دۇنيە جۇزىلىك تۇماندى سەيىلتىپ، ءداۋىردىڭ قۋاتتى ءۇنىن اسقاقتاتايىق
− ءتوراعا شي جينپيڭ بريكس ەلدەرى باسشىلارىنىڭ 12 - رەتكى ءديدارلاسۋىنا، ازيا - تىنىق مۇحيت ەكونوميكالىق سەلبەستىك ۇيىمىنىڭ 27 - رەتكى باسشىلار بەيرەسمي كەڭەسىنە، 20 ەل توبى باسشىلارىنىڭ 15 - رەتكى باس قوسۋىنا قاتىناسقاندا جۇڭگو جوباسىن العا قويىپ، جۇڭگو پاراساتى مەن جۇڭگو ۇستانىمىن ايگىلەدى
2020.11.24 15:24 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى. 11 - ايدىڭ 17 - كۇنىنەن 22 - كۇنىنە دەيىن جۇڭگونىڭ مەملەكەت ءتوراعاسى شي جينپيڭ بريكس ەلدەرى باسشىلارىنىڭ 12 - رەتكى ءديدارلاسۋى، ازيا - تىنىق مۇحيت ەكونوميكالىق سەلبەستىك ۇيىمىنىڭ 27 - رەتكى باسشىلار بەيرەسمي كەڭەسى، 20 ەل توبى باسشىلارىنىڭ 15 - رەتكى باس قوسۋى سىندى 3 كەلەلى كوپ جاقتى ديپلوماتيالىق قيمىلعا ىركەس - تىركەس قاتىناستى ءارى ءبىر قىدىرۋ ماڭىزدى ءسوز سويلەدى. قيمىل اياقتالار ساتتە، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي ورتالىقتاعى اقپارات قۇرالدارىنىڭ تىلشىلىگىن قابىلداپ، ءتوراعا شي جينپيڭنىڭ ماجىلىسكە قاتىناسۋ جاعدايىن تانىستىرىپ، ءتوراعا شي جينپيڭ العا قويعان ءبىر قىدىرۋ كەلەلى ۇستانىمداردى، قۋاتتامالاردى، سونداي - اق ولاردىڭ كەلەلى ماڭىزىن، ىقپالىن باياندادى.
ۋاڭ ي مىنانى ءبىلدىردى: بىرلەسكەن مەملەكەتتەر ۇيىمى قۇرىلعاندىعىنىڭ 75 جىلدىعى جونىندەگى جەلىلەس جوعارى دارەجەلىلەر ماجىلىسىنە قاتىناسقاننان كەيىن، ءتوراعا شي جينپيڭ الەمدىك كوپ جاقتى ساحنادا تاعى ءبىر رەت ءداۋىردىڭ قۋاتتى ءۇنىن تاراتىپ، جۇڭگو جوباسىن العا قويدى.
وسى 3 رەتكى كوپ جاقتى ءماجىلىس عاسىرلىق ىندەت پەن 100 جىلدىق وزگەرىس قاباتتاسىپ، الەم ەكونوميكاسى اۋىر دارەجەدە قۇلدىراپ، دۇنيە ءجۇزى اۋمالى - توكپەلى وزگەرىس مەزگىلىنە وتكەن قاباعات جاعدايدا وتكىزىلدى. تاياۋدا عانا جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ بەسىنشى جالپى ءماجىلىسى تابىسپەن اشىلىپ، كەلەشەك ءبىر مەزگىلدەگى جۇڭگونىڭ ايبىندى جوباسىن كەسكىندەدى. حالىقارالىق قوعام ءتوراعا شي جينپيڭنىڭ ماجىلىسكە قاتىناسقانىنا ايرىقشا نازار اۋدارىپ ۇلكەن ءۇمىت كۇتتى.
ۋاڭ ي بىلاي دەدى: ءتوراعا شي جينپيڭ دۇنيە جۇزىندەگى 100 جىلدىق ۇلكەن وزگەرىس جاعدايىنداعى دۇنيە جۇزىلىك وزگەرىستى، ءداۋىر وزگەرىسىن جانە تاريحي وزگەرىستى كوزدەپ، كەڭ ءورىستى اسقاق حالىقارالىق كوز ايامەن جانە جاعداي جونىندەگى سەنىمدى دە بايىپتى ونەگەسىمەن بريكس ەلدەرىنىڭ، ازيا - تىنىق مۇحيت ەكونوميكالىق سەلبەستىك ۇيىمىنىڭ، 20 ەل توبىنىڭ 100 جىلدىق وزگەرىستەگى تاريحي ورنىن ايقىن كورسەتىپ، حالىقارالىق قوعامنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ، ىندەتتەن كەيىنگى داۋىردەگى حالىقارالىق ءتارتىپتى تۇلعالاۋ، الەمدىك ەكونوميكانى جونگە سالۋدى كۇشەيتۋ سياقتى كەلەلى ماسەلەلەردە ورتاق تانىم ۇيىستىرىپ، سەلبەستىك ورىستەتىپ، ادامزاتتىڭ تاعدىرلاس ورتاق تۇلعاسىن قول ۇستاسا وتىرىپ ورناتۋدى ىلگەرىلەتتى ءارى وسى جونىندە 23 ءتۇرلى ماڭىزدى باستامانى، قۋاتتامانى جانە شارانى العا قويدى. ءتوراعا شي جينپيڭ تاعى جۇڭگونىڭ جاڭا دامۋ ارناسىنىڭ ءمان - مازمۇنىن جان - جاقتى ءتۇسىندىرىپ، جۇڭگونىڭ ءوزىنىڭ جوعارى ساپالى دامۋدى ىلگەرىلەتۋىنىڭ، سونىمەن بىرگە سىرتقا ەسىك اشۋدى ۇزدىكسىز كەڭەيتۋىنىڭ ايقىن سيگنالىن تاراتىپ، حالىقارالىق قوعامعا قۋاتتى سەنىم مەن كۇش ۇستەدى.
جۇڭگونىڭ بەلسەنە ات سالىسۋىندا، سونداي - اق ماجىلىسكە قاتىسۋشى جاقتاردىڭ بىرگە قۇلشىنۋىندا 3 رەتكى ماجىلىستە جەكە - جەكە باسشىلار جارناماسى، سونداي - اق «بريكس ەلدەرىنىڭ ەكونوميكالىق سەرىكتەستىك ستراتەگياسى 2025»، «2040 - جىلعا دەيىنگى ازيا - تىنىق مۇحيت ەكونوميكالىق سەلبەستىك ۇيىمىنىڭ پۇتراجايا بولاشاق جوباسى» سياقتى ماڭىزدى حۇجاتتار جاريالاندى، مۇندا جۇڭگونىڭ تۇرعىسى مەن قۋاتتاماسى تولىق بەينەلەنىپ، جۇڭگونىڭ اقىل - پاراساتى مەن ۇستانىمى ايگىلەندى. حالىقارالىق قوعام 3 رەتكى ءماجىلىستىڭ قول جەتكىزگەن تابىستارىنا جوعارى باعا بەرىپ، جاپپاي بىلاي دەپ ەسەپتەدى: ءتوراعا شي جينپيڭنىڭ جەلىلەس سوزدەرى مەن جۇڭگو جاق العا قويعان ءتۇرلى باستامالاردا ورتاق تانىم ۇيىستىرۋعا، سەنىمدى سەرپىلتۋگە، دامۋدى بىرگە جەبەۋگە كۇش سالىنىپ، الەمنىڭ كەزەكتەگى داعدارىستان قۇتىلۋىنا وي جەلى ازىرلەپ، ىندەتتەن كەيىنگى داۋىردە دۇنيە ءجۇزىن قايتا تۇلەتۋگە بەتالىس كورسەتتى.
ءبىرىنشى، ءار جاقتىڭ ىنتىماقتاسىپ، سەلبەسىپ ىندەتكە قارسى اتتانۋىن ىلگەرىلەتتى
ۋاڭ ي بىلاي دەدى: قازىرگى تاڭدا جاڭا تيپتى ايدارشا ۆيرۋس وكپە قابىنۋ ىندەتى الەمدە ءالى ورشۋدە، جۇعىمدالۋشىلار 57 ميلليوننان استى، ءار ەل حالقىنىڭ ءومىرىنىڭ حاۋىپسىزدىگى مەن دەنساۋلىعى اۋىر حاۋىپكە ۇشىرادى. جۇڭگو ىندەتتى الدىمەن تىزگىندەپ، دۇنيە ءجۇزىن جالت قاراتتى. ءتوراعا شي جينپيڭ ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋ تۋىن بيىك ۇستاپ، جۇڭگونىڭ ىندەتكە قارسى اتتانۋداعى حالىقارالىق سەلبەستىك ۇستانىمى مەن قۋاتتاماسىن جان - جاقتى، جۇيەلى باياندادى. بىرىنشىدەن، ءار جاقتى حالىقتى وزەك ەتكەن دامۋ ۇستانىمىنان جازباي، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولۋعا ۇندەدى. ەكىنشىدەن، ىنتىماقتىڭ، سەلبەستىكتىڭ ىندەتتى جەڭۋدەگى ەڭ پارمەندى قارۋ ەكەنىن، ءار ەلدىڭ ارازداسقانشا ىنتىماقتاسىپ، سىڭار جاقتىلىقتى اقىلمەن جويىپ، ىندەتكە قول ۇستاسا قارسى اتتانۋدىڭ ەڭ ۇلكەن بىرىككەن كۇشىن جەدەل ۇيىستىرۋى كەرەكتىگىن باسا دارىپتەدى. ۇشىنشىدەن، ءار جاقتىڭ دۇنيە جۇزىلىك دەنساۋلىق ساقتاۋ ۇيىمىنىڭ شەشۋشى باسشىلىق رولدى ساۋلەلەندىرۋىن بەلسەنە قولداپ، حالىقارالىق بىرلەسىپ ساقتانۋ، بىرلەسىپ تىزگىندەۋدى جانە قاشىقتان ەمدەۋدى كۇشەيتىپ، سيفرلى تەحنيكادان پايدالانىپ ىندەتكە قارسى اتتانۋدىڭ جانە ەكونوميكانى قالپىنا كەلتىرۋدىڭ تاجىريبەلەرىنەن تەڭ يگىلىكتەنىپ، سالاماتتىق كودتى حالىقارالىق ءوزارا مويىنداۋ مەحانيزمىن ورناتىپ، الەمدىك ىندەتكە قارسى اتتانۋدىڭ ءورت بوگەتىن بىرگە قۇرۋىن دارىپتەدى.
حالىقارالىق قوعام ايرىقشا نازار اۋدارعان ۆاكسينا ماسەلەسىنە مەڭزەس، ءتوراعا شي جينپيڭ جۇڭگو جاقتىڭ ۆاكسينا جونىندەگى حالىقارالىق سەلبەستىكتى ۇزدىكسىز بەلسەندى قولداپ ءارى وعان ات سالىسىپ، دۇنيە جۇزىلىك دەنساۋلىق ساقتاۋ ۇيىمىنىڭ ”جاڭا تيپتى ايدارشا ۆيرۋس وكپە قابىنۋ ۆاكسيناسىن اتقارۋ جوسپارىن“ ويداعىداي تياناقتاندىرىپ، ءار ەلمەن، اسىرەسە، وركەندەپ كەلە جاتقان ەلدەرمەن جۇڭگو ۆاكسيناسىن تەڭ يگىلىكتەنىپ، ۆاكسينانى ءار ەل حالقى ىستەتەتىن، ىستەتۋگە شاماسى كەلەتىن الەۋمەتتىك ونىمگە اينالدىرۋعا قۇلشىناتىندىعىن قايتالاي دارىپتەدى. ءتوراعا شي جينپيڭ، سونداي - اق جۇڭگو جاقتىڭ بريكس ەلدەرى ۆاكسينانى زەرتتەۋ - اشۋ جۇڭگو ورتالىعىن قۇرعاندىعىن، بريكس ەلدەرى قاتارىنداعى 5 ەلدىڭ ۆاكسينانى بىرلەسىپ زەرتتەپ اشۋى جانە سىناقتان وتكىزۋى، سەلبەسىپ زاۆود قۇرۋى، ءوندىرۋ ۇقىعىن بەرۋ، ولشەمدى ءوزارا مويىنداۋ سياقتى قىزمەتتەردى ىلگەرىلەتەتىندىگىن ايقىن اتاپ كورسەتىپ، بريكس ەلدەرىنىڭ ءداستۇرلى مەديتسينالىق ءدارى - دارمەك زەرتتەۋ - تالقى ءماجىلىسىن اشىپ، ءداستۇرلى مەديتسينالىق ءدارى - دارمەكتىڭ جاڭا تيپتى ايدارشا ۆيرۋس وكپە قابىنۋىنان ساقتانۋ، ونى ەمدەۋ جاعىنداعى رولىن قاراستىرۋىن دارىپتەدى.
ءتوراعا شي جينپيڭنىڭ جوعارىداعى قۋاتتاماسى مەن باستاماسى حالىقارالىق ىندەتكە قارسى اتتانۋ سەلبەستىگىنە قوزعاۋشى كۇش ازىرلەپ، بۇكىل ادامزاتتىڭ ىندەتكە قارسى كۇرەسىنە سەنىم ۇستەدى، بۇل ىندەتتى ساياسيلاندىراتىن، ۆيرۋستان پايدالانىپ داتتايتىن ءسوز - ارەكەتتەرمەن ايقىن سالىستىرما قالىپتاستىرىپ، ءتوراعا شي جينپيڭنىڭ ادامزاتتىڭ سالاماتتىعىن كوزدەۋ، دۇنيە ءجۇزىنىڭ ورنىقتىلىعىن كوزدەۋ سىندى دارقان پەيىلىن تاعى دا تولىق كورسەتىپ، جۇڭگونىڭ ءار ەلمەن بىرگە قيىنشىلىقتاردى جەڭۋ، قول ۇستاسا وتىرىپ ىندەتتى جەڭۋدەگى تايسالماس ەرىك - جىگەرىن تولىق ايگىلەپ، ءار جاقتىڭ جوعارى باعاسى مەن بەلسەندى تۇردە ءۇن قوسۋىنا يە بولدى، جۇڭگو دارىپتەگەن ادامزاتتىڭ دەنساۋلىق ساقتاۋ، سالاماتتىق ورتاق تۇلعاسى ۇستانىمى جۇرت كوڭىلىنە ونان ارى تەرەڭ ۇيالادى.
ەكىنشى، دۇنيە ءجۇزى ەكونوميكاسىنىڭ قالپىنا كەلۋى، دامۋى جونىندە جۇڭگو جوباسىن العا قويدى
ۋاڭ ي بىلاي دەدى: ىندەتتىڭ ىقپالىنان دۇنيە ءجۇزى ەكونوميكاسى قۇلدىراۋعا تايادى، حالىقارالىق ساۋدا مەن قارجى قوسۋ كۇرت تارايدى، ادام، زات اينالىمى اۋىر كەدەرگىگە ۇشىرادى، الەمدىك كاسىپ سالاسى تىزبەگى، قامداۋ تىزبەگى سوققىعا ۇشىرادى، ادىلدىك پەن ونىمدىلىك، ارتۋ مەن ءبولىس، تەحنيكا مەن جۇمىستانۋ سياقتى جاھاندانۋ بارىسىندا توپتالعان قايشىلىقتار ونان ارى كورنەكتىلەنە ءتۇستى، بيىل الەمدەگى توتەنشە كەدەيلىك سالىستىرماسى 20 جىلدان بەرى تۇڭعىش رەت ارتتى. ىندەتتەن ساقتانۋ - تىزگىندەۋ مەن ەكونوميكالىق دامۋدى قالاي ءبىر تۇتاس جوسپارلاۋ، ىندەتكە قارسى اتتانۋ، ەكونوميكانى ورنىقتىرۋ، حالىق تۇرمىسىن قامتاماسىز ەتۋ سىندى 3 ۇلكەن مىندەتتى قالاي تەڭگەرىپ ءبىر جاقتى ەتۋ، الەمدىك كەدەيلىكتى ازايتۋ نىساناسىن قالاي ىلگەرىلەتۋ ءار ەل ءدوپ كەلىپ وتىرعان ورتاق تاقىرىپ. ءتوراعا شي جينپيڭ جۇڭگونىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋداعى، جۇمىستى، ءوندىرىستى جانە ەكونوميكالىق ارتۋدى قالپىنا كەلتىرۋدى الدىمەن جۇزەگە اسىرۋداعى تابىستى امالياتىمەن ۇشتاستىرىپ، دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتۋدىڭ ءبىر قىدىرۋ جۇڭگو جوباسىن العا قويدى، مۇنداعى 4 كىندىك ءسوز: اشىق ۇستاۋ، جاڭالىق اشۋ، سيىسىمدى، جاسىل.
الدىمەن، اشىق دامۋعا تاباندى بولۋ كەرەك.
ەكىنشىدەن، جاڭالىق اشا دامۋعا تاباندى بولۋ كەرەك.
ۇشىنشىدەن، سيىسىمدى دامۋعا تاباندى بولۋ كەرەك.
تورتىنشىدەن، جاسىل دامۋعا تاباندى بولۋ كەرەك.
ۋاڭ ي مىنالاردى ءبىلدىردى: ءتوراعا شي جينپيڭ العا قويعان جوعارىداعى جۇڭگو جوباسىندا ءار ەلدىڭ سەلبەستىكتى كۇشەيتۋىن ىلگەرىلەتەتىن ارەكەت دارىپتەمەسى قامتىلىپ قالماستان، جۇڭگو ىرىقتىلىقپەن قولدانعان ناقتى شارالار دا بار، ول جۇڭگونىڭ جوعارى ساپالى دامۋىنىڭ جاڭا تالابىن تولىق بەينەلەپ قانا قويماي، ءداۋىردىڭ العا ىلگەرىلەۋ تولقىنىنا دا تولىق سايكەسەدى، دۇنيە ءجۇزى ەكونوميكاسىنىڭ دامۋ بەتالىسىنا ۇيلەسەدى، ءار ەل حالقىنىڭ مۇددەسىنە باپ كەلەدى، جۇڭگونىڭ دۇنيە ءجۇزى ەكونوميكاسىنا قوزعاۋشى كۇش اشۋ، حالىقارالىق ەكونوميكالىق سەلبەستىككە ءورىس اشۋ، ءار ەل حالقىنا ىرىس - قۇت جاراتۋ سىندى ءىرى ەلدىك جاۋاپكەرشىلىگىن تولىق كورسەتتى.
ءۇشىنشى، الەمدىك ەكونوميكانى جونگە سالۋ جۇيەسىندەگى وزگەرىسكە جەتەكشىلىك ەتتى
ۋاڭ ي بىلاي دەدى: توسىن تۋىلعان ىندەتتىڭ الەمدە زور كولەمدە تارالۋى الەمدىك ەكونوميكانى جونگە سالۋ جۇيەسىندەگى ولقىلىق پەن جەتەرسىزدىكتى تاعى دا كورنەكتىلەندىردى. 20 ەل توبى حالىقارالىق ەكونوميكالىق سەلبەستىكتىڭ نەگىزگى تالقى مىنبەرى رەتىندە، 2008 - جىلعى حالىقارالىق فينانس داعدارىسىنا ءساتتى توتەپ بەرىپ، الەمدىك ەكونوميكانى جونگە سالۋ سالاسىندا ورىن باسقىسىز ماڭىزدى رول اتقارۋدا. 20 ەل توبىنىڭ كەزەكتە ءدوپ كەلگەن باستى مىندەتى − الەمدىك ىندەتتەن ساقتانۋ - تىزگىندەۋ قاجەتىمەن قالاي ۇشتاستىرىپ، سايكەستىكتى ىشكەرىلەي كۇشەيتىپ، بىرىككەن كۇش قالىپتاستىرىپ، دۇنيە ءجۇزى ەكونوميكاسىندا سەرپىندى، باياندى، بىركەلكى جانە سيىسىمدى ارتۋدى جۇزەگە اسىرۋدى ىلگەرىلەتۋ. وسى ءۇشىن ءتوراعا شي جينپيڭ 20 ەل توبى باسشىلار باس قوسۋىندا جۇڭگونىڭ الەمدىك ەكونوميكانى جونگە سالۋ پرينسيبى مەن قۋاتتاماسىن كورنەكتىلەندىرە باياندادى.
بىرىنشىدەن، جەتەكشى يدەيانى اناعۇرلىم ايقىندادى. ءتوراعا شي جينپيڭ بىرگە اقىلداساتىن، بىرگە قۇراتىن، بىرگە يگىلىكتەنەتىن الەمدىك جونگە سالۋ كوزقاراسى نەگىزىندە، كوپ جاقتىلىققا تاباندى بولۋ، اشىق، سيىسىمدىلىققا تاباندى بولۋ، ءوزارا تيىمدىلىك جەتكىزىپ سەلبەسۋگە تاباندى بولۋ، داۋىرمەن بىرگە ىلگەرىلەۋگە تاباندى بولۋ سىندى ”تورتكە تاباندى بولۋ“ قۋاتتاماسىن ىشكەرىلەي العا قويدى. حالىقارالىق قوعامدى بىرلەسكەن مەملەكەتتەر ۇيىمىنىڭ بەدەلى مەن ورنىن باتىل قورعاپ، بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتى مەن پرينسيبىن بەرىك ساقتاپ، حالىقارالىق زاڭدى نەگىز ەتكەن حالىقارالىق ءتارتىپتى قورعاپ، بىرلەسكەن مەملەكەتتەر ۇيىمىنىڭ الەمدىك ورتاق تانىمدى اناعۇرلىم ءونىمدى ۇيىستىرۋىنا قولداۋ كورسەتىپ، الەمدىك بايلىقتى جۇمىلدىرىپ، الەمدىك ارەكەتتى سايكەستىرۋگە شاقىردى.
ەكىنشىدەن، ەرەجە، مەحانيزمدى ۇزدىكسىز كەمەلدەندىردى. ءتوراعا شي جينپيڭ بىلاي دەپ ايقىن اتاپ كورسەتتى: ەرەجەنى نەگىز ەتكەن، جاريا، كەمسىتپەيتىن، اشىق، سيىسىمدى كوپ جاقتى ساۋدا ءتۇزىلىسىن باتىل قورعاپ، دۇنيە جۇزىلىك ساۋدا ۇيىمىنىڭ ونىمدىلىگى مەن بەدەلىن كۇشەيتىپ، ەركىن ساۋدانى جەبەپ، ءادىل باسەكەنى قورعاپ، وركەندەپ كەلە جاتقان ەلدەردىڭ دامۋ ۇقىق - مۇددەسى مەن كەڭىستىگىن قامتاماسىز ەتۋ كەرەك. مۇنان سىرت، حالىقارالىق فينانس جۇيەسى رەفورماسىنىڭ اۋقىمىنان ايرىلىپ قالۋىنان ساقتانىپ، حالىقارالىق اقشا قورى ۇيىمىنىڭ 16 - كەزەكتى نورمالىق تەكسەرۋىن ۋاعىندا ورىنداپ، ەرەكشە اقشا الۋ ۇقىعىنىڭ رولىن كەڭەيتىپ، الەمدىك فينانس حاۋىپسىزدىك تورىن بەكەمدەپ، وركەندەپ كەلە جاتقان ەلدەردىڭ ۋاكىلدىك سيپاتى مەن سويلەۋ ۇقىعىن جوعارىلاتۋ كەرەك.
ۇشىنشىدەن، سيفرلى ەكونوميكاعا اناعۇرلىم ءمان بەردى. سيفر سالاسىن جونگە سالۋ الەمدىك ەكونوميكانى جونگە سالۋدىڭ جاڭا سالاسى، كوپتەگەن جاقتاردا اقتاڭداقتار ساقتالۋدا. ءتوراعا شي جينپيڭ بىلاي دەپ باسا دارىپتەدى: ءار ەلدىڭ ساندى مالىمەت حاۋىپسىزدىگى، سيفر بوگەتى، جەكە قۇپيالىق، ءمورال - ەتيكا سياقتى جاقتارداعى ءجىتى قاداعالاپ وتىرعان ىستەرىنە قاراتا، ادامدى وزەك ەتكەن، شىندىقتى نەگىز ەتكەن ساياساتتىق جەتەكشىلىكتى ۇستانىپ، جاڭالىق اشۋعا شابىتتاندىرىپ، ءوزارا سەنىمدىلىك ورناتىپ، اشىق، ءادىل، تۋراشىل، كەمسىتپەيتىن شارۋاشىلىق - ساۋدا ورتاسىن قالىپتاستىرىپ، بىرلەسكەن مەملەكەتتەر ۇيىمىنىڭ وسى جاعىندا باسشىلىق رولىن ساۋلەلەندىرۋىنە قولداۋ كورسەتۋ كەرەك. سونىمەن بىرگە ءتوراعا شي جينپيڭ بىلاي دەپ ايقىن اتاپ كورسەتتى: جۇڭگو جاق «الەمدىك ساندى مالىمەت حاۋىپسىزدىك باستاماسىن» نەگىز ەتىپ، ءار جاقتارمەن الەمدىك سيفرلى جونگە سالۋ ەرەجەسىن كەڭەسۋدى جانە جاساۋدى قالايدى، اشىق جانە سيىسىمدى تاسىلمەن جاساندى زەردەنى توڭىرەكتەي وتىرىپ تىلدەسۋدى كۇشەيتۋگە قولداۋ كورسەتىپ، زاڭدا بەلگىلەنگەن سيفرلى اقشا ولشەمىن جانە پرينسيبىن جاساۋدى تالقىلايدى.
ۋاڭ ي مىنالاردى ءبىلدىردى: ىندەت الەمدىك ەكونوميكانى جونگە سالۋدىڭ شەشۋشى بۇرىلىس كەزەڭىنە ءوتۋىن ىلگەرىلەتتى. ءتوراعا شي جينپيڭنىڭ وسى رەتكى الەمدىك ەكونوميكانى جونگە سالۋ جونىندەگى ماڭىزدى بايىمداۋلارى جۋىرداعى جىلداردان بەرگى ەڭ جالپى بەتتىك بولعان ءبىر رەتكىسى بولدى، وسىدان ىلگەرگى 2016 - جىلعى 20 ەل توبى حاڭجوۋ باسشىلار باس قوسۋىندا العا قويعان الەمدىك ەكونوميكانى جونگە سالۋ كوزقاراسىمەن، 2017 - جىلعى دۇنيە جۇزىلىك ەكونوميكا تالقى مىنبەرىنىڭ جىلدىق ماجىلىسىندە جانە بىرلەسكەن مەملەكەتتەر ۇيىمىنىڭ جەنەۆاداعى باس شتابىندا بايانداعان ادامزاتتىڭ تاعدىرلاس ورتاق تۇلعاسى ۇستانىمىمەن تامىرلاس ءارى حالىقارالىق جاعدايدىڭ ەڭ جاڭا دامۋىنا ساي داۋىرمەن بىرگە ىلگەرىلەپ، كەزەكتەگى، سونداي - اق كەلەشەكتەگى ءبىر مەزگىلدەگى الەمدىك ەكونوميكانى جونگە سالۋدىڭ وزگەرىسى جونىنەن ماڭىزدى جەتەكشىلىك رولعا يە.
ءتورتىنشى، جاڭادان گۇلدەنگەن بازارلارمەن جانە وركەندەپ كەلە جاتقان ەلدەرمەن ىنتىماقتى، سەلبەستىكتى تەرەڭدەتتى
ۋاڭ ي بىلاي دەدى: بريكس ەلدەرى الەمدىك ىقپالعا يە جاڭادان گۇلدەنگەن بازار جانە وركەندەپ كەلە جاتقان ەلدەردىڭ سەلبەستىك مەحانيزمى، حالىقارالىق ىستەردەگى بەلسەندى، سىندارلى كۇش. بريكس سەلبەستىگى قالىڭ وركەندەپ كەلە جاتقان ەلدەردىڭ حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋ جونىندەگى ءۇنىن ايگىلەدى. قازىر ىندەتتىڭ ىقپالىنا ۇشىراۋدان، جاڭادان گۇلدەنگەن بازارلار جانە وركەندەپ كەلە جاتقان ەلدەر ءبىر تۇتاس تۇلعا رەتىندە، كوپ جىلداردان بەرى بولماعان ەكونوميكالىق قۇلدىراۋعا ءدوپ كەلۋى مۇمكىن. جۇڭگو دۇنيە جۇزىندەگى ەڭ ءىرى وركەندەپ كەلە جاتقان ەل، بيىل وڭ ارتۋدى جۇزەگە اسىرۋدان ءۇمىت بار نەگىزگى ەكونوميكالىق تۇلعا رەتىندە، ءار جاق تۇگەلدەي جۇڭگونىڭ بازارى جاڭادان گۇلدەنگەن ەلدەرمەن جانە وركەندەپ كەلە جاتقان ەلدەرمەن بىرگە ىنتىماقتى، سەلبەستىكتى كۇشەيتۋىن، ىندەتتىڭ سىن - سايىسىن جەڭۋىن، ەكونوميكانىڭ قالپىنا كەلىپ دامۋىن جۇزەگە اسىرۋىن كۇتۋدە.
وسى جونىندە، ءتوراعا شي جينپيڭ بريكس ەلدەرى باسشىلارىنىڭ ءديدارلاسۋىندا بىلاي دەپ ايقىن اتاپ كورسەتتى: بريكس ەلدەرى كوپ جاقتىلىق تۋىن بيىك ۇستاپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى قورعاپ، سىڭار جاقتى جازالاۋعا جانە ”الىستان قۇرىق سالۋعا“ قارسى تۇرۋ كەرەك. يدەولوگيادان اتتاپ ءوتىپ، ءبىر - ءبىرىنىڭ ءوز مەملەكەت جاعدايىنا ساي تاڭداعان قوعامدىق تۇزىمىنە، ەكونوميكالىق ۇلگىسىنە جانە دامۋ جولىنا قۇرمەت ەتۋ كەرەك. اناعۇرلىم تەپە - تەڭ، بىركەلكى الەمدىك دامۋ سەرىكتەستىك قارىم - قاتىناسىن ورناتۋدى ىلگەرىلەتىپ، حالىق تۇرمىسىن الدىمەن ويلاستىرىلاتىن ورىنعا قويۋعا تاباندى بولۋ كەرەك. بۇل قۋاتتامالار قالىڭ وركەندەپ كەلە جاتقان ەلدەردىڭ حالىقارانىڭ ادىلدىگىنە، تۋراشىلدىعىنا تالپىنۋ، باياندى دامۋدى جۇزەگە اسىرۋداعى ورتاق ارمان - تىلەگىن تولىق بەينەلەپ، جۇڭگونىڭ وركەندەپ كەلە جاتقان ەلدەر ءۇشىن ادىلەتتى جاقتاۋعا، وركەندەپ كەلە جاتقان ەلدەردىڭ ورتاق مۇددەسىن قورعاۋعا تاباندى بولۋداي قۇن تالپىنىسىن تولىق ايگىلەدى.
جۇڭگو ۆاكسينانى زەرتتەۋ - اشۋ حالىقارالىق سەلبەستىكتى بەلسەندىلىكپەن ورىستەتىپ، جاڭادان گۇلدەنگەن بازارلاردىڭ جانە وركەندەپ كەلە جاتقان ەلدەردىڭ ىندەتتى تەزىرەك تىزگىندەۋىنە قۇلشىنا كومەكتەسۋدە. ءتوراعا شي جينپيڭ بىلاي دەپ اتاپ كورسەتتى: جۇڭگونىڭ كاسىپورىندارى رەسەي، برازيليا قاتارلى سەرىكتەرىمەن سەلبەسىپ ۆاكسينانىڭ 3 - مەزگىلدىك كلينيكالىق سىناعىن ورىستەتۋدە، وڭتۇستىك افريكامەن، ۇندىستانمەن دە قاتىستى سەلبەستىكتەردى ورىستەتۋدى قالايدى. جۇڭگو جاق قاجەتى بار بريكس ەلدەرىن ۆاكسينامەن قامداۋدى بەلسەندىلىكپەن ويلاستىرادى. بۇل شارالار ەلەۋلى داعدارىس الدىندا جۇڭگونىڭ باستان - اياق وركەندەپ كەلە جاتقان ەلدەرمەن تىنىستاس، تاعدىرلاس بولىپ، ءتۇرلى حاۋىپ - قاتەرلەر مەن سىن - سايىستارعا قول ۇستاسا توتەپ بەرەتىن سەرىك رۋحىن تاعى ءبىر رەت جاندى ءتۇسىندىردى.
ىندەتتىڭ دۇنيە ءجۇزى ەكونوميكاسىنا الا كەلگەن سوققىسىن جەڭۋ ءۇشىن، بريكس ەلدەرى ەكونوميكا، ساۋدا، قازىنا، فينانس، ساياسي حاۋىپسىزدىك، گۋمانيتارلىق اۋىس - كۇيىس سىندى ”3 قوزعالتقىش“ سەلبەستىگىن بەلسەندىلىكپەن ىلگەرىلەتىپ، ناقتى سەلبەستىكتىڭ بەلسەندى اۋقىمىن ساقتاپ، وركەندەپ كەلە جاتقان ەلدەردىڭ قيىن - قىستاۋ جاعدايدا ەكپىندەي ىلگەرىلەگەن اسقاق رۋحىن ايگىلەدى. ءتوراعا شي جينپيڭ مۇنى ايرىقشا تۇراقتاندىردى ءارى ىشكەرىلەي ءتۇسىپ ءبىر قىدىرۋ ناقتى سەلبەستىك باستامالارىن العا قويىپ، بىلاي دەپ اتاپ كورسەتتى: ەكونوميكا، ساۋدا ناقتى سەلبەستىگىن تەرەڭدەتىپ، بريكس ەلدەرىنىڭ جاڭا ونەركاسىپ توڭكەرىسىندەگى سەرىكتەستىك قارىم - قاتىناسى قۇرىلىسىن تىڭعىلىقتى ىلگەرىلەتىپ، «بريكس ەلدەرى ەكونوميكالىق سەرىكتەستىك ستراتەگياسى 2025»تى تياناقتاندىرۋ قىزمەتىن جاقسى ىستەپ، جاڭا وركەندەتۋ بانكەسىنىڭ مۇشەسىن كوبەيتۋ كەلىسسوزىن جەدەلدەتۋ كەرەك. ساياسي حاۋىپسىزدىك سەلبەستىگىن كۇشەيتىپ، بىرلەسكەن مەملەكەتتەر ۇيىمى قاتارلى ايالاردا ەلەۋلى حالىقارالىق ماسەلەلەر جونىندە پىكىرلەسۋدى ساقتاپ، بريكستىڭ ستراتەگيالىق سەلبەستىك دەڭگەيىن جوعارىلاتۋ كەرەك. گۋمانيتارلىق اۋىس - كۇيىستى، سەلبەستىكتى كەڭەيتىپ، گۋمانيتارلىق اۋىس - كۇيىستىڭ تەرەڭدىگىن، كەڭدىگىن، مەيىرىن جوعارىلاتۋ كەرەك. ءتوراعا شي جينپيڭ بىلاي دەپ جاريالادى: جۇڭگو جاق فۋجيان ولكەسى شيامىن قالاسىندا بريكس ەلدەرىنىڭ جاڭا ونەركاسىپ توڭكەرىسى سەرىكتەستىك قارىم - قاتىناسى جاڭالىق اشۋ بازاسىن قۇرىپ، بريكس ەلدەرىنىڭ ەل باسقارۋ جونىندەگى زەرتتەۋ - تالقى ءماجىلىسىن جانە گۋمانيتارلىق اۋىس - كۇيىس تالقى مىنبەرىن بەينە ەكران تاسىلىندە وتكىزەدى ءارى بريكس ەلدەرى ايەل ساۋدا - ونەركاسىپشىلەر بىرلەستىگى اياسىندا بريكس ەلدەرى ايەلدەردىڭ جاسامپازدىق جارىسىن وتكىزەدى. ءتوراعا شي جينپيڭنىڭ ءسوزى جاڭادان گۇلدەنگەن بازارلاردىڭ جانە وركەندەپ كەلە جاتقان ەلدەردىڭ حاۋىپ - قاتەر مەن سىن - سايىسقا بىرگە توتەپ بەرۋ جونىندەگى سەنىمىن ارتتىرىپ، جاڭادان گۇلدەنگەن بازارلاردىڭ جانە وركەندەپ كەلە جاتقان ەلدەردىڭ دامۋ كەڭىستىگىن كەڭەيتىپ، تۇراقسىزدىققا تولى دۇنيە جۇزىنە ءتىپتى دە كوپ ورنىقتىلىق جانە وڭ ەنەرگيا ۇستەدى.
بەسىنشى، ازيا - تىنىق مۇحيت تاعدىرلاس ورتاق تۇلعاسىن قۇرۋدى باستاماشىلدىقپەن دارىپتەدى
ۋاڭ ي بىلاي دەدى: ەكونوميكانىڭ جاھاندانۋى تەرىس اعىنعا ۇشىراپ، سىڭار جاقتىلىق، قورعامپازدىق اسقىنعان جاعدايدا، ازيا - تىنىق مۇحيت ءوڭىرى دۇنيە جۇزىندەگى ومىرشەڭدىك كۇشى مەن كومەسكى كۇشى ەڭ زور ەكونوميكالىق بولىك رەتىندە، كۇن سايىن الەمنىڭ قالپىنا كەلۋى مەن دامۋىنىڭ ءۇمىتتى جەرىنە اينالدى. سونىمەن بىرگە، بيىل ازيا - تىنىق مۇحيت سەلبەستىگى ءۇشىن دە ەرەكشە ماڭىزعا يە ءبىر جىل بولدى، ازيا - تىنىق مۇحيت ەكونوميكالىق سەلبەستىك ۇيىمى بوگور نىساناسىنىڭ مەزگىلى تولىپ، 2020 - جىلدان كەيىنگى سەلبەستىك بولاشاق جوباسىن جاساۋ سىندى تاريحي مىندەتكە ءدوپ كەلدى، ءوڭىردىڭ بولاشاق دامۋىنا سايادى. ازيا - تىنىق مۇحيت ءوڭىرى سەلبەستىگىنىڭ ماڭىزدى باستاماشىسى، قاتىناسۋشىسى، ۇلەس قوسۋشىسى رەتىندە، ءار جاق جۇڭگونىڭ تۇرعىسى مەن پوزيتسياسىنا نازار اۋداردى.
ءتوراعا شي جينپيڭ كوپ جاقتىلىق تۋىن بيىك ۇستاپ، ازيا - تىنىق مۇحيت تاعدىرلاس ورتاق تۇلعاسىن قۇرۋدىڭ ۇستانىم قۋاتتاماسى مەن تەرەڭ ءمانىن جاپپاي ءتۇسىندىرىپ، بىلاي دەپ باسا دارىپتەدى: ازيا - تىنىق مۇحيت ەكونوميكالىق سەلبەستىگى ەجەلدەن نولدىك جيىنتىق ويىنى، سەن جەڭىلىپ، مەن جەڭەتىن ساياسي ويىن بولماستان، قايتا ءوزارا تابىسقا جەتكىزەتىن، ءوزارا پايدا جەتكىزىپ، ورتاق يگىلىككە كەنەلەتىن دامۋ تۇعىرى. ءارقايسى جاق تەك بىرگە اقىلداسۋ، بىرگە قۇرۋ، بىرگە يگىلىكتەنۋ ۇستانىمىنان جازباي، تىلدەسۋ، كەڭەسۋ نەگىزىندە قايشىلىقتار مەن الاۋىزدىقتاردى لايىقتى ءبىر جاقتى ەتىپ، ءوزارا پايدا جەتكىزۋ، ءوزارا تيىمدىلىك جاساۋ نەگىزىندە ناقتى سەلبەستىكتى ىلگەرىلەتىپ، ءوزارا سەنەتىن، سيىسىمدى، سەلبەسەتىن، تەڭ يگىلىككە كەنەلەتىن ازيا - تىنىق مۇحيت سەرىكتەستىك قارىم - قاتىناسىن ۇزدىكسىز تەرەڭدەتىپ، وڭىرلىك سەلبەستىك دەڭگەيىن ۇزدىكسىز جوعارىلاتسا عانا ازيا - تىنىق مۇحيت سەلبەستىگىنىڭ ءورىسىن كەڭەيتىپ، ازيا - تىنىق مۇحيت سەلبەستىگىنىڭ دۇرىس بەتالىسىن پارمەندى قورعاپ، ازيا - تىنىق مۇحيت ەكونوميكالىق سەلبەستىك ۇيىمىن شىن مانىندە ورنىقتى قاداممەن الىسقا جەتكىزۋگە مۇمكىندىك جاساۋعا بولادى.
ءتوراعا شي جينپيڭ بىلاي دەپ ىشكەرىلەي اتاپ كورسەتتى: ازيا - تىنىق مۇحيت ءوڭىرى سالتقا جەتەكشىلىك ەتۋدى ۇزدىكسىز الدىڭعى ورىنعا قويىپ، 2020 - جىلدان كەيىنگى سەلبەستىك بولاشاق جوباسىن جاڭا باستاما ەتىپ، كوپ جاقتىلىقتى باتىل قورعاپ، ءوڭىردىڭ بەيبىتشىلىگىن، ورنىقتىلىعىن قورعاپ، ءوڭىر ەكونوميكاسىنىڭ ءبىر تۇلعالانۋىن باتىل ىلگەرىلەتىپ، ازيا - تىنىق مۇحيت ەركىن ساۋدا رايونىن ەرتەرەك قۇرىپ، ازيا - تىنىق مۇحيت ەكونوميكالىق سەلبەستىك ۇيىمىنىڭ ءوزارا ۇلاستىرۋ - تۇتاستىرۋ جوباسىن تياناقتاندىرۋدى باتىل ىلگەرىلەتىپ، ادام، زات، قارجى، ساندى مالىمەتتەردىڭ حاۋىپسىز، ءتارتىپتى اعىنىن ىركىلىسسىزدەندىرىپ، ازيا - تىنىق مۇحيت ءوڭىرىنىڭ جىكسىز تۇتاسۋىن جۇزەگە اسىرىپ، اشىق، سيىسىمدى، جاڭالىق اشا ارتاتىن، ءوزارا ۇلاساتىن - تۇتاساتىن، سەلبەسىپ تەڭ يگىلىككە كەنەلەتىن ازيا - تىنىق مۇحيت تاعدىرلاس ورتاق تۇلعاسىن بىرگە قۇرۋ كەرەك.
ءتوراعا شي جينپيڭ بىلاي دەپ باسا دارىپتەدى: جۇڭگو جاق وڭىرلىك جان - جاقتى ەكونوميكالىق سەرىكتەستىك قارىم - قاتىناس كەلىسىمىنە قول قويىلعاندىعىن قارسى الادى، جان - جاقتى جانە العا باساتىن تىنىق مۇحيت اتتاعان سەرىكتەستىك قارىم - قاتىناس كەلىسىمىنە قوسىلۋدى بەلسەنە ويلاستىرادى. بۇل ماڭىزدى جاريالاۋ جۇڭگونىڭ ەسىك اشۋدى كەڭەيتۋگە كۇش سالۋداعى بەرىك بەكىمىن تاعى ءبىر رەت ايگىلەپ، حالىقارالىق قوعامنىڭ نازار اۋدارۋى مەن قارسى الۋىنا يە بولدى.
ۋاڭ ي بىلاي دەدى: جۇڭگونىڭ بەلسەندى قولداپ ىلگەرىلەتۋىندە، بيىل ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسى ستراتەگيالىق كوز ايا مەن اسقاق ۇلى مۇرات دەڭگەيىنە يە 2020 - جىلدان كەيىنگى سەلبەستىك بولاشاق جوباسىن (ياعني «2040 - جىلعا دەيىنگى ازيا - تىنىق مۇحيت ەكونوميكالىق سەلبەستىك ۇيىمىنىڭ پۇتراجايا بولاشاق جوباسىن») ءساتتى ماقۇلداپ، 2040 - جىلى ازيا - تىنىق مۇحيت ورتاق تۇلعاسىن قۇرۋ سىندى ايبىندى نىسانانى تۇراقتاندىرىپ، ازيا - تىنىق مۇحيت سەلبەستىگىنە جاڭا ساپار باستاۋعا، ازيا - تىنىق مۇحيت ءوڭىرىنىڭ بەيبىت، گۇلدەنگەن، تاماشا بولاشاعىن بىرگە قۇرىپ، بىرگە يگىلىكتەنۋگە ماڭىزدى نۇسقاۋ ازىرلەدى. ءتوراعا شي جينپيڭ بىلاي دەپ باسا دارىپتەدى: جۇڭگو جاق ازيا - تىنىق مۇحيت ەكونوميكالىق سەلبەستىك ۇيىمىنىڭ دامۋىن ۇزدىكسىز قولداپ، ازيا - تىنىق مۇحيت وڭىرىنە تامىر تارتۋدان، ازيا - تىنىق مۇحيت ءوڭىرىن گۇلدەندىرۋدەن، ازيا - تىنىق مۇحيت ءوڭىرىن باقىتقا كەنەلتۋدەن ەشقاشان اينىمايدى.
التىنشى، جۇڭگونىڭ جاڭا دامۋ ارناسىنىڭ دۇنيە جۇزىنە ۇلەسىن ءتۇسىندىردى
ۋاڭ ي بىلاي دەدى: جۋىردا پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ”14 - بەسجىلدىق“ جوبانى جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىستى قاراپ ماقۇلداپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋدى ايقىن ورتاعا قويدى، حالىقارالىق قوعام بۇعان بارىنشا نازار اۋداردى. 3 رەتكى ماجىلىس كەزىندە، ءتوراعا شي جينپيڭ جۇڭگونىڭ نە ءۇشىن جاڭا دامۋ ارناسىن قالىپتاستىرۋى كەرەكتىگى، قانداي جاڭا دامۋ ارناسىن قالىپتاستىرۋى كەرەكتىگى، جاڭا دامۋ ارناسى دۇنيە ءجۇزى جونىنەن نەنى ۇعىندىراتىندىعى سياقتى كەلەلى ماسەلەلەردى جاپپاي ىشكەرىلەي ءتۇسىندىرىپ، جۇڭگونىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋداعى ايبىندى كارتيناسىن بۇكىل دۇنيە جۇزىنە كورسەتتى.
ءتوراعا شي جينپيڭ مىنانى ايقىن اتاپ كورسەتتى: جۇڭگونىڭ جاڭا دامۋ ارناسىن قالىپتاستىرۋى، وزىندىك دامۋ ساتىسى مەن دامۋ شارت - جاعدايىن تياناق ەتىپ، ەكونوميكانىڭ جاھاندانۋى مەن سىرتقى ورتا وزگەرىسىن تولىق ويلاستىرىپ جاساعان ستراتەگيالىق تالعام. نەگىزگى ماقساتى ىشكى سۇرانىستى كەڭەيتۋ ستراتەگيالىق نەگىزگى ءتۇيىنىن يگەرۋ، عىلىم - تەحنيكادا جاڭالىق اشۋدى زور كۇشپەن ىلگەرىلەتۋ، رەفورمانى ۇزدىكسىز تەرەڭدەتۋ سياقتى جاقتارعا كۇش سالىپ، قامداۋ جانە قاجەتسىنۋ ەكى جاعىنان كۇش سالىپ، ءوندىرۋ، ۇلەستىرۋ، اينالىم، تۇتىنۋدىڭ ءارقايسى بۋىندارىن جاپپاي ىركىلىسسىزدەندىرىپ، جۇڭگو ەكونوميكاسىنىڭ ۇزاق بولاشاقتىق دامۋىن جۇزەگە اسىرۋعا، دۇنيە ءجۇزى ەكونوميكاسىنىڭ ورنىقتى قالپىنا كەلۋىن جەبەۋگە اناعۇرلىم باياندى قوزعاۋشى كۇش ۇستەدى.
ءتوراعا شي جينپيڭ سوزىندە جۇڭگو جاق العا قويعان ەسىك اشۋدى كەڭەيتەتىن ءبىر قىدىرۋ ساياساتتىق شارالاردى جۇيەلى تانىستىرىپ، بىلاي دەپ باسا دارىپتەدى: جۇڭگو ەكونوميكاسى دۇنيە ءجۇزى ەكونوميكاسىمەن تەرەڭ توعىستى، جۇڭگو تاريحتاعى كونە سۇردەكپەن استە جۇرمەيدى، ”اۋاشالانۋعا“ نەمەسە توماعا - تۇيىقتىقپەن قاقپايلايتىن ”شاعىن شەڭبەرگە“ ۇمتىلمايدى. جاڭا دامۋ ارناسىن قالىپتاستىرۋ، استە، توماعا - تۇيىق ەل ءىشى اينالىمى ەمەس، قايتا ەل ءىشى بازارى مەن حالىقارالىق بازاردى اناعۇرلىم ويداعىداي تۇتاستىرۋدى ماقسات ەتىپ، اناعۇرلىم جوعارى دەڭگەيدەگى اشىق ەكونوميكا جاڭا ءتۇزىلىسىن قۇرىپ، اناعۇرلىم زور كولەمدى، اناعۇرلىم كەڭ سالالى، اناعۇرلىم تەرەڭ ساتىلى سىرتقا ەسىك اشۋدى اتقارۋ.
ءتوراعا شي جينپيڭ جۇڭگو جاقتىڭ ءار جاقتىڭ جۇڭگو دامۋىنىڭ جاڭا ورايىنان بىرگە يگىلىكتەنۋىن قارسى الاتىندىعىن ايقىن ءبىلدىرىپ، بىلاي دەپ اتاپ كورسەتتى: جۇڭگو بارلىق ەلدەرمەن قاتار ءبىر - بىرىنە قۇرمەت ەتۋ، تەڭ تۇرعىدا ءوزارا پايدا جەتكىزۋ نەگىزىندە بەيبىت قاتار تۇرۋدى، بىرگە دامۋدى قالايدى. جاڭا دامۋ ارناسىندا جۇڭگو بازارىنىڭ كومەسكى كۇشى تولىق قاۋلاپ، دۇنيە جۇزىندەگى ءارقايسى ەلدەرگە اناعۇرلىم كوپ قاجەتسىنۋ ازىرلەيدى؛ جۇڭگونىڭ اشىلعان ەسىگى اناعۇرلىم ايقارا اشىلىپ، دامۋ ورايىن دۇنيە جۇزىندەگى ءارقايسى ەلدەرمەن بىرگە يگىلىكتەنەدى؛ جۇڭگونىڭ سىرتپەن سەلبەستىگى ۇزدىكسىز تەرەڭدەتىلىپ، ءبىر - بىرىنە پايدا جەتكىزىپ، بىرگە يگىلىككە كەنەلۋدى دۇنيە جۇزىندەگى ءارقايسى ەلدەرمەن بىرگە جۇزەگە اسىرادى. جۇڭگو ”ءبىر بەلدەۋ، ءبىر جولدى“ جوعارى ساپادا بىرگە قۇرۋدى ۇزدىكسىز ىلگەرىلەتىپ، ”ءبىر بەلدەۋ، ءبىر جولدى“ سەلبەستىك جولى، سالاماتتىق جولى، قالپىنا كەلۋ جولى، ارتۋ جولى ەتىپ تۇلعالاپ، حالىقارالىق سەلبەستىكتى بەلسەندى ىلگەرىلەتەدى.
ۋاڭ ي مىنانى ءبىلدىردى: ءتوراعا شي جينپيڭ 3 رەتكى ماجىلىستە ءبىر قىدىرۋ كوزقاراستاردى، قۋاتتامالاردى جانە باستامالاردى العا قويىپ، ءداۋىر اۋقىمىنا ۇيلەسىپ، جۇڭگوشا ەرەكشەلىكتى ايگىلەپ، حالىقارالىق ادىلدىكتى قورعاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءونىمدى ءبىر تۇتاس جوسپارلاعان، مەملەكەتتى جونگە سالۋ قابىلەتى ۇزدىكسىز جوعارىلاعان، دامۋ بولاشاعى اناعۇرلىم جاقسارعان جۇڭگونى؛ جاڭا دامۋ كەزەڭىنە قادام تاستاعان، جاڭا دامۋ ۇستانىمىن دايەكتىلەندىرگەن، جاڭا دامۋ ارناسىن قالىپتاستىرعان جۇڭگونى؛ بەيبىت دامۋ جولىمەن جۇرۋگە تاباندى بولعان، دۇنيە جۇزىندەگى ءارقايسى ەلدەرمەن قول ۇستاسا بىرگە ىلگەرىلەگەن جۇڭگونى؛ دەربەس، ءوز - وزىنە قوجا بولعان ديپلوماتيالىق ساياساتتى اتقارعان، ءبىر - بىرىنە پايدا جەتكىزىپ، بىرگە يگىلىككە كەنەلەتىن اشىق ۇستاۋ ستراتەگياسىن اتقارۋدى ىلگەرىلەتكەن جۇڭگونى؛ ادامزاتتىڭ تاعدىرلاس ورتاق تۇلعاسىن قۇرۋدى باستاماشىلدىقپەن دارىپتەپ، دۇنيە ءجۇزى حالقىمەن بىرگە قيىندىقتاردى بىلەك بىرىكتىرە جەڭەتىن جۇڭگونى ايگىلەدى.
ۋاڭ ي بىلاي دەدى: مەيلى حالىقارالىق اۋقىم قالاي وزگەرسە دە، دۇنيە جۇزىلىك ارنا قالاي رەتتەلسە دە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭحۋا ۇلتىنىڭ ۇلى گۇلدەنۋگە بەت العان قادامى بوگەۋ بەرمەيدى. مەيلى قانداي جاپا - ماشاقات، حاۋىپ - قاتەرگە كەزىكسەك تە، قانداي بوگەتتەرگە ءدوپ كەلسەك تە، ءبىز تۇگەلدەي شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن شي جينپيڭنىڭ ديپلوماتيا يدەياسىنىڭ جەتەكشىلىگىندە كوپ جاقتىلىقتى بەرىك ساقتاپ، سەلبەسىپ بىرگە يگىلىككە كەنەلۋگە تاباندى بولىپ، جاڭاشا حالىقارالىق قاتىناس قۇرۋدى بۇلجىماستان ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى بۇلجىماستان ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن قاجىماي - تالماي كۇرەس جاساپ، دۇنيە ءجۇزىنىڭ بەيبىتشىلىگىن، دامۋىن جەبەۋگە اناعۇرلىم زور ۇلەس قوسامىز.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
