شي جينپيڭ فرانسيانىڭ زۇڭتۇڭى ماكرونمەن تەلەفوندا سويلەستى
ەكى ەلدىڭ مەملەكەت باسشىلارى كەلەسى ساتىداعى جۇڭگو مەن فرانسيانىڭ سەلبەستىگى جونىندە ماڭىزدى ورتاق تانىمعا كەلدى
2020.12.11 14:06 كەلۋ قاينارى : حالىق تورابى
شينحۋا اگەنتتىگىنىڭ 12 - ايدىڭ 9 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - ايدىڭ 9 - كۇنى كەشتە فرانسيانىڭ زۇڭتۇڭى ماكرونمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: كەزەكتە دۇنيە ءجۇزىنىڭ ورنىقسىزدىعى، تۇراقسىزدىعى كوبەيىپ، اناعۇرلىم كوپ ءىرى ەلدىك جاۋاپكەرشىلىك ارقالاۋعا ۇندەۋدە. ”دەربەس، ءوز - وزىنە قوجايىن بولۋ، ءوزارا ءتۇسىنىسۋ، بيىكتە تۇرىپ الىسقا كوز تاستاۋ، ءوزارا تيىمدىلىك جەتكىزىپ بىرگە يگىلىككە كەنەلۋ“ − جۇڭگو مەن فرانسيانىڭ ديپلوماتيالىق قارىم - قاتىناس ورناتقانداعى اۋەلگى ماقساتى. كوپ جاقتىلىققا تاباندى بولىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى قورعاۋ، حالىقارالىق زاڭدى نەگىز ەتكەن حالىقارالىق ءتارتىپتى قورعاۋ − جۇڭگو مەن فرانسيا ەكى ەلدىڭ ماڭىزدى ورتاق تانىمى. ءبىز اۋەلگى ماقساتتى ەستە بەرىك ساقتاپ، ورتاق تانىمنان جازباي، جۇڭگو مەن فرانسيا قارىم - قاتىناسىنىڭ تۇتقاسىن مىقتى ۇستاپ، اۋىس - كۇيىستى كۇشەيتىپ، سەلبەستىكتى تەرەڭدەتىپ، كەلەلى حالىقارالىق جانە وڭىرلىك ماسەلەلەر جونىندە ءجيى پىكىرلەسۋدى جانە سايكەسۋدى ساقتاپ، ەكى ەلدىڭ قارىم - قاتىناسىنىڭ اناعۇرلىم زور دامۋىن ىلگەرىلەتۋىمىز كەرەك.
شي جينپيڭ بىلاي دەپ باسا دارىپتەدى: جۇڭگو ءوزىنىڭ جولى، نازارياسى، ءتۇزىمى، مادەنيەتى جونىندە مىعىم سەنىمگە يە، سونداي - اق ءار ەل حالقىنىڭ ءوزى تاڭداعان دامۋ جولىنا قۇرمەت ەتەدى. تۇرلىشە قوعامدىق تۇزىمدەگى ەلدەردىڭ ءوزارا قۇرمەت ەتۋىنە، بەيبىت قاتار تۇرۋىنا، بىرگە دامۋىنا بولادى. جاڭا جاعدايدا جۇڭگو مەن ەۆروپا سەلبەستىگىنىڭ الەمدىك جانە ستراتەگيالىق سيپاتى اناعۇرلىم كورنەكتىلەنە ءتۇستى. مەيلى حالىقارالىق اۋقىم قالاي وزگەرسەدە، جۇڭگو جاق جۇڭگو مەن ەۆروپا قارىم - قاتىناسىنىڭ اقاۋسىز، ورنىقتى دامۋىن بۇلجىماستان ىلگەرىلەتۋگە كۇش سالادى، ەۆروپا جاقتىڭ جۇڭگوعا قاراتا بەلسەندى ساياسات اتقارۋىن ءۇمىت ەتەدى. ەكى جاق بىرگە قۇلشىنىپ، جۇڭگو - ەۆروپا قارجى قوسۋ كەلىسىمى كەلىسسوزىن جەدەل ورىنداپ، جۇڭگو - ەۆروپا قورشاعان ورتا جانە كليمات جونىندەگى جوعارى دارەجەلىلەر كەڭەسىن، سونداي - اق سيفرلى سالاداعى جوعارى دارەجەلىلەر كەڭەسىن جاقسى وتكىزىپ، جۇڭگو - ەۆروپا قارىم - قاتىناسىنىڭ تىڭ ساتىعا قادام تاستاۋىن ىلگەرىلەتۋى كەرەك.
ماكرون مىنالاردى ءبىلدىردى: فرانسيا مەن جۇڭگو ەكى ەل جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا تاماشا سەلبەستىك جاسادى، ءارقايسى سالاداعى اۋىس - كۇيىسى، سەلبەستىگى جاپپاي ىلگەرىلەدى. فرانسيا جاق دەربەس، ءوز - وزىنە قوجايىن بولۋ سىندى ديپلوماتيا ءداستۇرىن ۇستانىپ، جۇڭگومەن قارىم - قاتىناسىن دامىتۋعا ايرىقشا ءمان بەرەدى، جۇڭگو جاقپەن بىرگە ۇزدىكسىز قۇلشىنىپ، فرانسيا مەن جۇڭگونىڭ، ەۆروپا مەن جۇڭگونىڭ سەلبەستىگىن تەرەڭدەتۋدى قالايدى. ەۆروپا مەن جۇڭگونىڭ قارجى قوسۋ كەلىسىمى كەلىسسوزىندە تەز ارادا تابىسقا قول جەتكىزۋدى ءۇمىت ەتەدى. فرانسيا جاق جۇڭگو جاقتىڭ كليمات وزگەرىسى پاريج كەلىسىمىن جاساسۋعا قوسقان ماڭىزدى ۇلەسىن، سونداي - اق ۆاكسينا، قارىزدى ازايتۋ، قايتارىلۋ مەرزىمىن كەشەۋىلدەتۋ جاقتاردا اتقارعان ماڭىزدى رولىن، اسىرەسە، وركەندەپ كەلە جاتقان ەلدەرگە كورسەتكەن قولداۋىن القايدى، جۇڭگو جاقپەن بىرگە كليمات وزگەرىسى، الەۋمەتتىك دەنساۋلىق ساقتاۋ، افريكامەن بولعان سەلبەستىك سياقتى الەمدىك جانە وڭىرلىك كەلەلى ماسەلەلەر جونىندە سايكەسۋدى، سەلبەسۋدى كۇشەيتۋدى ءۇمىت ەتەدى. مەن ءساتى كەلگەندە جۇڭگوعا تاعى دا ساپارلاي بارۋدى ءۇمىت ەتەمىن.
ەكى ەلدىڭ مەملەكەت باسشىلارى كەلەسى ساتىداعى ەكى جاقتى، كوپ جاقتى سەلبەستىك جونىندە تالقى وتكىزىپ، كوپتەگەن ماڭىزدى ورتاق تانىمعا كەلدى، سونداي - اق ءوزدى - ءوزىنىڭ قاتىستى تاراۋلارىنا جەدەل تياناقتاندىرۋدى تاپسىردى:
ءبىرىنشى، ەكى ەلدىڭ زاڭ شىعارۋ قۇرىلىمدارى باسشىلارىنىڭ تۇڭعىش رەت بەينە ەكران تاسىلىندە جۇڭگو - فرانسيا پارلامەنت اۋىس - كۇيىسى مەحانيزمىنىڭ 11 - رەتكى ماجىلىسىنە قاتىناسۋدى قارسى الادى.
ەكىنشى، تىرشىلىك مەديتسيناسى، بيولوگيالىق تۇقىم جەتىلدىرۋ، اي شارىن جانە مارستى بارلاۋ، جاساندى سەرىك زەرتتەۋ، اشۋ سياقتى سالالاردا ءتىپتى دە كوپ سەلبەستىك ورىستەتۋ.
ءۇشىنشى، شەكارا وتكەلدەرىنىڭ ىستىق لەنيالى بايلانىسى سياقتى مەحانيزمدەر ارقىلى كەدەندىك تەكسەرۋ، كارانتيندەۋ سەلبەستىگى دەڭگەيىن جوعارىلاتىپ، قامداۋ تىزبەگىنىڭ ورنىقتىلىعىنا شىنايى كەپىلدىك ەتۋ.
ءتورتىنشى، جاڭا تيپتى ايدارشا ۆيرۋس وكپە قابىنۋ ىندەتى الا كەلگەن قيىنشىلىقتى جەڭىپ، افريكا شوشقا وباسىن وڭىرلەندىرە باسقارۋ تەحنيكاسى كەڭەسى اياق الىسىن جەدەل ىلگەرىلەتىپ، سەلبەستىك كەلىسىمى جونىندە ەرتەرەك ماندىك جەتىستىككە قول جەتكىزۋگە تالپىنۋ.
بەسىنشى، بەيجيڭ 2022 - جىلعى قىسقى وليمپياداسىن جانە پاريج 2024 - جىلعى وليمپياداسىن وراي ەتىپ، وليمپيادا مەن حالىقتىق اۋىس - كۇيىس سەلبەستىگىن كۇشەيتىپ، ءوزارا ءتۇسىنىسۋ جانە دوستىقتى نىعايتۋ.
التىنشى، «جۇڭگو - ەۆروپا جاعراپيالىق بەلگى كەلىسىمىنىڭ» 2021 - جىلدىڭ باسىندا رەسمي كۇشكە ەنۋىن قارسى الۋ. شاي، ءجۇزىم شارابى، ىرىمشىك سياقتى جۇڭگو مەن فرانسيانىڭ جوعارى سورتتى، ەرەكشەلىككە يە اۋىل شارۋاشىلىعى ازىق - تۇلىك ونىمدەرىن ەكى جاقتاعى سانسىزداعان وتباسىلارىنا جەتكىزۋدى قولداۋ.
جەتىنشى، ”جاڭا تيپتى ايدارشا ۆيرۋس وكپە قابىنۋ ىندەتىنىڭ ۆاكسيناسى مەن ءدارىسىن زەرتتەپ، اشۋدى، ءوندىرۋدى جانە ءادىل ءبولىسۋدى جەدەلدەتۋ سەلبەستىك ۇندەۋىنە“ جانە ”جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى اتقارۋ جوسپارىنا“ بەلسەنە قاتىناسىپ، وركەندەپ كەلە جاتقان ەلدەرگە كومەكتەسۋ - سۇيەمەلدەۋ سەرپىنىن ارتتىرىپ، ۆاكسينانى ءار ەل حالقى شىن مانىندە ىستەتە الاتىن، ىستەتۋگە مۇمكىندىگى جەتەتىن الەۋمەتتىك ونىمگە اينالدىرۋ.
سەگىزىنشى، كوپ جاقتىلىقتى بىرگە قورعاپ، كليمات وزگەرىسىنە قول ۇستاسا توتەپ بەرىپ، بيىل 12 - ايدىڭ 12 - كۇنگى كليمات ۇلى ماقسات جوعارى دارەجەلىلەر باس قوسۋىن جانە كەلەر جىلعى 1 - ايداعى ”ءبىر عالامشار“ جوعارى دارەجەلىلەر باس قوسۋىن جاقسى وتكىزۋدى قولداپ، حالىقارالىق قوعامدى كەلەر جىلعى «ورگانيزمدەردىڭ كوپ تۇرلىلىك شارتىنىڭ» 15 - رەتكى شارت جاساسۋشى جاقتار جينالىسىنا، «بىرلەسكەن مەملەكەتتەر ۇيىمى كليمات وزگەرىسى جۇلگەلىك شارتىنىڭ» 26 - رەتكى شارت جاساسۋشى جاقتار جينالىسىنا، 7 - كەزەكتى دۇنيە جۇزىلىك تابيعاتتى قورعاۋ جينالىسىنا اناعۇرلىم بەلسەنە قاتىناسۋعا جۇمىلدىرىپ، جوعارىداعى ماڭىزدى حالىقارالىق كەڭەستىك تارتىپتەردە بەلسەندى ناتيجەگە قول جەتكىزۋدى ىلگەرىلەتۋ.
ەكى جاق تاعى يراننىڭ يادرو ماسەلەسى، وڭتۇستىك ۇيەك تەڭىز - مۇحيتىن قورعاۋ سياقتى ماسەلەلەر جونىندە پىكىر اۋىستىردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
