ورنىقتىلىق بارىسىندا ىلگەرىلەپ، ەكپىندەي العا تارتتى
− ورتالىقتىڭ ەكونوميكالىق قىزمەت ماجىلىسىنەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ”13 - بەسجىلدىقتاعى“ ەكونوميكالىق، قوعامدىق دامۋعا جەتەكشىلىك ەتكەندىگىنە كوز جىبەرگەندە
□ شينحۋا اگەنتتىگىنىڭ تىلشىلەرى
2020.12.11 14:07 كەلۋ قاينارى : حالىق تورابى
ءار جىلدىڭ سوڭىندا ءبىر جىلدا ءبىر اشىلاتىن ورتالىقتىڭ ەكونوميكالىق قىزمەت ءماجىلىسى ەل ءىشى - سىرتىنىڭ ايرىقشا نازارىن اۋدارادى.
ورتالىقتىڭ ەكونوميكالىق قىزمەت ءماجىلىسى ارقىلى الدىڭعى ءبىر جىلدىق ەكونوميكالىق قىزمەتتى قورىتىندىلاۋ، ەكونوميكالىق جاعدايعا تالداۋ جاساۋ، كەلەر جىلعى ەكونوميكالىق قىزمەتتى ورنالاستىرۋ − جۇڭگو كوممۋنيستىك پارتياسىنىڭ ەل باسقارۋداعى ءبىر ماڭىزدى تۇزىمدىك ورنالاستىرۋلارىنىڭ ءبىرى.
5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ورنىقتىلىق بارىسىندا ىلگەرىلەۋگە، دامۋدىڭ جالپى جاعدايىن جالپىلاي يگەرۋگە، عىلمي شەشىم جاساۋعا تاباندى بولدى، جەر - جەر، تاراۋلار ورتالىقتىڭ ەكونوميكالىق قىزمەت ماجىلىستەرىنىڭ رۋحىن دايەكتىلەندىرىپ، تياناقتاندىرىپ، ”13 - بەسجىلدىق“ مەزگىلىندە ەكونوميكانىڭ ورنىقتى، اقاۋسىز دامۋىن ساقتاۋدى ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنىڭ شەشۋشى تابىستارىنا قول جەتكىزدى، ەلىمىزدىڭ ەكونوميكالىق ناقتى قۋاتى، عىلىم - تەحنيكالىق ناقتى قۋاتى، جالپىلىق مەملەكەت قۋاتى جاڭا، ۇلكەن ساتىعا كوتەرىلدى.بيىكتە تۇرىپ الىسقا كوز تاستاپ، جوبا بەلگىلەپ ورنالاستىرۋ جاسادى− پارتيانىڭ ەكونوميكالىق قىزمەتكە ورتالىقتانعان ءبىر تۇتاس باسشىلىعىن كۇشەيتۋگە تاباندى بولىپ، جۇڭگو ەكونوميكاسىنىڭ ورنىقتى قاداممەن باياندى ىلگەرىلەۋىن جەبەدى
پارتيا 19 - قۇرىلتايىنان كەيىن ءبىرىنشى رەت اشىلعان ورتالىقتىڭ ەكونوميكالىق قىزمەت ءماجىلىسى 2017 - جىلى 12 - ايدىڭ 20 - كۇنى جابىلدى.
وسى رەتكى ماجىلىستە شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسى العاش رەت ورتاعا قويىلدى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جالپى اۋقىمدى باعامداۋعا، جالپى جاعدايدى كوزدەۋگە، ناقتى ءىس ىستەۋگە تاباندى بولىپ، ورتالىقتىڭ ەكونوميكالىق قىزمەت ءماجىلىسى سياقتى ماڭىزدى ماجىلىستەردە ەكونوميكالىق قىزمەتتەگى ءبىر قىدىرۋ كەلەلى نازاريالىق جانە امالياتتىق ماسەلەلەرگە عىلمي جاۋاپ بەرىپ، ەلىمىزدىڭ ەكونوميكالىق دامۋىنىڭ كەلەلى جاعدايىن ءساتتى مەڭگەردى.
شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسى − جاڭا داۋىردەگى ەلىمىزدىڭ ەكونوميكالىق دامۋ امالياتىنىڭ نازاريالىق جاۋھارى، جۇڭگوشا سوتسياليستىك ساياسي ەكونوميانىڭ ەڭ جاڭا جەتىستىگى.
ورتالىقتىڭ ەكونوميكالىق قىزمەت ءماجىلىسى − شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسىن تۇسىندىرەتىن جانە امالياتتا ايگىلەيتىن ماڭىزدى تۇعىر. ”13 - بەسجىلدىق“ مەزگىلىندە اشىلعان ورتالىقتىڭ ەكونوميكالىق قىزمەت ماجىلىستەرىندە كاسىپ سالاسىنىڭ دامۋىنان قالا، اۋىلدىڭ وڭىرلىك سايكەستى دامۋىنا دەيىن، بايلىق، قورشاعان ورتادان قوعامعا، حالىق تۇرمىسىنا دەيىن، سىرتقا ەسىك اشۋدان جاڭالىق اشۋ ارقىلى دەم بەرۋگە دەيىن ەكونوميكالىق قىزمەتتىڭ جوعارى دەڭگەيلى ايبىندى جوباسى كۇن سايىن كەمەلدەنىپ، مەملەكەتتىڭ دامۋىنداعى كەلەلى ستراتەگيالاردىڭ كەمىستىكتەرى تولىقتىرىلىپ، كەلەلى باعىت، ساياساتتار اناعۇرلىم كەمەلدەنىپ، دامۋ بەتالىسى اناعۇرلىم ايقىندالا ءتۇستى.
5 جىلدان بەرى ورتالىقتىڭ ەكونوميكالىق قىزمەت ماجىلىستەرى ەكونوميكالىق ساياساتتاردىڭ جۇلگەلىك جوباسىن جاسادى −
”13 - بەسجىلدىق“ مەزگىلىندە حالىقارالىق جاعداي قۇبىلمالى، ەل ىشىندەگى رەفورما، دامۋ مىندەتتەرى اۋىر بولدى، ورتالىقتىڭ ەكونوميكالىق قىزمەت ماجىلىستەرى دامۋدىڭ داۋىرلىك تاقىرىبى مەن تاريحي ماڭىزدى مىندەتىن مىقتى يگەرىپ، دامۋ اۋقىمىنا ءبىر - بىرلەپ ماڭىزدى تۇجىرىم جاساپ، دامۋ بەتالىسى جونىندە ءبىر - بىرلەپ كەلەلى شەشىم شىعاردى.
2016 - جىلى ”ورنىقتىلىق بارىسىندا ىلگەرىلەۋ قىزمەت جالپى ارناسى ەل باسقارۋدىڭ ماڭىزدى پرينسيبى“ ەكەندىگى العاش رەت باسا دارىپتەلدى؛
2017 - جىلى ”ەلىمىز ەكونوميكالىق دامۋى دا جاڭا داۋىرگە قادام تاستادى، نەگىزگى ەرەكشەلىگى ەلىمىز ەكونوميكاسى جوعارى قارقىنمەن ارتۋ كەزەڭىنەن جوعارى ساپالى دامۋ كەزەڭىنە ءوتتى“ دەپ ايقىن العا قويىلدى؛
2018 - جىلى ”ەلىمىز دامۋىنىڭ ءالى دە ءارى ۇزاق ۋاقىت ماڭىزدى ستراتەگيالىق وراي مەزگىلىندە تۇرعاندىعى“ تاعى دا انىق ءتۇسىندىرىلدى؛
2019 - جىلى ”ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى اۋقىمىنىڭ وزگەرمەگەندىگى“ باتىل اتاپ كورسەتىلدى.
يدەيانى بىرلىككە كەلتىرۋ، تانىمدى تەرەڭدەتۋ − ەكونوميكالىق قىزمەتتى ويداعىداي ىستەۋدىڭ نەگىزى. 5 جىلدان بەرى ورتالىقتىڭ ەكونوميكالىق قىزمەت ماجىلىستەرى جاڭا دامۋ ۇستانىمىن جەتەكشى، قامداۋ جاعىنداعى قۇرىلىمدىق رەفورمانى نەگىزگى جەلى ەتكەن ساياسات جۇيەسىن ىلگەرىلەتىپ، قالىپتاستىرىپ، ەلىمىز ەكونوميكاسىن ۇزدىكسىز، اقاۋسىز دامۋعا جەتەكتەيتىن جۇيەلى ساياسات جۇلگەسىن العا قويىپ، جۇڭگو ەكونوميكاسى كەمەسىن دۇرىس بەتالىسپەن العا ىلگەرىلەۋگە پارمەندى جەتەكتەدى.
5 جىلدان بەرى ورتالىقتىڭ ەكونوميكالىق قىزمەت ماجىلىستەرى نىسانانى جۇزەگە اسىرۋدىڭ قۇرىلىس چەرتوجىن ايقىندادى −
”13 - بەسجىلدىق“ مەزگىلىندە ەلىمىز توتەنشە وزگەشە بارىستى باسىپ ءوتتى: 2016 - جىل، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ كەزەڭىنىڭ باستالاتىن جىلى، قۇرىلىمدىق رەفورمانى ىلگەرىلەتۋدىڭ قامال الۋ جىلى؛ 2017 - جىل، ”13 - بەسجىلدىق“ جوبانى اتقارۋدىڭ ماڭىزدى ءبىر جىلى، قامداۋ جاعىنداعى قۇرىلىمدىق رەفورمانى تەرەڭدەتۋ جىلى؛ 2018 - جىل، رەفورما جاساۋدىڭ، ەسىك اشۋدىڭ 40 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، ”13 - بەسجىلدىق“ جوبانى اتقارۋدىڭ باس - اياعىن تۇتاستىراتىن شەشۋشى ءبىر جىل؛ 2019 - جىل، جاڭا جۇڭگو قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جىلى؛ 2020 - جىل، جاپپاي دوڭگەلەك داۋلەتتى قوعام ورناتاتىن جانە ”13 - بەسجىلدىق“ جوبانى اياقتاتاتىن جىل.
ءبىر - بىرلەگەن ماڭىزدى دامۋ تۇيىندەرى، ءبىر - بىرلەگەن كەلەلى نىسانا - مىندەتتەر، ورتالىقتىڭ ەكونوميكالىق قىزمەت ماجىلىستەرى باعىتتامالىق سيپاتقا يە ماكرولىق رەتتەۋ - مەڭگەرۋ شارالارىن تۇراقتاندىرىپ، اتقارىپ، ايقىن ەكونوميكالىق قىزمەت مىندەتتەرىن العا قويدى.
ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ماكرولىق ساياساتتى ۇيلەسىمدى ۋاقىتتا الدىن الا رەتتەپ، انتەك رەتتەپ، يكەمدى شارا قولدانىپ، ءادىس - امالدى ءدال بەلگىلەپ، بازار ارەكەتىنە ءونىمدى تۇردە جەتەكشىلىك ەتىپ، قوعامدىق مەجەنى ورنىقتىردى، 2016 - جىلدان 2019 - جىلعا دەيىن ەلىمىز ەكونوميكاسى جىلىنا ورتا ەسەپپەن ％6.7 ارتىپ، ورنىقتىلىق بارىسىندا ىلگەرىلەۋدى جۇزەگە اسىردى.
جاپپاي دوڭگەلەك داۋلەتتى قوعام ورناتۋ نىساناسىن باستان - اياق كوزدەپ، ءۇش ءىرى قامال الۋ شايقاسىنىڭ جەڭىسىنە قول جەتكىزۋ، ءونىمدى قامداۋدى كەڭەيتۋ، حالىق تۇرمىسىن قامتاماسىز ەتۋ مەن جاقسارتۋدى كۇشەيتۋ جاقتارىندا ۇزدىكسىز تۇردە ناقتى ءادىس - امالدار، قاتاڭ شارالار شىعارىلىپ، حالىق بۇقاراسىنىڭ تۇرمىس دەڭگەيى كورنەكتى تۇردە جوعارىلاتىلدى.
جوعارى ساپالى دامۋدى كۇش سالا ىلگەرىلەتىپ، ناقتى ەكونوميكانى زور كۇشپەن گۇلدەندىرىپ، ءتۇرلى بازار تۇلعالارىنىڭ ومىرشەڭدىگىن قاۋلاتىپ، وڭىرلەردى سايكەستى دامىتۋ ستراتەگياسىن اتقارىپ، جاڭادان گۇلدەنگەن كاسىپ سالالارىنىڭ شاپشاڭ دامۋىن، ءداستۇرلى كاسىپ سالاسىنىڭ دارەجەسىنىڭ جەدەل جوعارىلاۋىن ىلگەرىلەتىپ، جۇڭگونىڭ دامۋىنىڭ جاڭا باسىمدىعىن تۇلعالادى.
اماليات ورتالىقتىڭ ەكونوميكالىق قىزمەت ماجىلىستەرىندە شىعارىلعان ءبىر قىدىرۋ شەشىمدەردىڭ دۇرىس ەكەنىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كۇردەلى دە قۇبىلمالى جاعدايدا ەكونوميكالىق قىزمەتتى مەڭگەرۋدەگى ەرەك اقىل - پاراساتى مەن قابىلەتىن ايگىلەگەندىگىن تولىق دالەلدەدى.
5 جىلدان بەرى، ورتالىقتىڭ ەكونوميكالىق قىزمەت ماجىلىستەرىندە ۇزاق بولاشاق كوزدەلگەن جول كارتاسى ورنالاستىرىلدى −
پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە ەل ىشىندەگى ۇلكەن اينالىمدى نەگىز ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋ العا قويىلدى.
ەل ىشىندەگى ۇلكەن اينالىمدى ىلگەرىلەتۋگە ”13 - بەسجىلدىق“ مەزگىلىندە مىعىم نەگىز قالاندى. 2018 - جىلعى ورتالىقتىڭ ەكونوميكالىق قىزمەت ءماجىلىسى ”قۋاتتى ەل ءىشى بازارىن قالىپتاستىرۋدى جەبەۋدى“ العا قويدى، 2019 - جىلعى ماجىلىستە ”ەرەكشە زور كولەمدى بازار باسىمدىعىن تولىق اشىپ، تۇتىنۋدىڭ نەگىزدىك رولى مەن قارجى قوسۋدىڭ شەشۋشى رولىن ساۋلەلەندىرۋ كەرەكتىگى“ ونان ارى ايقىندالدى.
جاعداي مەن مىندەتتىڭ وزگەرىسىنە نەگىزدەلە وتىرىپ، كەزەكتەگى جاعدايدى تياناق ەتىپ ءارى ۇزاق بولاشاققا نازار سالىپ، ستراتەگيالىق جوبالاۋ مەن ورنالاستىرۋدى الدىن الا جۇرگىزۋ − ورتالىقتىڭ ەكونوميكالىق قىزمەت ءماجىلىسىنىڭ ماڭىزدى ەرەكشەلىگى.
كەلەسى جىل ”14 - بەسجىلدىق“ جوبا باستالاتىن جىل، ەندى اشىلاتىن ورتالىقتىڭ ەكونوميكالىق قىزمەت ءماجىلىسى جاپپاي سوتسياليستىك وسىزاماندانعان مەملەكەت قۇرۋ جاڭا ساپارىنا قادام تاستاۋ جىلىن باستاۋعا ارەكەت جوباسىن ورنالاستىراتىندىعى داۋسىز.بەتالىستى بەكەمدەپ، تاباندىلىقتى ساقتاۋ− جاڭا دامۋ ۇستانىمىن دايەكتىلەندىرۋگە تاباندى بولىپ، جۇڭگو ەكونوميكاسىنىڭ جوعارى ساپالى دامۋعا قادام تاستاۋىن ىلگەرىلەتۋ
5 جىلدان بەرگى ورتالىقتىڭ ەكونوميكالىق قىزمەت ماجىلىسىنە جالپىلاي نازار سالساق، ەكونوميكالىق دامۋدىڭ جاڭا قالىبىنا ۇيلەسىپ، ونى يگەرىپ، وعان جەتەكشىلىك ەتىپ، ”ءۇشتى ازايتۋ، ءبىردى تومەندەتۋ، ءبىردى تولىقتاۋدى“ ىلگەرىلەتۋدەن ”قيراتۋ“، ”ورناتۋ“ ،”تومەندەتۋ“ جاقتارىنا ءتۇيىندى تۇردە كۇش سالۋعا، ونان ”بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ“ جاقتارىنا كۇش سالۋعا دەيىن قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتۋدىڭ نەگىزگى جەلىسى توتەنشە ايقىندالدى.
”13 - بەسجىلدىق“ مەزگىلىندە ەلىمىز ەكونوميكاسىنىڭ دامۋى جاڭا قالىپقا ەندى، جىلدامدىق وزگەرگەن، قۇرىلىم ساپالىلانعان، قوزعاۋشى كۇش اۋىسقان جاڭا اۋقىم، جاڭا سايىس الدىندا، ءسوز جوق، جاڭا دامۋ ۇستانىمىن ورناتىپ، جاڭا دامۋ ۇستانىمى ارقىلى دامۋ ارەكەتىنە جەتەكشىلىك ەتۋ كەرەك.
2016 - جىلعى ورتالىقتىڭ ەكونوميكالىق قىزمەت ءماجىلىسى جاڭا دامۋ ۇستانىمىن مىقتاپ ورناتىپ جانە دايەكتىلەندىرىپ، تياناقتاندىرىپ، ەكونوميكالىق دامۋدىڭ جاڭا قالىبىنا ۇيلەسىپ، ونى يگەرىپ، وعان جەتەكشىلىك ەتىپ، دامۋ ساپاسىن جانە ونىمدىلىگىن ارتتىرۋدى وزەك ەتۋگە تاباندى بولۋدى ايقىن العا قويدى.
قامداۋ جاعىنداعى قۇرىلىمدىق رەفورمانى ىلگەرىلەتۋگە تاباندى بولۋ − جاڭا دامۋ ۇستانىمىن دايەكتىلەندىرۋدىڭ ماڭىزدى تۇتقاسى. 5 جىلدان بەرى ورتالىقتىڭ ەكونوميكالىق قىزمەت ماجىلىستەرىنىڭ ورنالاستىرۋلارىن تياناقتاندىرىپ، ارتىق ءوندىرىس قۋاتىن ازايتۋ، قامبادا باسىلىپ قالۋدى ازايتۋ، سۇيمەندى ازايتۋ ارقىلى ەلىمىزدىڭ ونەركاسىپ ءوندىرىس قۋاتىنىڭ پايدالانىلۋ مولشەرى 2019 - جىلدىڭ سوڭىندا ％76.6كە ارتىپ، ماكرولىق سۇيمەندىك جوعارى جىلدامدىقتا ارتۋ اۋقىمى تەجەلدى؛ وزىندىك قۇندى تومەندەتۋ ارقىلى كاسىپورىنداردىڭ سالىق اقى اۋىرتپالىعى ونان ارى تومەندەتىلىپ، 2016 - جىلدان 2020 - جىلعا دەيىن سالىقتى ازايتىپ، اقىنى تومەندەتۋ جالپى سوماسى 7 تريلليون 600 ميلليارد يۋان مولشەرىنە جەتتى.
قامداۋ جاعىنداعى قۇرىلىمدىق رەفورمانى ۋاكىل ەتە وتىرىپ، ورتالىقتىڭ ەكونوميكالىق قىزمەت ءماجىلىسى رەفورمانى تەرەڭدەتۋگە جاپپاي كۇش سالۋدى، كوپ تۇيىندەردە تىڭ سەرپىلىس جاساۋدى ىلگەرىلەتتى. 5 جىلدان بەرى ورتالىقتىڭ ەكونوميكالىق قىزمەت ماجىلىستەرىندە بەلگىلەنگەن رەفورما شارالارى ءبىر - بىرلەپ ناقتاپ تياناقتانىپ، ءتۇيىندى سالالارداعى، شەشۋشى بۋىندارداعى رەفورمالاردا كەلەلى تىڭ سەرپىلىستەرگە قول جەتىپ، ەكونوميكانىڭ، قوعامنىڭ ءۇرتىس، اقاۋسىز دامۋى جەبەلدى.
ەسىك اشۋ ”13 - بەسجىلدىق“ مەزگىلىندە اشىلعان ورتالىقتىڭ ەكونوميكالىق ماجىلىستەرىندەگى تاعى ءبىر كىندىك ءسوز.
5 جىلدان بەرى ورتالىقتىڭ ەكونوميكالىق قىزمەت ماجىلىستەرى جاپپاي ەسىك اشۋدىڭ جاڭا ارناسىنىڭ قالىپتاسۋىن ىلگەرىلەتۋدى، سىرتقا جان - جاقتى ەسىك اشۋدى ىلگەرىلەتۋدى كوزدەپ، ءبىر قىدىرۋ ناقتى، جوعارى ءونىمدى ەسىك اشۋ شارالارىن العا قويىپ، سىرتقا ەسىك اشۋدا جاڭا كەلەلى جەتىستىكتەرگە قول جەتكىزۋدى ىلگەرىلەتتى.
”13 - بەسجىلدىق“ مەزگىلىندە ەلىمىزدىڭ سىرتقا ەسىك اشۋى ۇزدىكسىز كەڭەيدى، ”ءبىر بەلدەۋ، ءبىر جولدى“ بىرگە قۇرۋدا سۇبەلى تابىسقا قول جەتتى، شەتەل ساۋداگەرلەرىنىڭ قارجى قوسۋىنا رۇقسات ەتۋدى ۇنامسىز تىزىمدىكپەن باسقارۋ ءتۇزىمى جاپپاي اتقارىلىپ، سىرتقى ساۋدا جانە شەتەل قارجىسىنان پايدالانۋ دەڭگەيى تىڭ ورەگە جەتتى.
2019 - جىلعى ورتالىقتىڭ ەكونوميكالىق قىزمەت ءماجىلىسى جاڭالىق اشۋ ارقىلى دەم بەرۋ جانە رەفورما جاساۋدى، ەسىك اشۋدى ەكى تەگەرشىك ەتىپ، ەكونوميكانىڭ جالپىلىق باسەكەلىك قۋاتىن جاپپاي جوعارىلاتۋدى اتاپ كورسەتتى.
5 جىلدان بەرى ورتالىقتىڭ ەكونوميكالىق قىزمەت ماجىلىستەرى جاڭالىق اشۋدىڭ مەملەكەت دامۋىنىڭ جالپى جاعدايىنداعى وزەكتى ورنى مەن نەگىزگى تۇيىندىك ورنىنا تاباندى بولىپ، جاڭالىق اشۋ ارقىلى دامۋعا دەم بەرۋ ستراتەگياسىنىڭ دالمە - ءدال اتقارىلۋىن ىلگەرىلەتتى.
جۇڭگو ەكونوميكاسى جوعارى ساپالى دامۋعا قاراي نىق قادام تاستادى.
”13 - بەسجىلدىق“ مەزگىلىندە ەلىمىزدىڭ ەكونوميكالىق قۇرىلىمى ۇزدىكسىز ساپالىلانىپ، ساپاسى مەن ونىمدىلىگى ۇزدىكسىز ارتتى، ەڭ سوڭعى تۇتىنۋ شىعىسىنىڭ ەكونوميكالىق ارتۋداعى ۇلەس سالىستىرماسى ％60 شاماسىندا ساقتالدى، ستراتەگيالىق جاڭادان گۇلدەنگەن كاسىپ سالالارىنىڭ جىلدىق ورتاشا ناقتى ارتقان قۇنى ％10.4 بولدى، ءتۇرلى بازار تۇلعالارى 130 ميلليوننان استى، تۇراقتى نوپوستاعى حالىقتىڭ قالا - قالاشىقتانۋ سالىستىرماسى ％60تەن استى، عارىشقا ادام الىپ ۇشۋ، اي بارلاۋ ينجەنەرياسى، اسقىن كومپيۋتەر، كۆانتتىك حابارلاسۋ، ادام الىپ تەرەڭ تەڭىزگە سۇڭگۋ سياقتى سالالاردا قىرۋار كەلەلى عىلىم - تەحنيكالىق تابىستارعا قول جەتتى.
”14 - بەسجىلدىقتى“ بەتكە الا وتىرىپ، ورتالىقتىڭ ەكونوميكالىق قىزمەت ءماجىلىسى، ءسوز جوق، جاڭا دامۋ كەزەڭىن عىلمي يگەرىپ، جاڭا دامۋ ۇستانىمىن تاباندىلىقپەن دايەكتىلەندىرىپ، جاڭا دامۋ ارناسىنىڭ قالىپتاسۋىن ىلگەرىلەتىپ، جۇڭگو ەكونوميكاسىنىڭ جوعارى ساپالى دامۋعا نىق قادام تاستاۋىنا مۇمكىندىك جاسايتىن بولادى.حالىقتى بارىنەن جوعارى قويۋ، ادامدى نەگىز ەتۋ− حالىقتى وزەك ەتكەن دامۋ يدەياسىنا تاباندى بولىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىندە شەشۋشى تابىسقا قول جەتكىزۋدى ىلگەرىلەتتى
بيىل 11 - ايدىڭ 23 - كۇنى گۇيجوۋ ولكەسى قالعان 9 كەدەي اۋداننىڭ كەدەي اۋداندار قاتارىنان شىعارىلعاندىعىن جاريالادى. ءسويتىپ، ەلىمىزدە 832 كەدەي اۋداننىڭ بارلىعى كەدەيلىكتەن ارىلىپ بولدى.
جۇڭحۋا ۇلتىنىڭ مۇلدە كەدەيلىكتەن ءۇزىلدى - كەسىلدى ارىلۋ، جاپپاي دوڭگەلەك داۋلەتتىلىكتى جۇزەگە اسىرۋ مىڭ جىلدىق ارمانى ءبىز وسى بۋىن ادامداردىڭ قولىمەن جۇزەگە اسىرىلادى.
”13 - بەسجىلدىق“ مەزگىلىندەگى ورتالىقتىڭ ەكونوميكالىق قىزمەت ماجىلىستەرىنىڭ اقپاراتتىق حابارلارىندا ”حالىق تۇرمىسى“ دەگەن ءسوز 23 رەت تىلگە الىنعان. 5 جىلدان بەرى جاپپاي دوڭگەلەك داۋلەتتى قوعام ورناتۋ سىندى كۇرەس نىساناسى مىقتاپ يگەرىلىپ، حالىق تۇرمىسى سالاسىنداعى كورنەكتى ماسەلەلەر مەن ولقىلىقتار ءدال كوزدەلىپ، ءبىر قىدىرۋ قىزمەتتەر ءجىتتي ورنالاستىرىلدى.
كەدەيلىكتەن ارىلتۋدان قامال الۋ—جاپپاي دوڭگەلەك داۋلەتتى قوعام ورناتۋدىڭ تومەنگى شەك مىندەتى جانە بەلگى سيپاتتى كورسەتكىشى. 5 جىلدان بەرى، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋدى مىقتاپ ارقاۋ ەتىپ، ورتالىقتىڭ ەكونوميكالىق قىزمەت ماجىلىستەرى بەتالىستى ايقىنداپ، مىندەتتەردى تۇراقتاندىرىپ، كەدەيلىكتەن ءدالمە - ءدال ارىلتۋ ورنالاستىرۋلارىنىڭ دالمە - ءدال تياناقتانۋىن ىلگەرىلەتتى. 2017 - جىلدان بەرى، ورتالىقتىڭ ەكونوميكالىق قىزمەت ماجىلىستەرى اۋىل - قىستاقتى گۇلدەندىرۋ ستراتەگياسىن ىلگەرىلەتۋدى ورنىقتى قاداممەن ورنالاستىرىپ، كەدەيلىكتەن ارىلتۋدان قامال الۋدىڭ جەتىستىكتەرىنىڭ اۋىل - قىستاقتى گۇلدەندىرۋمەن ءونىمدى ۇشتاسۋىن ىلگەرىلەتىپ، اۋىل شارۋاشىلىعىنىڭ قۋاتتى بولۋىن، اۋىل - قىستاقتىڭ كورىكتى بولۋىن، شارۋالاردىڭ بايۋىن جەبەدى.
بوران - شاشىن مەن سىن - سايىس الدىندا، 5 جىلدان بەرى، ورتالىقتىڭ ەكونوميكالىق قىزمەت ماجىلىستەرى قوعامدىق ساياسات ارقىلى تومەنگى شەكتەن تۇسىرمەۋدى باسا دارىپتەپ، ورنىقتى جۇمىستاندىرۋدى كورنەكتى ورىنعا قويىپ، حالىق تۇرمىسىنىڭ تومەنگى شەگىن بەرىك ساقتاپ، حالىق تۇرمىسىنىڭ قامتاماسىزدىق تورىن تىعىز توقىدى، بەكەمدەدى. 5 جىلدا، ەلىمىزدىڭ قالا، قالاشىقتارىنداعى جاڭادان ارتقان جۇمىستانعاندار جيىنى 60 ميلليون ادامنان اسىپ، ەڭبەككە قاتىناسۋ مولشەرى مەن جۇمىستانۋ مولشەرى باستى شارۋاشىلىق تۇلعاسىندا باستان - اياق ءبىرشاما جوعارى دەڭگەيدە تۇردى.
حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتۋگە تاباندى بولدى، 5 جىلدان بەرى، ورتالىقتىڭ ەكونوميكالىق قىزمەت ماجىلىستەرى حالىق اسىققاندى، كوكسەگەندى، ويلاعاندى مىقتاپ ارقاۋ ەتىپ، دالمە - ءدال شارا قولدانىپ، مەحانيزم ورناتتى. حالىق تۇرمىسىنداعى كوكەيتەستى ىستەرگە بايلانىستى، ورتالىقتىڭ ەكونوميكالىق قىزمەت ماجىلىستەرى جىل سايىن ىلگەرىلەتۋگە، ءبىر - بىرلەپ تياناقتاندىرۋعا تاباندى بولىپ، حالىق تۇرمىسىنداعى ”كىشكەنە ىستەردى“ ەڭ ماڭىزدى ءىرى ءىس رەتىندە ءبىتىردى.
”13 - بەسجىلدىق“ مەزگىلىندە، بۇكىل ەلدەگى لاشىق اۋماقتاردى وزگەرتىپ سالۋ بويىنشا 23 ميلليون ءۇيدىڭ قۇرىلىسىن باستاپ، 50 ميلليوننان استام تۇرعىننىڭ ”لاشىقتان شىعىپ، قابات ۇيگە كىرۋىنە“ كومەكتەستى؛ مىندەتتى وقۋ - اعارتۋدىڭ ساپاسى ۇزدىكسىز جوعارىلاپ، بۇكىل ەلدەگى ％99.8 مىندەتتى وقۋ - اعارتۋ كەزەڭىندەگى مەكتەپتىڭ وقىتۋ شارت - جاعدايى ولشەمگە جەتتى؛ قارتتاردى كۇتىمدەۋدەن قىزمەت وتەۋ جۇيەسى قۇرىلىسىنا قارجى قوسۋ تەبىنى ۇزدىكسىز ارتىپ، قارتتاردى كۇتىمدەۋدەن قىزمەت وتەۋ توسەكتەرىنىڭ سانى 7 ميلليون 610 مىڭنان استى؛ سالاماتتى جۇڭگو ستراتەگياسى ورنىقتى اتقارىلدى، 2019 - جىلى ەلىمىزدىڭ جان باسىندىق مەجەلى عۇمىرى 77.3 جاسقا جەتىپ، نەگىزدىك ەمدەۋ قامسىزداندىرۋىنا قاتىناسۋدىڭ قامتىم مولشەرى ورنىقتى تۇردە％ 95تەن جوعارى بولدى.
ساندى سيفرلار بۇقارانىڭ كوڭىلىندەگى تولىق تابىس سەزىمىن، باقىت سەزىمىن، حاۋىپسىزدىك سەزىمىن ارقالاپ، جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ تاريحي ساپارىنا تىرەك بولۋدا.
”13 - بەسجىلدىق“ اياقتاۋ الدىندا، ”14 - بەسجىلدىق“ باستالۋ الدىندا تۇر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىقتىڭ ەكونوميكالىق قىزمەت ءماجىلىستەرىنىڭ رۋحىن ۇزدىكسىز دايەكتىلەندىرىپ، تياناقتاندىرىپ، جوعارى ساپالى دامۋدى ىلگەرىلەتۋ نەگىزگى تاقىرىبىن مىقتاپ يگەرسەك، جۇڭگونىڭ ەكونوميكاسى ۇزدىكسىز جاڭا وراي جەتىلدىرىپ، جاڭا جاعداي اشىپ، جاپپاي سوتسياليستىك وسىزاماندانعان مەملەكەت قۇرۋعا اناعۇرلىم بەرىك نەگىز قالايتىن بولادى.(تىلشىلەر جاۋ چاۋ، ان پەي، جاڭ شينشين، شىن چىڭ، حۋاڭ ياۋ)(شينحۋا اگەنتتىگىنىڭ 12 - ايدىڭ 9 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
