جولىنىڭ ماڭىنداعى شەريا اۋدانىنداعى تيانجين ونەركاسىپ باقشا رايونىنا كەلدى. 2009 - جىلى تيانجين مەن شەريا بىرلەسىپ قۇرعان وسى باقشا رايونى ىلگەرتىندە ءشول دالا بولاتىن، قازىرگى تاڭدا 60 نەشە كاسىپورىن وسى اراعا ىرگە تەۋىپ، جەرگىلىكتى ورىنداعى وزەكتى كاسىپ سالاسى شوعىرلانعان رايونعا اينالدى.

  سول ماڭداعى قاز - قاتار سالىنعان كەمەلدى زاۆود اۋماعىمەن سالىستىرعاندا، باقشا رايونىنداعى جاڭا اۋماق بىردەن كوزگە شالدىعا بەرمەيدى، كوپتەگەن زاۆود ۇيلەرى ءالى دە سالىنۋ ۇستىندە، ايتسە دە، بۇل ارا جەرگىلىكتى ورىننىڭ كاسىپ سالاسىنىڭ تيبىن جاڭالاپ، دارەجەسىن جوعارىلاتۋ جونىندە ىزدەنىس جاساۋىنداعى تىڭ ءورىسى: جينحى سيفرلى ەلەكتروندى كاسىپ سالاسىنان ۇلگى كورسەتۋ باقشا رايونى بولىپ تابىلادى.

  ”وسىدان بۇرىن ونەركاسىپ باقشا رايونى كاسىپ سالاسىن دامىتۋدا توقىماشىلىق كاسىبىن، قۇرىلىس ماتەريالدارىن جانە اۋىل شارۋاشىلىق ونىمدەرىن مانەرلەۋدى نەگىز ەتىپ، قىرۋار ارتىق ەڭبەككۇشتەردى جۇمىستانۋعا جەتەكتەگەن ەدى، الايدا، ءداۋىر مەن بازاردا تۇگەلدەي وزگەرىس تۋىلىپ، كاسىپ سالاسىنىڭ دەڭگەيىن ءوسىرۋ جالپى اۋقىمعا اينالدى، زەردەلى جاساۋ سياقتى سيفرلى ەلەكتروندى كاسىپ سالاسى ەڭبەككۇش شوعىرلانعان كاسىپ سالاسىنا جاتادى، بازار سۇرانىسى اناعۇرلىم كەڭ، جەرگىلىكتى ورىننىڭ ەڭبەككۇش ساپاسىن جوعارىلاتۋعا كورسەتكەن كومەگى دە اناعۇرلىم زور بولدى“، - دەدى شەريا اۋداندىق پارتكومنىڭ ورىنباسار شۋجيى، تيانجيننەن شينجياڭعا كومەككە كەلگەن كادر دۇڭ ميڭيان تىلشىگە.

  جاڭا كاسىپ سالاسىنىڭ دامۋ بەتالىسىن ارقاۋ ەتە وتىرىپ، بيىل جىل باسىنان بەرى، تيانجين قالاسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى مەن جەرگىلىكتى ۇكىمەت ارناۋلى القا ۇيىمداستىرىپ، تالاي رەت گۋاڭدۇڭ، سىچۋان، شاڭحاي سياقتى ولكە - قالالارعا بارىپ ”قارجىگەر باۋراپ“، 60 نەشە كاسىپورىندى ارالاپ احۋال ۇعىستى. كەزەكتە 13 سيفرلى ەلەكتروندى كاسىپورىننىڭ قارجى قوساتىندىعى تۇراقتاندى، مۇندا 4 كاسىپورىن سىناق رەتىندە ءوندىرىس باستادى، ونىمدەرى تىڭداعىش، ءتىنتۋىر، تەمپەراتۋرا ولشەۋ اسپابى، زەردەلى تولەۋ تەرمينالى، زەردەلى حاۋىپسىزدىك قالپاعى قاتارلىلاردى قامتىدى.

  باقشا رايونى ىشىندەگى تيانچىڭتۇڭ ەلەكتروندى عىلىم - تەحنيكا شەكتى سەرىكتەستىگىنىڭ ءبىر ءوندىرىس سەحىندە 30دان استام جۇمىسشى كومپيۋتەر ارقىلى ءبىر زەردەلى راديو قابىلداعىشتى سىناقتان وتكىزۋمەن قاربالاس بولىپ جاتتى. 2 - قاباتتاعى سەحتا جۇمىسشىلار زەردەلى تەلەۆيزور قۇراستىرۋدا. وسى ونىمدەر زاۆودتان شىققاننان كەيىن لەزدە - اق وڭتۇستىك شينجياڭنىڭ جەر - جەرىنە ساتۋعا جەتكىزىلىپ، جەرگىلىكتى بۇقارانىڭ اناعۇرلىم كوپ زەردەلى قىزمەت وتەۋدەن يگىلىكتەنۋىنە مۇمكىندىك جاسايدى.

  سەرىكتەستىكتىڭ 30 جاستاعى قىزمەتكەرى نۇرمامەت ابدۋالي ىلگەرتىندە جەرگىلىكتى ورىنداعى ءبىر ۋقالاۋ دۇكەنىندە تيجارات جۇرگىزەتىن، بيىل 7 - ايدا وسى اراعا كەلىپ سىناقتان وتكىزۋشى بولىپ جۇمىس اتقارىپ، زاۆودتان شىعارىلار الدىنداعى تەلەۆيزورلارعا يقۋاتتىق تەكسەرۋ - ولشەۋ جۇرگىزۋگە جاۋاپتى بولدى. جاڭا قىزمەتىڭ قيىن با قالاي دەپ سۇراعاندا ول باسىن شايقاي: ”بۇل قىزمەت وتە جەڭىل، قولما - قول ۇيرەتەتىن تەحنيكالىق قىزمەتكەرلەر بار. ماڭىزدىسى، قىزمەتىم جانە كىرىسىم ءبىرشاما تۇراقتى، ونىڭ ۇستىنە شارشامايمىن“، - دەدى.

  دۇڭگۋاننان كەلگەن ديڭيۋەيىن ساۋدا - ونەركاسىپ عىلىم - تەحنيكا شەكتى سەرىكتەستىگى وسى باقشا رايونىنا العاش ىرگە تەپكەن زەردەلى جاساۋ كاسىپورنى. ءشول جازيرادا بۇل ءىستى باستاۋعا قالاي باتىلدىق ەتكەندىگىن اۋىزعا العاندا سەرىكتەستىكتىڭ القا باستىعى حۋ ۋىنچۋان مىناداي 3 جاقىسىنى ايتتى: ”ساياسات جاقسى، قىزمەت وتەۋ جاقسى، بولاشاعى جاقسى“. ونىڭ تانىستىرۋىمەن بىرنەشە كاسىپورىنشى دا وڭتۇستىك شينجياڭعا كەلىپ تەكسەرۋ جۇرگىزگەن.

  ۇشقىننان جالىن قاۋلايدى. دۇڭ ميڭياننىڭ تانىستىرۋىنا قاراعاندا، ونەركاسىپ باقشا رايونىندا 2021 - جىلى كولەمدەنگەن ونەركاسىپ كاسىپورىندار سانىنىڭ 10نان اسۋىنان ءۇمىت بار، 3 − 5 جىلدا 2 -، 3 - كاسىپتەردىڭ جىلدىق جالپى ءونىم قۇنى مەجەمەن 10 ميلليارد يۋاننان اسىپ، 20 مىڭنان استام ادامدى جۇمىستاندىرادى، بولاشاقتا وڭتۇستىك شينجياڭداعى ەڭ ۇلكەن ەلەكتروندى جاساۋ كاسىپ سالاسى شوعىرلانعان رايون بولىپ قۇرىلادى ەكەن.

  حۋ ۋىنچۋاننىڭ دا وسى تەكتەس ءبىر شاعىن نىساناسىندا: بولاشاقتا وڭتۇستىك شينجياڭدا تاعى دا 2 ءوندىرىس بازاسىن قۇرىپ، كەمەلدى كاسىپ سالاسى تىزبەگىن تۇلعالاپ، ونىمدەردىڭ باسەكەلىك قۋاتىن اناعۇرلىم جوعارىلاتپاقشى. ”حوتان - چارقىلىق تەمىر جولى (حوتاننان چارقىلىققا دەيىنگى بولىگى) سالىنىپ بولعاننان كەيىن، ونىمدەرىمىزدى ساتۋدان تىپتەن قام جەمەيتىن بولامىز“.(شينحۋا اگەنتتىگىنىڭ 11 - ايدىڭ 6 - كۇنى ۇرىمجىدەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار