بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شينجياڭدا كاسىپورىنداردىڭ جارنا بازارىنا كىرۋ ورلەۋى تاعى كوتەرىلدى

بيىل 3 سەرىكتەستىك A جارنا بازارىنا كىردى

2020.11.10 15:55     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفي 11 - ايدىڭ 8 - كۇنى ۇرىمجىدەن حابارلايدى. 10 - ايدىڭ 30 - كۇنى حۇڭتۇڭ جانار گازى شاڭحاي اكتسيا ساۋدا بازارىنىڭ جەتەكشى تاقتاسىندا جارنا بازارىنا كىردى، بۇل باتىس ءوڭىر ساياحاتىنان، تيانشان اليۋمين شارۋاشىلىعىنان كەيىن رايونىمىزدا بيىلعى جىلى A جارنا بازارىندا بازارعا كىرگەن 3 - سەرىكتەستىك سانالادى. وسىعان دەيىن، شينجياڭدا A جارنا بازارىنا كىرگەن سەرىكتەستىك 59عا جەتىپ، سان جاعىنان باتىس سولتۇستىكتەگى 5 ولكە - رايوننىڭ اراسىندا ءبىرىنشى ورىندى يەلەدى.

  ءبىرقانشا جىلدان بەرى ساتىلى كاپيتال بازارى جۇيەسىن جەتىلدىرۋ، تيىمدىلىك جاساۋ ساياساتىن كەمەلدەندىرۋ، شارۋاشىلىق - ساۋدا ورتاسىن ساپالىلاندىرۋ ارقىلى شينجياڭ كاسىپورىندارىنىڭ جارنا بازارىنا كىرۋىندە ”ساتىلى ورنالاستىرىلعان، ءتارتىپتى تۇردە ۇلاستىرىلعان، ۇزدىكسىز ىلگەرىلەتىلگەن“ قىزمەت ارناسى قالىپتاستى. بيىل جارنا بازارىنا كىرگەن 3 كاسىپورىننان سىرت، بونا كينو شارۋاشىلىعى توبى جارنا شەكتى سەرىكتەستىگى، شينجياڭ بوشىران زەردەلى ەگىس ماشينالارى جارنا شەكتى سەرىكتەستىگى سياقتى 5 كاسىپورىننىڭ جارنا بازارىنا كىرۋ ءىسى تەكسەرۋ ساتىسىندا تۇر، شينجياڭ حۇيحى بانكە جارنا شەكتى سەرىكتەستىگى شياڭگاڭ بىرىككەن اكتسيا ساۋدا بازارىنا جارنا بازارىنا قاتىناسۋ ءوتىنىشىن تاپسىردى.

  شينجياڭدا كاسىپورىنداردىڭ جارنا بازارىنا كىرۋ ورلەۋىنىڭ تاعى دا كوتەرىلۋى الدىمەن مەملەكەت ساياساتىنىڭ سۇيەمەلدەۋىنىڭ ارقاسى. ”سوڭعى جىلدارى ەلىمىز كوپ ساتىلى كاپيتال بازارى رەفورماسىن ۇزدىكسىز تەرەڭدەتىپ، عىلمي جاسامپازدىق تاقتاسىن العا قويىپ، تىركەۋ ءتۇزىمىن اتقارىپ، جاڭا ءۇش تاقتانى رەفورمالاپ، كاپيتال بازارىنىڭ قارجى توپتاۋ يقۋاتىن ۇزدىكسىز جانداندىرىپ، جارنا ۇقىعىنىڭ جىلجىمالىلىعىن ۇزدىكسىز جوعارىلاتىپ، قارجىگەرلەردى باۋراۋ قۋاتىن ۇزدىكسىز كۇشەيتتى. اسىرەسە، جۇڭگو اكتسيا باقىلاۋ قوعامى ’شينجياڭعا جولدانىسىمەن تەكسەرۋ، تەكسەرۋدەن وتىسىمەن تاراتۋ‘ سىندى جاسىل ارنا ساياساتىن بەردى، شاڭحاي اكتسيا ساۋدا بازارى مەن شىنجىن اكتسيا ساۋدا بازارى شينجياڭمەن سەلبەستىك كەلىسىمىنە قول قويىسىپ، شينجياڭ كاسىپورىندارىنىڭ جارنا بازارىنا كىرۋ قىزمەتىنە زور كۇشپەن قولداۋ كورسەتتى“، - دەدى اۆتونوميالى رايوندىق جەرگىلىكتى فينانس باقىلاۋ - باسقارۋ مەكەمەسى كاپيتال بازارى باسقارماسىنىڭ باستىعى نيڭ شىن.

  قازىر رايونىمىزدا شوعىرلى وڭىرلىك جارنا ۇقىعى بازارى، جاڭا ءۇش تاقتا، ورتا شاعىن تاقتا، شارۋاشىلىق قۇرۋ تاقتاسى، عىلمي جاسامپازدىق تاقتاسى، جەتەكشى تاقتا سياقتى كوپ ساتىلى تاقتا ءبىر تۇلعالاندىرىلعان كاپيتال بازارىنىڭ تىزبەك ارناسى قالىپتاستى. كاسىپورىنداردى كوپ ساتىلى كاپيتال بازارىنا شىعىپ دامۋعا شابىتتاندىرۋ ءۇشىن، رايونىمىز جارنا بازارىنا كىرەتىن زاپاس كاسىپورىنداردى جەتىلدىرۋ ينجەنەرياسىن كوپ جىلدار بويى ءۇرتىس اتقارىپ، كاپيتال بازارىنا شىعىپ ءتۇزىلىسىن وزگەرتكەن، ماڭدايشالىق ىلگەن، جارنا بازارىنا كىرگەن جانە قارجى توپتاعان كاسىپورىندارعا ارناۋلى قوسىمشا قاراجات بەردى. بيىل 6 - ايدا اۆتونوميالى رايوندىق حالىق ۇكىمەتى كەڭسەسى «كەزەكتە رايونىمىزدىڭ كوپ ساتىلى كاپيتال بازارىن جەدەل قۇرۋ جونىندەگى اتقارۋ پىكىرىن» باسىپ تاراتىپ، وڭىرلىك جارنا ۇقىعى بازارىندا ماڭدايشالىق ىلۋدەن، قارجى توپتاۋدان، ءتۇزىلىس وزگەرتۋدەن، جەتىلدىرۋدەن، جەكە جيناۋ، تاراتۋ، وتكەرمەلەۋدەن مەملەكەتتىك بازاردا اشىق تاراتۋعا، جارنا بازارىندا ساۋدالاۋعا دەيىنگى جالپى تىزبەكتى كوپ ساتىلى كاپيتال بازارىنىڭ قىزمەت وتەۋ جۇيەسىنىڭ قالىپتاسۋىن ىلگەرىلەتتى. مۇندا شينجياڭ اكتسيا باقىلاۋ مەكەمەسىنىڭ جەتەكتەۋ، ارحيۆكە الۋ، تىركەۋ، تۇراقتاندىرۋ حاتىن العان جارنا بازارىنا كىرەتىن كاسىپورىندارعا ايماقتاردىڭ (وبلىس، قالا) ءبىر باسشى كادردى «بىرگە ءبىر» بايلانىس ورناتىپ كومەكتەسىپ سۇيەمەلدەۋ قىزمەتىن ىستەۋگە تاعايىنداۋى كەرەكتىگىن ەرەكشە تالاپ ەتتى.

  جارنا بازارىنا كىرگەن سەرىكتەستىكتەردىڭ دامۋى شينجياڭ ەكونوميكاسىنىڭ جوعارى ساپالى دامۋىن ىلگەرىلەتتى. اۆتونوميالى رايوندىق جەرگىلىكتى فينانس باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى ۋاڭ كۇيران بىلاي دەدى: ”كەلەسى قادامدا ءبىز وزەكتى رايوننىڭ 5 ۇلكەن ورتالىعىن قۇرۋ، اۋىل - قىستاقتى گۇلدەندىرۋ، ساياحات شارۋاشىلىعىن دامىتۋ سياقتى سالالار بويىنشا اناعۇرلىم كوپ كاسىپورىنداردىڭ جارنا بازارىنا كىرۋىن ىلگەرىلەتىپ، شينجياڭ ەكونوميكاسىنىڭ دامۋ جىلدامدىعىن، ساپاسىن جانە ونىمدىلىگىن ۇزدىكسىز جوعارىلاتامىز“.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار