ولشەم جۇيەسىنىڭ سانى مەن ساپاسى تەڭ جوعارىلادى
2020.12.28 10:16 كەلۋ قاينارى : شينجياڭ گازەتى
ولشەم ساپانى بەلگىلەيدى، ولشەم قانداي بولسا، ساپا دا سونداي بولادى. ”13 - بەسجىلدىقتان“ بەرى اۆتونوميالى رايون جاڭا دامۋ ۇستانىمىنا تاباندى بولىپ، ولشەمدەنۋدىڭ ساپانىڭ جوعارىلاۋىن جەبەۋدەگى نەگىزدىك، جەتەكشىلىك، ستراتەگيالىق رولىن تولىق ساۋلەلەندىرىپ، عىلميلانعان، جۇيەلىلەنگەن ولشەم جۇيەسىن جان - جاقتى ورناتىپ، رايونىمىز ەكونوميكاسىنىڭ، قوعامىنىڭ جوعارى ساپالى دامۋىندا بەلسەندى ىلگەرىلەتۋ رولىن اتقاردى.ولشەم جۇيەسى ۇزدىكسىز كەمەلدەندى
”13 - بەسجىلدىقتان“ بەرى رايونىمىز ولشەمدەندىرۋ ستراتەگياسىن بۇلجىماي اتقارىپ، ىلگەرىندى - كەيىندى «اۆتونوميالى رايوننىڭ ولشەمدەندىرۋ جۇيەسى قۇرىلىسىن دامىتۋ جوباسى (2016 − 2020 جىل)»، «اۆتونوميالى رايوننىڭ جابدىق جاساۋ كاسىبىن ولشەمدەندىرۋ جانە ساپانى جوعارىلاتۋ جوباسىن (2016 − 2020 جىل) اتقارۋ جوباسى»، «اۆتونوميالى رايوننىڭ تۇتىنۋ بۇيىمدارى ولشەمىن تياناقتاندىرۋ جانە ساپانى جوعارىلاتۋ جوباسىن (2016 − 2020 جىل) اتقارۋ پىكىرى»، ت. ب جاساپ جاريالاپ، ”13 - بەسجىلدىقتاعى“ ولشەمدەندىرىپ دامىتۋ ستراتەگياسىنداعى ءتۇيىندى مىندەتتەر مەن نىسانالاردى ايقىندادى. ءارقايسى سالاداعى ولشەمدەندىرۋ قىزمەتى بارىسىندا اۋىل شارۋاشىلىعى، ونەركاسىپ، قىزمەت وتەۋ كاسىبى جانە قوعامدىق باسقارۋ سياقتى قاتىستى تاراۋلار بىرگە ارەكەتتەنۋدى كۇشەيتىپ، ولشەمدەندىرۋ ارقىلى جونگە سالۋ تاسىلىندە، ءوندىرىس تاسىلىندە، تۇرمىس تاسىلىندە بۇرىلىس جاساۋدى ىلگەرىلەتىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋعا ستراتەگيالىق تىرەك ازىرلەدى.
5 جىلدان بەرى اۋىل شارۋاشىلىعى، جاساۋ كاسىبى، قوعامدىق جونگە سالۋ، ەنەرگيا ۇنەمدەپ ورتانى قورعاۋ سياقتى ءتۇيىندى سالالاردا شينجياڭ اۆتونوميالى رايوننىڭ جەرگىلىكتى ولشەمىنەن 463 ءتۇردى جاريالادى. قازىرگە دەيىن اۆتونوميالى رايوننىڭ جەرگىلىكتى ولشەمىنىڭ جالپى سانى 1712 تۇرگە جەتىپ، ۇيىم ولشەمىنەن 186 ءتۇرى جاريالاندى، 3547 كاسىپورىن ونىمدەر ولشەمىنەن 14 مىڭ 25 ءتۇرىن وزدەرى اشىق مالىمدەمە ارقىلى جاريالادى، جەرگىلىكتى ولشەم جۇيەسى كۇن سايىن كەمەلدەنىپ، عىلىم - تەحنيكا جەتىستىكتەرى ولشەمىنىڭ كادەگە جاراۋ مولشەرى ۇزدىكسىز جوعارىلادى.
”13 - بەسجىلدىق“ مەزگىلىندە بازار تۇلعاسىنىڭ ولشەمدەندىرۋ قىزمەتىندەگى رولى اناعۇرلىم كورنەكتىلەنىپ، ۇيىم ولشەمىنىڭ زاڭدىق ورنى تىڭنان تۇراقتاندىرىلىپ، تەحنيكادا جاڭالىق اشۋدا بەلسەندى، بازار سۇرانىسى كۇشتى سالالاردىڭ ولشەمگە دەگەن قاجەتى اناعۇرلىم جاقسى قاناعاتتاندىرىلدى. قازىرگە دەيىن بۇكىل رايوننىڭ جەر - جەرىنەن 34 قوعامدىق ۇيىم بۇكىل ەلدەگى تۇعىرلاردا ۇيىم ولشەمىنەن 186 ءتۇرىن جاريالادى. كەيبىر ۇيىم ولشەمدەرىن كاسىپورىندار قاتىستى بازارعا كىرۋگە رۇقسات ەتۋدى راسىمدەۋ جانە ساۋدا ەسەبىن جابۋدا قولداندى.كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋىن جەبەدى
سونىمەن بىرگە، ولشەمدەندىرۋدىڭ عىلىم - تەحنيكادا جاڭالىق اشۋمەن، كاسىپ سالاسىن دامىتۋمەن ۇشتاسۋى اناعۇرلىم جيىلەي ءتۇستى. ”13 - بەسجىلدىقتان“ بەرى رايونىمىز ولشەمدەندىرۋ ستراتەگياسىن كاسىپ سالاسىن دامىتۋ ساياساتى ارقىلى سۇيەمەلدەۋگە ەنگىزىپ، ولشەمنىڭ دارەجەسىن جوعارىلاتۋ ارقىلى كاسىپ سالاسىنىڭ تيبىن جاڭالاپ، دارەجەسىن وسىرۋىنە، ساپاسىن جوعارىلاتىپ، ونىمدىلىگىن ارتتىرۋىنا جەتەكشىلىك ەتتى.
بيىل رايونىمىزدا كورلا المۇرتى، تۇرپان مەيىزى سياقتى 6 جاعراپيالىق بەلگى جۇڭگو - ەۆروپا جاعراپيالىق بەلگىلەرىن قورعاۋ تىزىمدىگىنە ەنگىزىلىپ، ەۆروپا وداعىنىڭ جوعارى دەڭگەيدەگى قورعاۋىنا يە بولدى. ”جاقىنعى جىلداردان بەرى اۆتونوميالى رايون وسى زامانعى اۋىل شارۋاشىلىعىن ولشەمدەندىرۋ قۇرىلىسىن ۇزدىكسىز كۇشەيتىپ، ەرەكشەلىگى كورنەكتى، باسەكەلىك قۋاتى كۇشتى تانىمال اۋىل شارۋاشىلىعى ساپالى ماركالارىنان ءبىر توبىن جەتىلدىرىپ، وڭىرلىك ەرەكشەلىكتەگى ەكونوميكانىڭ جوعارى ساپالى دامۋىن پارمەندى ىلگەرىلەتتى“، - دەدى اۆتونوميالى رايوندىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى مامەتجان ابلا.
قازىرگە دەيىن اۆتونوميالى رايون ەگىمشىلىك، مال، ءۇي قۇستارى باعىمشىلىعى، سۋ ونىمدەرى باعىمشىلىعى، جەمىس ورمانى، اۋىل شارۋاشىلىعى كليماتى، اۋىل شارۋاشىلىعى ماشينالارى، اۋىل شارۋاشىلىعى ونىمدەرىن وڭدەۋ، جاعراپيالىق بەلگى ونىمدەرى سياقتى جاقتاردا 1390 ءتۇرلى جەرگىلىكتى ولشەمدى جاساپ جاريالاپ، ايگىلى ماركا ستراتەگياسىن اتقارۋدى جانە اۋىل شارۋاشىلىعى ونىمدەرىنىڭ ساپاسىن جوعارىلاتۋدى پارمەندى جەبەدى.
2018 - جىلى اۆتونوميالى رايون ”100 قالا، 1000 كاسىپ، 10 مىڭ كاسىپورىننىڭ ولشەمگە تۋرالانۋ، ولشەمگە جەتۋ، دارەجەسىن جوعارىلاتۋ“ ارناۋلى ارەكەتىن جۇرگىزىپ، كاسىپورىندار ولشەمىندە ”جەتەكشى بولۋ“ ءتۇزىمىن اتقاردى، كوپتەگەن كاسىپورىن ولشەمدى جاساۋشى، كاسىپ سالاسىنداعى جەتەكشى بولۋعا باسەكەلەسىپ، كاسىپ سالاسىنىڭ سويلەۋ ۇقىعىن نىعايتتى.
قازىر رايونىمىزدىڭ ەرەكشە، ابزال كاسىپ سالاسىندا كاسىپورىن ولشەمىنىڭ ءبىر توپ ”جەتەكشىسى“ قالىپتاستى. جەل ەلەكتر، ەلەكتر جەتكىزۋ - كەرنەۋ اۋىستىرۋ سياقتى سالالاردا رايونىمىزداعى سەركە كاسىپورىندار حالىقارالىق ولشەمدەندىرۋ قيمىلدارىنا بەلسەنە قاتىناستى.
”بيىل مەملەكەت دارىپتەپ وتىرعان تازا ەنەرگيا، ەرەكشە جوعارى كەرنەۋ جابدىقتارىن جاساۋ، ءىرى تۇرپاتتى نەگىزدىك قۇرىلىس سياقتى سالالاردا ەرەكشە ترانسفورماتور شەكتى جارنا سەرىكتەستىگى مەملەكەتتىك، كاسىپ سالاسىندىق 100دەن استام ولشەمنىڭ العاشقى جوباسىن جازدى نەمەسە جاساۋعا قاتىناستى. ولشەمدى بەلگىلەۋگە بەلسەنە ات سالىسۋ بارىسىندا كاسىپورىندار ۇجىمدىق جاڭالىق اشۋ جانە ءوز كۇشىنە سۇيەنىپ زەرتتەۋ - اشۋ قابىلەتىن جوعارىلاتىپ قانا قالماي، ونىمدەر ساپاسىنىڭ وندىرىستەگى، جاساۋداعى، مەڭگەرۋدەگى دەڭگەيىن دە جوعارىلاتىپ، كاسىپورىننىڭ بازار اشۋ، ۇزاق بولاشاقتىق اقاۋسىز دامۋى ءۇشىن بەرىك نەگىز قالادى“، - دەدى ەرەكشە ترانسفورماتور شەكتى جارنا سەرىكتەستىگى شينجياڭ سىم - كابەل زاۆودىنىڭ ورىنباسار باس ينجەنەرى ليان حۇي.
قازىرگە دەيىن تۇتاس رايوندا تەحنيكادا ولشەمگە تۋرالانۋ جوباسىنان 50 ءتۇرى جاريالاندى، 327 كاسىپورىن ولشەمگە تۋرالانۋ ناتيجەسىنەن 487 ءتۇرىن جاريالادى، تەحنيكادا ولشەمگە تۋرالانۋ بويىنشا حالىقارالىق ولشەمدەگى نەگىزگى تەحنيكالىق كورسەتكىشتەن ۇستەم تۇراتىن 100 نەشە ءتۇرلى ءونىم بار. اقسۋ ايماعىندا 229 كاسىپورىن ولشەمگە تۋرالانۋعا، ولشەمگە جەتۋگە قاتىناسىپ، بۇكىل ەل بويىنشا 21 - ورىنعا شىقتى.ءارقايسى سالانى جاپپاي قامتۋدى جۇزەگە اسىردى
ولشەمدەندىرۋدىڭ سانى مەن ساپاسى زور مولشەردە جوعارىلادى، دارىندىلار قوسىنى قۇرىلىسى ۇزدىكسىز زورايدى، بۇكىل قوعامنىڭ ولشەمدەندىرۋ تانىمى ۇزدىكسىز جوعارىلادى... ”13 - بەسجىلدىقتان“ بەرى رايونىمىزدىڭ ولشەمدەندىرۋ جۇيەسى اۋىل شارۋاشىلىعى، ونەركاسىپ، قىزمەت وتەۋ كاسىبى، سونداي - اق قوعامدىق ىستەردىڭ ءارقايسى سالالارىن جاپپاي قامتۋدى جۇزەگە اسىردى.
قوعامدىق جونگە سالۋ جاعىندا اۆتونوميالى رايون الەۋمەتتىك حاۋىپسىزدىك، حالىق ىستەرى قىزمەتى، قوعامدىق قامسىزداندىرۋ، اكىمشىلىك قىزمەت وتەۋ سياقتى سالالاردا ولشەمدەندىرۋ قۇرىلىسىن تەزدەتىپ، حالىق تۇرمىسىن جاقسارتۋدى ۇزدىكسىز جەبەدى. 2016 - جىلدان بەرى بۇكىل رايونداعى 10 نەشە ايماقتا (وبلىس، قالا) ۇيلەنۋدى تىركەۋگە الۋ، الەۋمەتتىك اۋماق، زەينەتكەرلىك، جەرلەۋ، قۇتقارۋ - كومەكتەسۋ، بالالارعا قامقورلىق قاتارلىلاردا مەملەكەت دارەجەلى ولشەمدەندىرىلگەن سىناق ءتۇيىنى قۇرىلىسى ورىستەتىلدى؛ اۆتونوميالى رايوندىق قوعامدىق قامسىزداندىرۋدى ولشەمدەندىرۋ تەحنيكاسى كوميتەتى قۇرىلدى. تۇتاس رايونداعى 4 ايماقتا (وبلىس، قالا) مەملەكەت دارەجەلى قوعامدىق قامتاماسىزداندىرۋ قىزمەت وتەۋى ۋنيۆەرسال ولشەمدەندىرۋ سىناق ءتۇيىنى ورىستەتىلىپ، 7 ايماق، اۋداننىڭ مەملەكەتتىڭ قوعامدىق قامسىزداندىرۋ ىستەرىن ولشەمدەندىرۋى الدىمەن اتقارىلاتىن قالا قۇرۋ ءوتىنىشى بەكىتىلدى؛ اۆتونوميالى رايوننىڭ اكىمشىلىك ىستەر رەفورماسىندا ”ەڭ كوپ بولعاندا ءبىر رەت بارۋدىڭ“ جەلىلەس جەرگىلىكتى ولشەمدەرىن زەرتتەپ جاساۋ قىزمەتى ىلگەرىلەتىلىپ، «اكىمشىلىك ىستەر قىزمەت وتەۋى ”ەڭ كوپ بولعاندا ءبىر رەت بارۋ“ قىزمەت ولشەمىنىڭ» 3 ءتۇرلى ولشەمى جاريالانىپ، اۆتونوميالى رايوننىڭ اكىمشىلىك قاراپ بەكىتۋ ءتۇزىمى رەفورماسى قىزمەتىنىڭ تەرەڭدەي دامۋى پارمەندى ىلگەرىلەتىلدى.
ەكولوگيالىق قورشاعان ورتانى قورعاۋ جاعىندا اۆتونوميالى رايون ەنەرگيانى ۇنەمدەپ، ىعىستىرىپ شىعارۋدى ازايتۋ جانە ەكولوگيالىق ورتا ولشەمدەندىرۋ قۇرىلىسى تەبىنىن ارتتىرىپ، «جانار گاز قازانىنىڭ قاناتتاس قابىرعاسىنان شىققان ءتۇتىن گازىنىڭ قالدىق جىلۋىن جيناپ پايدالانۋ تەحنيكاسى ولشەمى» سياقتى ەنەرگيا ۇنەمدەۋ سالاسىنداعى جەرگىلىكتى ولشەمنەن 16 ءتۇرىن جاساپ، جاريالاپ، «جانار گاز قازانى ءتۇتىن گازىنىڭ قايتا اينالىسىندا اممياكتى تومەندەتۋ تەحنيكاسى ولشەمى»، «ونەركاسىپ ماتەريالدارىنىڭ ۇيىلگەن جەرىندەگى شاڭ - توزاڭداردى جونگە سالۋ ولشەمى» قاتارلى اۆتونوميالى رايوننىڭ جاسىل، ەكولوگيالىق حاۋىپسىزدىكپەن قاتىستى جەرگىلىكتى ولشەمدەرىن جاريالاپ، ولشەمدەندىرۋ ارقىلى جاسىل، تومەن كومىرتەكتى دامۋعا تىرەك بولدى.
”’14 - بەسجىلدىق‘ مەزگىلىندە ەكونوميكالىق، قوعامدىق دامۋ جوعارى ساپالى دامۋدى ىلگەرىلەتۋدى نەگىزگى تاقىرىپ ەتەدى، ءبىز جەرگىلىكتى ولشەمدەندىرۋ جۇيەسىن ۇزدىكسىز اقاۋسىزداندىرىپ، اۋىل - قىستاقتى گۇلدەندىرۋ، كەدەيلەردى دالمە - ءدال سۇيەمەلدەۋ، ەكولوگيالىق ورتانى قورعاۋ، ساياحات قىزمەت وتەۋى سياقتى سالالاردا ولشەمدەندىرۋ قۇرىلىسىن مىقتاپ يگەرىپ، نان كاسىبى، ءجۇزىم اراعى كاسىبى سياقتى شينجياڭ ەكونوميكاسىن دامىتۋداعى ءتۇيىندى سالالاردا ولشەمدەندىرۋ جۇيەسى قۇرىلىسىن ءتۇيىندى جاقسى ىستەپ، ەكونوميكانىڭ جوعارى ساپالى دامۋىن جەبەيمىز“، - دەدى مامەتجان ابلا.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
