بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

رايونىمىز اۋىل شارۋاشىلىق وندىرىسىنەن تاعى دا مول ءونىم الدى

2020.12.11 14:12     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى ليۋ ي 12 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، بيىل رايونىمىز اۋىل شارۋاشىلىعى وندىرىسىنەن تاعى دا مول ءونىم العان، نەگىزگى اۋىل شارۋاشىلىق ونىمدەرىنىڭ ءونىمدى ورنىقتىرۋ، قامداۋمەن قامتاماسىز ەتۋ دەڭگەيى اناعۇرلىم جوعارىلاپ، اۋىل شارۋاشىلىعىنىڭ ساپاسىن ءوسىرۋدى، شارۋالاردىڭ مول ءونىم الۋىن ىسكە اسىرعان.

  بيىل رايونىمىز ”استىق ساقتاۋدا جەرگە سۇيەنۋ، استىق ساقتاۋدا تەحنيكاعا سۇيەنۋ“ ستراتەگياسىن قاتاڭ تياناقتاندىردى، شارۋالاردىڭ استىق ەگۋ بەلسەندىلىگى بارىنشا ارتىپ، استىق جالپىلىق ءوندىرىس قۋاتى ورنىقتى جوعارىلادى. اۋىل شارۋاشىلىعى جاعدايىن تەكسەرۋدە كورسەتىلۋىنشە، بيىل رايونىمىزدا ءبيدايدىڭ جالپى ءونىمى بىلتىرعىدان 336 مىڭ توننا، جۇگەرىنىڭ جالپى ءونىمى بىلتىرعىدان 374 مىڭ توننا، باسقا دا ءتۇرلى كۇزدىك استىقتار 243 مىڭ توننا ارتىپ، ”استىقپەن نەگىزىنەن ءوزىن - ءوزى قامداۋ، ىشەر استىق مۇلدەم حاۋىپسىز بولۋ“ سىندى قىزمەت نىساناسىن ىسكە اسىرىپ، بۇكىل رايوننىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋىنە مىعىم نەگىز قالادى.

  ءونىم مولشەرى ارتۋمەن بىرگە، استىق ءوندىرىس ونىمدىلىگى دە ونان ارى جوعارىلادى. بيىل بۇكىل رايون دۇمبە ءبيدايدىڭ ءار مۋىنا بەرىلەتىن قوسىمشا قاراجات ولشەمىن 180 يۋاننان 220 يۋانعا جوعارىلاتىپ، ساپالى دۇمبە ءبيداي ەگىلۋ كولەمىن كەڭەيتۋگە جەتەكشىلىك ىستەدى، ءبيداي ءوندىرىسى ساننىڭ ارتۋىنان سان مەن ساپانىڭ بىردەي ارتۋىنا قاراي بۇرىلىس جاسادى. ساپاسى تۇرلىشە ءبيدايدىڭ ءار كيلوگرامىن ساتىپ الۋ باعاسى 0.1 − 0.5 يۋان ارتتى. ءىشىنارا وڭىرلەر مال شارۋاشىلىعى كاسىبىنىڭ دامىپ جەتەكشىلىك ىستەپ، جەبەۋىندە ءداندى جۇگەرىنىڭ ءار كيلوگرامىن ساتىپ الۋ باعاسى 0.5 − 0.7 يۋان جوعارىلاپ، ءبىرسىپىرا شارۋالار دۇمبە ءبيداي + سۇرلەمدىك ءبيدايدى قايتا ەگۋ سىندى ەگىمشىلىك ۇلگىسىن قولدانىپ، مۋ باسىندىق ورتاشا كىرىستىڭ 1000 يۋاننان اسۋىن ىسكە اسىرىپ، ىلگەرگى جىلدارداعى سايكەس مەزگىلدەن الدەقايدا جوعارى بولىپ، استىق ءوندىرىسى جالپىلىق ونىمدىلىگىنىڭ ارتۋى كورنەكتى بولدى.

  ءار دارەجەلى اۋىل شارۋاشىلىعى، اۋىل - قىستاق تاراۋلارى ماقتا ءوندىرىسىن باسىمدىققا يە ءوندىرىس رايوندارىنا شوعىرلاندىرۋعا بەلسەنە جەتەكتەپ، 2 ميلليون مۋعا تاياۋ كەلەتىن ماقتا ەگۋگە ىڭعايلىلىعى تومەن اۋماقتار مەن قاتەرلى اۋماقتار ماقتا ەگىمشىلىگىنەن شەگىنىپ شىقتى، وڭتۇستىك شينجياڭداعى جەمىس اعاشى مەن ماقتا ارالاستىرا ەگىلگەن اۋماق ونان ارى ازايىپ، ماقتا ءوندىرىسىنىڭ كولەمدەنۋ، شوعىرلانۋ دەڭگەيى كورنەكتى جوعارىلاپ، ماقتانىڭ بىرلىك ونىمىندە ارتۋ جاعدايى جارىققا شىعاتىندىعى، ءار مۋىنىكى بىلتىرعىدان 4.3 كيلوگرام ارتاتىندىعى، ءار مۋىنان 123 كيلوگرام (تازا ماقتا) الىناتىندىعى مەجەلەنۋدە.

  رايونىمىز قىستا ساقتالاتىن كوكونىس ەگۋ مەن ساقتاۋ قۋاتىن ارتتىرۋ ارقىلى قىستا، كوكتەمدە كوكونىسپەن ءوزىن - ءوزى قامداۋ دەڭگەيىن دە جوعارىلاتتى. اۋىل - قىستاقتىڭ كوكونىسپەن ءوزىن - ءوزى قامداۋىن ورنىقتىرۋ نەگىزىندە قىستا سىرتتان كوكونىس اكەلىنبەگەن جاعدايدا قالا - قالاشىق تۇرعىندارىنىڭ كوكونىس تۇتىنۋ مولشەرىن قامتاماسىز ەتۋ دەڭگەيىن 30 كۇننەن 60 كۇنگە ارتتىرۋدى ىسكە اسىرۋعا قۇلشىندى. كەزەكتە رايونىمىزدا قىستا ساقتالاتىن كوكونىس قايتا ەگىلگەن اۋماق 824 مىڭ مۋعا جەتىپ، بىلتىرعىدان 145 مىڭ مۋ ارتىپ، ارتۋ مولشەرى %21.9 بولعان، ءونىم مولشەرى ءبىر ميلليون 887 مىڭ تونناعا جەتىپ، بىلتىرعىدان %17.9 ارتاتىندىعى مەجەلەنۋدە.

  ەسەپتەۋگە قاراعاندا، نەگىزگى ەگىس داقىلدارىنان مول ءتۇسىم، مول ءونىم الىنۋدىڭ ارقاسىندا بيىل استىق، ماقتا كىرىسىنىڭ بۇكىل رايونداعى شارۋالاردىڭ اۋىل شارۋاشىلىق كىرىسىندە يەلەيتىن سالىستىرماسى اناعۇرلىم جوعارىلاپ، كەدەيلىكتەن ارىلتۋدان قامال الۋدىڭ تابىستارىن بەكەمدەۋگە، شارۋالار كىرىسىن باياندى ورنىقتى ارتتىرۋ نەگىزىن بەكەمدەۋگە ماڭىزدى تىرەك ازىرلەگەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار