شي جينپيڭ گەرمانيانىڭ زۇڭليى مەركەلمەن تەلەفوندا سويلەستى
2020.11.26 16:03 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 24 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 11 - ايدىڭ 24 - كۇنى كەشتە گەرمانيانىڭ زۇڭليى مەركەلمەن تەلەفوندا سويلەستى.
شي جينپيڭ بىلاي دەپ باسا دارىپتەدى: بىرنەشە كۇننىڭ الدىندا، ءسىز ەكەۋىمىز 20 ەل توبى باسشىلارىنىڭ باس قوسۋىنا قاتىناستىق. ءبىز كوپ جاقتىلىققا تاباندى بولىپ، حالىقارالىق سەلبەستىكتى كۇشەيتىپ، قول ۇستاسا وتىرىپ ىندەتكە قارسى اتتانىپ، دۇنيە ءجۇزى ەكونوميكاسىن قايتا سەرپىلتىپ، الەمدىك سايىستارعا ورتاق توتەپ بەرۋدى دارىپتەدىك. كەزەكتە ەۆروپانى قامتىعان بۇكىل الەمدەگى ىشىنارا وڭىرلەر جاڭا تيپتى ايدارشا ۆيرۋس وكپە قابىنۋ ىندەتىنىڭ 2 - تولقىنىنىڭ سىناعىنا ءدوپ كەلۋدە، قول ۇستاسا وتىرىپ ىندەتكە قارسى اتتانۋ ءالى دە ءار جاقتىڭ ماڭداي الدى مىندەتى بولىپ وتىر. جۇڭگو جاق گەرمانيا جاقپەن بىرگە ۆاكسينا اۋىس - كۇيىسىن، سەلبەستىگىن كۇشەيتىپ، ۆاكسينانىڭ الەمدىك الەۋمەتتىك ءونىم رەتىندە ءادىل ۇلەستىرىلۋىن ىلگەرىلەتۋدى، وتە - موتە، وركەندەپ كەلە جاتقان ەلدەردى تيىمدىلىككە كەنەلدىرۋدى قالايدى.
شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى جۇڭگو مەن گەرمانيا يكەمدى تاسىلدەرمەن بايلانىستى ساقتادى، ناقتى ىستەر سەلبەستىگىن ۇزدىكسىز ىلگەرىلەتتى. جۇڭگو قازىر جاڭا دامۋ ارناسىن بەلسەنە قالىپتاستىرۋدا، ىشكى سۇرانىستى ارتتىرۋعا، ەسىكتى ايقارا اشۋعا تاباندى بولۋدا، بۇل گەرمانيا جاققا تىڭ وراي الا كەلەدى. ءبىز گەرمانيا جاق پەن ەۆروپا جاقتىڭ جۇڭگو كاسىپورىندارىنا ەسىكتى اشىق ۇستاۋىن ءۇمىت ەتەمىز. ەكى جاق ءوزارا قۇرمەت ەتۋگە تاباندى بولىپ، تىلدەسۋدىڭ، سەلبەسۋدىڭ جەتەكشى ورنىن جانە ءوزارا پايدا جەتكىزۋدىڭ، تەڭ يگىلىككە كەنەلۋدىڭ نەگىزگى ارقاۋىن باستان - اياق ويداعىداي يگەرۋ كەرەك. جۇڭگو - گەرمانيا ۇكىمەتتەرىنىڭ جاڭا كەزەكتى كەڭەسىنىڭ ەكى جاقتىڭ ءار سالاسىنىڭ سەلبەستىگى ءۇشىن جوسپار قاراستىرىپ، ورنالاستىرۋ جاساۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: جۇڭگو مەن ەۆروپانىڭ سەلبەستىگى كۇردەلى حالىقارالىق جاعدايدا، ءتىپتى دە الەمدىك سيپاتقا جانە ستراتەگيالىق سيپاتقا يە بولىپ وتىر. ەكى جاق ءوزارا سەنىمدىلىكتى، سەلبەستىكتى كۇشەيتىپ، اۋىس - كۇيىس جاساۋدى، ءوزارا ۇلگى الۋدى كۇشەيتىپ، كوپ جاقتىلىقتى قورعاپ، الەمدىك جونگە سالۋدى كەمەلدەندىرۋى كەرەك. بيىل 9 - ايدا مەن سىزبەن جانە ەۆروپا وداعىنىڭ ەكى توراعاسىمەن بەينە ەكراندا ءديدارلاسىپ، كوپتەگەن ورتاق تانىمدارعا كەلدىك، كەزەكتە مۇنىڭ بارلىعى تياناقتاندىرىلۋدا. جۇڭگو جاق ەۆروپا جاقپەن بىرگە جۇڭگو - ەۆروپانىڭ كەلەسى ساتىداعى كەلەلى كەڭەستىك تارتىپتەرىندە ۇزدىكسىز تىعىز بايلانىس جاساۋدى، جۇڭگو - ەۆروپا قارجى قوسۋ كەلىسىمى كەلىسسوزىنىڭ ۋاعىندا ورىندالۋىن قۇلشىنا ىلگەرىلەتۋدى، جۇڭگو مەن ەۆروپانىڭ قورشاعان ورتا جانە كليمات، سيفرلى تىلدەسۋ مەحانيزمى قۇرىلىسىن ىلگەرىلەتۋدى، جۇڭگو مەن ەۆروپانىڭ جاسىل سەرىكتەستىگىن، سيفرلى سەرىكتەستىگىن تۇلعالاپ، جۇڭگو - ەۆروپانىڭ جاڭا جاعدايداعى جالپى بەتتىك ستراتەگيالىق سەرىكتەستىك قارىم - قاتىناسىنىڭ دامۋىنا قۋاتتى كۇش ۇستەۋدى قالايدى.
مەركەل مىنالاردى ءبىلدىردى: بۇگىنگى دۇنيە جۇزىندە كەلەلى وزگەرىستەر تۋىلۋدا، ەۆروپا قازىر ىندەتتىڭ 2 - تولقىنىنىڭ سوققىسىنا ۇشىراۋدا. جۇڭگو ىندەتتەن ساقتانۋ - تىزگىندەۋدى ويداعىداي ىستەدى، ەكونوميكانى الدىمەن قالپىنا كەلتىردى، بۇل گەرمانيا كاسىپورىندارى ءۇشىن ءتيىمدى، جاقسى حابار. ەكى جاقتىڭ ۆاكسينا سەلبەستىگىندە پىكىرلەسۋدى كۇشەيتىپ، ساۋدالىق قارجى قوسۋ، جاڭا ەنەرگيالى اۆتوموبيل سياقتى سالالاردا سەلبەستىكتى ىلگەرىلەتۋىن ءۇمىت ەتەمىن. گەرمانيا جاق جۇڭگو جاقتىڭ قاتىستى جاقتارمەن «وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمىنە» قول قويىسقانىن قۇتتىقتايدى، جۇڭگو جاقپەن بىرگە قۇلشىنىس جاساۋدى كۇشەيتىپ، وسى جىل ىشىندە جۇڭگو - ەۆروپا قارجى قوسۋ كەلىسىمى كەلىسسوزىن ورىنداۋدى ىلگەرىلەتۋدى ءۇمىت ەتەدى. گەرمانيا جاق جۇڭگو جاقتىڭ كليمات وزگەرىسىنە توتەپ بەرۋدىڭ ورتا، ۇزاق ۋاقىتتىق نىساناسى مەن بولاشاقتىق جوباسىن جاريالاعانىن ايرىقشا القايدى، جۇڭگو جاقپەن كليمات وزگەرىسى، ەكولوگيالىق ورتا سياقتى سالالاردا سەلبەستىكتى تەرەڭدەتۋدى ءۇمىت ەتەدى. گەرمانيا جاق جۇڭگو جاقپەن بىرگە كەلەسى ساتىداعى گەرمانيا مەن جۇڭگونىڭ، ەۆروپا مەن جۇڭگونىڭ ماڭىزدى ساياسي كەڭەس تارتىپتەرى جونىندە ۇزدىكسىز تىعىز بايلانىستى ساقتاۋدى قالايدى. مەن گەرمانيا مەن جۇڭگونىڭ، ەۆروپا مەن جۇڭگونىڭ قارىم - قاتىناسىنىڭ باياندى تۇردە جاقسى دامۋىن ىلگەرىلەتۋگە ۇزدىكسىز كۇش سالامىن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
