قاعىلىق جاڭعاعىنىڭ تۇلا بويى تۇنعان اسىل
گازەتىمىزدىڭ جالپىلىق اقپارات قۇرالدارى تىلشىلەرى جاڭ جىلي، ءرايدا
2020.11.23 15:56 كەلۋ قاينارى : شينجياڭ گازەتى
10 - ايدىڭ 14 - كۇنى قاعىلىق اۋدانى بەسارىق اۋىلى كەنىتشى قىستاعىنداعى اۋىل - قىستاق تاس جولىندا ءازىل - قالجىڭ ايتىسقانداردىڭ داۋىسى ەستىلەدى، ابدوللا مامەت، سايداحىمەت ابدۇقادىر، مامەتيمىن توحتى قاتارلى قىستاق تۇرعىندارى وزدەرىنىڭ جاڭعاعىن تراكتورعا تيەپ، سەرىكتەسە جاڭعاق ساتۋعا بەت الدى.
”بيىل جاڭعاقتىڭ ءونىم مولشەرى بىلتىرعىدان جوعارى، جينالىسىمەن - اق ساتىلاتىن بولدى. جاڭعاقتى ەرتەرەك اقشاعا ايىرباستاي الامىز، ءبىز تاعى سىرتقا شىعىپ جالدامالى جۇمىس ىستەپ اقشا تابامىز“، - دەدى جولدا ابدوللا سەرىكتەرىنە.
جاڭعاق ساتۋ ورنى كەنىتشى قىستاعىمەن ىرگەلەس جاربويى قىستاعىندا. ابدوللا مەن وزگە قىستاق تۇرعىندارى داعار - داعار كوك قابىقتى جاڭعاقتى تراكتوردان تۇسىرگەننەن كەيىن، تارازىدان وتكىزىپ، اقشا الۋدى كۇتۋدە. تاياۋ جەردە، جاڭعاقتىڭ كوك قابىعىن ارشۋ ءوندىرىس لەنياسى ”گۇرىلدەپ“ جۇمىس ىستەۋدە، جاڭعاقتىڭ كوك قابىعى ارشىلعاننان كەيىن، جۋۋ ماشيناسىمەن جۋىلادى.
”بۇل شىنىمەن قولايلى ەكەن. بۇرىن ءبىز جينالعان جاڭعاقتى ۇيىمىزگە تاسىپ اپارىپ ءۇيىپ الىپ، الدىمەن كوك قابىعىن شىرىتكەننەن كەيىن ءبىر - بىردەن قولمەن ارشيتىنبىز. قولىمىز قاپ - قارا بولىپ بويالىپ قانا قالماستان، جاڭعاقتى ارشىپ، كەپتىرىپ بولعانشا مولشەرمەن 2 اي ۋاقىت كەتەتىن“، - دەدى سادامەت.
قاعىلىق اۋدانىنىڭ ەجەلدەن ”جۇڭگونىڭ جاڭعاق مەكەنى“ دەگەن اتاعى بار، بۇكىل اۋداندا جەمىس ورمانىنىڭ اۋدانى 800 مىڭ مۋ، مۇندا جاڭعاق 580 مۋ، جاڭعاقتان جىلىنا 130 مىڭ توننا ءونىم الىنادى، ديقانداردىڭ جاڭعاق ەگىپ تاباتىن جىلدىق جان باسىندىق تازا كىرىسى 2800 يۋانداي ەدى. ءار جىلى جاڭعاق جينالاتىن مەزگىلدە، كوپتەگەن قىستاقتا وتباسىلار جاڭعاق جيناپ، كەپتىرىپ جانە ساتىپ قاربالاستايتىن. كەنىتشى قىستاعىنداعى تۇرعىندار سياقتى بيىل قاعىلىق اۋدانىنداعى جاڭعاق ەككەندەر جاڭعاقتى ءۇزۋ - جيناۋ مەزگىلىنىڭ قىسقارعاندىعىن، ساتۋدىڭ اناعۇرلىم قولايلى بولعاندىعىن، بۇرىنعى كەرەكسىز نارسەلەردىڭ اسىلعا اينالعاندىعىن سەزىندى.
قاعىلىق اۋدانى شارباق قالاشىعى باقىتداريا قىستاعىنداعى شينجياڭ جەمىس شارۋاشىلىعى توبى قاعىلىق جاڭعاق ساۋدا ورتالىعىندا، جۇك اۆتوكولىگى، تراكتور، ەلەكترسيكل تاسىپ اكەلگەن جاڭعاقتار ساتۋ رايونىنىڭ جۇك الاڭىندا تاۋ توبە بولىپ ءۇيىلىپ قالدى. قىزمەت وتەۋ زالىنداعى ۇلكەن ساندى مالىمەتتەردى كورۋ تۇعىرىندا 7300 توننا جاڭعاق ساتىپ الىندى، 6800 ديقان ساۋدالاسۋعا كەلدى، ساۋدا ورتالىعىنىڭ ءوزى 5500 توننا ساتتى... دەگەندەر كورىنىپ تۇر. مانەرلەۋ رايونىنداعى ءوندىرىس لەنيالارىندا، جۇمىسشىلار داعار - داعار جاڭعاقتى ”وڭدەلمەگەن زاتتان“ دايار ونىمگە اينالدىرۋدا.
”ەگەر تەك ارشىلماعان جاڭعاق ساتسا، ديقاندار جاڭعاق كاسىپ سالاسى تىزبەگىن ۇزارتۋدىڭ پايداسىنان يگىلىكتەنە المايدى. ءبىز وسىزاماندانعان جابدىقتاردان جانە تەحنيكادان پايدالانىپ، جاڭعاقتىڭ تۇلا بويىن اسىلعا اينالدىرىپ، ىسىراپشىلدىق پەن لاستانۋدى ازايتۋمەن قاتار، جاڭعاق بازارىنداعى قامداۋدىڭ قاجەتسىنۋدەن اسىپ كەتۋى ماسەلەسىن دە شەشىپ، ديقانداردىڭ كىرىسىن شىنىمەن ارتتىردىق“، - دەدى شينجياڭ جەمىس شارۋاشىلىعى توبى قاعىلىق جاڭعاق ساۋداسى ورتالىعىنىڭ باس ديرەكتورى في شيڭحۋا.
ءتىلشى ساۋدا ورتالىعىندا جۇمىس ىستەيتىندەردىڭ ءبىرتالايىنىڭ باقىتداريا قىستاعىنان جانە توڭىرەكتەگى قىستاقتاردان كەلگەندىگىن بايقادى. جۇمىسكەر قۇربانيسا يدايات تىلشىگە بىلاي دەدى: بۇرىن جاڭعاقتىڭ كوك قابىعىن ادام كۇشىمەن ارشىعاندا، ءبىر ادام ءبىر كۇندە 100 نەشە كيلوگرام جاڭعاقتى عانا ارشي الاتىن، قازىر اۆتوماتتى ءوندىرىس لەنياسى ءبىر كۇندە 1000 توننا جاڭعاقتىڭ كوك قابىعىن ارشيدى، ونىڭ ۇستىنە قابىعى ارشىلىپ، كەپتىرىلگەننەن كەيىنگى جاڭعاقتىڭ ءتۇسى بىردەي، سىرتى تازا بولادى.
في شيڭحۋا تىلشىگە بىلاي دەدى: جاڭعاقتىڭ كوك قابىعىندا تاننين مولشەرى جوعارى بولادى، كوك قابىق دەر كەزىندە ارشىلماسا، جاڭعاقتىڭ دامىنە ىقپال جاسايدى؛ كوك قابىقتى ەگەر بەتالدى تاستاسا، جەر استى سۋىن لاستايدى. مانەرلەۋشى كاسىپورىندار جاڭعاقتىڭ كوك قابىعىنان تاننيندى ايىرىپ الىپ، حيميا ونەركاسىپ شيكىزاتى رەتىندە پايدالانادى. بۇدان سىرت، جاڭعاق ءدانىن الىپ العاننان كەيىن بوس قابىقتان اكتيۆتەنگەن كومىر جاساۋعا بولادى، بۇل مۇناي وندىرىسىندەگى بىتەۋ ءدارىسى رەتىندە ىستەتىلەدى، بۇرىن جاڭعاقتىڭ قابىعىن قىستاق تۇرعىندارى جانار زات ەتىپ پايدالاناتىن، ول جانعاندا اۋانى لاستايتىن.
ءتىلشى ”13 - بەسجىلدىقتان“ بەرى قاعىلىق اۋدانىنىڭ ءبىر توپ جاڭعاق مانەرلەۋ كاسىپورىندارىن ەنگىزىپ، اۋداندا جەتەكشى بار، اۋىلدا بازا بار، قىستاقتا سەلبەستىك كووپەراتيۆى بار دامۋ ارناسىن قالىپتاستىرىپ، ”1 -، 2 -، 3 - كاسىپ سالالارى ءوزارا جالعاسقان، جاڭعاقتىڭ تۇلا بويىن اسىلعا اينالدىراتىن“ تۇتاس كاسىپ سالاسى تىزبەگى جۇيەسىن ورناتقاندىعىن ۇعىستى. 300 مىڭ بۇقارا جاڭعاق ەگۋدى، باپتاۋ - باسقارۋدى، مانەرلەۋدى، ساتۋدى ارقاۋ ەتىپ، كىرىستەرىن ورنىقتى ارتتىردى، جاڭعاق كاسىپ سالاسى قاعىلىقتاعى بۇقارانىڭ كىرىستەرىن ارتتىرىپ كەدەيلىكتەن ارىلۋىنداعى ماڭىزدى تىرەككە اينالدى.
تانىستىرۋعا قاراعاندا، 2018 - جىلدان 2019 - جىلعا دەيىن، قاعىلىق اۋدانى 117 ميلليون 900 مىڭ يۋان قارجى قوسىپ، جاڭعاق مانەرلەيتىن 41 اۋىل - قىستاق شەبەرحانالارىنا جاڭعاقتىڭ كوك قابىعىن ارشۋ ءوندىرىس لەنياسى، جاڭعاق جۋۋ ماشيناسى، كەپتىرۋ ءۇيىنىڭ سايكەستى جابدىقتارى، جاڭعاق ءدانىن دارەجەگە ايىرۋ ماشيناسى سياقتى مانەرلەۋ جابدىقتارىن ساتىپ اپەرگەن، 37 اۋىل شارۋاشىلىق ماشينالارى كاسىپتىك سەلبەستىك كووپەراتيۆىنە جەمىس ورمان شارۋاشىلىعىنىڭ دوڭگەلەك اراسىن (سايكەستى تراكتور)، اۆتوماتتى ەلەۆاتور تۇعىرى، بۇتاقتاردى ۇساقتاۋ ماشيناسى سياقتىلاردى ساتىپ اپەردى. وسىزاماندانعان ءوندىرۋ، مانەرلەۋ قابىلەتى، سەلبەسىپ جۇمىس ىستەۋ ۇلگىسى جاڭعاقتىڭ تۇلا بويىن اسىلعا اينالدىرىپ، جاڭعاقتىڭ قوسىمشا قۇنىن جوعارىلاتىپ، جاڭعاق ونىمدەرىنىڭ بازارداعى باسەكەلىك قۋاتى مەن تاۋارلانۋىن ارتتىرىپ، جاڭعاق كاسىپ سالاسىنىڭ ديقانداردىڭ كىرىسىن ارتتىرىپ، بايۋعا جەتەكتەۋ قابىلەتىن ءوسىردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
