بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ءامينا مامۇت:

 تۇرمىسىمىز جاقسارىپ، قايراتىمىز تاسقىنداي ءتۇستى

 گازەتىمىزدىڭ جالپىلىق اقپارات قۇرالدارى ءتىلشىسى لي لين

2020.11.23 15:55     كەلۋ قاينارى : شينجياڭ گازەتى

  ”قازىر ءون بويىمدا قايراتىم تاسقىنداپ تۇراتىن بولدى!“، سىرتقا شىعىپ جۇمىس ىستەپ اقشا تاپقان ءامينا مامۇتتىڭ كۇش - قۋاتى تاسقىندادى. ول بيىل وتباسىنداعىلارىنىڭ جان باسىندىق كىرىسىنىڭ 10 مىڭ يۋانعا تاياپ، تاريحتان بەرگى تابىس ەڭ كوپ ءبىر جىل بولعاندىعىن ايتتى.

  ”9 - ايدىڭ ورتا شەنىنەن 11 - ايدىڭ باسىنا دەيىن ماقتا تەردىك، جاقىندا شىلان جيدىق، قولىمىز بوساعان جوق“. 37 جاستاعى ءامينانىڭ ءسوز لامىنەن مول ءونىم قۋانىشى بايقالادى.

  ءامينا اۋات اۋدانى عۇرۇچول قالاشىعى قۇمبۇلاق قىستاعىنىڭ تۇرعىنى. بۇل قىستاق تاكلاماكان ءشولىنىڭ سولتۇستىك جيەگىنە ورنالاسقان، جەرى قۇنارسىز، ادامى كوپ، جەرى از. ”وتباسىمىزدا 4 جان، 6 مۋ جەر بار، بۇرىن بۇكىلدەي جەر سالۋعا سۇيەنىپ كۇن كەشىرەتىنبىز“، - دەدى ءامينا، بىرنەشە جىلدىڭ الدىندا اقشا تابۋدىڭ جولى از، ءۇپى - ءتاپى تۇرمىس كەشىرەتىن، 2014 - جىلى ارحيۆ تۇرعىزىلىپ، كارتچكالاندىرىلعان كەدەي وتباسىنىڭ قاتارىنا كىردى. 2017 - جىلى كۇيەۋى تۇرعۇن ماۋلىتتوحتى جەر سالىپ ءجۇرىپ ابايسىزدا جارالانىپ، وڭ جاق بىلەگىنىڭ سۇيەگى سىنىپ ۇساتىلىپ كەتەدى، سونان باستاپ اۋىر دەنە ەڭبەگىن ىستەۋدەن قالادى، وتباسىنىڭ بار اۋىرتپالىعى ءامينانىڭ مويىنىنا تۇسەدى.

  ”كۇيەۋىمدى ەمدەتۋگە قولدا بار اقشانى جۇمساپ تاۋىستىق، وتباسىمىز ءتىپتى دە كەدەيلەستى“. سول كۇندەردى ەسكە العان ءامينا اۋىر كۇرسىندى. ”پارتيانىڭ ابزال ساياساتىنان مەن تۇرمىستىڭ ءۇمىتىن كوردىم“. پارتيانىڭ ابزال ساياساتتارىن اۋىزعا العاندا، ونىڭ جۇزىنە دەرەۋ قايتادان كۇلكى جۇگىرىپ، اۋىز جاپپاي سويلەپ، بۇگە - شىگەسىنە دەيىن بايانداي جونەلدى: 2 بالاسى مىندەتتى وقۋ - اعارتۋ ساتىسىندا، وقۋ اقىسىن تاپسىرمايدى؛ ۇكىمەت ولاردىڭ جاڭا ءۇي سالۋىنا كومەكتەستى، اۋلاسىن تۇزەپ، رەتتەپ، قوي قورا سالۋىنا قولعابىس ەتتى، 2017 - جىلى كەدەيلەردى سۇيەمەلدەۋ قويىنان 20سى جانە جەم - ءشوپ تاراتىلىپ بەردى، ول ءوزى باسقالاردىڭ كەدەيلەردى سۇيەمەلدەۋ قويىنان 10ىن باعۋعا الدى، ءسويتىپ ءبىر جىلدا قويدىڭ سانى 41گە ارتتى؛ 2018 - جىلدىڭ سوڭىندا ول 30 قويىن ساتىپ، 2 سيىر باقتى.

  ءامينا اق كوڭىل، ەڭبەكشىل ەدى. 2018 - جىلى اۆتونوميالى رايوندىق حالىق ىستەرى مەڭگەرمەسىنىڭ قۇمبۇلاق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاق تۇرعىندار كوميتەتىنىڭ قارسىسىنان شاعىن بازار سالىپ، ونىڭ وتباسىن ءبىر جايما ورنىن جانە كاۋاپ وشاعىمەن قامدادى. ءامينا وزدىگىنەن كاۋاپ قاقتاۋ تەحنيكاسىن ۇيرەنىپ، جايما اشا باستادى. ول قاقتاعان كاۋاپتىڭ ءدامى ءتىل ءۇيىرىپ، باعاسى ارزان بولعاندىقتان، ساۋداسى دەرلىكتەي كۇسەت بولىپ، ءبىر جىلدىق تابىسى 10 مىڭ يۋانعا تايادى. باعىمشىلىق كاسىبىن دامىتۋ، ماۋسىمدىق كۇندىك جۇمىستاردى ىستەۋ ارقىلى ءامينانىڭ وتباسى كەدەيلىكتەن ارىلدى.

  ءامينا كەدەيلىكتەن ارىلعاننان كەيىن بايۋ جولىنا قادام تاستادى. بيىل ءامينا مەن كۇيەۋى ەكەۋى جۇمىس ءبولىسىن جاسادى. كۇيەۋى ۇيدە قالىپ ارناۋلى باعىمشىلىقپەن اينالىسىپ، بالالارعا قارايتىن بولدى، ءامينا قىستاقتاعى باسقا 4 اداممەن بىرگە ماقتانى مولىنان ەككەن وتباسىنىڭ 300 مۋ جەردەگى ماقتا اتىزىن باپتاپ - باسقارۋعا جاۋاپتى بولدى، ءار مۋىنان 180 يۋان كىرىس كىرگىزدى، ەسەپتەپ كەلگەندە ادام باسىنا 10 مىڭ يۋان اينالاسىندا تۋرا كەلدى.

  10 نەشە كۇن جۇمىس ىستەگەننەن كەيىن ءامينا توسىننان قىستاققا قايتتى. ويلاماعان جەردەن ول وتباسىنىڭ جۇمىس ءبولىسىن قايتا ورنالاستىردى: ول قىستاقتاعى باعىمشىلىق سەلبەستىك كووپەراتيۆىمەن 3 جىلدىق اماناتتاپ باسقارتۋ كەلىسىمىنە قول قويىپ، جەرىن اينالىمعا سالىپ، بالالارىن اكە - شەشەسىنە تاپسىرعاننان كەيىن، كۇيەۋىن ەرتىپ جەردى باسقارۋعا شىقتى. اسىلىندە ول وتباسىنىڭ كىرىسى جونىندە ەگجەي - تەگجەيلى ەسەپ جاساعان ەدى: جەر باسقارۋدان ول 5 ايدا 10 مىڭ يۋان اينالاسىندا كىرىس تابادى، بۇل ونىڭ 9 - ايدان كەيىن ماقتا تەرىپ كىرىس كىرگىزۋىنە اسەرىن تيگىزبەيدى؛ جەر باسقاراتىن ءبىر قىستاق تۇرعىنى ناۋقاستانىپ جۇمىستان قول ۇزگەندىكتەن، ول كۇيەۋىن بىرگە ىستەۋگە شاقىردى، بۇلاي بولعاندا ءبىر - بىرىنە قارايلاسىپ قانا قويماي، وتباسىندا دا ءبىر ارتىق كىرىس كوزى بولاتىن ەدى.

  وي جەلىسىندە وزگەرىس تۋىلسا، بايلىق جولى دا داڭعىلدانا تۇسەدى. كەزەكتە ونىمەن كۇيەۋى ەكەۋى 120 مۋ ماقتا اتىزىن باسقارۋ مىندەتىن ورىنداپ، بىرگە ماقتا تەرىپ، شىلان جيدى. ”ءبىز ءار كۇنى 90 − 110 كيلوگرام ماقتا تەرەمىز، كۇيەۋىم ءار كۇنى 50 − 60 كيلوگرام ماقتا تەرەدى، ءبىر كيلوگرام ماقتا تەرسەك، 1.80 يۋان تابامىز“ ءامينا ساۋساقتارىن ساناپ ەسەپ كورسەتتى، قوي، سيىردى اماناتتاپ باسقارتۋ، جەردى اينالىمعا سالۋ كىرىسىن قوسقاندا، بيىل وتباسىمىزدىڭ كىرىسى 40 مىڭ يۋاننان اسادى. ”جاپپاي دوڭگەلەك داۋلەتتىلىكە جەتۋدە وتباسىمىز مەملەكەتكە تۇساۋ بولمايتىن بولدى!“، - دەدى ءامينا ماقتانىشپەن.

  اۆتونوميالى رايوندىق حالىق ىستەرى مەڭگەرمەسىنىڭ قۇمبۇلاق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ياڭ چياڭۋا تانىستىرىپ بىلاي دەدى: ءامينانىڭ ۇلگىلىك باستاماشىلدىعىندا بيىل قىستاق تۇرعىندارىنىڭ سىرتقا شىعىپ جۇمىس ىستەۋ بەلسەندىلىگى بۇرىن بولماعان دارەجەدە تاسقىندادى. قازىرگە دەيىن بۇكىل قىستاقتا سىرتقا شىعىپ جۇمىس ىستەگەندەر سانى جاڭا رەكورد جاراتىپ، 514كە جەتىپ، بۇكىل قىستاقتاعى ەڭبەككۇشتىڭ %70ىن ۇستادى؛ سىرتقا شىعىپ جۇمىس ىستەي الماعان قىستاق تۇرعىندارى قىستاقتا بەيقۇت ءۇي، اۋىل - قىستاق جولى قۇرىلىسى سياقتى جۇمىستارمەن اينالىستى، سونىمەن بۇكىل قىستاق تۇرعىندارىنىڭ كىرىسى بارىنشا ارتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار