بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى سالتاناتپەن وتكىزىلدى

2020.11.26 16:02     كەلۋ قاينارى : شينجياڭ گازەتى

  شي جينپيڭ ماڭىزدى ءسوز سويلەپ بىلاي دەپ باسا دارىپتەدى: جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدە، ءسوز جوق، جۇمىسشى تابى مەن قالىڭ ەڭبەكشى بۇقاراعا تىعىز سۇيەنۋ كەرەك. ەلىمىزدىڭ جۇمىسشى تابى مەن قالىڭ ەڭبەكشى بۇقارا پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاسامپازدىق جاراتۋعا ىنتالى، كۇرەس جۇرگىزۋگە باتىل بولىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا جاڭا داۋىرگە ءتان شۇعىلالى ناتيجە جاراتۋعا، جاڭا تاريحي ۇلى ءىستى ورىنداۋعا قۇلشىنۋ كەرەك

  لي كىچياڭ باسقاردى، لي جانشۋ، ۋاڭ ياڭ، جاۋ لىجي، حان جىڭ قاتىناستى، ۋاڭ حۋنيڭ ماداقتاۋ - سيلاۋ قارارىن وقىدى

  شينحۋا اگەنتتىگىنىڭ 11 - ايدىڭ 24 - كۇنى بەيجيڭنەن بەرگەن حابارى. مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جينالىسى 11 - ايدىڭ 24 - كۇنى تۇستەن بۇرىن بەيجيڭدەگى حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى، پارتيا ورتالىق كوميتەتى، مەملەكەتتىك كەڭەس اتىنان، ماداقتالىپ - سيلانعان مەملەكەتتىك ەڭبەك ەرلەرىن جانە وزات قىزمەتكەرلەردى قىزۋ قۇتتىقتادى، رەفورما جاساۋ، ەسىك اشۋ جانە سوتسياليستىك وسىزاماندىرۋ قۇرىلىسى ءۇشىن كورنەكتى ۇلەس قوسقان ەلىمىزدىڭ جۇمىسشى تابى مەن قالىڭ ەڭبەكشى بۇقاراعا شىنايى سالەم جولدادى.

  شي جينپيڭ بىلاي دەپ باسا دارىپتەدى: داڭق ەڭبەكشىلەرگە ءتان، باقىت ەڭبەكشىلەرگە ءتان. سوتسياليزم ىستەۋمەن كەلگەن، جاڭا ءداۋىر كۇرەسپەن كەلگەن. ەڭبەك ەرلەرى ۇلتتىڭ ەگەيلەرى، حالىقتىڭ ونەگەسى، رەسپۋبليكانىڭ ارداگەرى. ەلىمىز حالىق قوجايىن بولاتىن سوتسياليستىك مەملەكەت، پارتيا مەن مەملەكەت باستان - اياق جۇمىسشى تابىنا بار ىنتا - پەيىلىمەن سۇيەنۋ باعىتىنا تاباندى بولدى، باستان - اياق جۇمىسشى تابى مەن قالىڭ ەڭبەكشى بۇقارانىڭ پارتيا مەن مەملەكەت ىستەرىنىڭ دامۋ بارىسىنداعى ماڭىزدى ورنىنا ايرىقشا ءمان بەردى، باستان - اياق ەڭبەك ەرلەرى مەن وزات قىزمەتكەرلەردىڭ ماڭىزدى رولىنا ايرىقشا ءمان بەردى. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدە، ءسوز جوق، جۇمىسشى تابى مەن قالىڭ ەڭبەكشى بۇقاراعا تىعىز سۇيەنۋ كەرەك. ەلىمىزدىڭ جۇمىسشى تابى مەن قالىڭ ەڭبەكشى بۇقارا پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاسامپازدىق جاراتۋعا ىنتالى، كۇرەس جۇرگىزۋگە باتىل بولىپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا جاڭا داۋىرگە ءتان شۇعىلالى ناتيجە جاراتۋعا، جاڭا تاريحي ۇلى ءىستى ورىنداۋعا قۇلشىنۋ كەرەك.

