بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

”كەپتەر اۋىلى“ كەپتەر شارۋاشىلىعىن كۇش سالا دامىتتى

گازەتىمىزدىڭ جالپىلىق اقپارات قۇرالدارى ءتىلشىسى جاڭ جىلي، ەرىكتى ءتىلشى سىدىق ءميجىت

2020.11.10 15:56     كەلۋ قاينارى : شينجياڭ گازەتى

  ”كەپتەر جەل ىعىمەن تەز ۇشادى. قازىر كەپتەر باعىپ جاتىرمىن، ساياساتتىق قولداۋدىڭ، كاسىپورىننىڭ كومەگىنىڭ، سەلبەستىك كووپەراتيۆىنىڭ جەتەكتەۋىنىڭ ارقاسىندا باعىمشىلىق ىستەرىم جەلدىڭ ىعىمەن ۇشقان كەپتەردەي تەز العا باسىپ بارادى“، - دەدى 11 - ايدىڭ 3 - كۇنى توقسۋ اۋدانى بەيسەنبىبازار اۋىلى بەيسەنبىبازار قىستاعىنىڭ تۇرعىنى قۇربان ايۇپ.

  بيىل 70 جاستاعى قۇرباننىڭ كەپتەر باققانىنا 30 جىلدىڭ ءجۇزى بولدى. جاسى ۇلعايسادا كەپتەرلەرىن جاقسى باعىپ وتىرعاندىعى ونى ىشتەي سۇيىندىرەدى. ونىڭ وتباسىنىڭ باعىمشىلىق اۋماعىندا 200دەن استام كەپتەر بار ءارى تولاسسىز ءوسىپ - وربۋدە، اي سايىن كەپتەر ساتۋدان كەمىندە 800 يۋان كىرىس كىرگىزەدى ەكەن.

  كەپتەر قوراسىنداعى گۋىلدەگەن كەپتەرلەرگە قاراپ تۇرىپ، قۇربان تىلشىگە كىرىستى ارتتىرۋ ەسەبىن جاسادى: بىرنەشە جىلدىڭ الدىندا ءبىر كەپتەر 10 دا 13 يۋانعا ساتىلاتىن، قازىر 25 تە 30 يۋانعا ساتۋعا بولادى. ونىڭ ۇستىنە ءوزىم عىلمي باعۋ ءادىسىن ۇيرەنگەننەن كەيىن كەپتەرلەردىڭ ءوسۋى تەز بولىپ، ءوسىپ - ءوربۋ سالىستىرماسى جوعارىلادى، ءبىر قورا كەپتەردى 40 كۇن باققاننان كەيىن، ونىڭ سانى ءبىر ەسەدەي ارتادى.

  كەپتەردى اۋىزعا العاندا، بەيسەنبىبازار اۋىلدىق پارتكومنىڭ ورىنباسار شۋجيى، اۋىل باستىعى اسقار احاتتىڭ جۇزىنەن ماقتانىش لەبى ەستى. ول بىلاي دەدى: توقسۋداعى شارۋالاردىڭ ەجەلدەن كەپتەر باعۋ داعدىسى بار، مۇنىڭ ىشىندە ەڭ ايگىلىسى بەيسەنبىبازار اۋىلى. بەيسەنبىبازار اۋىلىنداعى بارلىق شارۋا وتباسى كەپتەر باعادى، از بولعاندا 10 نەشەدەن، كوپ بولعاندا 200 دە 300دەن باعادى، كەپتەر ەتىنىڭ ساپاسى جاقسى، قورەكتىك قۇنى جوعارى، تۇتىنۋشىلار ەرەكشە ۇناتادى، سول سەبەپتى دە ”كەپتەر اۋىلى“ دەپ اتالعان. بەيسەنبىبازار قىستاعىندا ءار بەيسەنبى كۇنى بازار بولادى، ءبىر كوشەسىندە ارناۋلى كەپتەر ساۋداسى ءجۇرىلىپ، شارۋالار ونى ”كەپتەر كوشەسى“ دەپ اتايدى.

  ”دەگەنمەن، ءبىزدىڭ بۇل ارادا ەڭ كوزگە تۇسەتىنى ’كەپتەر كوشەسى‘ بولماستان، قايتا كەپتەر كاسىپ باقشاسى بولىپ وتىر“. اسقار اقتارىلا سويلەپ، ءتىلشىنى دەرەۋ بەيسەنبىبازار اۋىلى قۇملۇقارىق قىستاعىنداعى توقسۋ كەپتەر كاسىپ باقشاسىنا ەرتىپ باردى. بۇل ارادا 140 مۋ جەردى يەلەپ جاتقان شينجياڭ دۋحۋ كەپتەر شارۋاشىلىعى عىلىم - تەحنيكا شەكتى سەرىكتەستىگى (تومەندە قىسقارتىلىپ ”دۋحۋ كەپتەر شارۋاشىلىعى“ دەپ اتالدى) كەپتەر لاپاسىنان 40ىن سالىپتى، ءار لاپاسقا 5000 كەپتەر سيادى ەكەن.

  بىلتىر 10 - ايدا دۋحۋ كەپتەر شارۋاشىلىعىنىڭ 1 - مەرزىمدىك ينجەنەريالىق قۇرىلىسى باستالىپتى. قىستا كۇن وتە سۋىق بولعاندىعى سەبەپتى قۇرىلىس جۇرگىزۋگە شاراسىز قالعان، ونىمەن قوسا بيىل جىل باسىندا ىندەتتىڭ ىقپالىنا ۇشىراپ، كوپتەگەن قۇرىلىس ماتەريالدارىن جەتكىزۋ قيىنعا سوققان. قايتكەندە ەرتەرەك وندىرىسكە قوسىپ، كەدەيلەرگە كومەكتەسىپ، بايۋعا باستاۋ رولىن ساۋلەلەندىرۋگە بولادى؟ وسى سەرىكتەستىك الدىمەن كەپتەر لاپاسىن سالىپ، ونان سوڭ جۇمىس عيماراتىن سالۋدى ۇيعارادى. بەيسەنبىبازار اۋىلىنداعى شارۋالار قاز - قاتار سالىنعان كەپتەر لاپاستارىن كورگەندە، كەپتەر باعۋدان كوپ كىرىس تابۋعا بولمايدى، شارۋاشىلىق قالىپتاستىرا المايدى دەپ قاراپ كەلگەن ءىشىنارا شارۋالاردىڭ كەپتەر باعۋ ىنتاسى كۇشەيىپتى.

  دۋحۋ كەپتەر شارۋاشىلىعىنىڭ تەحنيكاعا جاۋاپتىسى جياڭ ميڭشىڭ 30 جىلعا جۋىق كەپتەر باعۋ تاجىريبەسى بار، كەزىندە حۋنان، گۋاڭدۇڭ سياقتى جەرلەردە كەپتەر باققان. توقسۋعا كەلگەننەن كەيىن، ول بۇل جەردىڭ اۋىل - قىستاعىنىڭ كەپتەر باعۋ ىنتاسىنىڭ كۇشتى، كەپتەر شارۋاشىلىعى دامۋىنىڭ كومەسكى كۇشىنىڭ وراسان زور ەكەندىگىن، الايدا باستاماشى كاسىپورىننىڭ جەتەكشىلىك ەتۋىنە مۇقتاج ەكەندىگىن بايقاپ، وسى اراعا تامىر تارتىپ، شارۋالارعا كەپتەردى عىلمي باعۋدى ۇيرەتۋگە بەكيدى.

  كاسىپتىك تەحنيكالىق جەتەكشىلىك ەتۋ جانە باۋلۋ، ”باستاماشى كاسىپورىن + سەلبەستىك كووپەراتيۆى + شارۋا وتباسى“ جۇمىس ۇلگىسى، وتباسىندا قيىنشىلىعى بار ەڭبەككۇشتەردى جۇمىستاندىرۋ سياقتى شارالار بەيسەنبىبازار اۋىلىنداعى شارۋالاردى يگىلىككە كەنەلتتى. قازىر تۇتاس اۋىلداعى شارۋا وتباسىلارىنىڭ باققان كەپتەرى 300 مىڭعا جەتىپ، 5 جىلدىڭ الدىنداعىنىڭ 10 ەسەسىندەي بولدى، ونىمەن قوسا كەپتەر كاسىپ باقشاسى كولەمىنىڭ ۇزدىكسىز زورايۋىمەن ”كەپتەر اۋىلى“ اتى - زاتىنا ساي بولا ءتۇستى.

  بەيسەنبىبازار اۋىلىنان سىرت، توقسۋ اۋدانىنىڭ باسقا اۋىل - قالاشىقتارىندا دا كەپتەر باعاتىن شارۋالار بارعان سايىن كوبەيدى. شارۋالاردىڭ باعىمشىلىقتان كىرىستەرىن ۇزدىكسىز ارتتىرۋىنا مۇمكىندىك جاساۋ ءۇشىن، توقسۋ اۋدانى شارۋالاردىڭ سيىر، كەپتەر باعۋ اۋەسىمەن ۇشتاستىرىپ، ”سيىر كوبەيتۋ“ ينجەنەرياسى مەن ” كەپتەر كوبەيتۋ“ ينجەنەرياسىن اتقاردى. شارۋالار ءوز شارت - جاعدايىمەن ۇشتاستىرىپ، سيىر باعۋ نەمەسە كەپتەر باعۋ كاسىبىن دامىتۋعا ات سالىسۋدى تاڭدادى، ۇكىمەت پەن كاسىپورىن كوپ جاقتان قولداۋ كورسەتتى. سونىمەن بىرگە، توقسۋ اۋدانى مال، ءۇي قۇستارى ساۋدا قىزمەت وتەۋ ورتالىعىن قۇرىپ، اپتا سايىن ورتا ەسەپپەن 2100 نەشە سيىردى، 1500 نەشە قويدى، كەپتەردى قامتىعان ءۇي قۇستارىنان 2200 نەشەسىن ساۋداعا سالىپ، وڭتۇستىك شينجياڭداعى ەڭ ۇلكەن مال، ءۇي قۇستارى ساۋداسى جيناۋ - جونەلتۋ ورتالىعىنا بىرتىندەپ اينالۋدا.

  كەپتەر باعۋعا جۇمسالاتىن قارجى از، ونىمدىلىگى تەز بولاتىندىقتان، توقسۋ اۋدانىنداعى كوپتەگەن شارۋا سيىر باعۋمەن بىرگە، كەپتەر دە باقتى. بيىل تۇتاس اۋدان بويىنشا ساتىلاتىن كەپتەردىڭ 3 ميلليونعا جەتەتىندىگى مەجەلەنۋدە.

  ”سەرىكتەستىگىمىز 2 - مەرزىمدىك ينجەنەريالىق قۇرىلىستى باستاپ، كەپتەر لاپاسىنان تاعى دا 30ىن سالماقشى، الداعى جەردە سويۋ، جىنتىكتەي مانەرلەۋ ءوندىرىس جەلىسىن سايكەستى قۇرىپ، ءوندىرۋ، قامداۋ، ساتۋ ءبىر تۇلعالانعان تيجاراتتى ىسكە اسىرىپ، شارۋالاردى كەپتەر شارۋاشىلىعىن دامىتۋ بارىسىندا كىرىستى ۇزدىكسىز ورنىقتى ارتتىرۋعا جەتەكتەيدى“، - دەدى جياڭ ميڭشىڭ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار