حالىق تۇرمىسىمەن تىعىز جاناسىپ، جوعارى ساپالى دامۋدى ىلگەرىلەتتى
− اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى زاكىر زوردۇنمەن سۇحبات
گازەتىمىزدىڭ جالپىلىق اقپارات قۇرالدارى ءتىلشىسى شى شين
2020.12.07 15:38 كەلۋ قاينارى : شينجياڭ گازەتى
پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ”13 - بەسجىلدىق“ مەزگىلىندەگى رايونىمىزدىڭ ەكونوميكالىق، قوعامدىق دامۋ تاجىريبەلەرىن، جەتىستىكتەرىن ويداعىداي قورىتىندىلاپ، ”14 - بەسجىلدىق“ جوبانى عىلمي جوبالاپ، جاساپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا جاقسى باستاما اشۋ، العاشقى قادامدى جاقسى باسۋ ءۇشىن، بۇگىننەن باستاپ گازەتىمىز ”قۇزىرلى سۇحبات“ ايدارىن اشىپ، اۆتونوميالى رايوننىڭ قاتىستى تاراۋلارىنىڭ، مەكەمە - ورىندارىنىڭ جانە ايماق، وبلىس، قالالاردىڭ جاۋاپتى جولداستارىنا تىلشىلىك ىستەپ، جەر - جەردىڭ، تاراۋلاردىڭ، مەكەمە - ورىنداردىڭ جاڭا وي جەلىسىن، جاڭا شارالارىن، سونداي - اق ”14 - بەسجىلدىق“ جوبانى جاساۋعا قاتىستى جاعدايلارىن حابارلايدى. نازار اۋدارىڭىزدار.
”13 - بەسجىلدىققا“ قايىرىلا قاراساق، شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولىپ كورمەگەن تابىستارعا قول جەتكىزىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. جاڭا دامۋ ارناسىندا شينجياڭ حالىق تۇرمىسىنا تىعىز جاناسىپ، جوعارى ساپالى دامۋدى قالاي ىلگەرىلەتەدى؟ جوعارى ساپالى دامۋدىڭ قوزعاۋشى كۇشىن، ومىرشەڭدىك كۇشىن قالاي ىشكەرىلەي جانداندىرادى؟ قاتىستى تاراۋلاردا قانداي ناقتى شارالار مەن جوسپارلار بار؟ گازەتىمىزدىڭ جالپىلىق اقپارات قۇرالدارى ءتىلشىسى جۋىردا اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى زاكىر زوردۇنعا تىلشىلىك ىستەدى.
”13 - بەسجىلدىقتا“ بۇرىن بولماعان تابىستارعا قول جەتتى
زاكىر زوردۇن بىلاي دەدى: ”13 - بەسجىلدىقتان“ بەرى اۆتونوميالى رايوندىق پارتكوم بۇكىل رايونداعى ءار ۇلت بۇقاراسىن ىنتىماقتاستىرىپ، باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىستەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جاڭا دامۋ ۇستانىمىنا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، قىزمەت ورنالاستىرۋلارىن تىڭعىلىقتى ىلگەرىلەتىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسىنا باتىل تۇردە قارسى اتتاندى. جاپالى قۇلشىنىس ارقىلى ”13 - بەسجىلدىق“ جوبانىڭ اتقارىلۋى ءساتتى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسى شينجياڭدا ءساتتى امالياتقا يە بولىپ، ەكونوميكالىق، قوعامدىق دامۋ مەن حالىق تۇرمىسىن جاقسارتۋ بۇرىن بولماعان تابىسقا قول جەتكىزدى.
”13 - بەسجىلدىق“ مەزگىلىندە شينجياڭ قوعامىنىڭ كەلەلى جاعدايى ءۇرتىس ورنىقتى بولىپ، ەكونوميكالىق دامۋ ۇزدىكسىز جاقساردى. ”13 - بەسجىلدىقتىڭ“ الدىڭعى 4 جىلىندا شينجياڭنىڭ وڭىرلىك ءوندىرىس جالپى ءونىم قۇنى جىلىنا ورتا ەسەپپەن ％6.8 ارتتى. 2017 - جىلى تۇڭعىش رەت تريلليون يۋاننان اسىپ، 2019 - جىلى ءبىر تريلليون 359 ميلليارد 710 ميلليون يۋانعا جەتتى. قالا، اۋىل تۇرعىندارىنىڭ كىرىسى ەكونوميكامەن قادامداس ارتۋدى ساقتاپ، پارتيا 18 - قۇرىلتايى العا قويعان ”وڭىرلىك ءوندىرىس جالپى ءونىم قۇنى مەن قالا، اۋىل تۇرعىندارىنىڭ جان باسىندىق ورتاشا كىرىسىن 2010 - جىلداعىدان ءبىر قاتتاۋ“ نىساناسى جۇزەگە استى.
ءۇش ءىرى قامال الۋ شايقاسى تىڭعىلىقتى ىلگەرىلەپ، كەدەيلىكتەن ارىلتۋدان قامال الۋ شەشۋشى سيپاتتى تابىسقا قول جەتكىزدى. 11 - ايدىڭ 14 - كۇنى شينجياڭداعى ەڭ سوڭعى 10 كەدەي اۋداننىڭ كەدەيلىك قالپاعى الىنىپ، بۇكىل رايونداعى قازىرگى ولشەمدەگى 3 ميلليون 89 مىڭ كەدەي حالىق تۇگەلدەي كەدەيلىكتەن ارىلىپ، 3666 كەدەي قىستاق تۇگەلدەي كەدەي قىستاق تىزىمىنەن شەگىنىپ، شينجياڭداعى مۇلدە كەدەيلىك ماسەلەسى تاريحي سيپاتتى شەشىلدى.
سونىمەن بىرگە، جىبەك جولى ەكونوميكالىق بەلدەۋى وزەكتى رايونى ”ءبىر پورت، ەكى رايون، بەس ءىرى ورتالىق“ قۇرىلىسى بەلسەندى ىلگەرىلەۋشىلىككە يە بولدى. قامداۋ جاعىنداعى قۇرىلىمدىق رەفورمانىڭ ونىمدىلىگى كورنەكتى بولىپ، ”تومەنگە بەرۋ، باسقارۋ، قىزمەت وتەۋ“ رەفورماسى جەدەل جۇرگىزىلىپ، شارۋاشىلىق - ساۋدا ورتاسى ۇزدىكسىز جاقساردى. نەگىزدىك قۇرىلعىنىڭ ەكونوميكالىق دامۋ جونىنەن تىرەكتىك قابىلەتى كورنەكتى كۇشەيىپ، ”شينجياڭعا كىرۋ - شىعۋدىڭ“ قولايلىلىق دارەجەسى كورنەكتى جوعارىلاپ، ”شينجياڭ ءىشىن اينالدىرا تۇتاستىرۋ“ تورابىنىڭ جۇلگەسى قالىپتاسۋ ۇستىندە، ءبىر توپ وسى زامانعى ءىرى سۋ يگىلىگى تورابى ينجەنەريالارى سالىنىپ، ەنەرگيامەن قامداۋدىڭ قامتاماسىزدىق قابىلەتى كورنەكتى جوعارىلادى. حالىق تۇرمىسىمەن تىعىز جاناسىپ حالىقتى تيىمدىلىككە كەنەلتۋ ينجەنەريالارىن ىلگەرىلەتىپ، اۋىل - قىستاق حاۋىپسىز اۋىز سۋ ينجەنەرياسىن، اۋىل - قىستاق بەيقۇت ءۇي ينجەنەرياسىن جانە قالا - قالاشىق قامتاماسىزدىق سيپاتتى بەيقۇت ءۇي ينجەنەرياسىن زور كۇشپەن اتقارىپ، بۇكىل رايونداعى بارلىق قۇرىلىمدىق قىستاقتارعا قاتايتىلعان جولدى، ءۇش فازالى ەلەكتردى تۇتاستىرۋدى جۇزەگە اسىرىپ، وڭتۇستىك شينجياڭدا كومىردىڭ ورنىنا ەلەكتر پايدالانۋ ينجەنەرياسىن زور كۇشپەن اتقاردى، حالىق بۇقاراسىنىڭ ءوندىرىس، تۇرمىس شارت - جاعدايى بارىنشا جاقسارىپ، تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى.
”14 - بەسجىلدىقتى“ عىلمي جوبالاۋ
زاكىر زوردۇن بىلاي دەدى: ”14 - بەسجىلدىق“ جوبا ەلىمىز جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرعاننان كەيىن، ۇتىمدى ساتتە قيمىلداپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاۋداعى، ەكىنشى 100 جىلدىق كۇرەس نىساناسىنا قاراي جورىققا اتتانۋداعى ءبىرىنشى بەسجىلدىق جوبا. اۆتونوميالى رايوندىق پارتكوم ”14 - بەسجىلدىق“ جوبانى جاساۋ قىزمەتىنە ايرىقشا ءمان بەرىپ، اۆتونوميالى رايوندىق دامۋ جانە رەفورما كوميتەتىن اۆتونوميالى رايوننىڭ ”14 - بەسجىلدىقق“ جوبا باعدارلاماسىن جاساۋ قىزمەتىن باستاماشىلىقپەن ورىستەتۋگە ەرتە باستان ورنالاستىرىپ، ”14 - بەسجىلدىق“ جوبانى جاساۋ ارناۋلى تاقىرىپتىق اڭگىمە ءماجىلىسىن كوپ رەت اشىپ، ”14 - بەسجىلدىق“ جوبانى جاساۋ قىزمەتى جونىندە كەڭ كولەمدە پىكىر، ۇسىنىس الدى.
”قازىر ءبىز اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا، اشىق كەڭەس الۋعا، كوپ پاراساتىن ساۋلەلەندىرۋگە تاباندى بولىپ، جوعارى دەڭگەيدە جوبالاۋدى كۇشەيتۋ مەن حالىقتان اقىل - كەڭەس الۋعا تاباندى بولۋدى بىرلىككە كەلتىرىپ، مەملەكەتتىك دامۋ جانە رەفورما كوميتەتىمەن بەلسەنە سايكەسۋ ارقىلى اۆتونوميالى رايوننىڭ ’14 - بەسجىلدىق‘ جوبا باعدارلاماسىنىڭ جۇلگەسىن قالىپتاستىردىق“. زاكىر زوردۇن بىلاي دەدى: كەلەسى قادامدا اۆتونوميالى رايوندىق دامۋ جانە رەفورما كوميتەتى اۆتونوميالى رايوندىق پارتكومنىڭ ورنالاستىرۋى، جايعاستىرۋى بويىنشا حالىق تۇرمىسىنا تىعىز جاناسىپ جوعارى ساپالى دامۋدى ىلگەرىلەتىپ، ”14 - بەسجىلدىق“ جوبانى جاساۋدى جانە جوبا مىندەتىن ناقتى، ەگجەي - تەگجەيلى تياناقتاندىرۋدى مىقتاپ يگەرەدى.
حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋ
زاكىر زوردۇن بىلاي دەدى: جاڭا ءداۋىردىڭ جاڭا كەزەڭىندەگى دامۋ، ءسوز جوق، جوعارى ساپالى دامۋ بولۋى كەرەك. جوعارى ساپالى دامۋ حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن قاناعاتتاندىرا الاتىن دامۋ، جاڭا دامۋ ۇستانىمىن ايگىلەيتىن دامۋ.
ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ”ساقتانۋ، جونگە سالۋ، تىزگىندەۋ، قامتاماسىز ەتۋ، ورنىقتىرۋ“ قىزمەت شارالارىن ناقتى، ەگجەي - تەگجەيلى تياناقتاندىرىپ، ”سەگىز ءتۇرلى قاداعالاۋ، ساقتاندىرۋ مەحانيزمىن“ جانە ”ءتورتتى تۇتاستىرۋ“ تالاپتارىن ويداعىداي تياناقتاندىرىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل ويداعىداي قورعاۋ كەرەك. قيىنشىلىقتان ارىلتۋ، كومەكتەسۋ - سۇيەمەلدەۋ ساياساتتارىن بۇلجىتپاستان تياناقتاندىرىپ، كاسىپورىنداردىڭ ءوندىرىس، تيجارات وزىندىك قۇنىن شىن مانىندە تومەندەتىپ، كاسىپ سالاسى اينالىمىن، بازار اينالىمىن، ەكونوميكالىق، قوعامدىق اينالىمدى قۇلشىنا ىركىلىسسىزدەندىرۋ كەرەك. قامداۋدى قامتاماسىز ەتۋ، باعانى ورنىقتىرۋ قىزمەتىنىڭ تەبىنىن ارتتىرىپ، ەت قامبالاۋ، جاستاي ساقتاۋ جانە سۋىق تىزبەكتى زات اينالىمى قۇرىلعى قۇرىلىسىن جەدەل ىلگەرىلەتىپ، ”كوجە - قاتىقپەن“ قامداۋدى قامتاماسىز ەتۋ كەرەك.
حالىق تۇرمىسىن كۇش سالا قامتاسىزداندىرۋ جانە جاقسارتۋ. بىرگە يگىلىكتەنەتىن دامۋ ۇستانىمىن جالپى بەتتىك تياناقتاندىرىپ، جالپىعا ءتيىمدى، نەگىزدىك، تومەنگى شەكتەن تۇسىرمەيتىن حالىق تۇرمىسى قۇرىلىسىن كۇشەيتىپ، جۇمىستاندىرۋ، وقۋ - اعارتۋ، دەنساۋلىق ساقتاۋ، مادەنيەت، قوعامدىق قامتاماسىزداندىرۋ سياقتى حالىقتى تيىمدىلىككە كەنەلتەتىن ينجەنەريالاردى زور كۇشپەن اتقارىپ، وڭتۇستىك شينجياڭنىڭ ەكونوميكالىق، قوعامدىق دامۋىن جانە حالىق تۇرمىسىن جاقسارتۋدى كورنەكتىلەندىرە ويداعىداي يگەرۋ كەرەك. جۇمىستانۋدى ىشكەرىلەي جەبەپ، جاڭالىق اشۋ، شارۋاشىلىق قۇرۋ ارقىلى جۇمىستانۋدى جەبەپ، كاسىپورىندارعا كومەكتەسىپ، جۇمىس ورىندارىن ورنىقتىرۋدى جانە جۇمىستاندىرىپ كومەكتەسىپ - سۇيەمەلدەۋدى كۇشەيتۋ؛ نىسان ارقىلى جۇمىستانۋدى جەبەپ، قۇرىلىس ارقىلى كومەكتەسۋ نىسانىن اتقارۋ؛ قىزمەت وتەۋ ارقىلى جۇمىستانۋدى ورنىقتىرىپ، كاسىپ سالاسى مەن وقىتۋدىڭ توعىسۋىن ىشكەرىلەي ىلگەرىلەتۋ كەرەك. شينجياڭعا باعىتتامالى كومەكتەسۋ قىزمەتىن تىڭعىلىقتى جاقسى ىستەپ، شينجياڭعا كومەكتەسۋ قارجىسىن، نىساندارىن نەگىزگى ساتىعا بەيىمدەۋدى، حالىق تۇرمىسىن قامتاماسىزداندىرۋ مەن جاقسارتۋعا بەيىمدەۋدى، ۇلتتاردىڭ ارالاسۋىن، ىشتەسۋىن، توعىسۋىن جەبەۋگە بەيىمدەۋدى ىلگەرىلەتىپ، شينجياڭعا باعىتتامالى كومەكتەسۋدىڭ جان - جاقتىلى ونىمدىلىگىن ونان ارى جوعارىلاتۋ كەرەك.
كاسىپ سالاسى تىزبەگىن، قامداۋ تىزبەگىن ورنىقتىرۋعا شىنايى كەپىلدىك ەتىپ، كومىر، ەلەكتر، مۇناي، گاز سياقتى ەنەرگيا فاكتورلارىن ءوندىرۋ، رەتتەۋ جانە قامداۋدى ارتتىرىپ، وڭتۇستىك شينجياڭنىڭ 3 ايماق - وبلىسىنداعى كومىردىڭ ورنىنا ەلەكتر پايدالانۋ ينجەنەريا قۇرىلىسىن جەدەل ىلگەرىلەتىپ، بۇكىل رايوندا، اسىرەسە، وڭتۇستىك شينجياڭنىڭ 3 ايماق - وبلىسىندا كومىرمەن قامداۋدى بار كۇشپەن قامتاماسىز ەتۋ كەرەك.
تۇراقتى مال - مۇلىككە قارجى قوسۋ تەبىنىن ارتتىرىپ، قارجى قوسۋدىڭ ارتۋدى جەبەۋدەگى شەشۋشى رولىن تولىق ساۋلەلەندىرۋ. ”قارجى، فاكتوردىڭ نىسانمەن ىلەسىپ جۇرۋىنە“ تاباندى بولىپ، ورتالىقتىڭ مەجە ەسەبى ىشىندەگى قارجىسىن جاقسى باسقارىپ، ويداعىداي پايدالانىپ، ارناۋلى قارىز اقشانىڭ رولىن جاقسى ساۋلەلەندىرىپ، حالىقتىق قارجى قوسۋدىڭ، قوعامدىق كاپيتالدىڭ نىسان قۇرىلىسىنا قاتىناسۋىن جەبەۋ كەرەك. نىسانعا قولباسشىلىق ەتۋ، سايكەستىرۋ، قىزمەتتە قوسىلا ارەكەت ەتۋ، كۇندەلىكتى رەتتەۋ، باستاپقى مەزگىلدىك بىرلەسكەن ءماجىلىس سياقتى مەحانيزمدەردىڭ رولىن تولىق ساۋلەلەندىرىپ، ءتۇيىندى نىسان قۇرىلىستارىن بار كۇشپەن ىلگەرىلەتۋ كەرەك. ”ەكى جاڭا، ءبىر ەلەۋلىنى“ جانە ولقىلىقتى تولىقتاۋ سالاسىن ءتۇيىندى تۇردە ارقاۋ ەتىپ، ەرتە اقىلداسىپ، جوسپارلاپ، بەلسەندىلىكپەن سايكەستىرىپ، ۇشتاستىرىپ، ءتىپتى دە كوپ نىسانداردى مەملەكەتتىڭ ”14 - بەسجىلدىق“ جوباسىنا كىرگىزۋگە قۇلشىنۋ كەرەك.
جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەل ىلگەرىلەتۋ. شينجياڭ جۇڭگو - ەۆروپا كەزەكشى پويەزدارىنىڭ جوعارى ساپالى دامۋىن اتقارۋ جوباسىن تياناقتاندىرۋدى ىلگەرىلەتىپ، جۇڭگو - ەۆروپا كەزەكشى پويەزدارى ءۇرىمجى جينالۋ ورتالىعى ۇلگى كورسەتۋ ينجەنەرياسىن جەدەل اتقارۋ كەرەك. قورعاس، قاشقار ەكونوميكالىق اشۋ رايوندارىنىڭ ءتۇزىلىس - مەحانيزمىن كەمەلدەندىرىپ، مەملەكەتتىڭ ”ەكى رايوندى“ جالعاستى جاقسارتۋ ەرەكشە تيىمدىلىك ساياساتىنا بەلسەندىلىكپەن قول جەتكىزۋ كەرەك. ساۋدا - ساتتىق زات اينالىمى ورتالىعى قۇرىلىسىن جەدەل ىلگەرىلەتۋ، مادەنيەت، عىلىم - تەحنيكا جانە وقۋ - اعارتۋ، ەمدەۋدەن قىزمەت وتەۋ ورتالىعى قۇرىلىسىن بەلسەندىلىكپەن ىلگەرىلەتۋ، وڭىرلىك فينانس ورتالىعى قۇرىلىسىن جاسامپازدىقپەن ىلگەرىلەتۋ كەرەك. شەكارا وتكەلى ەكونوميكالىق بەلدەۋىن دامىتۋ جوباسىن جەدەل جاساپ اتقارىپ، شەكارا وتكەلى ەكونوميكالىق بەلدەۋىنىڭ نەگىزدىك قۇرىلعى قۇرىلىسىن تىڭعىلىقتى ىلگەرىلەتۋ كەرەك.
ءتۇيىندى سالالار مەن شەشۋشى بۋىندارداعى رەفورمانى ۇزدىكسىز تەرەڭدەتۋ. «شارۋاشىلىق - ساۋدا ورتاسىن جاقسارتۋ ەرەجەسىن» جالپى بەتتىك تياناقتاندىرىپ، ”ينتەرنەتتە تەكسەرىپ بەكىتۋدى“، ”پاراللەل تەكسەرىپ بەكىتۋدى“، ”بىرلەسىپ تەكسەرىپ بەكىتۋدى“، ”شوعىرلى تەكسەرىپ بەكىتۋدى“ بەلسەندىلىكپەن جولعا قويىپ، كاسىپورىن مەن بۇقارانىڭ ءىس بىتىرۋدەگى ”ەڭ كوپ بولعاندا ءبىر رەت بارۋ“ سياقتى جاقتارداعى رەفورمالاردى تەرەڭدەتىپ، نىساندى تەكسەرىپ بەكىتۋدى ينتەرنەتتە ءبىر ورىندا ءبىتىرۋدى جۇزەگە اسىرۋ كەرەك.
زاكىر زوردۇن مىنالاردى ءبىلدىردى: اۆتونوميالى رايوندىق دامۋ جانە رەفورما كوميتەتى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ءبىر تۇتاس باسشىلىققا الىپ، اۆتونوميالى رايوننىڭ ”14 - بەسجىلدىق“ جوباسىن جوعارى ساپادا جاقسى جاساپ، اۆتونوميالى رايوننىڭ ەكونوميكاسىنىڭ، قوعامىنىڭ جوعارى ساپالى دامۋىن جەبەيدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
