بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

− اۆتونوميالى رايوندىق وزات قىزمەتكەر ۋاڭ ليجۋان جونىندە

شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا

2020.12.25 15:25     كەلۋ قاينارى : شينجياڭ گازەتى

  ”قاتاڭ بولۋمەن بىرگە، مەيىرىمدى، ادامعا جاقىن دا جىلى سەزىلەدى“. 12 - ايدىڭ 23 - كۇنى بەيجيڭ داشۋەسىنىڭ وقۋشىسى ەلنار جەڭىس ورتا مەكتەپتەگى كلاس جەتەكشىسى ۋاڭ ليجۋاندى تەلەفوندا تىلگە العاندا، سوزىنەن العىستى سەزىم مەنمۇندالاپ: ”مۇعالىم ەشقاشان بىردە - ءبىر وقۋشىنى قاعىس قالدىرىپ قويمايتىن“، - دەدى.

  بيىل اۆتونوميالى رايوندىق وزات قىزمەتكەر بولعان ۋاڭ ليجۋان ءۇرىمجى 1 - تامىز ورتا مەكتەبى تولىق ورتا ءبولىمىنىڭ ماتەماتيكا وقىتۋشىسى، وقىتۋشىلىقپەن شۇعىلدانعاننان بەرى 15 جىل كلاس جەتەكشىسى بولعان. جاس تىرەكتى وقىتۋشى رەتىندە، ول باۋلىعان 600دەن استام وقۋشى داشۋەگە ءوتتى، مۇنىڭ ىشىندە 100دەن استام وقۋشى چيڭحۋا، بەيجيڭ داشۋەسى سياقتى ايگىلى مەكتەپتەرگە ءوتتى. كلاس جەتەكشىسى، ماتەماتيكا وقىتۋشىسى، وقىتۋدى زەرتتەۋ كەڭسەسىنىڭ ورىنباسار مەڭگەرۋشىسى... ۋاڭ ليجۋان ءبىر كۇن ىشىندە ۇنەمى وسى رولدارعا اۋىسىپ، قاربالاس تا قۇنتتى قىزمەت ىستەيدى. ول ۇنەمى: ”مۇعالىمنىڭ ەڭ زور باقىتى بالالارمەن بىرگە بولىپ، ەسەيۋ، دارىندى بولۋ جولىندا ولارعا سەرىك بولۋ“ دەيتىن.سۇيىسپەنشىلىكپەن ادام تاربيەلەۋ

  ۋاڭ ليجۋان وقىتۋشى وتباسىندا دۇنيەگە كەلگەن، بالا كەزىندەگى ارمانى مۇعالىم بولۋ ەدى. 2005 - جىلى داشۋەدەن وقۋ تاۋىسقاننان كەيىن، ول ءۇرىمجى 1 - تامىز ورتا مەكتەبىنە وقىتۋشىلىق قىزمەتكە ورنالاسىپ، تولىق ورتا 1 - جىلدىعىنىڭ كلاس جەتەكشىسى مىندەتىن وتەدى. سول كەزدە ول نەبارى 19 جاستا بولاتىن.

  باستابىندا مىنبەدە تۇرعاندا، ۋاڭ ليجۋان ءاردايىم ”ورتانى مەڭگەرە الماي قالاتىنداي“ سەزىنەتىن، دەگەنمەن وقۋشىلارمەن جاسى قارايلاستىعىنىڭ ارقاسىندا، ول وقۋشىلاردىڭ كوڭىلىن ءتىپتى وڭاي تۇسىنە ءبىلدى. جاتاقتارعا بارىپ وقۋشىلارمەن سىرلاسۋ، وقۋشىلاردى وقۋ جوسپارىن جاساۋعا جەتەكتەۋ، اتا - انالاردىڭ پىكىرىن تىڭداۋ... ءبىر ماۋسىمدىق ۇيىرلەسۋدەن كەيىن، وقۋشىلاردىڭ اراسىندا ونى ”جۋان - ىر اپەكە“ دەپ اتاۋ سالتقا اينالدى.

  ۋاڭ ليجۋاننان وقىعان وقۋشىلار بۇكىل شينجياڭنىڭ جەر - جەرىنەن بار، ءىشىنارالارى مەكتەپتە جاتاقتا جاتادى. ءار جىلى مەرەكە - مەيرام كەزدەرى وقۋشىلار ۇيلەرىنە قايتا الماسا، ول ولاردى ۇيىنە ەرتىپ كەلىپ، بىرگە تاماق ىستەپ، اڭگىمەلەسىپ، تاپسىرماسىنا جەتەكشىلىك ەتىپ، ولارعا ءوز ۇيلەرىندەگىدەي مەيىر باعىشتايدى.

  شياۋسۇي دەگەن وقۋشىنىڭ ۇيلەرىنىڭ شارت - جاعدايى تىم جاقسى ەمەس بولاتىن، مەكتەپكە كىرىسىمەن ۋاڭ ليجۋان وعان كومەكتەسىپ وقۋ جاردەماقىسىنا ءوتىنىش ەتتى ءارى ءوزىنىڭ تاماق كارتچكاسىن وعان بەرىپ، ونى الاڭسىز ساباق وقۋعا شابىتتاندىردى. ءبىر جىلى كۇن سۋىتا باستاعاندا، شياۋسۇيدىڭ كيىمى تىم جالاڭ ەكەنىن كورىپ جانى اشىعان ءارى قامىققان ۋاڭ ليجۋان وعان قىزمەتتەن تۇسكەننەن كەيىن ارنايى مامىق شاپان ساتىپ الىپ، باعا تاقتاسىن كەسىپ تاستاپ اپارىپ بەردى. بىلتىر ءتۇن ورتاسىندا ءبىر وقۋشىنىڭ اسقازانى اۋىرعاندا، ۋاڭ ليجۋان كىرەاۆتوموبيلمەن مەكتەپكە بارىپ، وقۋشىنى شيپاحاناعا ەرتىپ اپارىپ، شۇعىل ەمدەۋ - دياگنوز قويۋ بولىمىندە اسپا ۋكول استىرىپ، ءوزى تاڭ اتقانشا سەرىك بولىپ وتىردى.

  وقۋشىلاردى جاقىنىنداي كورىپ، شىن پەيىلىمەن وقىتتى. مەكتەپتە ۋاڭ ليجۋان وقۋشىلار مەن اتا - انالار جاپپاي مويىنداعان جاقسى مۇعالىم ەسەپتەلەدى.شەبەرلىكپەن وقىتۋ جۇرگىزۋ

  12 - ايدىڭ 22 - كۇنى، تولىق ورتا 1 - جىلدىق 7 - كلاسىنىڭ ماتەماتيكا ساباعى، ۋاڭ ليجۋان ءبىر شەتتە، ءبىر جاعىنان، ساباق تىڭداپ، ءبىر جاعىنان، ەستەلىك الۋدا.

  ءار اپتادا ۋاڭ ليجۋان قالايدا ۋاقىت شىعارىپ شاكىرتتەرىنىڭ ساباق ءوتۋىن تىڭداپ، جاس وقىتۋشىلاردىڭ ساباق وتۋدەگى شەشۋشى بۋىندارى جونىندە ۇسىنىس جانە جاقسارتۋ جوباسىن العا قويادى.

  جاڭ چيانران ۋاڭ ليجۋاننىڭ شاكىرتى. ”ساباق وتكەندە كىرىسۋ ءتۇيىنىن قالاي تابۋ، ءبىلىم اياسىن قالاي كەڭەيتۋ دەگەن سياقتىلار جونىندە، ۇستازىمىز ۇنەمى ءبىزدى تالقى جاساۋعا، ساباق تالقىلاۋعا، وقىتۋ جوسپارىن جازۋعا ۇيىمداستىرىپ، ءوزىنىڭ وقىتۋ تاجىريبەسى مەن ءادىس - امالىن بىزبەن قالتقىسىز بولىسەدى“. جاڭ چيانران 2017 - جىلى قىزمەتكە كەلگەن، ۋاڭ ليجۋاننىڭ 3 جىل قاداعالاپ جەتەكشىلىك ەتۋىمەن، قازىر ول وقىتۋ ىستەرىندە اعالاپ العا شىقتى. بىلتىر شينجياڭداعى تولىق ورتا مەكتەپ باسقىشىنداعى ماتەماتيكا وقىتۋ ”شىڭتاۋ ساۋىتى“ ساباقحانا جارىسىندا 1 - دارەجەلى سيلىققا يە بولدى.

  ”ماتەماتيكا ساباعى ءبىر سارىندىلاۋ، ءبىراق ۋاڭ مۇعالىم ساباقتى جەڭىل رايمەن وتەدى، ءار ۋاقىت ينتەرنەتتە كەڭىنەن تارالعان سوزدەردى قوسىپ سويلەيدى“. ۋاڭ ليجۋاننىڭ ساباعىن تىلگە العاندا، وقۋشى جاۋ مەيجيانىڭ جۇزىنەن شاتتىق لەبى ەستى.

  ساباق قىزعىلىقتى بولۋ، وقۋشى قىزىعا ۇيرەنۋ ءۇشىن كوپ كۇش جۇمسايتىن ۋاڭ ليجۋان كەيدە ءبىر ساعاتتىق ساباققا ءبىر اپتادان ارتىق دايىندالاتىن. ”وقۋشىلاردا پارىق بولاتىندىقتان، وقىتۋ جوباسىن ءاربىر بۋىنعا دەيىن جىنتىكتەۋگە تۋرا كەلەدى“، - دەيدى ول.

  ساباقحانادا وقۋشىلارعا ۇنەمى ”ءبىر ەسەپ شىعارۋدى ۇيرەنسەڭ، سول تۇردەگى ەسەپتەردى دە شىعارا الاسىڭ“ دەيتىن ۋاڭ ليجۋان ماسەلەنىڭ تاساسىنداعى ”جولى مەن ءتاسىلىن“ تاۋىپ، ماتەماتيكالىق ادىسپەن وي جۇگىرتۋدى، تالداۋ جاساۋدى جانە ماسەلەنى شەشۋدى ۇيرەنۋدى دە ەسكەرتىپ وتىراتىن.

  اۋەلگى ماقساتتى ۇمىتپاي، شەبەرلىكپەن وقىتتى. ۋاڭ ليجۋان 15 جىلدىق وقىتۋ بارىسىندا، تالاي - تالاي ”مەرەيلى ساتتەردى“ قارسى الدى. − شينجياڭداعى تۇڭعىش كەزەكتى ماتەماتيكا ءپانى بويىنشا انگلياعا ساپارلاعان وقىمىستى، ”كاشيوۋ ساۋىتى“ 4 - كەزەكتى مەملەكەتتىك ورتا مەكتەپ جاس ماتەماتيكا وقىتۋشىلارى ۇزدىك ساباعى بويىنشا 1 - دارەجەلى سيلىقتىڭ يەگەرى، ول تاعى ىلگەرىندى - كەيىندى اۆتونوميالى رايوندىق ”وقىتۋ شەبەرى“، ءۇرىمجى قالالىق ”ۇزدىك جاس وقىتۋشى“ قاتارلى اتاقتارعا يە بولدى.ءمورال ارقىلى نارلەندىرۋ

  «بىردە - ءبىرىن قاعىس قالدىرۋعا بولمايدى» − ۋاڭ ليجۋان ەڭ جاقسى كورەتىن فيلمدەردىڭ ءبىرى ءارى ونىڭ ءبىر بالانى دا قاعىس تاستاماۋ ۋادەسى.

  3 جىلدىڭ الدىندا ەلنار دەگەن وقۋشىنىڭ العاش وقۋعا تۇسكەندەگى جىلدىقتار بويىنشا ساباق ناتيجەسى ارتتا بولاتىن. تولىق ورتانىڭ 2 - جىلدىعىنا شىققاندا، ۋاڭ ليجۋان وعان كلاس جەتەكشىسى بولدى. ءبىر جولى ساباقحانادا اڭگىمەلەسكەندە، ەلنار ءوزىنىڭ جوعارى مەكتەپ نىساناسىن ايتىپ قالادى. ”ول كەزدە ايتەۋ ايتا سالعانمىن، ءبىراق، ۋاڭ مۇعالىم مەنى بارىنشا شابىتتاندىردى، سودان باستاپ، سول باعىتقا قاراي ىشتەي قۇلشىندىم“، - دەدى ەلنار.

  2 جىل قاجىرلىلىقپەن قۇلشىنا ۇيرەنۋدىڭ ارقاسىندا ەلنار بەيجيڭ داشۋەسىنە قابىلداندى. ”مەن ماتەماتيكانى جاقسى كورەمىن، كەلەشەكتە ۋاڭ مۇعالىم سەكىلدى وسى سالادا ۇلەس قوسسام دەيمىن“، - دەدى ەلنار.

  تاربيە دەگەن نە؟ ۋاڭ ليجۋاننىڭ نازارىندا تاربيە قورجىندى تولتىرۋ ەمەس، قايتا شىراق جاعۋ. وقۋ - اعارتۋ الدىمەن ”تاربيەلەۋ“ سوڭىنان ”وقىتۋ“ سانالادى ەكەن.

  كلاس جەتەكشى رەتىندە، ۋاڭ ليجۋان ءاربىر كەزەكتەگى وقۋشىلارىنىڭ ەرەكشەلىگىنە ساي، ولارمەن 3 جىلدىق ەسەيۋ جوسپارىن جانە ومىرلىك دامۋ جوباسىن جاساپ الادى. ۇيرەنۋدەن تىس كەزدە، وقۋشىلاردى كۋرجەكتەرگە، وقۋشىلار ۇيىمىنا قاتىناسۋعا جەتەلەپ، مەكتەپ باسقارۋعا ات سالىستىردى؛ وقۋشىلاردى باستاپ الەۋمەتتىك اۋماق، كاسپورىن قاتارلىلاردى ارالاتىپ، سەزىنۋ بارىسىندا ەسەيتتى. وسى ادىستەر وقۋشىلاردىڭ تارتىپشەڭدىك تانىمىن جەتىلدىرىپ، ۇيرەنۋ نىساناسىن ايقىنداپ، قۇلشىنا العا باستىردى. ۋاڭ ليجۋان «كىتاپتى كوپ وقىپ، كوڭىلدى ءجۇرۋ»، «7 بالاما ارنايمىن» قاتارلى ءبىرقانشا ءمورال تاربيەسى ديسسەرتاتسياسىن جازدى، ونىڭ ادام تاربيەلەۋ ۇستانىمى شينجياڭ شىفان داشۋەسى جاعىنان ۇلگى رەتىندە كورسەتىلىپ، جالپىلاستىرىلدى.

  ادام تاربيەلەۋ جولىندا ۋاڭ ليجۋان ونەگە كورسەتىپ ادام تاربيەلەۋ اۋەلگى ماقساتىنان اينىماي، سۇيىسپەنشىلىك ارقىلى ادام تاربيەلەپ، گۇلدەردى قاۋاشاق اشتىرا بەرمەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار