بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

كوركەم دە ايبىندى جوبا جاساپ، ءداۋىر ساپارىندا ەكپىندەي العا ىلگەرىلەيىك

− اۆتونوميالى رايوندىق 9 - كەزەكتى پارتكومنىڭ ون ءبىرىنشى جالپى ماجىلىسىنەن ەستەلىك

گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي

2020.12.11 14:10     كەلۋ قاينارى : شينجياڭ گازەتى

  ءداۋىر دوڭعالاعى توقتاۋسىز العا ىلگەرىلەۋدە، ”14 - بەسجىلدىق“ جاڭا ساپار باستالۋ الدىندا تۇر.

  اۆتونوميالى رايوندىق 9 - كەزەكتى پارتكومنىڭ ون ءبىرىنشى جالپى ءماجىلىسى 12 - ايدىڭ 8 - كۇنىنەن 9 - كۇنىنە دەيىن ۇرىمجىدە اشىلدى، ءماجىلىس «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» قاراپ ماقۇلدادى.

  بۇل شينجياڭنىڭ جاڭا دامۋ ساتىسىندا ەكپىندەي العا ىلگەرىلەۋىنىڭ ”جول كارتاسى“، اناعۇرلىم كوركەم بولاشاق جاراتۋىنداعى ”ۇندەۋ حات“، شينجياڭدى كەلەسى 5 جىلدا، اۋەلى، ونان دا ۇزاق مەزگىلگە دەيىن نىق قاداممەن باياندى ىلگەرىلەۋگە باستايدى.

  جاڭا تاريحي باستامادا تۇرعان شينجياڭداعى 25 ميلليون ءار ۇلت ۇلاندارى مىعىم كۇرەس جىگەرىمەن تاعى اتتاندى!ۇزاق بولاشاقتى جوبالاعان جينالىس:يدەيانى بىرلىككە كەلتىرىپ، كۇش - قۋاتتى ۇيىستىردى

  ماڭىزدى ۋاقىت كەزەڭى، ءار دايىم ەرەكشە تاريحي بورىش ارقالاپ وتىرادى.

  اۆتونوميالى رايوندىق 9 - كەزەكتى پارتكومنىڭ ون ءبىرىنشى جالپى ءماجىلىسى ءدال ءبىز جاڭا ساپاردى باستاۋ الدىندا تۇرعان شەشۋشى ساتتە، شينجياڭنىڭ بولاشاق دامۋ كارتيناسىن كەستەلەگەن ماڭىزدى ءماجىلىس.

  ”14 - بەسجىلدىق“ مەزگىلى − شينجياڭنىڭ قوعام ورنىقتىلىعىنىڭ جەتىستىكتەرىن بەكەمدەۋدەگى، جوعارى ساپالى دامۋدى ىلگەرىلەتۋدەگى، باياندى تىنىشتىققا قادام تاستاۋداعى شەشۋشى 5 جىل − بۇل مەملەكەت دامۋىنىڭ جاڭا تاريحي بەلەسىندە شينجياڭنىڭ ءوز ءىس جۇزىندىگىن تياناق ەتە بەلگىلەگەن داۋىرلىك ورنى. دامۋدى جاقسى جوسپارلاۋ كەلەلى ىسكە سايادى، اۆتونوميالى رايوندىق پارتكوم وسكەلەڭ ءمان بەردى.

  قالاي جوسپارلاۋ كەرەك؟ شي جينپيڭ جولداستى ۇيتقى ەتكەن پارتيا ورتالىق كوميتەتى تۋ ۇستاپ، باعدار كورسەتىپ، رول مەڭگەرىپ، جول باستاپ، بىزگە العا باسۋ بەتالىسىن ايقىن كورسەتىپ بەردى.

  پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى الداعى 5 جىلداعى، ءتىپتى، ونان دا ۇزاق بولاشاقتىق دامۋدى كوزدە ۇستاپ، جوبا جاساپ، جول جوبالاپ، ستراتەگيا ورنالاستىردى؛ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى ستراتەگيالىق جانە جالپى جاعداي دەڭگەيىنەن جاڭا داۋىردەگى شينجياڭ قىزمەتىن جوسپارلاپ، ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ ءتۇيىندى قىزمەتتەرىن جالپى بەتتىك ورنالاستىردى.

  شينجياڭنىڭ ”14 - بەسجىلدىق“ مەزگىلىندەگى دامۋ بەتالىسى مەن لوگيكاسى وسى 2 رەتكى ماجىلىستە جاسالعان ۇلكەن جۇلگەدە قامتىلعان. بۇل شينجياڭنىڭ دامۋ جولىنىڭ دۇرىس، بەتالىسىنىڭ ايقىن بولۋىنا شىنايى كەپىلدىك ەتۋدىڭ ەڭ ماڭىزدى نەگىزى.

  ىشكەرىلەي ۇيرەنۋدىڭ ءبىر قىدىرۋ قيمىلدارى قاۋىرت ورىستەتىلدى. اۆتونوميالى رايوندىق پارتكوم كوپ رەت تۇرلىشە فورماداعى ۇيرەنۋ ماجىلىستەرىن اشىپ، نازاريا ۇيرەنۋ وزەكتى گرۋپپاسىنىڭ ارناۋلى تاقىرىپتىق ۇيرەنۋىن ورنالاستىرىپ، ۇگىت - لەكسيا بايانداماسىن، شوعىرلى تۇردە كەزەكپەن باۋلۋ جۇرگىزۋدى ۇيىمداستىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن قاز - قالپىندا، ىشكەرىلەي ەگجەي - تەگجەيلى ۇيرەنىپ، ۇگىتتەپ، دايەكتىلەندىرىپ، اۆتونوميالى رايوننىڭ ”14 - بەسجىلدىق“ جوباسىن، اسىرەسە، «ۇسىنىستى» دايىنداۋ قىزمەتىنىڭ تۋ باستان يدەيانى بىرلىككە كەلتىرۋىنە، ارەكەتتى بىرلىككە كەلتىرۋىنە مۇمكىندىك جاسادى.

  كوپتىڭ اقىل - پاراساتىن شوعىرلاندىرىپ، پىكىر قابىلداۋدىڭ ءبىر قىدىرۋ قىزمەتتەرى كۇن تارتىپكە قويىلدى. اۆتونوميالى رايوندىق پارتكوم ءبىر قىدىرۋ كەلەلى زەرتتەۋلەر جۇرگىزىپ، ۇسىنىس نۇسقاسىنا تالاي رەت جەتەكشى پىكىر بەردى؛ دەمالىسقا، پەنسياعا شىققان كادرلاردىڭ اڭگىمە ءماجىلىسى، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ جانە مامان - وقىمىستىلاردىڭ، كاسىپورىنشىلار ۋاكىلدەرىنىڭ اڭگىمە ءماجىلىسى سياقتىلاردى ىلگەرىندى - كەيىندى اشىپ، كوپ ارنامەن ۇسىنىس - پىكىرلەردى تىڭداپ، ءار جاقتىڭ اقىل - پاراساتىن تولىق قابىلدادى.

  قايتا - قايتا كەمەلدەندىرىپ، ۇزدىكسىز دەڭگەيىن جوعارىلاتۋ ارقىلى بەتالىستى جوسپارلاعان، بولاشاقتى جوبالاعان «ۇسىنىس» جالپى ءماجىلىستىڭ ءارقايسى ۋاكىلدەرىنىڭ ۇستەلىنە قويىلدى، شينجياڭنىڭ ەكونوميكالىق، قوعامدىق دامۋىنىڭ شىت جاڭا ارناسى قولمەن قويعانداي ايقىندالدى.ورتاق تانىم ۇيىستىرعان جينالىس:نىسانا بەلگىلەپ، جوبا جاسادى

  ”13 - بەسجىلدىق“ اياقتالۋ الدىندا تۇر، ”14 - بەسجىلدىقتا“ جەتىپ كەلدى، بۇرىنعىعا مۇراگەر، كەيىنگىگە بۇيداگەر بولۋ ماڭىزدى بورىشىن ارقالاعان اۆتونوميالى رايوندىق 9 - كەزەكتى پارتكومنىڭ ون ءبىرىنشى جالپى ءماجىلىسىنىڭ سالماعى اناعۇرلىم باسىم، ول ادامداردىڭ ءۇمىت - تىلەگىن اناعۇرلىم قامتىپ وتىر.

  ماجىلىسكە قاتىناسقان ۋاكىلدەر وي جۇگىرتە، كوكىرەك تولى سەنىم ارتتى، شينجياڭ دامۋىنىڭ جاڭا كارتيناسى باياۋ اشىلدى.

  جالپى ءماجىلىس ايبىندى بەينەگە ەندى، گرۋپپالار جيىنىندا قىزۋ تالقى ورىستەتىلدى. ناتيجەلەردى ەسكە الىپ، جاعدايعا تالداۋ جاساپ، شەشىلە پىكىر اۋىستىرىپ، ناقتى جوسپار جاسادى... 2 كۇن ىشىندە ءماجىلىس زالىنىڭ ءىشى - سىرتىنداعى ءبىر - بىرلەگەن جاندى كورىنىستەر جالپى ءماجىلىستىڭ الۋەتتى تۇلعاسىن بەينەلەدى.

  تابىس، وراي، سەنىم، ەكپىندەي العا ىلگەرىلەۋ... ۋاكىلدەر قايتا - قايتا اۋىزعا العان سوزدەردەن شينجياڭنىڭ ”13 - بەسجىلدىقتاعى“ مول ءونىمى، ”14 - بەسجىلدىقتاعى“ سالماعىنىڭ اۋىر ەكەنى ءبىر - بىردەن ايگىلەنىپ جاتتى.

  ”بۇل سەنىمدى بەكەمدەپ، بەتالىستى ايقىنداپ، كۇش - قۋاتتى ۇيىستىرىپ، قايراتتى تاسقىنداتقان ءماجىلىس“، - دەدى سانجى حۇيزۋ اۆتونوميالى وبلىستىق پارتكومنىڭ شۋجيى ۋاڭ گوحى، جالپى ءماجىلىس شينجياڭنىڭ ”14 - بەسجىلدىق“ مەزگىلىندەگى جانە 2035 - جىلعا دەيىنگى دامۋ نىساناسىنا ايقىن كوز جىبەردى، ءار ۇلت كادر - بۇقاراسىنىڭ قوعام ورنىقتىلىعى مەن باياندى تىنىشتىقتى جۇزەگە اسىرۋ سەنىمى اناعۇرلىم بەكەمدەلە ءتۇستى.

  اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ باستىعى تۇرسىنجان ءاليدىڭ ءوز قىزمەتى ”اۋىل شارۋاشىلىعى، اۋىل - قىستاق، شارۋالار قىزمەتى“ ەدى، وسى رەتكى جالپى ماجىلىستە ونىڭ ەڭ كوپ نازار اۋدارعانى دا ”اۋىل شارۋاشىلىعى، اۋىل - قىستاق، شارۋالار“ ماسەلەسى بولدى. ول بىلاي دەدى: وتكەن 5 جىلدا شينجياڭنىڭ اۋىل شارۋاشىلىعىندا، اۋىل - قىستاقتارىندا ايقىن وزگەرىستەر تۋىلدى، ەگىنشى - مالشىلاردىڭ جان باسىندىق كىرىسى كورنەكتى ارتتى، بۇل تابىستار كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتىپ، كەدەي وڭىرلەردىڭ مەشەۋ بەت - بەينەسىن وزگەرتۋ نەگىزىندە جاپالىلىقپەن قولعا كەلگەن، شىنىندا وڭاي ەمەس، الداعى 5 جىلداعى، ءتىپتى، ونان دا ۇزاق ۋاقىتتىق دامۋ نىساناسىن جۇزەگە اسىرۋعا نەگىز قالادى.

  ”قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، مەملەكەتتىڭ دامۋىنداعى سىرتقى ورتا بارعان سايىن كۇردەلىلەسۋدە، شينجياڭ دا ءدال وسىنداي جاعدايعا ءدوپ كەلىپ وتىر“، ”دامۋ ءۇشىن، ءسوز جوق، جاڭا دامۋ ۇستانىمىن دايەكتىلەندىرۋ قاجەت، دامۋ بارىسىنداعى قايشىلىقتار مەن ماسەلەلەر دامۋ ساپاسىندا شوعىرلى ايگىلەنۋدە“، ”جاپپاي كەدەيلىكتەن ارىلتۋدى ۇزدىكسىز ىلگەرىلەتۋ مەن اۋىل - قىستاقتى گۇلدەندىرۋدى ورگانيكالى ۇشتاستىرۋ نەگىزىندە، بىرگە بايۋدى تىڭعىلىقتى ىلگەرىلەتۋدە شينجياڭنىڭ دامۋدىڭ بىركەلكى، تولىق بولماۋ جاعىندا شەشەتىن ءالى تالاي ماسەلەلەرى بار“... ماجىلىسكە قاتىناسقان ۋاكىلدەر ماسەلەلەردى قاداعالاپ، بۇكپەسىز پىكىر بەردى، سونداي - اق ءىس جۇزىندىكپەن بىرلەستىرە وتىرىپ ناقتى ۇسىنىستاردى جانە شەشۋ ادىستەرىن ايتتى.

  بىرنەشە رەتكى اۋىس - كۇيىس پەن يدەيا توعىستىرۋ بارىسىندا جالپى ماجىلىستە سۋرەتتەلگەن كوركەم دە ايبىندى جوبا بارعان سايىن ايقىندالىپ، شينجياڭنىڭ دامۋ نىسانا - مىندەتتەرى اناعۇرلىم ايقىندالدى.بولاشاقتى جوبالاعان جينالىس:ۇزدىكسىز تالپىنىپ، ارشىندى ادىممەن العا ىلگەرىلەدى

  جاڭا جوبا كوركەم بولاشاقتى كەستەلەپ، جاڭا ساپار ناقتى ىستەپ، جاۋاپكەرشىلىك ارقالاۋعا ۇندەدى.

  جالپى ماجىلىستە بەلگىلەنگەن ءتۇرلى نىسانا - مىندەتتەردى جانە كەلەلى شارالاردى تاباندىلىقپەن قۇلشىنا امالياتقا اينالدىرۋ كەرەك.

  «ۇسىنىستاعى» ناقتى ورنالاستىرۋلار نازاردى ايرىقشا اۋدارادى، بۇل شينجياڭنىڭ بولاشاق دامۋدا باسا كۇش سالاتىن تۇسى.

  مۇناي، مۇناي حيميا، توقىماشىلىق، كيىم - كەشەك، ەلەكتروندى ءونىم، ءجۇزىم شارابى، ساياحات سياقتى ”10 ءىرى كاسىپ سالاسىن“ ءتۇيىندى تۇردە مىقتى يگەرۋ؛

  ءۇرىمجى ورتالىق قالا شەڭبەرىن جەتىلدىرۋ، سولتۇستىك شينجياڭ قالا بەلدەۋىن قۇرۋ، وڭتۇستىك شينجياڭ قالا شوعىرىن قالىپتاستىرۋ؛

  قاتىناس - تاسىمال، وسى زامانعى سۋ يگىلىگى، ەلەكتر قۋاتى، ينفورماتسيالاندىرۋ سىندى ”4 ۇلكەن تىرەكتى جۇيە“ قالىپتاستىرۋ؛

  جۇمىستاندىرۋدى كەڭەيتۋ، كىرىستى ارتتىرىپ بايىتۋ، وقۋ - اعارتۋ دەڭگەيىن ءوسىرۋ، جالپى حالىقتىڭ سالاماتتىعى، قوعامدىق قامسىزداندىرۋ اياسىن كەڭەيتۋ، بەيقۇت ءۇي قامتاماسىزدىعى، كومىردى ەلەكترگە وزگەرتۋ، شەكارا ءوڭىردى گۇلدەندىرىپ حالىقتى بايىتۋ، الەۋمەتتىك حاۋىپسىزدىكتى قامتاماسىز ەتۋ، حالىققا ورنىقتى تۇردە تيىمدىلىك جاساۋ سياقتى ”10 ءتۇرلى حالىققا تيىمدىلىك جاساۋ ينجەنەرياسىن“ اتقارۋ؛...

  ءبىر - بىرلەگەن جوبالار اقىرى ناقتى مىندەتتەرگە جىكتەلىپ، تيانشان الابىندا تياناقتانىپ اتقارىلادى.

  حوتان ايماقتىق پارتكومنىڭ شۋجيى ياڭ فاسىن بىلاي دەدى: اۆتونوميالى رايوندىق 9 - رەتكى پارتيا قۇرىلتايىنان بەرى، حوتان ايماعىنىڭ ەكونوميكالىق، قوعامدىق دامۋ كومەسكى كۇشى جارىققا شىعىپ، قوزعاۋشى كۇشى تاسقىنداپ، بولاشاعى ۇمىتكە تولى بولدى. بۇل تەك ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن ىشكەرىلەي تياناقتاندىرىپ، شىندىققا جۇگىنىپ، ناقتى ىستەپ، شىنايى يگەرىپ، بەرىلە ىستەپ، ايماعىمىزدىڭ، تاراۋلارىمىزدىڭ جۇمىسىن تىڭعىلىقتى ويداعىداي ىستەيتىن بولساق، ەكونوميكالىق، قوعامدىق دامۋدا كوزدەگەن نىساناعا، ءسوز جوق، جەتە الاتىندىعىمىزدى، ءار ۇلت حالقىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ، ءسوز جوق، ارتا تۇسەتىندىگىن تولىق دالەلدەدى.

  التاي ايماقتىق اكىمشىلىك مەكەمەسىنىڭ ءۋاليى قادەن كابەن بىلاي دەدى: التاي جاڭا دامۋ ۇستانىمىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ ارناسىندا ءوز ورنىن دۇرىس تاۋىپ، ساياحات ارقىلى شينجياڭدى گۇلدەندىرۋ ستراتەگياسىن تياناقتاندىرىپ، ەكولوگيالىق ورتانى ويداعىداي قورعاۋ العى شارتىندا، قار - مۇز ساياحاتى ەرەكشە كاسىپ سالاسىن دامىتىپ، كەمەلدەندىرىپ، كورىكتى شينجياڭ قۇرۋعا تىڭ ۇلەس قوسادى.

  اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ، باسقارۋ كوميتەتى پارتكومىنىڭ شۋجيى گاۋ جياڭحۋاي بىلاي دەدى: شينجياڭنىڭ ابزالدىلىعىن تياناق ەتىپ، كاسىپ سالاسى ورنالاسۋىن ساپالىلاندىرۋ، دامۋ قۇرىلىمىن رەتتەۋ، ارالاس مەنشىك ءتۇزىمى رەفورماسىنىڭ تەبىنىن ارتتىرۋ سياقتى شارالار ارقىلى مەملەكەت مەنشىگىندەگى شارۋاشىلىقتىڭ دامۋى سىندى زور ءىستى كۇش سالا ويداعىداي ىستەۋ كەرەك.

  شينجياڭ ەنەرگيا (توبى) شەكتى جاۋاپكەرشىلىك سەرىكتەستىگىنىڭ باس ديرەكتورى ۋاڭ شاۋحۇي بىلاي دەدى: سەرىكتەستىك نازاردى نەگىزگى كاسىپكە شوعىرلاندىرىپ، شينجياڭنىڭ بايلىق ابزالدىلىعىن ەكونوميكالىق، قوعامدىق دامۋ ابزالدىلىعىنا اناعۇرلىم اينالدىرىپ، ونەركاسىپ نەگىزىن بەكەمدەپ، تيبىن وزگەرتىپ، دارەجەسىن جوعارىلاتۋدى جەبەپ، كاسىپ تىزبەگى، قامداۋ تىزبەگى، قۇن تىزبەگى ءبىر تۇلعالانعان جوعارى ساپالى دامۋ تىزبەگىن قالىپتاستىرادى....

  ناقتى اتقارۋعا ايالداعاندا، ماجىلىسكە قاتىناسقان ۋاكىلدەر جىگەرلەنە ءتۇستى. «ۇسىنىستا» شينجياڭداعى ءار ۇلت حالقىنىڭ اقىل - پاراساتى ۇيىستىرىلعان، تۇتاس شينجياڭداعى ءار ۇلت حالقىنىڭ بىرگە ىنتىماقتاسا كۇرەس جۇرگىزۋىندە، ءسوز جوق، جۇزەگە اسىرىلادى.

  ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە ءبىزدىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شينجياڭداعى ءار ۇلت كادر - بۇقاراسى جالپى ماجىلىستە بەلگىلەنگەن نىسانالارعا ساي قايراتتانا ۇمتىلىپ، قاجىرلىلىقپەن كۇرەسەتىن بولسا، ءسوز جوق، اناعۇرلىم كوركەم بولاشاق جاراتا الاتىندىعىمىزعا سەنىمىمىز كامىل!
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار