جاسىلدى نەگىز، ساپانى ءتۇيىن ەتتى
جىڭ الاقاتى اسىلعا اينالدى
گازەتىمىزدىڭ جالپىلىق اقپارات قۇرالدارى تىلشىلەرى
2020.11.27 15:32 كەلۋ قاينارى : شينجياڭ گازەتى
سوڭعى جىلدارى جىڭ اۋدانى ساپا ارقىلى اۋىل شارۋاشىلىعىن گۇلدەندىرۋ، جاسىل ارقىلى اۋىل شارۋاشىلىعىن گۇلدەندىرۋ سىندى دامۋ ۇستانىمى بويىنشا جوعارى ولشەمدى جاسىل ەگىمشىلىك ۇلگىسىن قالىپتاستىرىپ، الاقاتتى جىنتىكتەي مانەرلەۋدى ىلگەرىلەتۋ، كاسىپ تىزبەگىن ۇزارتۋ جاعىندا ۇزدىكسىز ىزدەنىس جاساپ، الاقات شارۋاشىلىعى جوعارى ساپالى دامۋ جولىنا قادام تاستاپ، الاقات ەگىنشىلەردىڭ بايۋىنىڭ اسىلىنا اينالدى.”ساپا باسىمدىعىن“ كورنەكتىلەندىردى
الاقات شارۋاشىلىعىنىڭ ساپاسىن ءوسىرىپ، ونىمدىلىگىن جوعارىلاتۋىنىڭ ارقاسىندا، جىڭ اۋدانىنداعى الاقات ەگىمشىلىگىمەن شۇعىلدانۋشى جاڭ شياڭشىڭنىڭ تۇرمىسى كوڭىلدى وتۋدە.
”مەن جانە اكەم 2 ۇرپاق ادام تۇگەلدەي الاقات ەگىپ كەلدىك، ىلگەرى بىرنەشە مۋ جەرگە بىتىراندى ەگىپ، كولەم قالىپتاستىرا الماي، جىلدىق كىرىس نەبارى 10 مىڭ يۋان اينالاسىندا بولاتىن“. جاڭ شياڭشىڭ: سەلبەستىك كووپەراتيۆىنە كىرگەننەن كەيىن ەگىمشىلىك كولەمىنىڭ كەڭەيۋىنە بايلانىستى كىرىس تە ارتتى، قازىر جىلدىق كىرىس 100 نەشە مىڭ يۋانعا جەتەدى، - دەدى.
جىڭ اۋدانىنىڭ الاقات ەگۋ كولەمى توتەنشە زور بولعانىمەن، تاياۋ جىلدارى نەگىزىنەن وتباسىلارىنىڭ بىتىراندى ەگىمشىلىگىنە سۇيەنىپ، كاسىپ سالالاندىرۋ دەڭگەيى تومەن بولىپ، كەپتىرىلگەن جەمىس - جيدەك ساتۋ العاشقى ساتىسىندا ۇزاق ۋاقىت توقتاپ قالعان ەدى.
قايتكەندە ”كولەم باسىمدىعىن“ ”ساپا باسىمدىعىنا“ اينالدىرۋعا بولادى؟ جىڭ اۋدانى ساپالى تۇقىم تاڭداۋ جانە ءوسىرۋ، بيولوگيالىق ساقتانۋ - تىزگىندەۋ جانە سايكەستى ءوسىرۋ سياقتى جاقتاردان كىرىسىپ، قازىنا، فينانس سايكەستى ساياساتتارىن شىعارىپ، كاسىپورىننىڭ، سەلبەستىك كووپەراتيۆىنىڭ جانە ەگىمشىلىك ءىرى وتباسىلارىنىڭ باستاۋى ارقىلى الاقاتتى كولەمدەندىرىپ، ولشەمدەندىرىپ ەگۋدى جەبەپ، الاقات ەگىنشىلەرىن تۋ باستان جاسىل الاقات ونىمدەرىن وندىرۋگە جەتەكتەدى.
”وتباسىلارى ەگۋدەن ۇيلەسىمدى كولەمدەنگەن شارۋاشىلىققا ويىسۋعا، زالالسىز ەگىمشىلىكتەن جاسىل ەگىمشىلىككە، قولمەن ەگۋدەن ماشينالى ەگۋگە دەيىن جىڭ اۋدانى جوعارى ولشەمدى، جاسىل الاقات ەگىمشىلىگى ۇلگىسىن قالىپتاستىرۋدا“، - دەدى جىڭ اۋدانى الاقات شارۋاشىلىعىن دامىتۋ ورتالىعىنىڭ مەڭگەرۋشىسى، اعا ينجەنەر جاۋ يۇيليڭ.
بيىل جىڭ اۋدانى جاڭادان 20 مىڭ 400 مۋ جەرگە الاقات ەگىپ، جالپى ەگىلۋ اۋماعى 134 مىڭ مۋعا جەتتى. قالامشا وسىرەتىن 3 كاسىپورىندى جەتىلدىرىپ، جىلىنا ساپالى الاقات قالامشاسىنان 10 ميلليون تۇپتەن استامىن جەتىلدىرىپ، ساتۋ كىرىسى 20 ميلليون يۋاننان استى.”قىزىل تانىسقىنى“ جارقىراتتى
11 - ايدىڭ 16 - كۇنى جىڭ ونەركاسىپ باقشا رايونىنداعى جىڭ اۋدانى جيرۇي بيوتەحنيكا شەكتى جاۋاپكەرلىك سەرىكتەستىگىنە بارعانىمىزدا (تومەندە قىسقارتىلىپ جيرۇي سەرىكتەستىگى دەلىندى) جۇمىسشىلار مانەرلەۋ سەحىندا الاقاتتاردى سۇرىپتاپ جاتىپتى.
”كەزەكتە سەرىكتەستىگىمىز الاقات شىرىنى، الاقات سىراسى، الاقات گاۆاسى، الاقات دەنساۋلىق ساقتاۋ ونىمدەرى سياقتى جەلىلەس ونىمدەردى زەرتتەپ اشتى. جىنتىىكتەي مانەرلەۋ ارقىلى الاقاتتىڭ ۇستەمە قۇنى ۇزدىكسىز جوعارىلادى“، - دەدى وسى سەرىكتەستىكتىڭ باس ديرەكتورى جاڭ بيڭ.
جىڭ الاقاتىنىڭ باسەكەلىك قۋاتىن جوعارىلاتۋ ءۇشىن، جىڭ اۋدانى الاقات مانەرلەيتىن كاسىپورىننان 13ىن، ينتەرنەت جەلىسىندە ساۋدالايتىن كاسىپورىننان 46سىن، تور دۇكەنىنەن 200 نەشەسىن سۇيەمەلدەپ، ەنگىزىپ، ەرەكشە ماركادان 23ىن جاراتىپ، الاقات سىراسى، توسابى، فەرمەنتى، كاپسۋلا سياقتى جەلىلەس ونىمنەن 20 نەشە ءتۇرىن ءوندىردى.
بيىل جىڭ الاقاتى تاماشا ناتيجە ءتىزىمىن تاپسىردى، كەپتىرىلگەن الاقاتتان، سونداي - اق ونىڭ جىنتىكتەي مانەرلەنگەن ونىمدەرىنەن 4500دەن استام تونناسى ەكسپورت ەتىلىپ، امەريكا، كانادا، ءۇندىستان، سينگاپۋر، جاپونيا سياقتى 20دان استام مەملەكەت پەن رايونعا ساتىلىپ، 14 ميلليون 772 مىڭ 200 دوللار شەتەل اقشاسىن تاپتى.
”جىڭ اۋدانىنىڭ الاقات باسىمدىعىن تولىق ساۋلەلەندىرىپ، جاسىل ورگانيكالىق ماركانى جاراتىپ، جوعارى دەڭگەيلى ءونىم جولىمەن جۇرگەندە عانا جىڭ الاقاتى بازاردا باياندى باسەكەلىك باسىمدىعىن ساقتاي الادى“، - دەدى جاۋ يۇيليڭ.اۋىل شارۋاشىلىعى مەن ساياحاتتىڭ توعىسۋىن ىلگەرىلەتتى
سوڭعى جىلدارى جىڭ اۋدانى الاقات شارۋاشىلىعىنان بەلسەنە پايدالانىپ ساياحات كاسىبىنىڭ دامۋىنا دەم بەردى. كەزەكتە جىڭ اۋدانىندا ەگىمشىلىك، ءوندىرىس، مانەرلەۋ، ساتۋ، سەيىل - سەرۋەن ساياحاتى سياقتىلار ءبىر تۇلعالانعان 1 -، 2 -، 3 - كاسىپتەر توعىسپالى دامىعان ۇلگى قالىپتاستى.
”’ونىمدەردى سەزىنۋ + ساياحات‘ ۇلگىسى جالپىلاسا باستاعانىمەن، نەگىزگى الاقات القابى سانالاتىن جىڭ اۋدانى تولىققاندى الاقات مادەنيەتىن ءالى قالىپتاستىرا العان جوق، الدەقاشان قۇرىلعان الاقات تەرەتىن 15 باقشا مەن 8500 مۋ كەلەتىن ۇلگى كورسەتۋ باقشاسىندا الاقات مادەنيەتى ساياحاتىنىڭ سايكەستى قۇرىلعىسى جوق“، - دەدى جاۋ يۇيليڭ.
سول سەبەپتى، جىڭ اۋدانى الاقات شارۋاشىلىعى مەن ساياحات كاسىبىن توعىستىرۋدى ىلگەرىلەتىپ، الاقات مادەنيەتىن جالعاستىرۋدى، وعان جاڭالىق ەنگىزۋدى تىرەك ەتىپ، الاقات مادەنيەتى مۇراجايىن، كۇتىنۋ، دەنساۋلىق ساقتاۋ سارايىن، سەيىل - سەرۋەن قۇرىپ الاقات تەرۋ باقشاسى سياقتىلاردى قۇرىپ، الاقات مادەنيەتى ەرەكشەلىگىنە يە كينو - تەلەۆيزيا، ادەبيەت، حاتكەرلىك - سۋرەت، فوتوسۋرەت سياقتى ءبىر توپ سارا تۋىندىلاردى بەلسەنە جاراتىپ، الاقات شارۋاشىلىعى مەن مادەنيەت ساياحاتى كاسىبىنىڭ توعىسپالى دامۋىن ىلگەرىلەتتى.
پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە اۋىل شارۋاشىلىعىنىڭ ساپاسىن، ونىمدىلىگىن جانە باسەكەلىك قۋاتىن جوعارىلاتۋ كەرەكتىگى العا قويىلدى. جاۋ يۇيليڭ مىنالاردى ءبىلدىردى: ”14 - بەسجىلدىق“ مەزگىلىندە جىڭ اۋدانى الاقات شارۋاشىلىعى ەكولوگيالىق جۇيەسىن كۇش سالا ورناتىپ، الاقات شارۋاشىلىعىنان پايدالانىپ اۋىل - قىستاق ساياحاتى مەن كۇتىنۋ كاسىبىنىڭ دامۋىنا دەم بەرىپ، الاقات شارۋاشىلىعىنىڭ جوعارى ساپالى دامۋ اياق الىسىن جەدەلدەتىپ، ەگىنشىلەردىڭ كىرىستى ارتتىرۋىنا دەم بەرىپ، اۋىل - قىستاقتى گۇلدەندىرۋدى ىلگەرىلەتەدى.(تىلشىلەر لياڭ ليحۋا، جىن شىشين، دوۋ شيڭجۇن)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
