شينجياڭ: قونىس جاڭالاپ، تاماشا تۇرمىسقا كەنەلدى
شينحۋا اگەنتتىگىنىڭ تىلشىلەرى ما كاي، شۇي شىڭ، امان
2020.12.07 15:37 كەلۋ قاينارى : شينجياڭ گازەتى
بۇرىندارى شينجياڭداعى كوپتەگەن تۇرعىندار اتا - باباسىنان بەرى تاۋ قويناۋىندا، قۇم جيەگىندە تۇرمىس كەشىرىپ، بايۋ ارناسى از، كەدەيلىكتەن ارىلۋى قيىن بولدى.
ال بۇگىنگى كۇندە قونىس جاڭالاپ كوشىرىپ ورنالاستىرۋ ساياساتىنىڭ كومەگىندە قۇرىلعىلارى كەمەلدى وسىزاماندانعان شىت جاڭا قىستاقتار، قالاشىقتار تيانشان الابىندا توپ - توبىمەن ەڭسە كوتەرىپ، كەدەيشىلىكتىڭ جاپاسىن ابدەن تارتقان ءار ۇلت بۇقاراسى ءساندى تۇرمىسىن باستادى.
يمىن ءماتقۇرباننىڭ بۇرىنعى ءۇيى ءداريابويى اۋىلىندا ەدى، ادامدار ول جەردى ”تاكلاماكان ءشولىنىڭ سەنترى“ دەيتىن، حوتان ايماعى كەريا اۋدان قالاشىعىنان اتتانىپ، تاكلاماكان ءشولى قويناۋىن ەندەي 200 كيلومەتردەن استام جۇرگەندە ارەڭ جەتۋگە بولاتىن. كوشىپ شىعاردىڭ الدىنداعى ءۇيىنىڭ تامى جىڭعىلدان، قامىستان توقىپ تۇرعىزىلىپ، سىرتى ءبىر قابات لايمەن سىلانعان ەدى، ”شارباق ءۇي“ دەلىنەتىن مۇنداي ۇيلەردەن قۇمدى بوران اڭىراعاندا، ۇيگە كىرگەن قۇمدى تازالاۋ كۇندەلىكتى ىستەۋگە ءتيىستى داعدىلى جۇمىس سانالاتىن.
2016 - جىلى جەرگىلىكتى ۇكىمەت ءداريابويى اۋىلىن كوشىرۋدى كۇن تارتىپكە ەنگىزدى، تەز ارادا يمىننىڭ وتباسى قۇمدى ءشولدىڭ ورتاسىنان شىعىپ، جاڭا ۇيگە كوشىپ كىردى.
يمىننىڭ جاڭا ۇيىنە تەلەۆيزور، كرەسلو، شاي تاقتاي سياقتى جابدىقتار تولىقتاندى، ونىڭ ۇستىنە قۇبىر سۋ، ەلەكتر، تابيعي گاز جەتكىزىلدى. وتكەندەگىمەن سالىستىرا سويلەگەن يمىن: ”قانشا ەسە جاقسارىپ كەتكەندىگىن بىلە الماي دا قالدىم“، - دەيدى.
سونىمەن ءبىر ۋاقىتتا، قۇزار شىڭدى، تەرەڭ شاتقالدى كۇنلۇن تاۋىنىڭ قويناۋىنا قونىستانعان كوپتەگەن بۇقارا ىركەس - تىركەس جازىق جەرلەرگە كوشىرىلدى.
قاشقار ايماعى قاعىلىق اۋدانى چيپان اۋىلىنىڭ تۇرعىنى نۇرايلا امەتنياز سولاردىڭ بىرەۋى. بىلتىر كۇنلۇن تاۋى وڭىرىنەن كوشىپ اۋدان قالاشىعىنىڭ ىرگەسىندەگى اقتاش قالاشىعىنا كەلگەننەن كەيىن، ول تابيعي گازبەن جاناتىن وشاقتا تاماق پىسىرۋدى ۇيرەنىپ، ”اقىرى قولقانى قاباتىن كومىر تۇتىنىنە قوش ايتتى“. ۇكىمەتتىڭ جانە قوعامداعى كەدەيلەردى سۇيەمەلدەۋ كۇشتەرىنىڭ كومەگىنە سۇيەنىپ، ۇيلەرىنىڭ جاڭا جيھازدارىن تولىقتاپ الدى. ول كۇلە سويلەپ، كوشىپ شىققاننان كەيىن جۇمىس ىستەپ، اقشا تاپقاندىعىن ايتتى.
بۇقارانىڭ كوشىپ شىققاننان كەيىن ورنىعىپ وتىرا الاتىن، اۋقاتتانا الاتىن بولۋى ءۇشىن، شينجياڭنىڭ جەر - جەرىندەگى كەدەيلەردى قونىس جاڭالاپ سۇيەمەلدەۋ كوشىرىپ ورنالاستىرۋ تۇيىندەرى كوپ ءتۇرلى شارانى قاتار قولداندى: قۇرىلعىلى اۋىل شارۋاشىلىعىن دامىتتى، ەڭبەك شوعىرلانعان كاسىپورىنداردى ەنگىزدى، ارتىق ەڭبەككۇشتەردى سىرتقا شىعىپ جۇمىس ىستەۋگە ۇيىمداستىردى، ءوز كۇشىنە سۇيەنىپ شارۋاشىلىق قۇرۋعا جەتەكتەدى...
قىزىلسۋ قىرعىز اۆتونوميالى وبلىسى اقتاۋ اۋدانى كۇنلۇن جيايۋان كەدەيلەردى قونىس جاڭالاپ سۇيەمەلدەۋ كوشىرىپ ورنالاستىرۋ تۇيىنىندە بۇرىن پامير ۇستىرتىندە قوي باعاتىن سۇلەيمەن سىمايىل وسى زامانعى ەگىنشىگە اينالدى. 2018 - جىلى ول تاۋدان كوشىپ تۇسكەننەن كەيىن، جەرگىلىكتى ۇكىمەت وعان تەگىن قارجىلاي كومەك كورسەتىپ ءبىر ۇلكەن جىلىجاي سالىپ بەردى، سەلبەسكەن كاسىپورىن ولاردى تۇقىمدىق مايسامەن قامدادى جانە تەحنيكالىق جاقتان جەتەكشىلىك ەتتى.
قولىنداعى قويلارىن تاۋلى وڭىردەگى كووپەراتيۆكە اماناتتاپ باعۋعا وتكىزگەننەن كەيىن، سۇلەيمەن سىمايىل بار زەيىنىن سالىپ كوكونىس، قاۋىن - قاربىز ەگۋدىڭ جاڭا تەحنيكاسىن ۇيرەنە باستادى. بىلتىر ول قاۋىن جانە تاسپا بۇرشاق ەگۋدەن 20 مىڭ يۋانعا تاياۋ اقشا تاۋىپ، ءساتتى تۇردە كەدەيلىكتەن ارىلدى. بيىل ول تاعى دا باسقالاردان 2 ۇلكەن جىلىجايدى كوتەرمەگە الىپتى، ”تەحنيكانى مۇقيات ۇيرەنگەندە عانا، كوكونىس ەگۋدەن كىرىس تابۋعا بولادى“.
ءتىپتى دە كوپ مالشى قونىس جاڭالاعاننان كەيىن، تيبىن وزگەرتىپ وسى زامانعى جۇمىسشىعا اينالدى.
25 جاستاعى ءبۇۋاجىر ءامدوللا قازىر قاعىلىق اۋدانى اقتاش قالاشىعى كاسىپ باقشا رايونىنداعى ءبىر اياق كيىم جاساۋ كاسىپورنىندا تەحنيكا تىرەكتىسى. نەشە جىلدىڭ الدىندا، كۇنلۇن تاۋلى وڭىرىندەگى تۋعان اۋىلىندا تۇرعاندا، ءبۇۋاجىر وتباسىنىڭ تەك 5 مۋ جەرى عانا بولىپ، وعان ەككەن ءبيداي، جۇگەرى وتباسىنداعى 4 جاننىڭ ىشەر اسىنا عانا جەتەتىن. وتباسىنىڭ باسقا شىعىمدارى جۇبايىنىڭ ەگىس جۇمىسى سايابىرلاعاندا سىرتقا شىعىپ جۇمىس ىستەپ تاپقان ازىن - اۋلاق اقشاسىنا قارايتىن نەمەسە اتىزعا ارالاستىرىپ ەككەن 10 نەشە ءتۇپ ورىك اعاشىنان كەلەتىن اقشاعا سۇيەنەتىن.
اقتاش قالاشىعىنا كوشىپ كەلگەننەن كەيىن، 9 كاسىپورىن كەلىپ ورنالاسقان كاسىپ باقشاسى وعان جۇمىسقا ورنالاسۋ ورايىن بەردى. كەدەيلەردى سۇيەمەلدەۋ كادرىنىڭ جىگەرلەندىرۋى مەن كومەكتەسۋىندە، ءبىر جىلعا جەتپەي ول تەحنيكادا ىسىلعان، ناتيجەسى ماڭداي الدى تەحنيكالىق تىرەكتىگە اينالىپ، 20 نەشە جۇمىسكەردى باسقاراتىن بولدى.
بۇگىنگى كۇندە ءبۇۋاجىردىڭ 2 − 3 ايلىق ەڭبەكاقىسى بۇكىل وتباسىنىڭ بۇرىنعى ءبىر جىلدىق كىرىسىنەن اسىپ ءتۇسىپ، تۇرمىسى بارعان سايىن تولىقسىدى. ”نەگىزىنەن ءار اپتانىڭ سوڭىندا ءبىر رەت اۋدان قالاشىعىنا بارىپ بازار ارالاپ، تاماقتانىپ، ءوزىم ۇناتقان نارسەلەرىمدى ساتىپ الىپ قايتامىن“، - دەيدى ول.
ونى ءتىپتى دە قۋاندىرعانى بالاسىنىڭ وقۋ شارت - جاعدايىنىڭ توتەنشە جاقسارعاندىعى بولدى. قالاشىقتاعى سايكەستى قۇرىلعان بالاباقشا مەن مەكتەپتىڭ قاتتى بولشەك قۇرىلعىلارى كەمەلدى، وقىتۋشىلارى تولىق، تاۋلى وڭىردەگى مەكتەپتەر سەكىلدى ”بارلىق ساباقتى ءبىر مۇعالىم بەرەتىن“ جاعداي مۇندا جوق.
”ۇكىمەت ءبىزدىڭ تاۋ قويناۋىنان شىعۋىمىزعا كومەكتەستى، مەكتەپ ءبىزدىڭ بالالارىمىزدىڭ ءتىپتى دە الىس جەرلەرگە اتتانۋىنا كومەكتەسەدى“، - دەدى ول.
(شينحۋا اگەنتتىگىنىڭ ۇرىمجىدەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
