سۋىق تىزبەكتى ازىق - تۇلىكتەردى تاڭداپ ساتىپ العاندا، ءبىر جاقتى ەتكەندە مىنا ماسەلەلەرگە كوڭىل ءبولۋ كەرەك
2020.12.28 10:17 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 12 - ايدىڭ 24 - كۇنى ۇرىمجىدەن حابارلايدى. تاياۋ ۋاقىتتا ەل ىشىندە يمپورت ەتىلگەن سۋىق تىزبەكتى ازىق - تۇلىكتەرمەن قاتىستى بىرنەشە ىندەت بايقالدى. قالا تۇرعىندارى سۋىق تىزبەكتى ازىق - تۇلىكتەردى تاڭداپ ساتىپ العاندا جانە ءبىر جاقتى ەتكەندە نەلەرگە كوڭىل بولۋ كەرەك؟ ءۇرىمجى قالالىق اۋرۋدان ساقتانۋ - تىزگىندەۋ ورتالىعىنىڭ ماماندارى مىناداي ۇسىنىس ايتتى: ازىق - تۇلىك ساتىپ العاندا ماسكى تاعۋ جانە قولعاپ كيۋ؛ ۇيدە ازىق - تۇلىكتى ءبىر جاقتى ەتكەندە تازالاۋعا باسا ءمان بەرۋ، شيكى مەن پىسقانىن ايىرۋ، ابدەن قاقتاۋ، تولىق پىسىرۋ، ازىق - تۇلىكتىڭ حاۋىپسىزدىك تەمپەراتۋراسىن ساقتاۋ، حاۋىپسىز سۋدان جانە شيكىزاتتان پايدالانۋ كەرەك.
ءۇرىمجى قالالىق اۋرۋدان ساقتانۋ - تىزگىندەۋ ورتالىعى الەۋمەتتىك دەنساۋلىق ساقتاۋ ءبولىمىنىڭ ورىنباسار باستىعى ياڭ حاۋفىڭ بىلاي دەپ تانىستىردى: تۇتىنۋشىلار توڭازىتىلعان نەمەسە سۋىق كۇيىندە ساقتالعان ازىق - تۇلىكتەردى جۇيەلى ەرەن بازاردان نەمەسە بازاردان ساتىپ الۋ كەرەك، سونداي - اق ازىق - تۇلىكتىڭ وندىرىلگەن جەرى، كەلۋ قاينارى، وندىرىلگەن ۋاقىتى، ساقتاۋ مەرزىمى، ساقتالۋ شارت - جاعدايى، ازىق - تۇلىكتى كارانتيندەۋ سياقتى قاتىستى ينفورماتسيالارعا ءمان بەرىپ، كەلۋ قاينارى ينفورماتسياسى ايقىن بولماعان سۋىق تىزبەكتى ازىق - تۇلىكتەردى ساتىپ الماۋ كەرەك.
ياڭ حاۋفىڭ بىلاي دەپ ەسكەرتۋ جاسادى: كومەسكى حاۋىپ - قاتەرلەردەن ساقتانۋ ءۇشىن، قالا تۇرعىندارى سۋىق تىزبەكتى ازىق - تۇلىكتەرمەن تىكەلەي جۇعىسۋدان ساقتانۋ كەرەك، ازىق - تۇلىك قىسقىشىن ىستەتۋىنە، ءبىر رەت پايدالاناتىن قولعاپ نەمەسە ءبىر رەت پايدالاناتىن سۋلياۋ قالتا كيىپ تاڭداۋىنا بولادى. زات ساتىپ العان كەزدە جەكەلىك قورعانۋدى ويداعىداي ىستەپ، ماسكىنى دۇرىس تاعۋ، زات ساتىپ العاننان كەيىن سابىنمەن نەمەسە قول جۋۋ سۇيىقتىعىمەن قولدى دەر كەزىندە تازالاپ جۋۋ، قولدى جۋماي جاتىپ اۋىز، مۇرىن، كوز سياقتى ورىنداردى ۇستاماۋ كەرەك. زات سالىپ العان كەزدە ءيىن تىرەسۋدەن ساقتانىپ، باسقا ادامدارمەن ءبىر مەتردىڭ ۇستىندە ارالىق ساقتاۋ كەرەك. ەلەكتروندى ساۋدا سياقتى ارنالارمەن زات ساتىپ العاندا سىرتقى قورابىن زارارسىزداندىرىپ ءبىر جاقتى ەتۋ كەرەك.
سۋىق تىزبەكتى ازىق - تۇلىكتەردى ساتىپ الىپ ۇيگە كەلگەننەن كەيىن، قالاي ءبىر جاقتى ەتۋ كەرەك؟ ياڭ حاۋفىڭ بىلاي دەپ ۇسىنىس بەردى: ازىق - تۇلىكتىڭ سىرتقى قورابىن ％75تىك سپيرتپەن زارارسىزداندىرۋعا بولادى، بولەك، جابىق قوراپتا ساقتاۋ كەرەك، تۋراعاندا شيكى مەن پىسقاندى ايىرۋعا ءمان بەرۋ كەرەك. ازىق - تۇلىك پەن قوراپتى ءبىر جاقتى ەتۋ (اسىرەسە، ىندەت قاتەرى جوعارى وڭىرلەردەن كەلگەن سۋىق تىزبەكتى سۋ ونىمدەرى، ەت تەكتەس سياقتىلار) بارىسىندا قولدى ءجيى جۋىپ، تازا بولماعان قولمەن اۋىزدى، كوزدى، مۇرىندى ۇستاۋدان ساقتانۋ كەرەك. ازىق - تۇلىكتى مانەرلەۋدىڭ الدىندا مۇقيات جۋۋ كەرەك، الايدا شۇمەكتىڭ استىنا قويىپ تىكە جۋۋعا بولمايدى، شاشىراپ، توگىلىپ لاستاۋدان ساقتانۋ كەرەك (تەگەنەگە سالىپ جۋۋعا بولادى).
ول تاعى بىلاي دەپ ەسكەرتۋ جاسادى: تاماق پىسىرۋ بارىسىندا ۇستەل ءۇستىن جانە ىدىس - اياقتاردى دەر كەزىندە جۋۋ، زارارسىزداندىرۋ كەرەك، جىلىتۋ، بۋعا قايناتۋ ءونىمدى زارارسىزداندىرۋ ءادىسى؛ ازىق - تۇلىكتەردى ساقتايتىن جانە ءبىر جاقتى ەتەتىن ىدىس - اياقتى، پىشاقتى، اس تاقتايدى ىستەتكەندە، ءسوز جوق، شيكى مەن پىسقاندى ايىرۋ، اسىرەسە، شيكى ەت، شيكى سۋ ونىمدەرى سياقتى ازىق - تۇلىكتەردى ءبىر جاقتى ەتكەندە ارالاسپالى لاستانۋدان ساقتانۋ؛ ازىق - تۇلىكتەردى پىسقاننان كەيىن تۇتىنۋ كەرەك، شيكى جەۋدەن، تولىق پىسىرماي جەۋدەن مۇمكىندىكتىڭ بارىنشا ساقتانۋ؛ ازىق - تۇلىك قالدىقتارىن دەر كەزىندە جيناۋ ءارى بولەك قوقىر - قوقسىق دورباسىنا سالىپ، دەر كەزىندە تازالاۋ كەرەك. مۇنان سىرت، سۋىق تىزبەكتى ازىق - تۇلىكتەردى توڭازىتقىشتىڭ مۇزداتۋ ورنىنا ساقتاۋ كەرەك، ساقتاۋ ۋاقىتى وتە ۇزاق بولسا بولمايدى، پىسقان تاعامدارمەن قابات - قاباتقا ءبولىپ ساقتاۋعا كوڭىل ءبولۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
