شىعىستا تولقىن جوڭكىلىپ، تاعى دا جەلكەن كوتەرىلدى
− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پۋدۇڭدى يگەرۋ، اشىق ۇستاۋ ىسىنە كوڭىل بولگەندىگىنەن ەستەلىك
□ شينحۋا اگەنتتىگىنىڭ تىلشىلەرى
2020.11.13 14:18 كەلۋ قاينارى : شينجياڭ گازەتى
پۋجياڭ وزەنى بۋىرقانا اعىپ، شىعىستا ايدىن كەڭەيدى.
لۋجيازۇيداعى ۇلكەن ەكراندا سان - سيفرلار ۇزدىكسىز وزگەرىپ، جۇڭگونىڭ فينانس بازارىنىڭ قۋاتتى تامىرى سياقتى سوعىپ تۇر؛ جاڭجياڭداعى تاجىريبەحانادا عىلمي زەرتتەۋ قىزمەتكەرلەرى بار زەيىندەرىن سالىپ، ءتىلسىم قۇپيانى زەرتتەۋدە؛ دۇڭحاي جاعالاۋىنداعى ياڭشانگاڭدا، مۇنارا كراندار سامسىپ، قايىقتار مەن اۆتوكولىكتەر ساپىرىلىسىپ، ”ادامسىز كەمەجاي“ ”جۇڭگودا جاسالعانداردى“ ۇزدىكسىز سىرتقا جونەلتۋدە...
بۇل − شاڭحاي پۋدۇڭنىڭ جاي ءبىر كۇنى ءارى جاڭا رايوندى يگەرۋدىڭ، اشىق ۇستاۋدىڭ 30 جىلدان بەرگى جالىندى كورىنىستەرىنىڭ ءبىرى.
”پۋدۇڭنىڭ دامۋىنىڭ ءمانى تەرەزەلىك رولىندا، ۇلگى كورسەتۋ مانىندە، باتىلدىقپەن تالپىنىپ، باتىلدىقپەن سىناق ەتىپ، الدىمەن ىسكە كىرىسىپ، الدىمەن سىناق ەتكەن اتويشى رولىندا“ − باس شۋجي شي جينپيڭنىڭ قۋاتتى دا پارمەندى ءسوزى پۋدۇڭنىڭ دامۋىنا ايقىن باعدار كورسەتۋمەن بىرگە، رەفورما جاساۋ، ەسىك اشۋدى تاباندىلىقپەن سوڭىنا دەيىن جۇرگىزۋ بەكىمىن ايگىلەدى.
وردا بۇزار جاستاعى پۋدۇڭ، اعىندا ءتىپتى دە قاسقايىپ تۇر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ”رەفورمادان قورەك الۋعا، ەسىك اشۋ جولىمەن جۇرۋگە، جاڭالىق اشۋ امالىن قولدانۋعا“ تاباندى بولعان پۋدۇڭ ”باتىلدىقپەن ۇلگى بولۋ، باتىلدىقپەن تالپىنۋ“ رۋحىمەن جاڭا دامۋ كەزەڭىنىڭ الدىڭعى لەگىندە قۇلشىنا ءجۇرىپ، جاڭا داۋىردەگى رەفورما جاساۋ، ەسىك اشۋدىڭ جاڭا كەرەمەتتەرىن ۇزدىكسىز جاراتتى.باستان - اياق وزگەرمەگەن قامقورلىق
پۋدۇڭدى يگەرۋگە، اشىق ۇستاۋعا باس شۋجي شي جينپيڭ ەجەلدەن كوڭىل ءبولىپ كەلدى.
2007 - جىلى جۇڭگو كوممۋنيستىك پارتياسى شاڭحاي قالالىق كوميتەتىنىڭ شۋجيى بولىپ تۇرعان شي جينپيڭ جولداس پۋدۇڭدا تەكسەرۋ - زەرتتەۋ جۇرگىزگەن كەزدە مىنالاردى ءبىلدىردى: ”جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ تالابى بويىنشا، پۋدۇڭدى يگەرۋ، اشىق ۇستاۋ سىندى مەملەكەتتىك ستراتەگيانىڭ كەلەلى ءمانىن ونان ارى ىشكەرىلەي تانۋ كەرەك“، ”پۋدۇڭنىڭ ’تورتتە الدىدا بولۋدى‘ جەدەل جۇزەگە اسىرۋداعى ۇلگىلىك، باستاماشىلىق رولىن، ’4 ورتالىق‘ قۇرۋداعى وزەكتى يقۋاتتىق رولىن تولىق ساۋلەلەندىرۋ كەرەك“.
ۇلگى بولۋ، وزەك بولۋ − پۋدۇڭعا سەرپىندى دامۋ قوزعاۋشى كۇشىن، شەكسىز دامۋ كەڭىستىگىن سيلادى.
پۋدۇڭ لۋجيازۇي فينانس كەشەنىنىڭ وزەكتى رايونىنداعى ”يىنچىڭ ورتا جولىندا“ كەزىندە سۋلى باتپاق بارلىق جەرىندە اعىپ جاتاتىن، ال قازىر ول بايلىق تاسىعان جەرگە اينالدى. شاڭحاي ەركىن ساۋدا سىناق رايونىن باسقارۋ كوميتەتى لۋجيازۇي باسقارۋ مەكەمەسىنىڭ ورىنباسار باستىعى لياڭ چيڭ بىلاي دەدى: 30 جىلدىق اشۋدى باستان كەشىرىپ، لۋجيازۇيعا قازىر 44 مىڭنان استام كاسىپورىن جينالىپ، 2019 - جىلى تۇتاس ديامەترلىك سالىق كىرىسى 200 ميلليارد يۋاننان استى.
2010 - جىلى مەملەكەتتىڭ ورىنباسار ءتوراعاسى بولىپ تۇرعان شي جينپيڭ جولداس پۋدۇڭدا تەكسەرۋ - زەرتتەۋ جۇرگىزگەن كەزدە مىنالاردى ءبىلدىردى: پۋدۇڭنىڭ دامۋىنىڭ ءمانى تەرەزەلىك رولىندا، ۇلگى كورسەتۋ مانىندە، باتىلدىقپەن تالپىنىپ، باتىلدىقپەن سىناق ەتىپ، الدىمەن ىسكە كىرىسىپ، الدىمەن سىناق ەتكەن اتويشى رولىندا.
”تالپىنۋدىڭ“، ”سىناق ەتۋدىڭ“ ءمانى تەرەڭ − 20 جىلدىق دامۋ ارقىلى پۋدۇڭ زاتتىق نەگىزگە يە بولىپ، ەكونوميكانىڭ ناقتى قۋاتى زورايدى، الايدا وسىعان ىلەسە، ءتۇرلى قاساڭ قالىپتار دا مولايدى. قالىپتى بۇزىپ، شارباق - قورشاۋلاردى جويمايىنشا، پۋدۇڭنىڭ جاڭا كەزەك زور دامۋدى قولعا كەلتىرۋى مۇمكىن ەمەس ەدى. ”باتىلدىقپەن تالپىنۋدى، باتىلدىقپەن سىناۋدى“ اتوي دابىلى ەتكەن پۋدۇڭ جاڭا كەزەك جەدەل دامۋ مەزگىلىنە ءوتتى.
پارتيا 18 - قۇرىلتايىنان بەرى، جاڭا جاعداي، جاڭا مىندەت الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى رەفورما جاساۋ، ەسىك اشۋ سىندى زامانىمىزداعى جۇڭگونىڭ تاعدىرىن بەلگىلەيتىن شەشۋشى امالدى مىقتاپ يگەرىپ، قاپىسىز تەكسەرۋ - زەرتتەۋ، تەرەڭدەي ويلانۋ، باتىل شەشىم جاساۋ ارقىلى شاڭحاي ەركىن ساۋدا سىناق رايونىن قۇرۋدى باستاپ، وعان ”ۇكىمەت فۋنكتسياسىندا بۇرىلىس جاساۋدى جەدەلدەتىپ، سىرتقا ەسىك اشۋ ۇلگىسىندە جاڭالىق اشىپ، رەفورما جاساۋ، ەسىك اشۋدى تەرەڭدەتۋ تاجىريبەسىنە ىشكەرىلەي ىزدەنىس جاساۋداي“ ءداۋىردىڭ كەلەلى مىندەتىن تاپسىردى.
2013 - جىلى 9 - ايدىڭ 29 - كۇنى جۇڭگو (شاڭحاي) ەركىن ساۋدا سىناق رايونى رەسمي ماڭدايشالىق اسىپ قۇرىلدى.
2016 - جىلى شاڭحاي ەركىن ساۋدا سىناق رايونى اينالىس جاساعاندىعىنىڭ 3 جىلدىعى ساتىندە، باس شۋجي شي جينپيڭ مىناداي ماڭىزدى نۇسقاۋ بەردى: ”جۇرەكتىلىكپەن سىناپ، جۇرەكتىلىكپەن تالپىنىپ، ءوز كۇشىنە سۇيەنىپ رەفورما جاساپ، ءتىپتى دە كوپ كوشىرىپ جالپىلاستىرۋعا بولاتىن تۇزىمدىك جاسامپازدىق جەتىستىكتەرىن قولعا كەلتىرۋگە قۇلشىنىپ، رەفورمانى جاپپاي تەرەڭدەتۋدىڭ جانە ەسىك اشۋدى كەڭەيتۋدىڭ سىناق اتىزى رولىن ىشكەرىلەي ايگىلەۋ كەرەك“.
7 جىل ءوتتى، رەفورمانىڭ اسىل تۇقىمى بۇكىل ەلگە سەبىلىپ، ەركىن ساۋدا سىناق رايونىنىڭ ”قاز قاتارى“ ەسىك اشۋدىڭ جاڭا جاعدايىنا جەتەكشىلىك ەتتى.
2020 - جىلى 9 - ايدا جۇڭگو بەيجيڭ، حۋنان، انحۇي ەركىن ساۋدا سىناق رايونىن قۇرۋدى، سونداي - اق جىجياڭ ەركىن ساۋدا سىناق رايونىن كەڭەيتۋدى جاريالادى. وسىعان دەيىن، ەلىمىزدەگى ەركىن ساۋدا سىناق رايوندارىنىڭ سانى 21گە جەتىپ، 7 جىلدان بەرى جيىنى 260 تۇزىمدىك جاسامپازدىق جەتىستىكتەرى قالىپتاسىپ، بۇكىل ەلدى نەمەسە ارنايى وڭىرلەردى بەتكە الىپ كوشىرىپ جالپىلاستىرىلدى.
جۇڭگوشا سوتسياليزمنىڭ جاڭا داۋىرگە وتۋىنە ىلەسە، جاڭالىق اشۋدىڭ ەلىمىزدىڭ وسىزامانداندىرۋ قۇرىلىسى جالپى جاعدايىنداعى وزەكتى ورنى ۇزدىكسىز كورنەكتىلەندى. شەشۋشى ساتتە، باس شۋجي شي جينپيڭ تاعى ءبىر رەت قولما - قول شەشىم جاسادى.
”شاڭحاي عىلىم - تەحنيكادا جاڭالىق اشۋدى ىلگەرىلەتۋ، دامۋعا جاڭالىق اشۋ ارقىلى دەم بەرۋ ستراتەگياسىن اتقارۋ جاقتارىندا بۇكىل ەلدىڭ الدىندا، دۇنيە ءجۇزىنىڭ الدىڭعى لەگىندە جۇرۋگە قۇلشىنىپ، الەمدىك ىقپال كۇشكە يە عىلىم - تەحنيكا جاسامپازدىق ورتالىعى بولۋعا جەدەل قادام باسۋ كەرەك“. 2014 - جىلى 5 - ايدا باس شۋجي شي جينپيڭ شاڭحايدا قىزمەت تەكسەرگەن كەزدە وسىنى العا قويدى.
باس شۋجي شي جينپيڭنىڭ ءسوزى شاڭحايعا قاراتىلىپ ايتىلدى، پۋدۇڭعا دا قاراتىلىپ ايتىلدى.
پۋدۇڭداعى جاڭجياڭ عىلىم كەشەنىندە، سىرتقى بەينەسى مەرۋەرت ۇلۋعا قاتتى ۇقسايتىن ءبىر قۇرىلىس بار، ول − شاڭحاي گۋاڭيۋان. ونىڭ پايدا بولۋى، اسىلىندە ىسكە اسىرۋ مۇمكىن ەمەس نەمەسە شەتەلگە شىعىپ قاتارعا تۇرىپ ىستەۋگە تۋرا كەلەتىن اناليز قىزمەتىن ”ءۇيدىڭ الدىندا - اق“ ورىنداۋعا مۇمكىندىك تۋدىردى. شاڭحاي گۋاڭيۋاننىڭ ارقاسىندا، عىلمي زەرتتەۋ قىزمەتكەرلەرى قۇس تۇماۋى، ەبولا سياقتى كوپ ءتۇرلى تارالمالى ۆيرۋستاردىڭ جۇعىمدالۋ مەحانيزمىن انىقتادى، شاڭحاي گۋاڭيۋاننىڭ تاجىريبە ساندى مالىمەتتەرىن نەگىز ەتكەن كوپ ءتۇرلى جاڭا دارىلەر كلينيكالىق سىناق ەتۋ باسقىشىنا ءوتتى.
ۋاقىت ەڭ ادال ەستەلىككە الۋشى ءارى ەڭ وبيەكتيۆ كۋاگەر.
30 جىلدان بەرى پۋدۇڭ جۇڭگونىڭ رەفورما جاساۋ، ەسىك اشۋىندا باستان - اياق الدىڭعى لەكتە ءجۇرىپ، جاڭا داۋىردەگى بۇكىل ەلدىڭ رەفورما جاساۋ، ەسىك اشۋىنىڭ جانە جاڭالىق اشا دامۋىنىڭ ۇلگىسىن ۇزدىكسىز تۇلعالادى.
30 جىلدان بەرى پۋدۇڭنىڭ ەكونوميكالىق جالپى مولشەرى 1990 - جىلعى 6 ميلليارد يۋاننان 2019 - جىلعى ءبىر تريلليون 273 ميلليارد 400 ميلليون يۋانعا ارتتى؛ قازىنالىق جالپى كىرىسى 431 ميلليارد 600 ميلليون يۋانعا جەتتى.
30 جىلدان بەرى پۋدۇڭ ايقىش - ۇيقىش ەگىس اتىزىنان يقۋات شوعىرلانعان، فاكتورلارى تولىق، قۇرىلعىسى وزىق وسىزاماندانعان جاڭا قالاعا اينالدى. ەل اتتاعان 350 سەرىكتەستىكتىڭ وڭىرلىك باس شتابى جينالدى، شاڭحاي جارنا ايىرباس ورنى، مەرزىمدەمەلى تاۋار ايىرباس ورنى، جۇڭگو التىن ايىرباس ورنى سياقتى فاكتور بازارلارى ءجيى ورنالاسىپ، نەشە مىڭداعان جوعارى، جاڭا تەحنيكالىق كاسىپورىندار ساقاداي سايلاندى.باتىلدىقپەن ونەگە بولىپ، جۇرەكتىلىكپەن اتوي سالدى
شاڭحاي مەتروسى 2 - جەلىسىنىڭ جاڭجياڭ گاۋكى بەكەتىنەن شىقساڭىز، قارسى الدى جۇڭگو عىلىم اكادەمياسى شاڭحاي ءدارى - دارمەك زەرتتەۋ ورنىنىڭ قاقپاسى، زۋچۇڭجى جولىن بويلاپ شىعىسقا قاراي جۇرسەڭىز، جول بويى جۇڭشين حالىقارالىق ينتەگرالدى تىزبەك جاساۋ شەكتى سەرىكتەستىگى، حۋاحۇڭ حۇڭلي جارتىلاي وتكىزگىش جاساۋ شەكتى سەرىكتەستىگى سياقتى ينتەگرالدى تىزبەك سالاسىنىڭ جەتەكشى كاسىپورىندارى ورنالاسقان.
ءبىر بەكەت، ءبىر جول، ءبىر عىلىم كەشەنى. جاڭجياڭنىڭ وزگەرىسى، جاڭا دامۋ ۇستانىمىنىڭ جەتەكشىلىگىندەگى پۋدۇڭنىڭ جاڭا دامۋ كەزەڭىنە قادام تاستاۋىنىڭ جاندى وزگەرىسى.
ەسىك اشۋ اۋقىمىندا باستان - اياق ەڭسە كوتەرىپ تۇردى، بۇل پۋدۇڭنىڭ يگەرۋ، اشىق ۇستاۋىنىڭ تۋمىسىنان بار بورىشى مەن وزگەشەلىگى −
2014 - جىلى باس شۋجي شي جينپيڭ شاڭحايدا قىزمەت تەكسەرگەندە، شاڭحاي ەركىن ساۋدا سىناق رايونىنىڭ ۋايگاۋچياۋ امبەباپ قىزمەت كورسەتۋ زالىنا ارنايى كىردى. باس شۋجي بىلاي دەپ باسا دارىپتەدى: ”شاڭحاي ەركىن ساۋدا سىناق رايونى ۇلكەن سىناق اتىزى، ساپالى تۇقىم سەۋىپ، دەن قويا وڭدەپ، دەن قويا باپتاپ، تاماشا ءتۇسىمدى كۇتۋ، سونىمەن قاتار، ساپالى تۇقىم سەبۋ تاجىريبەلەرىن جالپىلاستىرۋ كەرەك“.
باس شۋجي شي جينپيڭنىڭ ماڭىزدى نۇسقاۋى بويىنشا، پۋدۇڭ تۇزىمدىك ەسىك اشۋعا ۇزدىكسىز تالپىندى، شاڭحاي ەركىن ساۋدا سىناق رايونى حالىقارالىق جالپىعا بىردەي قاعيدامەن ۇشتاساتىن ءتۇزىم جۇيەسىن ەڭ الدىمەن قۇرىپ، شەتەلدىك ساۋداگەرلەر قارجى قوسۋىنىڭ ۇنامسىز ءتىزىمى، حالىقارالىق ساۋدا ”جالاڭ تەرەزەسى“، ەركىن ساۋدا ەسەپشوتى سياقتى ءبىر قىدىرۋ نەگىزدىك جانە وزەكتى تۇزىمدىك جاڭالىق اشۋ تابىستارىن قالىپتاستىردى ءارى كوشىرىپ، بۇكىل ەلگە جالپىلاستىردى.