  لي كىچياڭ جينالىستى باسقاردى، لي جانشۋ، ۋاڭ ياڭ، جاۋ لىجي، حان جىڭ قاتىناستى، ۋاڭ حۋنيڭ ماداقتاۋ - سيلاۋ قارارىن وقىدى.

  تۇستەن بۇرىن ساعات 10دا جينالىس باستالدى، كوپشىلىك ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.

  ۋاڭ حۋنيڭ «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ مەملەكەتتىك ەڭبەك ەرلەرىن جانە وزات قىزمەتكەرلەردى ماداقتاۋ - سيلاۋ جونىندەگى قارارىن» وقىدى. قاراردا مىنالار اتاپ كورسەتىلدى: 2015 - جىلدان بەرى ءار سالا، ءار كاسىپتە قىزمەت ورنىن سۇيگەن، كاسىبىن قاستەرلەگەن، قايراتتانا جاڭالىق اشقان، باتىلدىقپەن جاۋاپكەرشىلىك ارقالاعان، قالتقىسىز ۇلەس قوسقان زور توپتاعى وزاتتار، ۇلگىلەر جارىققا شىقتى، پارتيا ورتالىق كوميتەتى، مەملەكەتتىك كەڭەس 1689 ادامعا مەملەكەتتىك ەڭبەك ەرى اتاعىن، 804 ادامعا مەملەكەتتىك وزات قىزمەتكەر اتاعىن بەرۋدى ۇيعاردى.

  شات مەرەيلى مۋزيكا ءۇنى ىشىندە، مەملەكەتتىك ەڭبەك ەرلەرىنىڭ جانە وزات قىزمەتكەرلەردىڭ ۋاكىلدەرى رەت - رەتىمەن ءتوراعالار مىنبەسىنە كوتەرىلدى، شي جينپيڭ قاتارلىلار ولارعا داڭق كۋالىگىن بەردى.

  جۇڭگو اۆياتسيالىق موتور توبى شىنياڭ ليميڭ اۆياتسيالىق موتور شەكتى جاۋاپكەرشىلىك سەرىكتەستىگىنىڭ اعا تەحنيگى حۇڭ جياگۋاڭ مەملەكەتتىك ەڭبەك ەرلەرى مەن وزات قىزمەتكەرلەر اتىنان ۇندەۋ حاتىن وقىپ، جۇمىسشى تابى مەن قالىڭ ەڭبەكشى بۇقاراعا پارتيانىڭ سوزىنە قۇلاق اساتىن، پارتياعا ىلەسەتىن اتويشى، جاڭا ەلەۋلى ەڭبەڭ ءسىڭىرىپ، ۇلى ىستەردى تىندىراتىن نەگىزگى قوسىن، ونەرى ۇستەم، قابىلەتى مىعىم كۇرەسكەر، ىنتىماقتى دارىپتەپ، جاراسىمدىلىقتى جەبەيتىن باستاماشى بولۋعا ۇمتىلۋ ۇندەۋىن كوتەردى.

  بۇكىل زالدى كەرنەگەن قىزۋ شاپالاق ءۇنى ىشىندە شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: ۇزاق ۋاقىتتان بەرى پارتيانىڭ باسشىلىعىندا، ەلىمىزدىڭ جۇمىسشى تابى مەن قالىڭ ەڭبەكشى بۇقارا وتانمەن بىرگە ەسەيىپ، داۋىرمەن بىرگە ەكپىندەي ىلگەرىلەپ، ”ءبىز جۇمىسشىلاردا كۇش - قۋات بار“ دەگەن نەگىزگى اۋەندى اسقاقتاتتى، ءارقايسى شەپتە قاھارماندار توپ - توبىمەن شىعىپ، شوق جۇلدىزدار جارقىرادى. اسىرەسە، جاڭا داۋىرگە قادام قويعاننان بەرى ەلىمىزدىڭ جۇمىسشى تابى مەن قالىڭ ەڭبەكشى بۇقارا جۇڭگو ارمانىن جۇزەگە اسىرۋ ۇلى ساپارىندا ەرلىكپەن كۇرەس جۇرگىزىپ، ۇزدىك بولۋعا ۇمتىلىپ، ەرلىكپەن شىڭعا شىعىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدە نەگىزگى قوسىندىق رولىن ساۋلەلەندىردى، اقىل - پاراساتى مەن ماڭداي تەرى ارقىلى ەڭبەك داڭقتى، ءبىلىم ارداقتى، دارىندىلار باعالى، جاسامپازدىق ۇلى دەيتىن قوعامدىق سالتتى قالىپتاستىرىپ، ”جۇڭگو ارمانى. ەڭبەك قاستەرلى“ دەگەن جاڭا داستان جازدى.

  شي جينپيڭ بىلاي دەپ باسا دارىپتەدى: ەڭبەك ەرلەرى رۋحىن، ەڭبەك رۋحىن، ۇستا رۋحىن بارىنشا اسقاقتاتۋ كەرەك. ەڭبەك ەرى رۋحى، ەڭبەك رۋحى، ۇستا رۋحى − وتانشىلدىقتى وزەك ەتكەن ۇلت رۋحىنىڭ جانە رەفورما جاساۋدى، جاڭالىق اشۋدى وزەك ەتكەن ءداۋىر رۋحىنىڭ جاندى بەينەسى، بۇكىل پارتيانى، بۇكىل ەلدەگى ءار ۇلت حالقىن بوران - شاشىنعا بوگەلمەي، باتىلدىقپەن العا باسۋعا ىنتالاندىراتىن قۋاتتى رۋحاني قوزعاۋشى كۇش. ەڭبەك − بارلىق باقىتتىڭ باستاۋ كوزى. جاڭا جاعدايدا ەلىمىزدىڭ جۇمىسشى تابى مەن قالىڭ ەڭبەكشى بۇقارا ۇزدىكسىز وزاتتاردان ۇيرەنىپ، وزاتتارعا تەڭەلىپ، سوتسياليستىك وزەكتى قۇن كوزقاراسىن سانالى تۇردە امالياتتا ايگىلەپ، ەڭبەك ەرلەرى مەن وزات قىزمەتكەرلەردىڭ قاستەرلى رۋحى جانە اسىل قاسيەتى ارقىلى ءوزىن ىنتالاندىرىپ، قاجىرلى ەڭبەكتى، ادال ەڭبەكتى، جاسامپازدىق ەڭبەكتى سانالى ارەكەتكە اينالدىرۋ كەرەك. ءار دارەجەلى پارتكوم مەن ۇكىمەت ەڭبەك ەرلەرىنە قۇرمەت ەتىپ، ەڭبەك ەرلەرىنە قامقورلىق جاساپ، ەڭبەك ەرلەرى ساياساتىن كەمەلدەندىرىپ، اناعۇرلىم كوپ ەڭبەك ەرلەرى مەن وزات قىزمەتكەرلەردىڭ توپ - توبىمەن جارىققا شىعۋىن ىلگەرىلەتۋ كەرەك. تۇتاس قوعام ەڭبەكتى ارداقتاپ، جاقسىدان ونەگە الىپ، ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ قاستەرلى دەيتىن قوعامدىق سالتتى اسقاقتاتۋ كەرەك. ەڭبەكپەن باقىت جاراتۋدى نەگىزگى تاقىرىپ ەتكەن ۇگىت - تاربيەنى ورىستەتىپ، ەڭبەك تاربيەسىن دارىندىلاردى باۋلۋدىڭ جالپى بارىسىنا ەنگىزىپ، ۇرپاقتان - ۇرپاققا جالعاسقان ەڭبەكتى سۇيەتىن، ەڭبەككە ىنتالى، ەڭبەككە شەبەر جوعارى ساپالى ەڭبەكشىلەردى باۋلۋ كەرەك.

  شي جينپيڭ بىلاي دەپ اتاپ كورسەتتى: جۇمىسشى تابى مەن قالىڭ ەڭبەكشى بۇقارانىڭ نەگىزگى قوسىندىق رولىن تولىق ساۋلەلەندىرۋ كەرەك. جۇمىسشى تابى − ەلىمىزدىڭ باسشى تابى، وزىق وندىرگىش كۇش پەن وندىرىستىك قاتىناستىڭ ۋاكىلى، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى كۇشى. ەلىمىزدىڭ جۇمىسشى تابى مەن قالىڭ ەڭبەكشى بۇقارا مىزعىماس تاباندىلىقپەن پارتيانىڭ سوزىنە قۇلاق اسىپ، پارتياعا بۇلجىماستان ىلەسىپ، جاقسى قوجايىن بولىپ، جاڭا داۋىردە ەڭبەك ءسىڭىرۋ كەرەك. پارتيا مەن مەملەكەت ىستەرى دامۋىنىڭ جالپى جاعدايىن تياناق ەتىپ، پارتيا ورتالىق كوميتەتىنىڭ رەفورما، دامۋ، ورنىقتىلىق قىزمەتتەرى جونىندەگى شەشىمدەرىن، ورنالاستىرۋلارىن تياناق ەتىپ، ەڭبەك جانە شەبەرلىك باسەكەلەرىن كەڭىنەن، تەرەڭدەي، باياندى ورىستەتىپ، بۇقارالىق جاڭالىق اشۋ قيمىلىنا بەلسەنە ات سالىسۋ كەرەك. تاريحي بورىش سەزىمى مەن جاۋاپكەرشىلىك سەزىمدى كۇشەيتىپ، مەملەكەت جاقسى، ۇلت جاقسى بولعاندا عانا كوپشىلىكتىڭ جاقسى بولاتىندىعىن جەتە تانىپ، كەلەلى جاعدايدى سانالى قورعاۋ، كەلەلى جاعدايعا قىزمەت وتەۋ كەرەك. جۇمىسشى تابىنىڭ ىنتىماعىن نىعايتىپ، جۇمىسشى تابىنىڭ باسقا ەڭبەكشى بۇقارامەن ىنتىماعىن كۇشەيتىپ، ءتۇرلى قيىنشىلىقتاردى جەڭەتىن سەنىم مەن بەكىمدى بەكەمدەپ، قاشاندا پارتيانىڭ بيلىك جۇرگىزۋىنىڭ مىعىم سۇيەنىش كۇشى بولۋ كەرەك.

  شي جينپيڭ بىلاي دەپ باسا دارىپتەدى: جوعارى ساپالى ەڭبەكشىلەر قوسىنىن قۇرۋعا قۇلشىنۋ كەرەك. ەڭبەكشىلەردىڭ ساپاسى ءبىر مەملەكەتتىڭ، ءبىر ۇلتتىڭ دامۋىندا توتەنشە ماڭىزدى. ەلىمىزدىڭ جۇمىسشى تابى مەن قالىڭ ەڭبەكشى بۇقارا ءومىر بويى ۇيرەنۋ ۇستانىمىن ورناتىپ، ۇيرەنۋگە شەبەر، ويلانۋعا ىنتالى بولاتىن ادەت قالىپتاستىرىپ، ۇيرەنۋ ارقىلى ءمورال جەتىلدىرۋ، ۇيرەنۋ ارقىلى پاراسات - زەردەنى ءوسىرۋ، ۇيرەنگەندى قولدانا ءبىلۋ كەرەك. جاڭا كەزەكتى عىلىم - تەحنيكا توڭكەرىسىنىڭ جانە كاسىپ سالاسى وزگەرىسىنىڭ قاجەتىنە ۇيلەسىپ، قۇلشىنا ۇيرەنىپ، قاجىرلىلىقپەن جاتتىعىپ، تەرەڭدەي ىزدەنىپ، تەحنيكالىق شەبەرلىك دەڭگەيىن ۇزدىكسىز جوعارىلاتۋ كەرەك. تەحنيكالىق جۇمىسشىلاردى باۋلۋ، ىستەتۋ، ساراپتاۋ، باعالاۋ مەحانيزمىن كەمەلدەندىرىپ جانە تياناقتاندىرىپ، اناعۇرلىم كوپ جوعارى تەحنيكالىق شەبەرلىككە يە دارىندىلار مەن ءىرى ەل ۇستالارىن جەتىلدىرۋ كەرەك. جاڭالىق اشۋ تانىمىن كۇشەيتىپ، جاڭالىق اشۋ ويىن جەتىلدىرىپ، قاجىرلىلىقپەن جاڭالىق اشاتىن باتىلدىق، ەلدەن بۇرىن ۇمتىلاتىن ارىن، شارىقتاي ورگە ۇمتىلاتىن جىگەر كورسەتۋ كەرەك. ونەركاسىپ جۇمىسشىلارى قوسىن قۇرىلىسى رەفورماسىن ىلگەرىلەتىپ، مۇراتتى، سەنىمى بەرىك، تەحنيكانىڭ تەتىگىن يگەرىپ، جاڭالىق اشا الاتىن، جۇرەكتىلىكپەن جاۋاپكەرشىلىك ارقالاپ، ۇلەس قوسۋدى دارىپتەيتىن وراسان زور ونەركاسىپ جۇمىسشىلارى قوسىنىن قالىپتاستىرۋ كەرەك.

  شي جينپيڭ بىلاي دەپ اتاپ كورسەتتى: ەڭبەكشىلەردىڭ زاڭدى ۇقىق - مۇددەسىن شىنايى تۇردە ويداعىداي جۇزەگە اسىرۋ، ويداعىداي قورعاۋ، ويداعىداي دامىتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، جۇمىسشى تابى مەن قالىڭ ەڭبەكشى بۇقارانىڭ زاڭدى ۇقىق - مۇددەسىن ويداعىداي قورعاپ، جۇمىسشى تابى مەن قالىڭ ەڭبەكشى بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ كەرەك. جۇمىستانۋدى ورنىقتىرۋ قىزمەتىن اناعۇرلىم كورنەكتى ورىنعا قويىپ، ەڭبەكشىلەردىڭ تابىس دەڭگەيىن ۇزدىكسىز جوعارىلاتىپ، كوپ ساتىلى قوعامدىق قامتاماسىز ەتۋ جۇيەسىن ورناتىپ، ەڭبەك حاۋىپسىزدىگى، دەنساۋلىق شارت - جاعدايىن جاقسارتىپ، قالىڭ ەڭبەكشىلەردىڭ رەفورمانىڭ، دامۋدىڭ جەتىستىكتەرىن بىرگە جاراتۋىنا جانە ودان بىرگە يگىلىكتەنۋىنە مۇمكىندىك جاساپ، اناعۇرلىم ءونىمدى شارالار ارقىلى بىرگە بايۋدى ۇزدىكسىز ىلگەرىلەتۋ كەرەك. قيىنشىلىعى بار بۇقاراعا كومەكتەسۋ - سۇيەمەلدەۋ قىزمەت مەحانيزمىن ورناتىپ، كەمەلدەندىرىپ، پارتيا مەن مەملەكەتتىڭ قامقورلىعىن قيىنشىلىعى بار بۇقارانىڭ جۇرەگىنە ۇيالاتىپ، ولارعا سوتسياليزم ۇلى شاڭىراعىنىڭ مەيىرىمىن سەزىندىرۋ كەرەك. پارتيا مەن ۇكىمەت ورىندارى جەتەكشى بولاتىن ۇقىق قورعاۋعا قىزمەت وتەۋ مەحانيزمىن اقاۋسىزداندىرىپ، ەڭبەك تۋرالى زاڭدار، زاڭ ەرەجەلەر جۇيەسىن اقاۋسىزداندىرىپ، جۇمىسشى تابى مەن قالىڭ ەڭبەكشى بۇقارانىڭ زاڭدى ۇقىق - مۇددەسىن قورعاۋعا زاڭدىق جانە تۇزىمدىك قامتاماسىزدىق ازىرلەۋ كەرەك.

  بيىل جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 95 جىلدىعىنا وراي، شي جينپيڭ پارتيانىڭ جۇمىسشىلار قوزعالىسى ىستەرى جانە جۇمىسشى ۇيىمى قىزمەتى ءۇشىن كورنەكتى ۇلەس قوسقان اعا بۋىن جۇمىسشى ۇيىمى قىزمەتكەرلەرىنەن، بۇكىل ەلدەگى ءار دارەجەلى جۇمىسشى ۇيىمدارىنان جانە قالىڭ جۇمىسشى ۇيىمى كادرلارىنان، قالىڭ قىزمەتكەرلەردەن جانە جۇمىسشى ۇيىمى بەلسەندىلەرىنەن شىنايى حال سۇرادى. شي جينپيڭ بىلاي دەپ اتاپ كورسەتتى: جۇمىسشى ۇيىمى 95 جىلدان بەرگى ناتيجەلەر مەن تاجىريبەلەردى قورىتىندىلاپ، جۇمىسشى ۇيىمىنىڭ قىزمەت قابىلەتى مەن دەڭگەيىن قۇلشىنا جوعارىلاتۋ كەرەك. ءار دارەجەلى پارتكومدار پارتيانىڭ بيلىك جۇرگىزۋىنىڭ تاپتىق نەگىزى مەن بۇقارالىق نەگىزىن بەكەمدەۋ تۇرعىسىنان، بۇكىل ىنتا - پەيىلىمەن جۇمىسشى تابىنا سۇيەنۋ باعىتىن مۇقيات دايەكتىلەندىرىپ، جۇمىسشى ۇيىمى قىزمەتىنە باسشىلىقتى كۇشەيتىپ جانە جاقسارتىپ، جۇمىسشى ۇيىمىنىڭ قىزمەت جاۋاپكەرشىلىگىن اتقارۋى، رولىن ساۋلەلەندىرۋى ءۇشىن ۇزدىكسىز ءتيىمدى شارت - جاعداي ازىرلەۋ كەرەك.

  لي كىچياڭ جينالىستى باسقارعان كەزدە بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە جۇمىسشى تابى مەن قالىڭ ەڭبەكشى بۇقارانىڭ جۇڭگوشا سوتسياليزم ۇلى ىسىندەگى ماڭىزدى ورنى مەن رولىنا جوعارى باعا بەرىپ، مەملەكەتتىك ەڭبەك ەرلەرى مەن وزات قىزمەتكەرلەردىڭ ەرەن ۇلەسىن جانە اسقاق رۋحىن تولىق تۇراقتاندىرىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە ماشاقاتتان، قيىندىقتان تايسالماي، قايسارلىقپەن شايقاس جاساعان بۇكىل ەلدەگى ءار ۇلت حالقىن ىستىق ىقىلاسپەن القاپ، ەڭبەك ەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتۋ، جۇمىسشى تابى مەن قالىڭ ەڭبەكشى بۇقارانىڭ نەگىزگى قوسىندىق رولىن تولىق ساۋلەلەندىرۋ، جوعارى ساپالى ەڭبەكشىلەر قوسىنىن قۇرۋ، ەڭبەكشىلەردىڭ زاڭدى ۇقىق - مۇددەسىن شىنايى تۇردە ويداعىداي جۇزەگە اسىرۋ، ويداعىداي قورعاۋ، ويداعىداي دامىتۋ كەرەكتىگىن ايقىن ورتاعا قويدى. ءسوز اسا كۇشتى يدەيالىق سيپاتقا، جەتەكشىلىك سيپاتقا، باعىتتامالىلىق سيپاتقا يە. مۇقيات ۇيرەنىپ، ءتۇسىنىپ، ىشكەرىلەي دايەكتىلەندىرۋ، تياناقتاندىرۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك.

  ديڭ شۋەشياڭ، جاڭ يوۋشيا، چىن شي، حۋ چۇنحۋا، حۋاڭ كۇنميڭ، يوۋ چۋان، جاڭ چۇنشيان، ۋاڭ دۇڭميڭ، شياۋ جيە، جاڭ چيڭلي جينالىسقا قاتىناستى.

  ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنداعى جانە بەيجيڭ قالاسىنداعى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، 2020 - جىلعى مەملەكەتتىك ەڭبەك ەرلەرى مەن وزات قىزمەتكەرلەر، ت.ب جينالىسقا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار