جاس ”المۇرت ديقاندارىنىڭ “ وزگەشە تالعامى
□ شينحۋا اگەنتتىگىنىڭ تىلشىلەرى: گاۋ حان، حۋ حۋحۋ
2020.11.23 15:57 كەلۋ قاينارى : شينجياڭ گازەتى
كۇز اياعى مەزگىلى، اقسۋ ايماعىنىڭ ”بيڭتاڭشين“ الماسى مول ءونىم مەزگىلىن قارسى الدى، ەلەكتروندى ساۋدانىڭ جىلدام كولىكتەرىمەن تاسىمالدانىپ، تۇتىنۋشىلاردىڭ قولىنا دەر كەزىندە جەتكىزىلدى. المۇرت، ءتاتتى ورىك، الما سياقتى ەرەكشەلىككە يە جاس كۇيىندەگى جەمىستەردىڭ ءوتىمدى بولۋى قاتىستى كاسىپ سالالارىنىڭ دامۋىنا مۇرىندىق بولۋمەن بىرگە، اسەنجان احىمەت سياقتى ءبىر توپ جاستاردى دا شارۋاشىلىق قۇرۋعا باۋرادى.
بيىل 4 - ايدا 33 جاستاعى اسەنجان مەن 3 سەرىگى اقسۋ قالاسىندا رۋگويوۋجياڭلاي بيولوگيالىق عىلىم - تەحنيكا شەكتى جاۋاپكەرشىلىك سەرىكتەستىگىن قۇرادى. جارتى جىلعا جەتپەيتىن ۋاقىتتا سەرىكتەستىكتىڭ ينتەنەرت جەلىسىندەگى ساۋدا - ساتتىق مولشەرى 17 ميلليون يۋاننان اسادى. سەرىكتەستىكتىڭ تەز قارقىنمەن دامۋى شارۋاشىلىق قۇرۋشى اسەنجانعا تابىس سەزىمىن سيلادى، سونداي - اق ءوزىنىڭ باستاپقىداعى تالعامىنا كوڭىلى تولدى.
2012 - جىلى اسەنجان داشۋە بىتىرگەننەن كەيىن اۋىلىنا قايتىپ، اكەسىمەن بىرگە ۇيىندەگى 50 مۋلىق المۇرت باقشاسىن باعىپ باپتايدى.
”ءداستۇرلى ادىسپەن ساتۋدا شىعىن كوپ، پايدا از بولادى“، - دەدى اسەنجان، بۇرىنعى تاجىريبەگە نەگىزدەلگەندە، 4 - ايدىڭ سوڭىنا تامان المۇرت قارايىپ ”بۇزىلا“ باستايدى، بۇل وسىدان ىلگەرى، ءسوزسىز، ساتىپ بولۋ كەرەكتىگىن اڭعارتاتىن ەدى.
بيىل 3 - ايدا اسەنجاننىڭ قولىندا تاعى دا زور مولشەردە ساتىلماعان المۇرت بار ەدى، ”المۇرت ساتۋدا زيانعا ۇشىراۋ تەك ءبىر جاعى عانا، جالعا العان توڭازىتۋ قويماسىنىڭ قاراجات شىعىنى دا از بولمايدى“.
اسەنجاننىڭ قازىرگى شارۋاشىلىق قۇرۋداعى سەلبەستىك سەرىگى لي چىڭجۇننىڭ ونىڭ ۇيىنە بارىپ المۇرت ساتىپ الۋىنان ەكەۋى ۇندەستىك تاپتى.
ءبىر جاعىندا، ىندەت ىقپالىنان جەمىس شارۋالارىنىڭ قولىنداعى المۇرت ءوتىمسىز بولسا، ەندى ءبىر جاعىندا، ۋيچات ساۋداسىنا سۇيەنسە المۇرتتى تەز ساتىپ تۇگەتۋگە بولاتىن ەدى. شىنتۋايتىندا، ساۋدانى ويداعىداي ىستەۋگە بولۋشى ەدى، ءبىراق اسەنجان ەلەكتروندى ساۋدا ىستەۋدەن باس تارتادى.
”بۇرىن ەلەكتروندى ساۋدانى ىستەپ كورمەپپىن، ينتەرنەتتە كوپ ەشتەڭە ساتۋعا بولمايدى، بارلىعى دا الدامكوستىك دەپ ويلاۋشى ەدىم“، - دەيدى اسەنجان ءتۇسىندىرىپ.
ينتەرنەتتەگى ساتۋدىڭ ءوتىمدى بولۋىنان لي چىڭجۇن ساتقان اۋىل شارۋاشىلىق ونىمدەرىنىڭ قامداۋى قاجەتسىنۋگە جەتپەي قالادى، ءبىر اپتاعا جەتپەيتىن ۋاقىتتا 40 توننا المۇرت ساتىلىپ بىتەدى. مۇنىڭ بارلىعىنا اسەنجاننىڭ ميى جەتپەيدى:”40 توننا، وتباسىمىزدىڭ بىرنەشە ايداعى ساتىلۋ مولشەرىمەن بارابار“.
”قايتۋ كەرەك، 4 - ايدىڭ سوڭى دا تاياپ قالدى، مەن نەدە بولسا سىناپ كورۋ ويىمەن لي چىڭجۇندى ىزدەي بارىپ سەلبەستىك جاساۋعا بەكىدىم“. اسەنجان بىلاي دەدى: ”بۇل ءبىر سىناپ كورۋ ءساتتى بولدى، مەنىڭ المۇرتىم عانا ەمەس، تۋىستارىمنىڭ، دوستارىمنىڭ بارلىعىنىڭ دا المۇرتى ساتىلىپ ءبىتتى، اسىلىندە زيان تارتاتىنىم جونىندە يدەيالىق دايىندىق جاساپ قويعان بولاتىنمىن، ويلاماعان جەردەن ءبىرتالاي اقشا تاۋىپ الدىم“.
سول ساتتەن باستاپ اسەنجاندا شارۋاشىلىق قۇرىپ، ەلەكتروندى ساۋدا ىستەۋ ويى تۋىندايدى، ءساتى تۇسكەندە، لي چىڭجۇن ءبىر ەلەكتروندى ساۋدا سەرىكتەستىگىن قۇرماقشى بولادى، سونىمەن اسەنجان قاتارعا قوسىلادى.
ەكونوميكالىق قۋاتى جوق بىرنەشە جاس، تەگى، شارۋاشىلىق قۇرا الاما، جوق پا؟
ەلەكتروندى ساۋدانى دامىتۋعا دەم بەرگەن اقسۋ قالالىق ۇكىمەت مۇنىڭ جاۋابىن قايتاردى: 3 جىلدىق ءۇيدىڭ جالعا الۋ اقىسىن، سۋ، توك، اقىسىن، قوجالىق اقىسىن كەشىرىم ەتتى، كومپيۋتەر جانە جۇمىس ۇستەل - ورىندىعىن سەپتەپ بەردى، شارۋاشىلىق قۇرۋشىلار تەك سومكەلەرىن كوتەرىپ كەلىپ عانا جۇمىس باستاسا بولعانى...
اقسۋ قالاسى جاستاردى شارۋاشىلىق قۇرۋعا شابىتتاندىراتىن ءبىر قىدىرۋ شارالاردى ورتاعا قويىپ، اسەنجاندى قامتىعان قالىڭ شارۋاشىلىق قۇرۋشىلاردى ۋايىمنان ارىلتىپ، ولاردىڭ شارۋاشىلىق قۇرۋىنىڭ وڭايعا تۇسۋىنە مۇمكىندىك جاسادى.
”سەرىكتەستىك جاڭادان قۇرىلعان كەزدە، ءار كۇنى 1000 جاشىك ءونىم ساتىلسا عانا بولدى دەپ مەجەلەگەنبىز“. اسەنجان بىلاي دەدى: ناتيجەدە سەرىكتەستىكتىڭ دامۋى بارلىق ادامنىڭ مەجەسىنەن الدەقايدا اسىپ ءتۇستى، جەمىس - جيدەك ساۋدا - ساتتىعىنىڭ قاۋىرت مەزگىلىندە ءبىر ايداعى جىلدام جەتكىزۋ اقىسىنىڭ وزىنە 600 مىڭ يۋاننان استام اقشا جۇمسادىق.
سەرىكتەستىك جۇمىس مولشەرىنىڭ قاۋىرت ارتۋىنىڭ قاينارى ولاردىڭ تيجارات جۇرگىزۋ تاسىلىندە − شارۋا وتباسىلارىنان جوعارى باعادا ساتىپ الۋىندا جاتىر. اسەنجان بىلاي دەدى: اناعۇرلىم جوعارى باعادا ساتىپ الۋمەن بىرگە، ءبىز جەمىس شارۋالارىنا ءونىم العان كەزدە دارەجەگە ءبولىپ قوراپتاۋ، ساپاعا كەپىلدىك ەتۋ تالابىن قويدىق“.
اقسۋ ايماعى تارىم ويپاتىن قىمتاعان جەمىس ورمانى بەلدەۋىنە ورنالاسقان، ءتۇرى مول، ساپالى، ەرەكشە اۋىل شارۋاشىلىق ونىمدەرى بار، ۇزاق ۋاقىتتان بەرى اۋىل شارۋاشىلىق ونىمدەرىنەن مول ءونىم الىنسا دا پايدا كورە الماۋ جاعدايى تۋىلعان ەدى، ساتىلعان كەزدە دارەجەگە بولمەۋ، ناق اقشاعا ساتۋ باعاسىنىڭ جوعارىلاماۋى مۇنداعى ءبىر سەبەپ بولدى. بۇل كۇندەرى جەمىس شارۋالارى قاينار كوزىنەن باستاپ تۇرگە ايىرىپ ساتقاندىقتان، باعاسى دا جوعارىلادى. تاعى دا جەمىس - جيدەكتىڭ ساپاسى مەن اتاق - داڭقىنا كەپىلدىك ەتىلدى ءارى جەمىس شارۋالارىنىڭ ونىمدەردى دارەجەگە ايىرۋ بەلسەندىلىگىن اناعۇرلىم ىلگەرىلەتىپ، ەكى جاقتىڭ بىردەي پايداعا كەنەلۋى سىندى ءبىر ءتۇرلى تاماشا اينالىمدى قالىپتاستىردى.
”شارۋاشىلىق قۇرعاننان بەرى قاتتى قاربالاسپىن، ايتسەدە قاربالاس بولعانىممەن، اسا ماعىنالى سەزىنەمىن“. شارۋاشىلىق قۇرعاننان بەرگى وزگەرىستەردى اۋىزعا العاندا، اسەنجان بىلاي دەدى: اسىلىندە ءومىرىم اكە - شەشەمنىڭ اياق ءىزىن بويلاپ، ءداستۇرلى المۇرت ديقانىنا اينالاتىن شىعارمىن دەپ ويلاعان ەدىم، الايدا شارۋاشىلىق قۇرعاننان كەيىن، ءومىرىم وزگە ءبىر جەلىگە اۋىسىپ، تىڭ مۇمكىندىكتەر تۋىلدى“.
(شينحۋا اگەنتتىگىنىڭ ۇرىمجىدەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
