بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

سۋ ايدىنىن جونگە سالىپ، اينالىس ىركىلىسسىزدەندى

 باعراش كولى ونان ارى ”اقاۋسىزدانا“ ءتۇستى

2020.12.07 15:40     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى تىلشىلەرى جيڭ بو، جوۋ پىڭ، جاۋ چاڭفۋ 12 - ايدىڭ 5 - كۇنى باعراشتان حابارلايدى. تەربەلگەن قامىس، تۋلاعان بالىق، تارانعان اققۋ، باعراش كولىنىڭ قىسقى كورىنىسى ەرەكشە كوز تارتادى. باعراش اۋدانى سۋ ايدىنىن جالپى بەتتىك جونگە سالعاننان بەرى، سۋ اينالىسى ىركىلىسسىزدەنىپ، باعراش كولى ونان ارى ”اقاۋسىزدانىپ“، ونان ارمان كورىكتەنە ءتۇستى.

  بۇرىن باعراش كولى الابى توڭىرەگىندەگى اۋدان، قالالاردىڭ، سونداي - اق ەگىن، مال شارۋاشىلىق تۋان - الاڭدارىنىڭ اۋىل شارۋاشىلىعى ءوندىرىسىن، ونەركاسىپ قۇرىلىسىن زور كولەمدى جۇرگىزۋىنە جانە حالىق سانىنىڭ جىل سايىن ارتۋىنا ساي، جوعارعى اعارداعى ونەركاسىپ جاراقسىز سۋى، تۇرمىستىق لاس سۋ، ەگىس اتىزىنان ىعىستىرىلعان سۋ تىكە نەمەسە جانامالاي كولگە قۇيىلىپ، سۋ ساپاسىنا ىقپال جەتكىزىپ، لاس زاتتار مولشەرى ارتا تۇسكەن بولاتىن.

  باعراش كولى ءبىر مەزگىل ”سىرقاتتانىپ“ قالدى. باعراش اۋداندىق قورشاعان ورتانى قورعاۋ مەكەمەسىنىڭ ورىنباسار باستىعى ليۋ چي: سول تۇستا باعراش كولى اعارىنىڭ ەكولوگيالىق ورتاسى السىرەپ، كول جيەگىندەگى سازدىق كەرى شەگىنىپ، كول سۋى ايدىنى تارايىپ، سۋدىڭ ساپاسى تومەندەگەن ەدى، - دەپ تانىستىردى.

  ”باعراش كولىنە قۇياتىن حۋاڭشۇي جىلعاسىنىڭ سۋى دا تارتىلىپ قالعان ەدى“. وسى جەردە تۋىپ - ەرجەتكەن كول شارلاۋشى بالجا باعراش كولىندەگى وزگەرىستەردى كورىپ ىشتەي قاتتى اشىناتىن.

  اۋرۋىنا قاراي ەمدەۋ كەرەك. باعراش اۋدانى وزەن، كول باستىعى ءتۇزىمىن جاپپاي تياناقتاندىرۋدى تۇتقا ەتىپ، باعراش كولىندەگى ءتۇيىندى بىلعانىش اۋماعى بولعان حۋاڭشۇي جىلعاسىن ءتۇيىن ەتىپ، باعراش كولىنىڭ ەكولوگيالىق ورتاسىن جونگە سالۋ نىسانىن اتقاردى.

  ليۋ ي تىلشىگە مىنانى ايتتى: بيىل حۋاڭشۇي جىلعاسىنان باعراش كولىنە 156 ميلليون تەكشە مەتر ەكولوگيالىق سۋ جەتكىزىلدى، حۋاڭشۇي جىلعاسى قۇستار دامىلدايتىن، كوبەيەتىن، جابايى بالىقتار كەرى قايتىپ ۋىلدىرىقتايتىن ۇلكەن ارناعا بىرتىندەپ اينالىپ، باعراش كولى ۇلكەن سۋ ايدىنى اينالىسىن بارىنشا جەبەپ، سۋ قورشاعان ورتاسىنىڭ ساپاسى جاقساردى. قازىر باعراش كولى قۇستاردىڭ اۋعاندا دامىلدايتىن، ازىقتاناتىن، كوبەيەتىن ورنىنا اينالدى.

  جۇمىس باسىندا تىلشىلىك جاساعاندا ءتىلشى سۋى مول، ءشوبى جايقالعان، حايۋاناتتارى جورتىپ جۇرگەن وسى سازدىقتى كورگەندە، كەزىندە بۇل ارانىڭ يەن قايراڭ ەكەنىنە سەنبەدى. ”بۇرىن ەگىس دارىلەرى قالدىعى بار ەگىس اتىزىنان ىعىستىرىلعان سۋ كولگە كەلىپ قۇيىلاتىن، قازىر سۋ تازارتۋ ورنىنا جەتكىزىلەدى، كول اۋماعىنان الىس، ءبىر تۇتاس تازارتىلىپ ءبىر جايلى ەتىلەتىن بولدى“، - دەدى وزەن الابى باستىعى پىڭسىكى.

  ”بۇرىن سۋ ساپاسى جاقسى ەمەس، توپىراق سورتاڭدانعان، جۇگەرى مەن مايلى كۇنباعىستان باسقا نارسە ەگۋگە كەلمەيتىن، قازىر ءبيداي ەككەننەن سىرت، كوپ ءتۇرلى كوكونىس وسىرەتىن بولدىق“. بالجە كۇلىمسىرەي بىلاي دەدى: بۇقارانىڭ قورشاعان ورتانى قورعاۋ تانىمدارى دا جوعارىلادى، وزەن ارناسىنا لاس سۋ جىبەرىلگەن جاعدايدى بايقاسا، دەر كەزىندە كەلىپ مالىمدەيتىن بولدى.

  ”پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ەكولوگيالىق وركەنيەت قۇرىلىسى جونىندە ءبىرسىپىرا ورنالاستىرۋلار جاسادى، باعراش اۋدانى دا قورشاعان ورتانى قورعاۋدىڭ ’14 - بەسجىلدىق‘ جوباسىن جاساپ، يكەمدى اتقارۋ شارالارى مەن نىسانداردى بەلگىلەپ اتقاردى. ەكولوگيالىق نىسانداردى تياناقتاندىرۋ ارقىلى باعراش كولى اعارىنىڭ ەكولوگيالىق ورتاسىن ۇزدىكسىز جاقسارتتى. بيىل جىل سوڭىنا دەيىن باعراش كولىنىڭ سۋ ساپاسى تۇلعالىق جاقتان 3 - دارەجەدەگى سۋ ولشەمىنە جەتتى“، - دەدى ليۋ ي.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار