بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

 لوپ اۋدانى:

 كەپتەر بايۋ ارمانىنا قانات ءبىتىردى

 گازەتىمىزدىڭ جالپىلىق اقپارات قۇرالدارى تىلشىلەرى جىڭ جو، ليۋ ي

2020.12.07 15:41     كەلۋ قاينارى : شينجياڭ گازەتى

  ءار كۇنى لوپ اۋدانى اڭگيا قالاشىعى حىجيا جاڭا قىستاعىنىڭ اسىل تۇقىمدى كەپتەر جەتىلدىرۋ بازاسىنان ”گۋ - گۋلەگەن“ كەپتەردىڭ داۋىسى ەستىلەدى، جۇمىسشىلار ۇستىنە جۇمىس كيىمىن، قولدارىنا قولعاپ كيىپ، جۇمىرتقادان شىعارۋ بولمەسىندە، ماتەريال بولمەسىندە جانە قامبادا قاربالاس جۇرەدى. ماڭلىك سۇلتان ابەيبوللانىڭ قىزمەتى بازاداعى اسىل تۇقىمدى كەپتەرگە جەم، سۋ بەرۋ ەدى. 2019 - جىلى 6 - ايدا زاۆودقا كىرىپ، جەم جەتكىزۋشى بولعاننان بەرى ماڭلىك سۇلتان ايىنا 2500 يۋان ەڭبەكاقى الاتىن بولدى. ”ءۇيىم حىجيا جاڭا قىستاعىندا، بۇل جەر ۇيىمە جاقىن بولىپ قانا قويماي، ايلىق كىرىسىم دە تۇراقتى، تۇرمىسىم بارعان سايىن جاقسارىپ كەلەدى“.

  ماڭلىك سۇلتان جۇمىس ىستەيتىن جەتىلدىرۋ بازاسى ماڭايداعى 70 نەشە ادامنىڭ جۇمىستانۋىنا جەتەكشىلىك ەتىپ، قىستاق تۇرعىندارىن جۇمىسقا قابىلداۋداعى ماڭىزدى ارناعا اينالدى. ”بۇرىن ۇيىمىزدە بولەك - بولەك باعىلاتىن كەپتەرلەرىمىزدىڭ ۇلكەن كاسىپ سالاسىنا اينالارىن ويلاماپپىز“. اڭگيا قالاشىعى ءزامشى ارىق قىستاعىنىڭ تۇرعىنى تۇنيساحان ماحمۇت بازاعا كەلگەننەن كەيىن ەڭ نەگىزگى بىلىمدەردەن باستاپ تاربيە قابىلداپ، جاي جۇمىسشىدان تەز ارادا ۇستازعا اينالىپ، جۇمىرتقادان شىعارۋ، تەمپەراتۋرا مەڭگەرۋ سياقتى شەشۋشى بۋىنداردىڭ قىزمەتىنە جاۋاپتى بولدى، سونىمەن قاتار جاڭا جۇمىسشىلاردى تاربيەلەۋدى ۇستىنە الدى. ”ەتتى كەپتەر باعىمشىلىق تەحنيكاسىن ۇيرەنىپ جاتىرمىن، ۇيرەنگەننەن كەيىن تەحنيكالىعى ءتىپتى كۇشتى جۇمىس ورنىنا بارىپ ىستەيمىن، سول كەزدە ايىنا 4000 يۋان ەڭبەكاقى الاتىن بولامىن“.

  لوپ اۋدانىندا كەپتەر باعۋ ءداستۇرى بار، دەسەدە، كەپتەر باعۋدى كاسىپ سالاسى رەتىندە كەڭ كولەمدە دامىتقالى وسى بىرنەشە جىلدىڭ ءجۇزى عانا بولدى. قان جاساۋ يقۋاتىن كۇشەيتىپ، كەدەيلىكتەن ارىلتۋ جەتىستىگىن بەكەمدەۋ ءۇشىن، لوپ اۋدانى ”كاسىپ سالاسىن يگەرۋ، كەدەيلىكتەن ارىلتۋدى جەبەۋ، ورنىقتىلىقتى ساقتاۋ، دامۋدى كوزدەۋ“ نىساناسىن مىقتاپ ارقاۋ ەتىپ، ساۋداگەر شاقىرىپ قارجى ەنگىزۋ جانە ۇكىمەت پەن كاسىپورىن سەلبەسۋ سىندى ءتاسىل ارقىلى ”كاسىپورىن + سەلبەستىك كووپەراتيۆى + بىرىككەن تۇلعا + كەدەي وتباسى“ ۇلگىسىن قولدانىپ، كەپتەر كاسىپ سالاسىنىڭ قاۋىرت دامۋىن ىلگەرىلەتتى.

  قىستاق تۇرعىندارىن ەرتەرەك يگىلىككە كەنەلدىرۋ ءۇشىن، جەرگىلىكتى ۇكىمەت كەدەيلەردى سۇيەمەلدەۋ قارجىسىن بىرىكتىرىپ، باستاماشى كاسىپورىن جارناعا سىندىرىپ ۇلەستىرىپ بەرۋ فورماسىن قولدانىپ، يگىلىكتەنۋ ۇقىعىن قىستاق تۇرعىندارىنا ناقتىلاندىرىپ بەردى. سونىمەن قاتار كاسىپورىن ماڭىنداعى 6 قىستاقتا اتالىق اسىل تۇقىمدى كەپتەر سەلبەستىك كووپەراتيۆىن قۇرىپ، مال - مۇلىك قىستاق كوللەكتيۆىنىڭ مەنشىگىنە، يگىلىكتەنۋ ۇقىعى قىستاق تۇرعىندارىنا تاۋەلدى بولىپ، قىستاق تۇرعىندارى جىل سوڭىندا بەلگىلى سالىستىرما بويىنشا پايدا ۇلەسىن الادى.

  حىجيا جاڭا قىستاعىنىڭ تۇرعىنى نۇرمامەت ابىلەز سەلبەستىك كووپەراتيۆىنىڭ باعىمشىلىعىنا ەرتەرەك قاتىناسقان كەدەي شارۋا. ”سول كەزدە اقشام سەلگە كەتسە قايتەمىن دەپ ىشتەي قوبالجىعانمىن“، - دەدى ول. قىستاق تۇرعىندارىن ۋايىمنان ارىلتۋ ءۇشىن قىستاق تۇرعىندار كوميتەتى مەن قىستاقتا تۇراتىن قىزمەت اترەتى قىزمەت ىستەپ ءارى كەپىل بولىپ، 16 اتالىق - انالىق اسىل تۇقىمدى كەپتەر سەلبەستىك كووپەراتيۆىن جانە 20 بىرىككەن تۇلعا قۇردى، سەلبەستىك كووپەراتيۆ مۇشەلەرى 120عا جەتتى ءارى ولارعا قاتىستى جۇمىستانۋ ورنىن ازىرلەپ بەردى.

  ”قىستاق تۇرعىندارىنىڭ ءاربىرى 2000 يۋان جارنا قوستى، ۇكىمەت كەپتەر ساتىپ اپەردى، ساتىلعاننان كەيىن، ءار جىل ءار وتباسىنا %8تىك سالىستىرمامەن پايدا ۇلەستىرەدى“، - دەدى نۇرمامەت، قازىر ايەلى ەكەۋى دە جەتىلدىرۋ بازاسىندا جۇمىس ىستەيدى ەكەن، ەڭبەكاقىعا ءار جىلعى پايدا ءبولىسى قوسىلىپ، تۇرمىستارى بارعان سايىن جاقسارۋدا.

  سوڭعى جىلدارى لوپ اۋدانى حوتان ايماعىنىڭ ”ون، ءجۇز، مىڭ، ون مىڭ، ءجۇز ميلليون“ دارەجەلى كاسىپ سالاسىن دامىتۋ جالپىلىق وي جەلىسىنە ساي، جەرگىلىكتى ورىننىڭ ءىس جۇزىندىك جاعدايىمەن بىرلەستىرىپ، جەتىلدىرۋ، باعۋ، وڭدەۋ، ساتۋ ءبىر تۇلعالانعان تۇتاس كاسىپ سالاسى تىزبەگىن قالىپتاستىردى. كەپتەر شارۋاشىلىعى ارقىلى بۇكىل اۋداندا 7700 نەشە كەدەي حالىقتىڭ كىرىسىن ارتتىرۋعا جەتەكشىلىك ەتتى. كەلەسى قادامدا لوپ اۋدانى كەپتەر كاسىپ سالاسى اس - سۋ مادەنيەتىن قالىپتاستىرىپ، كەپتەر جۇمىرتقاسى، توڭازىتىلعان بالاپان كەپتەر سياقتى ازىقتىق ماتەريالداردى باستاماشى كاسىپورىنداردىڭ ساتۋ ارناسىنان پايدالانىپ، تىزبەكتى ايگىلى دۇكەندەرمەن قول قويىسىپ، شارۋالار مەن ەرەن بازاردى ءتۇيىستىرىپ، ينتەرنەت جەلىسىندە جانە ينتەرنەت جەلىسىنەن تىس توعىستىرۋ سىندى كوپ نەگىزدى ساتۋ جۇيەسىن قالىپتاستىرادى. سونىمەن قاتار جىنتىكتەي وڭدەۋدى جەدەلدەتىپ، جوعارعى - تومەنگى بۋىنداعى كاسىپ سالالارىنىڭ تىزبەگىن ساباقتاستىرىپ، قولدا بار كاسىپ سالاسىن زورايتىپ، كۇشەيتىپ، جىنتىكتەپ، ساپالىلاندىرىپ، كەپتەر كاسىبىنىڭ ساپاسىن جوعارىلاتىپ، دارەجەسىن وسىرەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار