گولمۋد - كورلا تەمىر جولى تۇتاس جەلى بويىنشا ىسكە قوسىلدى
شينجياڭعا تاعى ءبىر تارماق شىعىسقا تۇتاسىپ، باتىسقا شىعاتىن ءىرى ارنا قوسىلدى
2020.12.11 14:10 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى تىلشىلەرى لۋ فىڭباۋ، ما ينيڭ 12 - ايدىڭ 9 - كۇنى كورلادان حابارلايدى. 12 - ايدىڭ 9 - كۇنى تۇستەن بۇرىن گولمۋدتان كورلاعا دەيىنگى تەمىر جولدىڭ شينجياڭ بولەگى ىسكە قوسىلدى. بۇل گولمۋد - كورلا تەمىر جولىنىڭ تۇتاس جەلى بويىنشا ىسكە قوسىلعاندىعىنىڭ، ەلىمىزدە تاعى ءبىر تارماق شينجياڭعا كىرىپ - شىعاتىن تەمىر جول ءىرى ارناسىنىڭ اشىلىپ، وڭتۇستىك شينجياڭ بۇقاراسىنىڭ شينجياڭنان شىعۋىنا قاشىقتىعى ەڭ قىسقا ءبىر تارماق تەمىر جولدىڭ ازىرلەنگەندىگىن اڭعارتادى.
ساعات 9دان 40 مينۋت وتكەندە، پويەز كورلا ۆوكزالىنان ءدال ۋاعىندا جولعا شىعىپ، كولدەردى، شولدەردى، اسقار تاۋلاردى باسىپ ءوتىپ، شىعىس وڭتۇستىكتى بەتكە الا زىمىرادى. پويەز ءاربىر بەكەتكە جەتكەن سايىن، سول جەردەگى بۇقارا ايالداما تەكشەسىندە تۇرىپ ءتۇستى جىبەك تورعىندى بۇلعاپ، بيگە باسىپ، كوڭىلدەرىندەگى قۋانىشتارىن ءبىلدىردى. چارقىلىق اۋدانىنىڭ 69 جاستاعى تۇرعىنى رەيىم توحتى اسەرلەنە بىلاي دەدى: ”سىرتپەن ارامىز تاعى دا جاقىنداي تۇسكەندەي سەزىندىم، پويەزبەن ىشكى وڭىرلەردى كورگىم، ارالاعىم كەلەدى“.
جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنىڭ جاۋاپتىسى بىلاي دەدى: گولمۋد - كورلا تەمىر جولى اشىلىپ قاتىناس باستالعاننان كەيىن، وڭتۇستىك شينجياڭداعى بۇقارا وسى ارقىلى ىشكى وڭىرلەرگە توتە باراتىن بولادى، ەندى تۇرپاننان اينالۋىنىڭ قاجەتى جوق. حوتاننان چارقىلىققا دەيىنگى تەمىر جولدىڭ جەدەل سالىنۋىنا ىلەسە، وڭتۇستىك شينجياڭ تەمىر جولى اينالما جەلىسى قالىپتاسىپ، وڭتۇستىك شينجياڭداعى بۇقارانىڭ شينجياڭنان شىعۋى ءتىپتى دە قولايلى بولدى. چىڭدۋدان گولمۋدقا دەيىنگى تەمىر جول سالىنىپ بولسا، باتىس وڭتۇستىك وڭىرگە اسەر ەتەتىن تەمىر جول ”التىن ارناسى“ قالىپتاساتىن بولادى.
گولمۋد - كورلا تەمىر جولىنىڭ جالپى ۇزىندىعى 1206 كيلومەتر، شىعىستا چيڭحاي ولكەسىنىڭ گولمۋد قالاسىنان باستالىپ، چارقىلىق اۋدانىن، لوپنۇر اۋدانىن باسىپ ءوتىپ، سوڭىندا كورلا قالاسىنا جەتەدى، چيڭحاي - شيزاڭ تەمىر جولىمەن رەليس جالعاسادى، مۇندا چيڭحاي بولەگى 6 - ايدىڭ 30 - كۇنى اشىلىپ قاتىناس باستالعان، جالپى ۇزىندىعى 734 كيلومەتر كەلەتىن شينجياڭ بولىگىندە 2016 - جىلدىڭ باسىندا قۇرىلىس باستالىپ، تەمىر جول قۇرىلىسشىلارىنىڭ 5 جىلعا جۋىق ۋاقىت اسا ماشاقاتتى كۇرەسى ارقىلى اقىرىندا اشىلىپ قاتىناس باستالدى.
تەمىر جول تاراۋلارى 3 كۇندە ءبىر كەزەكشى پويەز جۇرگىزۋ رەتى بويىنشا كورلادان يتىنبۇلاققا دەيىنگى ساياحاتشىلار كەزەكشى پويەزىنەن 1.5 جۇپ جۇرگىزدى، سونىمەن بىرگە گولمۋدتان كورلاعا باراتىن جۇك كەزەكشى پويەزىنەن كۇنىنە 2 جۇپ ورنالاستىردى.
”گولمۋد - كورلا تەمىر جولى جۇڭگونىڭ ەۆروپاعا، باتىس ازياعا وتەتىن قۇرلىق جولى تاسىمال ۇلكەن ارنالارىنىڭ ءبىرى، ول ەلىمىز بەن ’ءبىر بەلدەۋ، ءبىر جول‘ بويىنداعى مەملەكەتتەردىڭ بايلانىسىن كۇشەيتۋگە ءتيىمدى بولۋمەن بىرگە، شينجياڭ جىبەك جولى ەكونوميكالىق بەلدەۋى وزەكتى رايونىنىڭ جەتەكتەگىش رولىن ۇلعايتىپ، شينجياڭنىڭ ەل ءىشى، حالىقارا قوس اينالىم ءبىرىن - ءبىرى جەبەيتىن جاڭا دامۋ ارناسىنا كىرۋىن جەبەيدى“، - دەدى شينجياڭ قوعامدىق عىلىمدار اكادەمياسى ەكونوميكانى زەرتتەۋ ورنىنىڭ باستىعى سۇڭ جيانحۋا.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
