رەفورما تەبىندى، دامۋ ساپالى بولدى
گازەتىمىزدىڭ جالپىلىق اقپارات قۇرالدارى ءتىلشىسى جاڭ يۇنمەي
2020.12.07 15:36 كەلۋ قاينارى : شينجياڭ گازەتى
رەفورما دەگەنىمىز كونەنى وزگەرتىپ، جاڭانى ورناتۋ، جاڭا وزگەرىستەرگە توتەپ بەرىپ، جاڭا قالىپقا ۇيلەسۋ. رەفورما جولى دەگەنىمىز جاڭالىق اشۋ جولى، ماڭگى توقتامايتىن جول.
”13 - بەسجىلدىق“ مەزگىلىندە رايونىمىز شينجياڭ قىزمەتىنىڭ باس نىساناسىن تىعىز ارقاۋ ەتىپ، رەفورمانى تاباندىلىقپەن جالپى بەتتىك تەرەڭدەتىپ، تاۋ جولىقسا جول اشىپ، سۋ كەزىكسە كوپىر سالاتىن باتىلدىقپەن رەفورما تەبىنىن ۇزدىكسىز ارتتىردى. ورنىقتىلىقتى ساقتاۋعا، دامۋدى جەبەۋگە، حالىق تۇرمىسىنا تيىمدىلىك جاساۋعا پايدالى ءبىر توپ رەفورما شارالارى تياناقتانىپ اتقارىلىپ، قامال الۋ قيىندىعى زور ءبىر توپ رەفورما مىندەتتەرى ماڭىزدى ىلگەرىلەۋشىلىككە قول جەتكىزىپ، رەفورما جاساۋدىڭ، جاڭالىق اشۋدىڭ ءبىر توپ جاڭا تابىستارى زاڭ شىعارۋ جانە ءتۇزىم ارقىلى جۇيەلىلەندىرىلىپ، رەفورما بەلسەندى ناتيجەلەرگە قول جەتكىزدى.
باس نىسانانى ارقاۋ ەتىپ، رەفورمانى ءبىر تۇتاس جوسپارلاپ ىلگەرىلەتتى
تەك باس نىسانانى ءجىتى قاداعالاپ، سالالاردىڭ رەفورمانى جاپپاي تەرەڭدەتۋىن ءبىر تۇتاس جوسپارلاپ ىلگەرىلەتكەندە عانا، ءبىر - بىرلەگەن ”شوقىلاردى“ الىپ، ءبىر - بىرلەگەن ”ماشاقاتتى تۇيىندەردى“ شەشۋگە بولادى.
رايونىمىز قوعامدىق جونگە سالۋ تۇزىلىسىندە، مەحانيزمىندە ۇزدىكسىز جاڭالىق اشىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن تۇلعالادى.
كورشىلەر ارا كيكىلجىڭ بولسا، قورىقپاڭىز. بۇراتالا قالاسى وڭتۇستىك قالا اۋماعى ءمالى باسقارماسى چاۋياڭ الەۋمەتتىك اۋماعى پارتيا باس ياچەيكاسىنىڭ شۋجيى بيان جۇنلي بىلاي دەدى: تۇرعىندار الەۋمەتتىك اۋماقتىڭ ”جاراستىرۋعا قۇلشىنۋ“ قىزمەت كەڭسەسىنە كەلىپ وتىرىپ، كوڭىلدەرىن جابىرقاتقان ىستەردى ايتسا، حالىقتىق جاراستىرۋشىلارىنىڭ كوڭىل قويا، سۇيىسپەنشىلىكپەن جاراستىرۋىندا قايشىلىقتاردى سيلاسىمدىقپەن شەشە الادى.
”جاراستىرۋعا قۇلشىنۋ“ قىزمەت كەڭسەسى − چاۋياڭ الەۋمەتتىك اۋماعىنىڭ نەگىزگى ساتى قوعامدىق جونگە سالۋىنا جاڭا ىزدەنىس جاساۋ بارىسىندا قۇرىلعان قىزمەت كەڭسەلەرىنىڭ ءبىرى، ”فىڭچياۋ تاجىريبەسىنىڭ“ رايونىمىزدىڭ نەگىزگى ساتىسىنداعى جاندى امالياتى. ”بىزدە جوندەۋگە قۇلشىنۋ، ءۇي شارۋاسىنا قۇلشىنۋ، ەرىكتى بولۋعا قۇلشىنۋ، جەتىلدىرۋگە قۇلشىنۋ، جاراستىرۋعا قۇلشىنۋ، زاڭ جالپىلاستىرۋعا قۇلشىنۋ سياقتى 6 قىزمەت كەڭسەسى بار“. بيان جۇنلي بىلاي دەدى: ”التى ’قۇلشىنۋدى‘ اتقارۋ ارقىلى دەر كەزىندە قايشىلىق، جاڭجالداردى نەگىزگى ساتىدا شەشىپ، وركەن كۇيىندە جويدىق، الەۋمەتتىك اۋماق بارعان سايىن جاراسىمدى بولا ءتۇستى“.
چاۋياڭ الەۋمەتتىك اۋماعىنداعى سياقتى مۇنداي ادىستەر تەك جەكە - دارا ەمەس. جەر - جەردىڭ ءىس جۇزىندىككە ۇشتاستىرىپ، قىزمەت ادىسىندە جاڭالىق اشۋىنا ىلەسە، رايونىمىزدىڭ زاڭ بويىنشا جونگە سالۋ قابىلەتى ۇزدىكسىز جوعارىلاپ، قوعامدىق ساقتانۋ - تىزگىندەۋ مەحانيزمى ۇزدىكسىز اقاۋسىزدانىپ، نەگىزگى ساتى قوعامدىق جونگە سالۋ جۇيەسى ۇزدىكسىز كەمەلدەندى.
ۇلتتار ىنتىماعى − شينجياڭداعى ءار ۇلت حالقىنىڭ جانى. 2016 - جىلدان بەرى اۆتونوميالى رايون ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، كادر - قىزمەتشىلەردىڭ نەگىزگى ساتى بۇقاراسىمەن جۇپ قۇراپ، تۋىس بولۋىمەن جاپپاي قامتۋ، كەدەي وتباسىمەن جۇپ قۇراپ، تۋىس بولۋىمەن جاپپاي قامتۋدى جۇزەگە اسىردى. ءار ۇلت كادر - بۇقاراسى بىرگە تاماقتانۋ، بىرگە تۇرۋ، بىرگە ەڭبەك ىستەۋ، بىرگە ۇيرەنۋ بارىسىندا، تۇسىنىستىكتى تەرەڭدەتىپ، سۇيىسپەنشىلىكتى ارتتىرىپ، ۇلتتار ىنتىماعىنىڭ ”سەنترلەس شەڭبەرىن“ بارعان سايىن ۇلكەيتتى.
ءبىر قىدىرۋ رەفورما شارالارى شينجياڭنىڭ قوعام ورنىقتىلىعىنىڭ نەگىزىن ونان ارى بەكەمدەدى. باس نىسانانىڭ جەتەكتەۋىندە، رايونىمىز قوعامدىق جونگە سالۋ، ەكونوميكانىڭ دامۋى، قوعامدىق ىستەر، ەكولوگيالىق ورتانى قورعاۋ، مادەنيەتتى ۇگىتتەۋ، بيڭتۋان قىزمەتى، پارتيا قۇرىلىسى سياقتى سالالاردا 1766 ءتۇرلى رەفورمانى ورنالاستىرىپ، ورىستەتتى. نەشە جىلدىق ىجداعاتتىلىقپەن ىستەۋ ارقىلى ءبىر قىدىرۋ رەفورما شارالارى تياناقتانىپ، تامىر تارتىپ، رەفورمانىڭ پايداسى بارلىق جەرگە يگىلىك اكەلدى.
ەكونوميكا سالاسىنىڭ رەفورماسى ونان ارى تەرەڭدەي ءتۇستى
جۋىردا عانا كۇشار قالاسىندا شارۋاشىلىق قۇرعان ميڭيوۋ ۇن شارۋاشىلىعىنىڭ جاۋاپتىسى ۋاڭ يوۋجياڭ قۇرىلىس جۇرگىزۋ رۇقساتىن الدى. بۇرىن نىسانعا ەنگىزۋدەن قۇرىلىس جۇرگىزۋگە رۇقسات ەتۋ راسمياتىن الۋعا دەيىن جارتى جىلداي ۋاقىت كەتەتىن، الايدا وسى جولى كۇشار قالالىق ورتا، شاعىن، ۇساق كاسىپورىندارعا قىزمەت وتەۋ ورتالىعى تەگىن وكىلەتتى قىزمەت وتەپ، وسى ۋاقىتتى 30 قىزمەت كۇنىنە قىسقارتتى. ”تاماشا شارۋاشىلىق - ساۋدا ورتاسى مەنى بولاشاق دامۋ سەنىمىنە بولەندىردى“، - دەدى ۋاڭ يوۋجياڭ.
”13 - بەسجىلدىق“ مەزگىلىندە رايونىمىز ”تومەنگە بەرۋ، باسقارۋ، قىزمەت وتەۋ“ رەفورماسىن ىشكەرىلەي ىلگەرىلەتىپ، شارۋاشىلىق - ساۋدا ورتاسىن ساپالىلاندىرىپ، دەڭگەيىن كوتەرۋدىڭ 10 ۇلكەن ارەكەت جوباسىن جاريالاپ، شارۋاشىلىق - ساۋدا ورتاسىن باعالاۋ ءتۇزىمىن ورناتىپ، كەمەلدەندىرىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى ۇزدىكسىز ىلگەرىلەتىپ، جيىنى 1433 ءتۇرلى اكىمشىلىك تەكسەرىپ بەكىتۋ ءىسىن كۇشىنەن قالدىردى، رەتتەدى جانە ىقشامدادى؛ ”كوپ كۋالىكتى ءبىر كۋالىككە بىرىكتىرۋ“ رەفورماسىن جاپپاي ورىستەتىپ، ”26 كۋالىكتى ءبىر كۋالىككە بىرىكتىرۋدى“ جۇزەگە اسىرىپ، ”ەڭ كوپ بولعاندا ءبىر رەت بارۋ“ رەفورماسىن ۇزدىكسىز ىلگەرىلەتىپ، كاسىپورىندار مەن بۇقارانىڭ ءىس ءبىتىرۋ قولايلىلىق دارەجەسى ۇزدىكسىز جوعارىلادى؛ قارجى قوسۋ، قارجى قۇراۋ ءتۇزىلىسى رەفورماسىن تەرەڭدەتىپ، بازارعا كىرۋگە رۇقسات ەتۋدى كەڭەيتىپ، بازار تۇلعالارىنىڭ ومىرشەڭدىگىن قاۋلاتتى.
قامداۋ جاعىنداعى قۇرىلىمدىق رەفورما ناتيجەسى كورنەكتى بولدى. ”ءۇشتى ازايتۋ، ءبىردى تومەندەتۋ، ءبىردى تولىقتاۋ“ مىندەتى جاپپاي ورىندالدى؛ جاساندى زەردە مەن ناقتى ەكونوميكانىڭ تەرەڭ توعىسۋىن، جاڭا ۇرپاق ينفورماتسيا تەحنيكاسى مەن جاساۋ كاسىبىنىڭ توعىسپالى دامۋىن جەبەۋ سياقتىلاردى اتقارۋ پىكىرىن جاريالاپ، ءداستۇرلى كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتىپ، ستراتەگيالىق جاڭا گۇلدەنگەن كاسىپ سالالارى جەدەل دامىدى.
وسى زامانعى بازار جۇيەسى بىرتىندەپ اقاۋسىزداندى. بازارعا كىرۋگە رۇقسات ەتۋدىڭ ۇنامسىز ءتىزىمى مەن ۇقىق - جاۋاپكەرشىلىك ءتىزىم ءتۇزىمى جاپپاي تياناقتانىپ، سوتسياليستىك بازار شارۋاشىلىعى ءتۇزىم جۇيەسى ۇزدىكسىز كەمەلدەندى.
اۋىل شارۋاشىلىعى، اۋىل - قىستاق رەفورماسى تىڭعىلىقتى ىلگەرىلەتىلدى. اۋىل - قىستاق جەر ءتۇزىمى، اۋىل - قىستاق كوللەكتيۆ مال - مۇلىك ۇقىعى ءتۇزىمى، اۋىل - قىستاق تيجاراتىن باسقارۋ جۇيەسى قۇرىلىسى، اۋىل شارۋاشىلىعىن قولداۋ، قورعاۋ سياقتى رەفورمالار تىڭعىلىقتى ىلگەرىلەتىلىپ، اۋىل شارۋاشىلىق ونىمدەرىمەن قامداۋ قابىلەتى كورنەكتى جوعارىلادى، بازار ءورىسىن كەڭەيتۋ ونىمدىلىگى كورنەكتىلەندى.
مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن رەفورماسى ءتارتىپتى ىلگەرىلەتىلدى. مەملەكەت مەنشىگىندەگى كاسىپورىن رەفورماسىنىڭ ”36 + 1“ سايكەستى ساياسات حۇجاتتارى تۇگەلدەي جاريالانىپ، وسى زامانعى كاسىپورىن ءتۇزىمى ۇزدىكسىز اقاۋسىزداندىرىلىپ، باقىلاۋ جۇيەسى ونان ارى كەمەلدەندىرىلدى، ارالاس مەنشىك رەفورماسى بەلسەندى دە بايىپتى ىلگەرىلەتىلىپ، مەملەكەت مەنشىگىندەگى كاسىپورىنداردىڭ باسەكەلىك قۋاتى كۇشەيدى.
قازىنا - سالىق، فينانس رەفورماسى ۇزدىكسىز تەرەڭدەتىلدى. ”جان - جاقتىلى، جالپى بارىستىق، جاپپاي قامتىعان“ مەجە ەسەپ ونىمدىلىگىن باسقارۋ جۇيەسى قۇرىلىپ، اقاۋسىزداندىرىلىپ، شارۋاشىلىق سالىعىن ارتقان قۇن سالىعىنا وزگەرتۋ، بايلىق سالىعى، قورشاعان ورتا سالىعى سياقتى رەفورمالار ورنىقتى قاداممەن ىلگەرىلەتىلدى.
رەفورمانىڭ پايداسىنان حالىق بىرگە يگىلىكتەندى
بارلىعى حالىق ءۇشىن، بۇل رەفورمانىڭ اينىماس نىساناسى. ”13 - بەسجىلدىق“ مەزگىلىندە تيانشان الابىنداعى ءار ۇلت بۇقاراسى رەفورما الا كەلگەن وزگەرىستەردىڭ پايداسىن تەرەڭ سەزىندى.
ءپايزاۋات اۋدانى نان مادەنيەتى كاسىپ سالاسى باقشاسىنىڭ نان جابۋ سەحى عوپۇرجان قاسىم وتباسىنىڭ باقىتى مەن بولاشاعىنا دەمەۋ بولدى. 2 بالاسى اۋرۋعا شالدىققاندىقتان، عوپۇرجان وتباسى كەزىندە اۋرۋ سەبەبىنەن كەدەيلەسكەن بولاتىن. بۇل كۇندەرى ول وسى ارادا جۇمىستانىپ، ايتا قالارلىقتاي نان جابۋ شەبەرلىگىنىڭ ارقاسىندا، ءبىر ايدا 4000 يۋاننان استام اقشا تابا الاتىن بولدى. ”قىزمەتىم بار، اقشا تابا الامىن، وتباسىمىز كەدەيلىكتەن ارىلدى، تۇرمىسىمىز، ءسوز جوق، بارعان سايىن جاقسارا تۇسەدى“، - دەدى عوپۇرجان كوڭىلدەنىپ.
2020 - جىلعا جەتكەندە قازىر اتقارىلىپ وتىرعان ولشەمنەن تومەنگى اۋىل - قىستاقتاعى كەدەي حالىقتى تۇگەلدەي كەدەيلىكتەن ارىلتۋ − پارتيا ورتالىق كوميتەتىنىڭ بۇكىل ەل حالقىنا بەرگەن ايبىندى ۋادەسى. بىرنەشە جىلدان بەرى رايونىمىزدىڭ كەدەيلىكتەن ارىلتۋدان قامال الۋ مەحانيزمى جاپپاي كۇشەيتىلىپ، وڭتۇستىك شينجياڭنىڭ 4 ايماق - وبلىسىنداعى اۋىر كەدەي وڭىرلەردە كەدەيلىكتەن ارىلتۋدان قامال الۋدىڭ 3 جىلدىق اتقارۋ جوباسى تياناقتانىپ، ناتيجە كورسەتتى. بۇگىنگى تاڭدا تۇتاس رايونداعى قازىر اتقارىلىپ وتىرعان ولشەمنەن تومەنگى 3 ميلليون 89 مىڭ كەدەي حالىق تۇگەلدەي كەدەيلىكتەن ارىلىپ، 3666 كەدەي قىستاق تۇگەلدەي كەدەيلىك تىزىمىنەن شەگىندىرىلىپ، 32 كەدەي اۋداننىڭ تۇگەلدەي كەدەيلىك قالپاعى الىنىپ، شينجياڭنىڭ مۇلدە كەدەيلىك ماسەلەسى تاريحي شەشىمىن تاپتى.
جۇمىستاندىرۋ، شارۋاشىلىق قۇرۋ جۇيەسى دە ۇزدىكسىز اقاۋسىزداندىرىلدى. الەۋمەتتىك جۇمىستاندىرۋعا قىزمەت وتەۋ جۇيەسى قۇرىلىسىن ونان ارى كۇشەيتۋ، كاسىپتىك شەبەرلىكتى ارتتىرۋ قيمىلى سياقتىلاردى اتقارۋ جوباسىن جاساۋ ارقىلى رايونىمىز اۋىل - قىستاقتاعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋدى شينجياڭنىڭ ءىشى - سىرتى، وڭتۇستىك، سولتۇستىك شينجياڭ سايكەسىپ بىرگە شەشۋ مەحانيزمىن ورناتىپ، وڭتۇستىك شينجياڭنىڭ كەدەي وتباسىلارىنداعى ەڭبەككۇشتەردەن 3 جىلدا 100 مىڭ ادامدى باسقا سالاعا ويىستىرىپ جۇمىستاندىرۋ جوسپارىن اتقاردى. 2014 - جىلدان 2019 - جىلعا دەيىن تۇتاس رايوندا 2 ميلليون 827 مىڭ 200 ادام تىڭنان جۇمىستانىپ، قالا - قالاشىقتاردىڭ جۇمىسسىزدىق سالىستىرماسى ％4.5 ىشىندە ساقتالدى.
وقۋ - اعارتۋ ءتۇزىلىسى رەفورماسى ىشكەرىلەي ىلگەرىلەتىلدى. اۋىل - قىستاقتاردا مەكتەپكە دەيىنگى 3 جىلدىق تەگىن تاربيە جاپپاي جالپىلاستىرىلىپ، وڭتۇستىك شينجياڭنىڭ اۋىل - قىستاقتارىندا 4 − 6 جاسقا دەيىنگى بالالاردىڭ ”كىرۋگە تيىستىلەرى تۇگەلدەي كىردى“؛ تۇتاس رايونداعى بالاباقشا، ورتا، باستاۋىش مەكتەپ، جوعارى مەكتەپ، كاسىپتىك شۋەيۋان - مەكتەپ سياقتى ءار دارەجەلى، ءار ءتۇرلى مەكتەپتەردى مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋ، وقىتۋىمەن جاپپاي قامتۋ جۇزەگە اسىرىلدى.
ەمدەۋ - دەنساۋلىق ساقتاۋ ءتۇزىلىسى رەفورماسى ۇزدىكسىز تەرەڭدەتىلدى. سالاماتتىق، دەنساۋلىق تەكسەرۋ ءتۇزىمىن ورناتىپ، تياناقتاندىرىپ، ءار جىلى جالپى حالىقتىق دەنساۋلىق تەكسەرۋدى ورىستەتۋگە تاباندى بولدى؛ وكپە تۋبەركۋلەزى سياقتى جەرگىلىكتى اۋرۋلاردان جالپىلىق ساقتانۋ - ەمدەۋ جۇيەسى اقاۋسىزداندىرىلدى؛ دارەجەگە ءبولىپ دياگنوز قويۋ - ەمدەۋ ءتۇزىمى رەفورماسى ورنىقتى قاداممەن ىلگەرىلەتىلدى؛ تۇتاس رايونداعى بارلىق ۇكىمەتتىك شيپاحانالاردىڭ ءدارى - دارمەككە ۇستەمە باعا قوسۋى جاپپاي كۇشىنەن قالدىرىلدى؛ ەلەۋلى ىندەتتەن ساقتانۋ - تىزگىندەۋ ءتۇزىلىس - مەحانيزمى، الەۋمەتتىك دەنساۋلىق ساقتاۋ بويىنشا توتەنشە جاعدايعا توتەپ بەرۋ، باسقارۋ جۇيەسى ۇزدىكسىز كەمەلدەندىرىلىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى كەلەلى كەزەڭدىك ناتيجەگە قول جەتكىزدى.
قوعامدىق قامتاماسىزداندىرۋ جۇيەسى كۇن سايىن كەمەلدەندى. جالپى حالىقتى قامسىزداندىرۋعا قاتىناستىرۋ جوسپارى ۇزدىكسىز اتقارىلىپ، قالا، اۋىل تۇرعىندارىنىڭ ەڭ تومەنگى تۇرمىسىن قامتاماسىزداندىرۋ كولەمى كەڭەيتىلىپ، قامتاماسىزداندىرۋعا تيىستىلەرىن تۇگەلدەي قامتاماسىزداندىرۋ جۇزەگە اسىرىلىپ، زەينەتكەرلىك، ەمدەۋ، جۇمىسسىزدىق، جۇمىس ۇستىندە جارالانۋ، تۋىت قامسىزداندىرۋى مەن قالا، اۋىل ەڭ تومەنگى تۇرمىس قامتاماسىزداندىرۋى، قوعامدىق قۇتقارۋ - كومەكتەسۋ سياقتى قامسىزداندىرۋلار ءوزارا ءبىر تۇتاس جوسپارلاناتىن، باياندى قوعامدىق قامتاماسىزداندىرۋ جۇيەسى نەگىزىنەن قۇرىلىپ، قامتاماسىزداندىرۋ دەڭگەيى ۇزدىكسىز جوعارىلادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
