A دارەجەلى كورىنىس وڭىرلەرىنىڭ سانى مەن ساپاسى بىردەي ءوستى
□گازەتىمىزدىڭ جالپىلىق اقپارات قۇرالدارى ءتىلشىسى ياۋ گاڭ
2020.12.08 16:24 كەلۋ قاينارى : شينجياڭ گازەتى
بيىل 11 - ايدىڭ سوڭىندا شينجياڭدا تاعى 19 كورىنىس ءوڭىرى مەملەكەتتىك 4A دارەجەلى كورىنىس ءوڭىرى بولىپ باعالاندى. سونىمەن شينجياڭدا 4A دارەجەلى كورىنىس ءوڭىرى 100دەن استى.
2015 - جىلى شينجياڭدا مەملەكەتتىك A دارەجەلى 297 ساياحات كورىنىس ءوڭىرى عانا بار بولاتىن، ال بيىل مەملەكەتتىك A دارەجەلى ساياحات كورىنىس ءوڭىرى 440قا جەتتى.
تاياۋ جىلداردان بەرى رايونىمىز A دارەجەلى كورىنىس ءوڭىرىن قۇرۋ قىزمەتىن ۇزدىكسىز كۇشەيتىپ، سايكەستى قۇرىلعىلاردى اناعۇرلىم ساپالىلاندىرىپ، ساياحاتتىق قىزمەت وتەۋ ساپاسىن كۇش سالا جوعارىلاتىپ، الۋان ءتۇرلى شارالارمەن ساپالى ساياحات ورتاسىن قالىپتاستىرىپ، A دارەجەلى كورىنىس ءوڭىرىنىڭ سانىنىڭ كوبەيۋى مەن ساپاسىنىڭ ارتۋىن تەڭ ىلگەرىلەتتى.كورىنىس ءوڭىرىن قۇرۋ دەڭگەيى كوتەرىلدى
بۋىرشىن اۋدان قالاشىعىنا ورنالاسقان جۇڭگو - سوۆەت وداعى سۋ تاسىمالى ەسكەرتكىش سارايى ورىس ۇلگىسىندەگى، ەرەكشە ەسكە الۋ ماڭىزى بار ءداستۇرلى ءۇي قۇرىلىسى. سارايدا سۋرەتتەر، ناقتى زاتتار ارقىلى جۇڭگو - سوۆەت وداعى سۋ تاسىمالىنىڭ 60 نەشە جىلدىق تاريحى كورسەتىلگەن.
”مەن بۇل ارادا بۋىرشىن اۋدانىنىڭ وزگەشە تاريحي مادەنيەتىن ايگىلەيتىن ءتۇرلى تاريحي مادەني ەسكەرتكىشتەردى كوردىم“، - دەدى 12 - ايدىڭ 3 - كۇنى شي - اندىق ساياحاتشى ۋاڭ چيڭلان.
2019 - جىلى جۇڭگو - سوۆەت وداعى سۋ تاسىمالى ەسكەرتكىش سارايى، جۇڭگو - سوۆەت وداعى سۋ تاسىمالى كونە كەمەتۇراعى، كونە قالقىما كوپىر كونە جۇرتى، بۋىرشىن جينشان كىتاپحاناسى سياقتىلاردى نەگىزگى كورىنىس ءتۇيىنى ەتكەن جۇڭگو - رەسەي كونە كەمەتۇراعى سالت - سانا كوشەسى كورىنىس ءوڭىرى مەملەكەتتىك 4A دارەجەلى ساياحات كورىنىس ءوڭىرى بولىپ ءساتتى قۇرىلدى.
”كەمەلدى قۇرىلعىلار، ساپالى قىزمەت وتەۋ، الۋان ءتۇرلى ساياحات ونىمدەرى 4A دارەجەلى كورىنىس ءوڭىرىن ءتىپتى دە ايشىقتاي ءتۇستى. 4A دارەجەلى كورىنىس ءوڭىرى ساياحاتشىلار جونىنەن ماڭدايشالىق، بۇكىل اۋداننىڭ كورىنىس ءوڭىرى قۇرىلىسى جونىنەن ءبىر بەلگى“، - دەدى بۋىرشىن اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى ۋ لەي.
شەكسىز كەتكەن ءشول - جازيرا، ماساتىداي قۇلپىرعان جاسىل القاپ، ۇشى - قيىرسىز قۇبا ءتۇز... شينجياڭدا مول ساياحات بايلىعى بار.
ۇعىسۋعا قاراعاندا، 2018 - جىلدان بەرى شينجياڭ تۇتاس وڭىرلىك ساياحاتتان ۇلگى كورسەتۋ ءوڭىرىن قۇرۋعا كۇش سالىپ، تيانشان بوعدا كولى، تەمىر، قاراجون، كولدەنەڭ، بايىنبۇلاق سىندى دۇنيە جۇزىلىك جاراتىلىستىق مۇرا كورىنىس وڭىرلەرىن وزەك، نارات، تاڭبالى، توعراسۋ، سايرام كولى سياقتى سەيىل - سەرۋەن، دەمالۋ كورىنىس وڭىرلەرىن تىرەك ەتىپ، ءبىر توپ ەرەكشە ساياحاتتىق قىستاق - قالاشىقتاردى جەتەكتەپ، بايلىقتى بىرىكتىرىپ، باسىمدىقتاردى شوعىرلاندىرىپ، ساياحات ونىمدەرى مول شوعىرلانعان وڭىرلەردى، ساياحات سارا ونىمدەرى ىستىق لەنياسىن، ساياحات كاسىپ سالاسى شوعىرىن قۇرىپ، تيانشان مۇرالارى مەملەكەتتىك ساياحات كورىنىس جولىن سالىپ، تيانشان ءدالىزى دۇنيە جۇزىلىك مۇرا ساياحات كاسىپ سالاسى بەلدەۋىن قۇردى. شينجياڭ ساياحات نىسانالى جەرى سارا ونىمدەر شوعىرى ارناسى العاشقى ادىمدا قالىپتاستى.قۇرىلعىلار كەمەلدەنىپ، ساپا جوعارىلادى
”ءبىر توبىن قۇرۋ، ءبىر توبىن جوعارىلاتۋ، ءبىر توبىن دايىنداۋ، بىرتىندەي ىلگەرىلەتۋ“ پرينسيبى بويىنشا شينجياڭ مەملەكەتتىك 4A دارەجەلى كورىنىس ءوڭىرىن قۇرۋ تەبىنىن ارتتىردى.
قۇلاقتان كىرىپ بويدى الار سىبىزعى ءۇنى، ەرەكشە بۇركىت ءبيى، تاجىكتەردىڭ ءدامدى تاعامى... 2014 - جىلى تاشقورعان تاجىك اۆتونوميالى اۋدانىندا مەملەكەتتىك مادەني ەسكەرتكىشتەردى قورعاۋ ورنى شىتوۋچىڭ قالاسىن، جينساۋتان مەملەكەتتىك سازدىق باقشاسىن، 6 ءتۇرلى مەملەكەت دارەجەلى بەيزاتتىق مادەنيەت مۇرالارىن كورمەلەۋ تۇعىرى ”ساييۇن رىنجيا“ ۇلتتىق سالت - سانا قىستاعىن وزەك ەتكەن 3.1 شارشى كيلومەترلىك پامير ساياحات ءوڭىرىنىڭ 5A دارەجەلى كورىنىس ءوڭىرى بولىپ قۇرىلعاندىعى تۇراقتاندىرىلدى.
پامير ساياحات ءوڭىرى نەگىزدىك قۇرىلعىلاردى ۇزدىكسىز كەمەلدەندىرىپ، ساياحات ونىمدەرىن مولايتىپ، جالاڭ كورىنىس تاماشالاۋدان ”تاماقتانۋ، قونۋ، ءجۇرىپ - تۇرۋ، ساياحاتتاۋ، زات ساتىپ الۋ، كوڭىل اشۋ“ جاپپاي قامتىلعان ساياحاتتىق سەزىنۋ فورماسىنا قاراي دارەجەسىن جوعارىلاتتى. 2019 - جىلى پامير ساياحات ءوڭىرى مەملەكەتتىك 5A دارەجەلى كورىنىس ءوڭىرى بولىپ ءساتتى قۇرىلدى.
تاياۋ جىلداردان بەرى، شينجياڭ مەملەكەتتىك A دارەجەلى ساياحات كورىنىس وڭىرلەرىن قۇرۋ ارقىلى، كورىنىس وڭىرلەرىنىڭ نەگىزدىك قۇرىلعىلارىن ۇزدىكسىز كەمەلدەندىرىپ، باسقارۋ دەڭگەيىن جوعارىلاتىپ، ساياحاتشىلاردىڭ رازىلىق دارەجەسى مەن بازارداعى ىقپالىن اناعۇرلىم جوعارىلاتتى.
تەمىر سوقساڭ قۇرىش بول. شينجياڭ جانە بۇكىل رايونداعى A دارەجەلى ساياحات كورىنىس وڭىرلەرىنە، ساياحات جۇلدىزدى قوناق ۇيلەرىنە، ساياحات سەرىكتەستىكتەرىنە جانە ساياحات جەتەكشىلەرىنە ساياحاتتىق قىزمەت وتەۋ ساپاسىن جوعارىلاتۋ بويىنشا ارنايى رەتتەۋ، جونگە سالۋ جۇرگىزىپ، كورىنىس وڭىرلەرىنىڭ جۇمساق كۇشىن اناعۇرلىم جوعارىلاتتى.قورعاۋ مەن اشۋ قاتار ىلگەرىلەتىلدى
”بۇل ارانىڭ اۋاسى تازا، تىنىسىڭىز كەڭىپ قالادى، قىسقى بوعدا ەرەكشە كوركەم - اق!“، - دەدى 12 - ايدىڭ 1 - كۇنى ءبىر ساياحاتشى شىن جۇرەكتەن تەبىرەنىپ.
سول كۇنى تۇستەن بۇرىن تيانشان بوعدا كولى كورىنىس ءوڭىرى ساياحاتشىلارعا قىزمەت وتەۋ ورتالىعىنىڭ ۇلكەن ەكرانىندا كورىنىس ءوڭىرىنىڭ اۋا ساپاسى تاماشا دەپ كورسەتىلىپ تۇر. تيانشان بوعدا كولى كورىنىس ءوڭىرىنىڭ تازا اۋاسى ساياحاتشىلاردىڭ كوڭىلىن جادىراتتى.
ساياحاتشىلاردىڭ ءتول اسەرى تيانشان بوعدا كولى كورىنىس ءوڭىرىن باسقارۋ كوميتەتىنىڭ كورىنىس ءوڭىرىن قورعاۋ جاعىنداعى ۇزدىكسىز ۇسىنىلىمىنان كەلگەن.
« 13 - بەسجىلدىق» كەزىندە تيانشان بوعدا كولىن باسقارۋ كوميتەتى جيىنى 500 ميلليون يۋان مولشەرىندە قارجى قوسىپ، ەكولوگيالىق ورتانى قالپىنا كەلتىرۋگە جانە قورعاۋعا جۇمساپ، فيلۇڭجيان گەولوگيالىق اپاتتاردى جونگە سالۋ، بوعدا كولىن قورعاۋ 2 - مەزگىلى، وزەن ارناسىن رەتتەۋ - جونگە سالۋ قاتارلى ءبىر قىدىرۋ كەلەلى ەكولوگيا قورعاۋ ينجەنەريالارىن جۇرگىزىپ، تىڭنان 10 مىڭ مۋ جەرگە ورمان ءوسىرىپ، 5000 مۋداي جەردەگى قۇرعاعان سازدىقتى قالپىنا كەلتىردى، ەگىستىكتەن قالپىنا كەلتىرىلگەن جايلىم 477 مىڭ 900 مۋعا جەتىپ، سۋ قاينارىن ساقتايتىن وڭىرلەر ءونىمدى قورعالدى.
تاياۋ جىلداردان بەرى شينجياڭ مەملەكەتتىك A دارەجەلى ساياحات كورىنىس ءوڭىرىن قالىپتاستىرۋ بارىسىندا، ساياحات ءوڭىرىنىڭ ەكولوگيالىق ورتانى قورعاۋ، باسقارۋ جۇيەسىن ۇزدىكسىز كەمەلدەندىردى، جاراتىلىستىق ەكولوگيالىق جۇيە مەن جاراتىلىستىق شۇرايلى كورىنىستەردىڭ كەمەلدىلىگىن قورعاپ، ەكولوگيالىق ورتانىڭ فۋنكتسياسىن قورعاپ جانە جاقسارتىپ، ساياحات كاسىبىنىڭ باياندى دامۋىن جەبەدى.
”تۇنىق سۋ، جاسىل تاۋ − باعالى بايلىق“. تاماشا ەكولوگيالىق ورتا كورىنىس وڭىرلەرىنىڭ دامۋىنا كۇش ۇستەپ، كورىنىس وڭىرلەرىنە اناعۇرلىم كوپ ساياحاتشىنىڭ كەلۋىنە مۇمكىندىك جاسادى. بيىلعى مەملەكەت مەرەكەسى، جۇڭچيۋ مەرەكەسى دەمالىسى كەزىندە، تيانشان بوعدا كولى كورىنىس ءوڭىرى قابىلداعان ساياحاتشى سايكەس مەزگىلدەگىدەن ％20 ارتتى؛ قاناس كورىنىس ءوڭىرى 568 مىڭ ساياحاتشى (رەت) قابىلداپ، بۇكىل رايون بويىنشا قابىلداعان ساياحاتشى سانى ەڭ كوپ كورىنىس ءوڭىرى بولىپ، توقتاۋسىز كوپ كۇن كۇتىپ الۋ مولشەرى ەڭ جوعارى كوتەرىمدىلىك مولشەرىنىڭ ％75ىنە جەتىپ، وتكەن جىلعى سايكەس مەزگىلدەگىمەن سالىستىرعاندا ％8 ارتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