رەفورمانىڭ اسقاق اۋەنىن ۇزدىكسىز اۋەلەتتى، بۇل پۋدۇڭنىڭ رەفورمانى تەرەڭدەتۋگە ىزدەنىس جاساۋ جولىندا بىرەگەي شارلاۋشى بولۋداعى مىندەتى −
”تەحنيكالىق تۇجىرىمعا“ ەمەس ”قۇندىق تۇجىرىمعا“ دەن قويدى، اكىمشىلىك قىزمەت كورسەتۋ تەرەزەسىنىڭ جۇمىس ورنىنداعى قابىلداۋشى قىزمەتكەر ”تەك قانا ءيا دەيدى، جوق دەمەيدى“ ... كاسىپ سالاسى دامۋىنداعى تۇزىمدىك بوگەتتەر مەن كاسىپورىننىڭ كەسىرلى تۇيىندەرىن، بوگەتتى تۇيىندەرىن كوزدەگەن پۋدۇڭ قاتاڭ شارا، ناقتى شارا الىپ شىعىپ، رەفورما جاساۋ ءتاسىلى ارقىلى جاڭالىق اشۋدى جەبەدى، دامۋدى جەبەدى.
حىمانىڭ حيكاياسى، پۋدۇڭنىڭ رەفورما جاساۋ بارىسىندا بازار ومىرشەڭدىگىن قاۋلاتۋىنىڭ تيپتىك مىسالى. 2015 - جىلى حىما پۋدۇڭدا قۇرىلعان العاشقى كەزدە مۇنداي اس - سۋ، ەرەن بازار جانە ينتەرنەتتە تاماققا تاپسىرىس بەرۋ سىندى وزگەشە كاسىپ كۇيىنە قالاي كۋالىك ءبىتىرۋ، ونى قالاي باقىلاۋ - باسقارۋ كەرەكتىگى، سول كەزدە قيىن ماسەلەگە اينالدى.
كاسىپورىننىڭ كىرۋگە رۇقسات الۋ قيىندىعىن شەشۋىنە كومەكتەسۋ، سونىمەن بىرگە ۇكىمەتتىڭ باقىلاۋ - باسقارۋ ماسەلەسىن شەشۋ ءۇشىن، پۋدۇڭ ەڭ الدىمەن تۇيىندە سىناق ەتىپ، حىماعا ”تۋۋ رۇقسات كۋالىگىن“ بەردى، سونىمەن بىرگە كۇندەلىكتى باقىلاۋ - باسقارۋدى كۇشەيتىپ، حىمانىڭ دامىپ زورايۋىنا پارمەندى تۇردە دەم بەردى. بۇل كۇندەرى حىما جاڭاشا بولشەك ساتۋداعى ۋاكىلدىك كاسىپورىنعا اينالدى، ونىڭ الەمدىك باس شتابى دا رەسمي تۇردە پۋدۇڭعا ىرگە تەپتى.
جاڭالىق اشۋدى الەمدىك كوز ايامەن جوسپارلادى، بۇل پۋدۇڭنىڭ حالىقارالىق سەلبەستىك باسەكەسىنە بەتتەۋدە ارقالاعان ”وزەكتى جاۋاپكەرشىلىگى“ −
جۇڭگونىڭ العاش قۇرىلعان بيوتەحنيكا سەرىكتەستىگىندە تەك ”جەتى سەگىز مىلتىق“ قانا بولسا، الەمدە العاش تابىلعان جاڭا ءدارى جاساپ شىعا الا ما؟ بۇل قول جەتپەس ارمان ەمەس، تۋىلىپ جاتقان اماليات.
2011 - جىلى قۇرىلعان حۋاليڭ شيپاگەرلىك، ءدارى - دارمەك شەكتى سەرىكتەستىگى، بۇل كۇندەرى الەمدە العاش تابىلعان ديابەت ءدارىسىن 3 - مەرزىمدىك كلينيكالىق سىناق ساتىسىنا جەتكىزدى. حۋاليڭ شيپاگەرلىك، ءدارى - دارمەك شەكتى سەرىكتەستىگىنىڭ قۇرۋشىسى چىن لي جاڭجياڭدا تاماشا جاڭالىق اشۋ ەكولوگيالىق ورتاسى بار ەكەنىن ايتتى. جاڭجياڭنان شىقپاسا دا، كلينيكالىق زەرتتەۋدەن بازارعا شىعارىلاتىن ءدارىنىڭ ونەركاسىپتىك وندىرىلۋىنە دەيىن، ءارقايسى بۋىندار، ءتۇرلى دارىندىلار دەگەننىڭ بارلىعى دايىن.
باس شۋجي شي جينپيڭ عىلىم - تەحنيكادا جاڭالىق اشۋدى قاي - قاشان دا جادىنان شىعارمادى، جاڭجياڭ عىلىم كەشەنىنىڭ دامۋىنا دا كوڭىل ءبولىپ كەلەدى.
2018 - جىلى باس شۋجي شي جينپيڭ جاڭجياڭ عىلىم كەشەنىندە قىزمەت تەكسەرىپ، تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى: عىلىم - تەحنيكادا جاڭالىق اشۋداعى كوكەي تەستىلىك سەزىم مەن بورىشتىلىق سەزىمدى كۇشەيتىپ، عىلىم - تەحنيكادا جاڭالىق اشۋدى اناعۇرلىم ماڭىزدى ورىنعا قويىپ، ”قاقپا الدىنا كەلگەن دوپتى“ جاقسى تەۋىپ، عىلىم - تەحنيكادا جاڭالىق اشۋدىڭ جاڭالىق اشۋ ارقىلى دامۋعا دەم بەرۋ ستراتەگياسىن اتقارۋ، جاڭا - كونە قوزعاۋشى قۋاتتاردىڭ اۋىسۋىن جەدەلدەتۋ بارىسىندا ماڭىزدى رول اتقارۋىنا مۇمكىندىك جاساۋ كەرەك.
2019 - جىلى جاڭا جىلدى قۇتتىقتاۋ سوزىندە، باس شۋجي شي جينپيڭ جاڭجياڭ عىلىم كەشەنىن تاعى دا تىلگە تيەك ەتىپ: ”شاڭحايداعى جاڭجياڭنىڭ جالىن اتقاندىعىن“ ايتتى.
باس شۋجي شي جينپيڭنىڭ ماڭىزدى ءسوزى پۋدۇڭنىڭ شاڭحاي الەمدىك عىلىم - تەحنيكادا جاڭالىق اشۋ ورتالىعىنىڭ وزەكتى تىرەك رايونىن قۇرۋىنا ءتۇبىرلى بويسۇنۋ ولشەمىن ازىرلەدى.
ءبىر جاعىنان، نەگىزدىك زەرتتەۋدى، باستاپقى جاڭالىق اشۋدى كوزدەدى، پۋدۇڭ جاڭا رايونى 2025 - جىلى 10 ۇلكەن عىلىم قۇرىلعىسىن سالىپ، دۇنيە جۇزىندە بىرەگەي ۇلكەن عىلىم قۇرىلعىلارى شوعىرىن قالىپتاستىرۋدى ايقىندادى.
ەندى ءبىر جاعىنان، نازاردى ”قاقپا الدىنا كەلگەن دوپقا“ شوعىرلاندىرعان پۋدۇڭ ”جۇڭگو چيپى“، ”جاڭا ءدارى - دارمەك جاساۋ“، ”كوك اسپان ارمانى“ سياقتى ”100 ميلليارد دارەجەلى“ التى مىعىم كاسىپ سالاسىن جەدەل جەتىلدىردى.وردا بۇزار وتىزىندا قايتادان ساپارعا اتتاندى
پۋدۇڭدى يگەرۋ، اشىق ۇستاۋ تەك شاڭحايدىڭ رەفورما جاساۋىنا، جاڭالىق اشۋىنا دەم بەرىپ قالماستان، ونان دا ماڭىزدىسى، چاڭجياڭ اتىراۋى مەن بۇكىل ەلدى قامتۋ، جەتەكتەۋ رولىن ساۋلەلەندىرۋى كەرەك.
2020 - جىلى 8 - ايدا انحۇيدىڭ حىفەيىندە اشىلعان چاڭجياڭ اتىراۋىن ءبىر تۇلعالاندىرا دامىتۋدى تىڭعىلىقتى ىلگەرىلەتۋ اڭگىمە ماجىلىسىندە، باس شۋجي شي جينپيڭ پۋدۇڭنىڭ رەفورمانى جۇيەلى، شوعىرلى، سايكەستى، جوعارى ءونىمدى جۇرگىزۋ، جوعارى دەڭگەيدە، تۇزىمدىك تيپتە ەسىك اشۋ، الەمدىك بايلىقتاردى جايعاستىرۋ قابىلەتىن نىعايتۋ، قالانىڭ وسىزاماندانعان جونگە سالۋ دەڭگەيىن جوعارىلاتۋ سياقتى جاقتاردا الدىمەن ىسكە كىرىسىپ، الدىمەن سىناق ەتۋىنە، بەلسەنە ىزدەنىس جاساۋىنا، تاجىريبە جاراتۋىنا قولداۋ كورسەتۋ شاڭحايدى جانە چاڭجياڭ اتىراۋىن ءبىر تۇلعالاندىرا جوعارى ساپالى دامىتۋدا، ءتىپتى، ەلىمىزدىڭ سوتسياليستىك وسىزامانداندىرۋ قۇرىلىسىندا ماڭىزدى ستراتەگيالىق مانگە يە ەكەندىگىن اتاپ كورسەتتى.
جاڭا دامۋ ۇستانىمىن دايەكتىلەندىرىپ، مەملەكەت ستراتەگياسى تۋى استىندا رەفورما جاساۋدىڭ جاڭا سىناق ءتۇيىنى رولىن ۇزدىكسىز ارقالادى −
پۋدۇڭدى يگەرۋدىڭ، اشىق ۇستاۋدىڭ ءوزى عاسىر اتتاعان مەملەكەتتىك ستراتەگيا. 2018 - جىلى باس شۋجي شي جينپيڭ تۇڭعىش كەزەكتى جۇڭگو حالىقارالىق يمپورت كورمەسىنە قاتىناسقاندا شاڭحايعا ءۇش جاڭا كەلەلى مىندەت تاپسىردى. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىككە كەنەلەتىن دامۋ سىندى دامۋ ۇستانىمى ءۇش كەلەلى مىندەتكە ءسىڭىرىلدى.
شاڭحاي ەركىن ساۋدا سىناق رايونىنىڭ لينگاڭ جاڭا اۋماعى قۇرىلعاندا، ەداۋىر كولەمدى ءوڭىرى پۋدۇڭدا بولدى. ”باستاۋدىڭ ءوزى ۇمتىلۋ، كىرىسۋدىڭ ءوزى شەشۋشى شايقاس“ دەيتىن قامال الۋ رۋحىنان جازباي، الدىڭعى 3 توقساندا، لينگاڭ جاڭا اۋماعى كاسىپ سالالارىنا 20 ميلليارد 230 ميلليون يۋان قارجى قوسۋدى ورىنداپ، سايكەس مەزگىلدەگىدەن ％52.2 ارتتىرىپ، ”جەلگە قارسى ءجۇرۋدى“ جۇزەگە اسىردى.
بىرەگەي قالادا بىرەگەي جونگە سالۋ، جاڭا دامۋ كەزەڭىندە قالانى جونگە سالۋدىڭ جاڭا ۇلگىسىن ارنادى −
جاڭا دامۋ كەزەڭىنىڭ ”جاڭالىعى“، مۇنىڭ جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىنا جورىق جاساۋ كەزەڭى بولۋىندا. قايتكەندە ەكونوميكانىڭ، قوعامنىڭ جوعارى ساپالى دامۋىن جۇزەگە اسىرۋعا بولاتىنى جاڭا دامۋ كەزەڭىندەگى، ءسوزسىز، جاۋاپ قايتارۋعا ءتيىس ماسەلە.
جۋىقتا پۋدۇڭ ”التىن ورتا اينالما دامۋ بەلدەۋى“ ءتۇيىندى نىساندارىنا شوعىرلى قۇرىلىس باستاۋ سالتىن وتكىزدى، قوسىلعان جالپى قارجىسى 40 ميلليارد يۋان بولدى.
”التىن ورتا اينالما“ − پۋدۇڭنىڭ ”ەسەلەپ ارتتىرۋ جوسپارىن“ اتقارۋىنىڭ ماڭىزدى تۇتقاسى. 2020 - جىلى كاسىپ سالاسى قۋات دەڭگەيى، نىسانعا قارجى قوسۋ، يقۋاتتىق باسىمدىعى، جەر ءونىمى، قىزمەت كورسەتۋ ونىمدىلىگى سىندى ”بەس ءىرى ەسەلەپ ارتتىرۋ ارەكەتىن“ بار كۇشپەن اتقارىپ، پۋدۇڭ ەكونوميكاسىنىڭ جالپى مولشەرىنىڭ 2 تريلليون يۋانعا قادام تاستاۋىن ىلگەرىلەتتى.
جوعارى ساپالى دامۋ ەكونوميكا سالاسىمەن شەكتەلمەيدى، ەكونوميكانى جونگە سالۋدى، قوعامدى جونگە سالۋدى جانە قالانى جونگە سالۋدى ءبىر تۇتاس جوسپارلاپ ىلگەرىلەتىپ، جۇيەلى شوعىرلاندىرۋ كەرەك، پۋدۇڭ جۇڭگوشا ەرەكشەلىككە يە جونگە سالۋدى وسىزامانداندىرۋ جولى جونىندە ىزدەنىس جاساۋدا.
زەردەلى جونگە سالۋ پۋدۇڭنىڭ ەرەكشەلىگى. پۋدۇڭنىڭ قالانىڭ اينالىمىن باسقارۋ ورتالىعىنا كىرگەندە، ۇلكەن ەكراننان سول كۇنگى قالا اينالىمىنىڭ ”بوگەنايى“ دەر كەزىندە كورسەتىلىپ تۇراتىنى بايقالادى، ايتالىق قوقىر - قوقسىقتى تۇرگە ايىرۋ، اۋەجايداعى جولاۋشىلار اعىنى، وزەن ارنالارىنىڭ بىلعانۋى سياقتىلار.
شەبەرلىكپەن جونگە سالۋ پۋدۇڭنىڭ استار ءتۇسى. جاڭا نۇسقاداعى قوعامدىق قامتاماسىزداندىرۋ كارتچكاسىن الۋ، قالا، اۋىل تۇرعىندارىنىڭ نەگىزگى ەمدەۋ قامسىزداندىرۋ اقىسىن تولەۋ ... پۋدۇڭدا، بۇقارا كۇندەلىكتى بىتىرەتىن 212 ءىستى تۇگەلدەي ءۇيدىڭ جانىنان بىتىرۋگە بولادى.
ەل ءىشى، حالىقارا بازارىن تۇتاستىرىپ، جاڭا دامۋ ارناسىن جەدەل قالىپتاستىرۋعا جاڭا جول ىزدەدى −
2019 - جىلى باس شۋجي شي جينپيڭ شاڭحايدا قىزمەت تەكسەرگەندە، شاڭحايعا ”ءتورت ۇلكەن يقۋاتتى“ كۇشەيتۋ تالابىن ورتاعا قويدى: الەمدىك بايلىقتى ورنالاستىرۋ يقۋاتىن كۇشەيتۋ، عىلىم - تەحنيكادا جاڭالىق اشۋدىڭ جارىققا شىعارۋ يقۋاتىن كۇشەيتۋ، وزىق كاسىپ سالاسىنىڭ جەتەكتەۋ يقۋاتىن كۇشەيتۋ، اشىق توراپتىڭ قاقپا يقۋاتىن كۇشەيتۋ. پۋدۇڭ، ”ءتورت ۇلكەن يقۋاتتى“ تۇتاستىرعان ماڭىزدى دانەكەر.
بيىل جىل باسىنان بەرى پارتيا ورتالىق كوميتەتى ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋدى العا قويدى. ”ءتورت ۇلكەن يقۋاتتى“ كۇشەيتۋدى ستراتەگيالىق كۇش سالۋ ءتۇيىنى ەتكەن پۋدۇڭ ەل ءىشى ۇلكەن اينالىمىنىڭ ورتالىق ءتۇيىنىن جانە ەل ءىشى، حالىقارا قوس اينالىمىنىڭ ستراتەگيالىق ۇشتاسۋىن بار كۇشپەن قۇرۋدا.
جاڭا تاريح جاراتۋدىڭ ءوزى تاريحتى ەڭ جاقسى ەسكە العاندىق بولىپ تابىلادى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل بولۋىندە، قامقورلىق جاساۋىندا، مەملەكەت ستراتەگياسىنىڭ پارمەندى جەتەكشىلىگىندە، وردا بۇزار وتىزعا تولعان پۋدۇڭ قايتادان ساپارعا اتتاندى، جاڭا داۋىردەگى رەفورما جاساۋدىڭ، ەسىك اشۋدىڭ جاڭا بيىگىن قايراتتانا تۇلعالاپ، ”قوس 100 جىلدىق“ كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اناعۇرلىم قۇدىرەتتى كۇش - قۋات ارنايدى.(تىلشىلەر جياڭ ۋي، شيە رۇيجيا، جى ميڭ، ان بەي، حى شينرۇڭ، شىن چىڭ)(شينحۋا اگەنتتىگىنىڭ 11 - ايدىڭ 11 - كۇنى شاڭحايدان بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
